beibeimo的個人專頁

第一次去新開幕嘅Airsid決定試下啲新嘢見佢門口幾特別所以就揀左呢間嵐月呢間餐廳唔係一般中菜佢啲菜色都好新派好特別！我地食第一樣係前菜辣朱古力拌法國鴿胸呢道前菜好衝擊隻乳鴿燒到好香而且皮都好脆口，絕對值得一試！個辣朱古力醬都好特別但我中意原味多啲～之後係嵐月西班牙黑豚叉燒同老牌燒味鋪有得揮！火喉適中，肉質鮮嫩而且肥瘦均勻正！仙翁米雞湯浸菜苗吃過幾道濃郁嘅菜後，食返道清新嘅浸菜苗啲湯汁非常香滑真係汁都撈埋😋蔥油脆皮三黃雞雞肉非常之滑雞肉超滑再加上蒜同蔥油調味好好食！桔柚黑鱈魚非常出色一啲腥味都冇食落啖啖肉側邊有柚子味嘅泡泡食落好fresh松茸海膽越光米用左日本越光米再加上白松茸、海膽去燴啲飯粒粒分明同每粒都有汁所以非常香甜潤滑份量亦都剛剛好！奶油甜酒凍芭菲估唔到中餐有西式甜品😂朱古力雪糕仲要唔係一般超巿貨色口感軟硬適中唔會太綿杯芭菲仲有啲brownie同朱古力豆幾個口感加埋超正！…查看更多

疫情稍為好啲終於可以一家人出去食飯所以揀左間私房菜食呢間專食順德菜有好多功夫菜一嚟就叫左個湯暖下個胃先白菜豬肺湯就飲得多第一次飲加左杏汁嘅加左杏汁令到成碗湯滑左好多飲完感覺上真係好滋潤睇湯渣就知冇揸流攤，足料！之後呢個冷盤夠晒豪係冰鎮鮑魚拼青芥冰燒雞隻雞用手撕嘅方法烹調再加左脆炸芋頭絲同青瓜絲令到成道菜好有層次感然後冰鎮鮑魚配上佢特製微辣嘅醬汁好有鮮味然後到呢道鑲鑽黃金蝦先講用料，佢唔係用蝦滑而係用原隻蝦而且大大隻啖啖食佢用咸蛋黃漿炸再用麥皮鋪面令到成道菜冇咁油膩，抵讚！第一次食柚皮仲諗住一定苦點知原來炆到焾晒再索埋鮑魚汁好特別！鵝掌都係索晒鮑汁，非常入味應該炆左好耐之後到呢味秘製陳皮醬烤骨離遠已經聞到香味佢唔係得肉，而係有一層層嘅肥膏雖然好邪惡但配上甜甜地嘅醬汁忍唔住想食多舊！呢道普通嘅菜心加左啲金華火腿絲調味令到成件事清甜左解一解頭先食咁多嘅油膩感最後食返碗糯米飯，因為佢做到粒粒分明再加臘肉同蝦仁令口感再豐富啲今餐真係大滿足！…查看更多

原來想同微辣感受同一樣味道嘅香港都有！有睇開微辣嘅朋友仔應該會留意到一間經常贊助佢地拍節目嘅餐廳同撈同煲今日我就同朋友一齊試左佢地個港式邊爐鋪入面好多打卡位而且食物仲好有gimmick我地叫左個老港沙嗲窩超香花生味濃而不辣火窩料都好易入味牛柏葉無漂白嘅柏葉食得放心佢無張柏葉剪得碎碎反而係一大片落水後都維持到一定形狀方便好多而且唔會好韌魚皮餃肉饀好香豬頸肉個豬頸肉唔係片狀每三件用竹簽穿好豬頸肉唔會鞋就算淥耐左都好好味比肥牛更易處理五香肉丁魚丸呢個有特色魚丸彈牙食落有肉丁嘅香辣味新鮮感滿分！加蔥推薦嘅大杯飲品用大啤酒杯黎飲野先夠爽！食飽飽仲有甜品懷舊啫喱杯仲有最經典嘅紙傘即刻勾起唔少小時候嘅回憶🥰…查看更多

約左好朋友去食居酒屋揀左間樓上鋪想靜少少談下心估唔到幾有驚喜朋友發板叫左個刺身拼盤果然識食！今次有帆立貝，真鯛同左口魚我尤愛左口魚魚油豐富鮮味甘香🤤再來食多兩款火炙壽司火炙左口魚同火炙飛魚邊火炙過後魚油更是迸發入口久久不散非常非常美味👍馬友一夜干朋友介紹得唔會有錯！大鄉里嘅我仲以為係食魚乾但原來不然魚肉緊密多汁油脂與香氣俱備魚皮焦脆而且份量非常多當主食一流為左令鮮味一直持續朋友加點一道𩶘魚湯要我試下魚湯奶白入口鮮甜唔腥濃濃魚鮮滋味化不開多謝朋友仔聽我訴苦又陪我食好野希望快啲可以再一齊食飯☺️…查看更多

Baby話無同我食過be leaf咁今日放工就同佢一齊去試下我地揀左個前菜同兩個主菜share香煎八爪魚焗蕃薯意大利黑醋沙律呢個沙律唔係食沙律菜反而有好多唔同色蕃薯仔蕃茄幾特別個黑醋汁又好好味八爪魚都好軟熟香煎慢煮西班牙伊比利亞黑豚鞍配蜜桃牛油果莎莎將所有野堆砌一齊令人感覺好豐富！黑豚鞍幾好油香配上酸酸甜甜嘅莎莎同食可減油膩感旁邊金黃色嘅南瓜蓉又甜又香香煎虎蝦意式蕃茄芝士意大利飯大蝦有兩隻香煎過後好香口意大利飯係做到半熟感覺👍吃慣中式米飯嘅朋友要注意哦～我就覺得幾特別，幾有咬口飯後飲杯冰代替甜品Strawberry avocado smoothiePapaya mango smoothie士多啤梨果杯更香甜而我嘅papaya smoothie就fresh D🥰…查看更多

今日唔想食外賣所以決定出去堂食😂食中式野我地揀左優惠家庭餐(二人)先上左燉湯蟲草花燉湯飲落幾清甜而且都好足料！有雞腳食然後店家好好咁送左份土匪雞翼俾我地試土匪雞翼相當香脆而且夠熱全部係單骨雞翼簡單易食好味過原作😂😂椒鹽豬排豬排份量唔少兩個人食好足夠豬排鬆軟易食記得食豬排要食埋啲炸蒜粒粒又香又脆瑤柱肉鬆蒸蛋淋上豉油熟油嘅蒸蛋非常滑嫩簡單得黎超下飯而且個presentation超靚家常菜都可登大雅之堂哦～…查看更多

今晚想食台灣野同男朋友去工廈食哈豆鮮梅佐豬排滷肉飯豬排炸得酥香入口即化肉香滿滿沾少少話梅汁提鮮酸酸甜甜化去油膩三彩水餃湯麵用上牛肉湯湯底濃香湯底同比較淡味嘅水餃最配三彩水餃有粟米，韮菜同椰菜餃粟米餃最鮮甜！韮菜餃就最香黑糖芋芋鮮奶芋泥綿滑唔會起沙飲品甜度適中就算有黑糖都唔會過甜正！原來而家哈豆養左隻叫豆花嘅貓貓呀～超可愛！店員話假日佢會出來逛店仲可以摸㗎！見豆花好乾淨店員一定照顧得佢好好下次假日要黎探佢呀！臨走再加多個外賣團團牛奶花生但呢個甜品配搭都幾搞笑有一份黑松露薯片跟黑松露薯片味道唔錯嘅幾香脆牛奶花生芋圓牛奶香甜配上芋圓紫薯圓同南瓜圓飽肚又好味芋圓最出色食到芋頭肉，好香芋味👍👍…查看更多

而家抗疫留家想搵好食嘅外賣都有啲難度始終食物都係熱辣辣先好食所以今日我就揀左個沸騰套餐滾住食先有好味道㗎嘛！我喺網上下單可以慳左準備嘅時間因為沸騰窩係即製㗎大約要整15分鐘去拎嘅時候都好surprise因為佢俾埋個加熱器我仲有圍裙😂而沸騰窩包裝好嚴實！完全唔怕漏出湯汁沸騰二人豐盛套餐有沸騰牛肉一窩入面有旺菜、芽菜、金菇、萵荀薯仔片、蓮藕同厚餐肉當然仲有滑牛肉面層有新鮮辣椒紅油仲見到花椒粒同辣椒乾叫得沸騰窩真係會沸騰㗎喎！即使用加熱器都可以煮到非常熱熱度加上辣度非常刺激！食落唔算太辣食十小辣嘅我都食得到辣得好過癮唯一就係兩個飯太少了我地要另外加多個飯先夠滋味🤤🤤食完辣野想解辣就可以食佢個成都老冰粉滑溜又冰涼面頭有啲山楂片同提子乾微微酸甜正！…查看更多

今日又黎到後街搵食見到呢間cafe開住窗又有室外位感覺好chill同朋友仔入去試下呢度主打咖啡又有唔少手工啤我地要左兩個主食同兩杯朱古力嘆下一杯熱黑朱古力正常發揮唔會太甜一杯凍白朱古力呢杯有驚喜有朱古力嘅甜味但感覺奶香更多👍👍House 7oz beef burger呢個burger好得！咬落去勁爆肉汁性價比極高！配埋薯條好飽足！Homemade beef lasagna with house salad芝士好香千層麵唔會太濕都唔會有邊位太乾嘅情況沙律都好新鮮估唔到主打咖啡嘅cafe主食會咁出色👍…查看更多

今晚唔知食乜好搵下附近有咩新餐廳發現到呢間日西料理見到餐牌都幾多選擇所以就黎試下叫左個魯肉飯綜合關東煮日式咖哩豬扒飯同鹽酥雞魯肉飯跟左餐湯有野濕下口都唔錯！魯肉份量唔會太少仲有魯蛋添！關冬煮湯底鮮甜材料都豐富有幾款丸魚糕同獅子狗仲有蘿蔔粟米等等日式咖哩豬扒飯豬扒炸得夠香脆肉質軟嫩唔會鞋咖哩汁香濃好送飯唔夠汁仲可以請店員多添！鹽酥雞一口size相當酥脆雞肉保持到有肉汁非常唔錯！觀塘有咁多台灣料理呢間都幾高質！…查看更多

今日同媽媽下午茶喺附近食餃子呢間餃子店最近愈開愈多分店水準有返咁上下今日我食四川涼皮媽就食至尊松茸餃未有餃子食時店員都有好好咁介紹下叫我地可以食下每枱都有嘅醃蘿蔔開下胃先！四川涼皮調味好正好香好惹味食落會有麻嘅感覺但唔會太辣涼皮係煙韌果種好滑嫩～食晒都幾頂肚至尊松茸餃煎得香脆餃子脹卜卜饀料豐富仲可以配佢附送嘅松茸醬一齊食更加香松茸味我見食到辣辣地就叫埋佢個檸檬薏米水檸檬薏米水可以揀熱暖暖地好易入口味道唔會好酸但有檸檬嘅澀味好解辣！…查看更多

同好姊妹慶祝聖誕揀左間靚餐廳一齊fine dining一齊做公主我地揀左5-course tasting menu每人可以揀3款前菜有幾款都好特別又好味！西西里紅蝦雲吞用上中式雲吞皮皮薄饀靚切開見到大大粒肉球醬汁上有啲炸蝦腳可以增加口感得黎，好環保！香煎西班牙鴨肝鴨肝肥嫩外層煎得香脆外脆內軟實在係人間美味點少少烏梅醬可中和一下油膩感覺再食多一件我都可以呀！🤤🤤法國生蠔口感清爽蠔肉帶甜味配上日式洋蔥汁充滿和風感覺！麵食魷魚煙豬腩手造貓耳粉貓耳粉造型可愛口感彈牙蕃茄忌廉汁唔會太膩份量唔會太多仲可以有胃納食主菜！紐西蘭羊鞍開心果保雲酥外層香酥有果仁粒粒，充滿口感羊鞍唔羶粉嫩粉嫩的生熟度剛好完全唔會鞋好味！好姊妹都好滿意預先慶祝左聖誕節！…查看更多

之前見到foodie介紹過將軍澳嘅特色餐廳今晚就同爸媽一齊黎試試呢度裝修果然好靚連爸媽都忍唔住要打下卡📸打完卡就揀食乜樣樣都好似好有特色咁我地就試左侍應推薦嘅幾款菜式原隻大魷魚，混合香料，串燒魷魚燒得好香口但又好柔軟完全唔韌嫌唔夠辣味旁邊仲有辣椒粉可以再加漬鮑魚配申麵呢個係secret menu申麵食落似上海麵麵條粗身有口感好似<撈起>咁同配料拌勻黎食幾有特色！小火山豬肋骨感覺好大堆頭每件豬肋骨都好軟淋淋輕輕一撕已經可以將骨肉分離😂要將肉面嘅酸辣菜絲同食先可以食到個酸辣口感個辣味會慢慢滲出黎～🥵侍應介紹話佢地有個主廚只做甜品所以一定要試試佢嘅出品咁我地又叫左個斑蘭蛋糕賣相好精緻斑蘭蛋糕唔係我地食開嘅海綿蛋糕而係忌廉蛋糕忌廉食落唔會太甜幾輕盈面層有層西米配合到個熱帶風情旁邊仲有香甜芒果同柚子雪芭成個甜品都唔會膩幾好味！爸爸媽媽都好滿意呢餐特色餐仲讚我揀得好添！…查看更多

趁放假專誠帶狗狗試下依間寵物友善cafe喺香港好難揾到空間大同時又提供人同狗仔餐點嘅餐廳可以一齊影下相又食下野！因為係平日嘅晏晝黎到已經有幾檯帶住貓貓狗狗嘅客人午餐餐牌上有幾款選擇但朋友想試嘅菜式唔喺裡面所以我地點咗一個pesto shrimp pasta 同埋roast chicken另外要咗一杯immune booster juice 同埋一杯strawberry milkshake當然唔少得狗狗個份啦喺pet menu度點咗一個漢堡飽俾佢首先到嘅係野飲immune booster juice 有橙﹑檸檬同薑酸酸甜甜幾解渴其實無乜薑味㗎Strawberry milkshake 份量都十足！店員亦會趁我地等緊餐點嘅時候主動叫我地同狗狗出去影下相依度空間大又有唔少打卡位例如電單車同霓紅燈牆就算普通手機影都可以影得好靚等咗一陣pesto shrimp pasta同roast chicken都到咗喇上檯時仲熱辣辣pasta裡面有唔少蝦而且都幾大隻同有彈性roast chicken隻雞仲好大隻個薯蓉都唔錯！狗狗聞到有雞肉﹑牛肉﹑鱷魚肉同鱷魚粉嘅漢堡飽已經忍唔住想撲上檯食除咗紅蘿蔔同埋漢堡飽中間嘅果凍之外好快就食哂睇佢個樣就知好滿足啦！食完餐點之後其實都好飽但朋友想食甜品最後點咗件new york cheesecake份量都幾大件食落都幾有芝士味今日狗狗同我都玩得好開心啊！…查看更多

今日又去左京都勝牛食lunch佢呢度嘅lunch真係好抵食！雖然無牛，但$100已經食到炸豬扒set🤤🤤做午餐止下癮我已經好足夠炸豬扒依然都係金黃金黃豬扒唔會太厚～係一口食晒嘅厚度🤤外層超酥脆，但豬扒好軟嫩～好正～配上濃味噌汁好開胃！一轉眼已經食晒啲飯～呢個便當仲有個滑滑茶碗蒸同沙律沙律係椰菜細切～可以自己添麻醬勁健康而且一定夠飽！朋友仔揀左日式照燒雞便當雞皮微微香煎雞肉保持到滑嫩洋蔥都又淋又入味～我嘅紅豆宇治冰抹茶紅豆唔會太甜藍柑荔枝味有汽特飲雖然藍色，但唔係藥水味有荔枝肉食又夠汽！最尾我地加左兩款雪糕試試清酒豆腐雪糕有驚喜淡淡酒味雲尼拿就穩陣地好味！…查看更多