tom_like_eating's Profile

尖沙嘴山林道出名打邊爐大家都知，今日介紹一間高質的樓上(12樓)火鍋店，呢間餐廳食雞煲火鍋/特製湯底火鍋都好多選擇，值得推介！今次點咗「招牌螺片濃雞湯煲」😋奶白色的濃雞湯加了雜菌，好香甜但又唔搶食物的鮮味👍🏻「特級美國肥牛」賣相吸引，入口帶濃郁牛香。口感軟熟不痴牙，脂肪雖然不多但不怕「鞋口」，適合平時食牛怕肥淋淋的女性朋友！脆肉鯇片。新鮮又大片的脆肉鯇最啱打邊爐。雖然切得薄薄地，但碌熟咗仍然保持爽、脆口感，證明夠晒新鮮！冬季限定-冰菜。碌熟仍然好爽甜，以後打邊爐就不再限死點油麥菜啦😝老闆揀的菜好新鮮啊👍🏻「自創爆芝響鈴」好值得點！內面夾著芝士一碌就變流心芝，香濃程度去到頂點！😍醬油配料盒都算齊，乾淨整潔。…Read More

今個星期幫襯了荔枝角一間pizza店，質素好高而且性價比不錯，值得推介。雖然門面比較簡約，但係菜式絕不平凡。餐湯是西蘭花忌廉湯。味道濃郁且口感柔滑，愛西湯的食家們不可錯過。巴拿馬火腿熔岩芝士薯條。薯條粗幼適中，炸得外層香脆熱辣。淋上加入煎香的巴拿馬火腿的芝士醬，必須介紹給身邊芝士粉絲及薯條迷！雙層芝士煙肉牛肉手工薄餅（12 ’’）。薄餅底香脆但仍保留到薄餅厚而不膩的餅邊。中間順紋鋪滿煙肉和薄牛肉，帶少許鹹香。燒好的薄餅o即滿茄汁及沙律醬，酸、甜、鹹香充斥著口腔的味蕾。總括來說，晚市budget $200/人 想食得有水平，呢間pizza店絕對係一流選擇。…Read More

《用心經營的非一般茶記》係油塘幫襯了呢間旺記冰室，竟然有好高水平，絕非一般的冰室、茶餐廳級數，想係度推介一下呢間冰室水吧橫跨成間冰室，用餐時睇著師傅沖咖啡、奶茶幾得意！晚餐點了「爽口蝦仁日本滑蛋飯」。上枱好快，貫徹快靚正的冰室特色。呢碟飯貌似蝦仁係主角，食咗兩啖就知道，其實蛋先係整碟飯的靈魂所在！滑蛋用日本靚蛋炒至金黃色，介乎熟於半熟之間。入口滑溜無比。蛋汁濃郁，果然係精選過的進口蛋！蛋內包含了好多大大粒原隻蝦仁。蝦仁每隻都係男人手指公咁粗大，絕不欺場。蝦仁的口感爽口，不怕過熟。一啖蝦仁伴以一啖撈了金香蛋黃汁的白飯，滋味十足。滑蛋上面亦淋了特製的甜醬油，味道甜甜地不至於破壞滑蛋的原味。今次無試大大啖豬扒炒蛋印尼撈麵，賣相相當吸引，下次經過一定要試！…Read More

食咖喱點會唔提重慶大廈？！ORIGINAL CURRY KING (Chungking Mansions, very convenient location) is one of my favourite curry restaurant in HK! With high quality of food, comfortable environment, friendly services, I highly recommend this to all of you!呢間7E咖喱王的咖喱，味道正宗、份量適宜、環境舒服，而且侍應態度非常友善，係值得翻食+向大家推介的咖喱店:)前菜一碟'PAPADAMS' 威化胡椒餅。微辣好開胃。'BEEF KHYBER SPECIAL' 咖喱王牛腩特色，配'GARLIC NAAN' 蒜茸烤餅。牛腩份量好多而且大大粒，咖喱色香味俱全。內面的咖喱汁十分豐富，配料香而辣，絕不是普通連鎖快餐的速食咖喱可比蒜茸烤餅熱辣辣出爐，脹卜卜好吸引，拿上手軟得來卻好挺身。充滿蒜香的外層佈滿香蔥、蒜茸香。中間一層層好分明，烤餅師傅應該好花心機去炮製呢幾塊烤餅用手撕開點少少咖喱汁，烤餅吸收了汁後變得更加滋味無窮！食完香辣的咖喱梗係要飲返一杯凍飲止辣啦。呢杯係推介必飲的芒果乳酸'MANGO LASSI' 芒果味濃郁，甜酸的味道絕對將舌尖的味蕾重新釋放！…Read More

上星期四晚食過呢間越南菜餐廳，試咗2人餐，份量好多而去價錢吸引，最重要係味道都好好，值得推介生牛肉河粉。牛肉片薄得嚟唔怕太少太寡，味道濃郁。河粉亦好多，上枱時牛肉仲係粉紅色，浸泡多一陣就熟晒，時間控制得剛剛好。香茅豬扒金邊粉。豬扒滿滿的一碟，厚度足足一支筷子尾咁，而且香口嫩滑。重重的香茅味令人食指大動！伴碟的青檸及辣椒片亦都令湯底更加昇華。牛油雞翼。濃厚的牛油味包圍著雞翼，口腔內每一寸空間都充斥著爆香的蒜蓉及牛油的甘香味！雞翼好厚肉而且好有味，給我一碗粉或麵，簡直可以作一主菜食！越南春卷4件（小食）春卷炸得熱辣辣上枱。外皮鬆脆而內面仍保持多汁滋味。內面的陷數唔清楚，應該有蘿蔔、木耳、椰菜、豬肉、蝦肉、冬菇等等，多重的口感非常吸引！上湯生菜。…Read More

早幾日幫襯咗荃灣一間價錢大眾，食物質素一流的串燒居酒屋。午餐由豬牛雞至海鮮一應俱全，選擇頗多。門面的牆身貼滿各種日本酒的包裝貼紙，款式之多簡直猶如老闆既CV！目測有50-60張貼紙！未食已經對此店充滿信心。燒牛舌。厚厚既牛舌燒至內外都鬆軟多汁，火喉不錯。明太子雞翼。雞翼起骨再釀上明太子，少少辣不過應該男女老幼都容易接受。味道很好，用來做佐酒小食認真無得頂！黑豚五花腩。金黃的焦邊，帶點黑椒的香味，不算肥的五花腩軟滑多汁，好味！和牛露筍炒飯。炒飯每粒米都好飽滿，而且逐粒分明，和牛粒好嫩，唔會怕老。炒雜菜。總括來講，呢間小店好有日本特色，而且價錢好相宜，對於各位要求高的食家來說，此乃去荃灣應該嘗試的必嚐居酒屋！…Read More

上星期三食了奧海城二期的「金滿庭」，質素極高，令人印象深刻，今日有空於是寫下感受。「黃金燻蛋」燻蛋蛋白部分帶少的鹹味，蛋黃甜甜地帶少少甘香，而且係流心蛋，做得好岀色，一試難忘豆腐三文治第一次食。賣相吸引，好考師傅刀功，切得好薄，而且保留到外型，未食已經俾個讚肉面有三層一層係香蔥，配上少少油，好香口一層係肉鬆，另一層係炸菜全部都好夾，味道已經夠，唔洗醬汁黎到點可以唔試下最岀名既小籠包一籠有八個。皮薄肉質鮮甜肉汁保留得好好！上菜仲熱辣辣呢款叫 "和尚帶帽"但名好特別, 我估有二個原因第一，煎蛋放面好似頂帽第二，呢碟係素食，所以叫和尚個名好有意思，哈哈配上薄餅包住食。好有口感，味道不錯雲呑雞一向係我至愛，湯底鮮而不咸雞肉岀奇地嫩滑，雲呑爽口。份量都唔少配上娃娃菜。健康之選甜品點左 酒釀桂花丸子丸子用左細粒芝麻湯丸，好有誠意！味道好好冬天飲埋呢個燉雪梨夠哂滋潤養生…Read More

星期六係廣華街食咗一間成都風味既小店，小食如其名爆汗滿背，十分滋味，好值得推介俾食得辣既食客幫趁！首先一定要點一客「成都串串香」15串（5款）我揀了牛肉、千層肚、雞軟骨、海帶、魷魚，都係老闆推介的首先上台時浸泡係秘制的辣湯內面，陣陣麻辣香氣撲鼻，令人瞬間唾嚥欲滴！辣油中拿起肉串，牛肉厚得黎夠晒嫩、魷魚辣中更加突顯鮮味、雞軟骨夠厚身亦鬆脆、千層肚（牛百葉）爽口入味！整盆辣串串食到汗流浹背，超級爽啊！「宜賓鹹燒白麵」（五花腩）剛巧白麵賣晒，店主接受食火鍋粉（紅薯粉），果然好推介，火鍋粉爽口彈牙，五花腩肉薄薄地好入味，下面的梅菜好甘香！「成都滷豬手麵」、「香油碟」果然夠風味，香菜、豬手都配合得十分適合！「成都老冰粉」十分清甜，可以幫你解辣潤喉。上面鋪滿乾提子、糯米、酒糟、芝麻、山楂餅碎，好豐富的口感！飲品有王老吉、Asahi啤酒、烏梅汁...…Read More

早幾晚同朋友係旺角飯後食甜品，旨在搵個地方坐地繼續吹水。幫襯了呢間幾出名既甜品店。朋友食了呢款「拖肥果仁心太軟」。伴碟的仲有冧酒提子雪糕。朋友表示味道幾好，心太軟的流心醬好濃好香。我食的係「特濃朱古力慕絲」。慕絲係杯的底部，上面舖滿朱古力脆脆，然後一球朱古力雪糕，頂上面再加朱古力忌廉。呢味甜品簡直係為朱古力發燒友而設，啖啖都係朱古力，而且甜而不膩。雪糕不是廉價的家庭裝，是自製的，滑得來不會太硬。一口夾著雪糕、忌廉和慕絲，仲有脆脆，多重口感，正！…Read More

琴晚同老友係旺角黑布街食晚飯。知道一間係蘭桂坊幾出名的義大利餐廳係呢頭開分店，就去試下。感覺環境氣氛幾好，但食物就有少少失望。-Lasagna Alla Bolognese呢款好似千層麵的pasta，外面糝滿芝士碎，好香。不過口感麻麻，麵身太焾，而且內面的肉好似未煮熱，感覺不太良好🤧-Mediterranean Style Chicken集合烤雞柳、茄子、南瓜、青黃椒的地中海菜。味道淡淡地，好健康，中間的汁就少少酸，都算開胃既。呢度可以開酒暢懷一番，好適合放工後食飯吹水釋放壓力。…Read More

早幾日幫襯了一間位於旺角的日韓放題餐廳，魚生刺身、壽司、天婦羅、燒肉、炸物...應有盡有，仲有女士們最愛馬卡龍、Haagen Dazs , Movenpick及韓國特製雪條等等，一個價錢食勻日韓兩國的美食十分物超所值！2人份量的刺身拼盤。三文魚、帶子、鮑魚片都嫩滑鮮美。甜蝦、天使蝦、赤蝦份量十足，絕無欺場！每台限定的部隊鍋。材料豐富之餘，仲另上辛辣麵，讓客人想食的時候才開封，唔怕浸得耐變晒樣，夠貼心。放題連生蠔都有得食，無得輸！味道不錯，最重要係夠新鮮。食完海鮮，轉戰肉類。首先係厚燒牛脷。足足一支竹筷子般厚，味道亦十足。作為飯前小食一流。天婦羅蝦、蠔、芝士球、豆腐都十分出色。香口而不膩。黑松露帶子壽司，一啖啖咁食黑松露，已經值回票價啦！汽水吧之一。好多係日本進口汽水，正！特別推介，呢度有廂房，一班朋友歡聚晚飯，我極力推介呢度！P.S. 廚房上菜速度好高，刺身類不用5分鐘就有得食，抵讚！…Read More

小弟有幸竟然係尖沙嘴呢d鬧市中心發掘到一家飲茶免加一，但點心絕對媲美高級酒樓質素的餐廳，仲要營業到夜晚11點！絕對係無花無假的好推介！點心款式貴精不貴多，一d點心例如：「百花釀魚肚」「藥膳湯鳳爪」「芝心蝦春卷」等都係一般酒樓、中菜館搵唔到的，有心思抵讚！我見在場好多人點春卷，跟下風，竟然有意外發現。春卷炸得外脆內軟，春卷皮不厚，不怕搶走內面的餡的戲份。大廚用蝦膠伴以芝士作餡，食落好香口。百花釀魚肚-百花指蝦滑，上面灑了蟹籽，舖在魚肚上蒸熟。在蒸籠內，鮮甜的精華被魚肚逐一吸收，有心思。逸翠鮮蝦餃，隔著餃皮都隱約見到隻蝦的位置！原隻鮮蝦係賣點，而且係爽口的，絕對不怕梅，認真係皮薄餡靚！蜜味叉燒腸-亦都係薄到通透的粉皮，十分滑嫩，蒸的時間控制的剛剛好，一點也不怕老、鞋。飲茶點少得叫番個鳳爪排骨飯？飯和餸的比例恰到好處，排骨尤其嫩滑可口，比一般的酒樓盅頭飯有過之而無不及！最後來一個南瓜西米露（熱），為呢餐劃上完美的句號！每羹都有南瓜蓉，不太甜剛剛好🤗白灼菜心，份量絕不馬虎，十分青甜。餐廳的菜單有英文翻譯，老闆好細心啊😻值得多多支持！伙計的態度亦非常好，呢餐飯都好滿足！…Read More

話說銅鑼灣耀華街有好多特色的餐廳，尤其係百樂中心，琳琅滿目，當中有一間「心之食堂」好高質素，值得大家去品嚐發掘！門面的牆紙好sharp好搶眼！最令人難忘的係「邪惡包」-新鮮帶子夾著煎鵝肝。外面的帶子又厚又大件，鮮甜美味，與中間鵝肝濃郁甘香相映成趣，果然好邪惡😈。兩樣都係酒店自助餐內炙手可熱的高貴美食，老闆竟然想得出將兩種高級食材組合成新食法，不得不讚其眼光獨到！👍🏻海膽刺身。每杯有2大條海膽，每條足足一隻手指咁粗，食完的滿足咁彷如置身日本築地市場飽嚐海鮮大餐！香港最常見的刺身-三文魚。但呢度既三文魚之厚度、肥美、油脂分佈絕對不常見，十分優質。可見老闆十分識揀海產！脆脆吞拿魚腩卷-吞拿魚腩剁成成肉碎，但仍能食到啖啖吞拿魚腩的鮮味。頂面的脆脆則與吞拿魚的軟滑形成強烈對比，十分特別。香蔥石板牛舌-一大碟的牛舌配以香蔥爆到鑊氣十足，而牛舌可以保持淋度適中，不怕過火變硬，一流手勢心之魚生飯- 從相已經睇得出，魚生係多過飯的基本上呢間餐廳的老闆務求要食客飽嘗豐富的美食，不惜投入幾多時間、心機、設計，品嚐美酒佳餚同時亦令人好感動香草豬頸肉烏冬-即使係一個烏冬的湯底亦都覺不簡單！最後，我覺得香港現時能保持追求食物質素的餐廳小店說多不多，但用心發掘，亦不難找到好似呢間「心之食堂」一樣俾心機做好食物的好舖頭，希望讀者有機會經過可以親自品嚐交流！…Read More

焗魚腸現今已經好少餐廳有得食了，難得廚房洗得乾淨d魚腸，食落甘香卻一d也不腥半隻芝麻雞。原本想叫鹽焗雞可惜無，改芝麻雞亦都唔洗失望！半份都夠8人食。雞肉炸完唔怕老唔怕鞋，雞皮薄薄地少少脆，好香，基本上唔洗點孜鹽粉已經好好食。好罕有用欖角來烹煮咕嚕排骨。出奇地幾好味！酸中帶甜，排骨炸過好酥好入味，最重要整得夠乾身，唔怕食完一口係油！俾10個蓮藕餅，甘、香、爽、軟應有盡有！別以為一塊藕餅容易整，整到呢個質素，我覺得可以開私房菜了！淮山切得大大夠，但好爽口！臘味煲仔飯值得一試！臘腸、臘肉肥瘦適中，加上大量蝦米，簡直搭配得天衣無縫！…Read More

話說上星期去朋友深井屋企，之後3個人去了裕記食燒鵝。大致上味道保持到水準，不過肉質、鵝皮略嫌有d退步。點了一份燒鵝下莊，皮燒得甘香，不過鞋咗少少，同埋過咗龍，有些少燶燶的苦味，但肉質都係嫩滑的，味道也抱持到。「尖椒炒鵝心鵝腸」值得一提係小炒好有鑊氣，味道亦好好，好啱開返支啤酒送飯一流！感覺燒鵝隔幾年又貴咗不少，不過希望質素會保持到啦，始終呢間係老字號的燒鵝店，希望老闆、廚房keep到以往的水平，不旺大家山長水遠來品嚐。…Read More