怡和園

之前喺朋友Gathering食到呢間蛋糕店嘅曲奇焦糖慕絲蛋糕,味道好特別,所以自己買1 磅庄慶祝同事生日.

雖然呢間蛋糕店喺工業大廈內,但門面同入面都裝修得幾靚,白雪雪,好有聖誕氣氛.

門口

個蛋糕盒都幾靚.

靚靚蛋糕盒

到主角曲奇焦糖慕絲蛋糕出場,蛋糕正價係$220一磅,親自提取9折,即$198.

首先個蛋糕有金箔裝飾,好貴氣
個餅底係Oreo餅做,焦糖慕絲好香甜,好滑,唔算"漏",中間夾咗碎Oreo餅同朱古力蛋糕,整體上好夾.
我哋下午茶時間切咗5件食都ok.

曲奇焦糖慕絲蛋糕

雖然唔係地舖,但都值得去再試其他味道嘅蛋糕.