食探的個人專頁

最美一夜又係一年一度我的至愛生日，每年我都會想盡辦法，給她一個驚喜，話晒生日一年得一次，今年都無例外，差不多一個多月前巳經上Openrice搵料，老實講呢幾年生日同大大少少的節日，巳經去過好多有特式的餐廳，有大酒店、名餐廳同上樓私房菜，所以難度一年比一年難。今年還有一難度，就係早前行過酒舖，我地見到支2000年Dom Perignon香檳，大家都話末試過，不如買支黎慶祝生日。飲香檳最好就係食生蠔，不過就敢食生蠔又好似單調左少少，所以就不如來過海鮮拼盤，最好就係有雪山個隻，記得前幾年佢生日都試過係尖沙咀朗廷酒店的Bostonian 餐廳食過海鮮拼盤雪山，成個雪山上面有不同的海鮮，未食都開心！ 言歸正傳，上Openrice差不多搵晒所有西餐廳，搵到一間係銅鑼灣叫Le Marron的樓上餐廳，見大部份comment 都對佢地食物都有很高的評興價，最重要又見到食客影左張極靚仔的海鮮拼盤雪山相，所以最終決定試試，不過見comment話地方有D嘈，所以係訂位時已經要求要張靜D的檯，同埋訂定個雪山！由於早左成個月訂，驚情況有變，所以在食之前兩天，再上Openrice check 一check先，大鑊啦！！有人話佢地服務麻麻，唔係太好呀，點算呢？要臨急搵過第間都唔係太容易，好啦，就博一博，試下啦！大日子終於來臨，Le Marron係起怡和街英光大廈，搵到座大廈，入埋「車立」，個心開始十五十六，因為座大廈同部「車立」都舊舊地，一路想今次會唔會揀錯呢？！不過「車立」門一開，就証明擔心都係多餘，個裝修好英式同好homey。經理Billy把帶我地帶到去我地張檯，好開心因為張檯好private，証明佢地有heart記底我一個月前的要求，今晚負責招呼我地的waitress 叫Bibi，唔係呀，好似就係之前比人complaint個果，不過佢一開始就好禮貌地幫我地settle down，因為我地比較多野，佢見我地有枝香檳，就好主動地問我地駛唔駛雪起先，認真醒目。因為係第一次黎，所以覺得D地方好特別，想影一些相做留念，問Bibi可唔可以，佢話好，無問題因為其他客都未黎，佢還好細心同我講有邊D特色地方可以影，當然還做埋我地的義務攝影師，同下面食客所講，服務態度不好，有D唔同呀，好可能有些誤會啦！如果你問我服務如何，我會講同五星級酒店無太大分便，可能還加了一點點personal touch！好啦，真係開始叫野食，經理Billy 又出場啦，先點一個中Size海鮮拼盤雪山，佢好細心同我講，兩個人食可能有些大，（可以從食客方面想，值得加許），係Openrice 見中Size有Brown Crab ，我地就話我地要中Size因為我地鐘意食凍Brown Crab , 不過好失望，Billy 話我今日無，可能唔靚啦，不過就有龍蝦一隻，都好呀！我地話先食海鮮先，然後才叫頭盤同main。海鮮拼盤雪山 個雪山一上檯，我地就華華聲，雖然唔係第一次食雪山，但呢個雪山真係好靚同好豐富，有龍蝦一隻、一條大大雪場蟹腳、兩隻大蜆、兩隻生蠔，幾隻翡翠螺，同幾隻中蝦，你話係唔係好豐富呢？！海鮮好唔好食，得一樣野，就係新唔新鮮，同又無over cook! 所有海鮮都非常非常新鮮，由其係生蠔，食落口仍能感到陣陣海水清甜味，肉質就更加鮮甜爽口，唔會好似D唔新鮮生蠔，mui mui 地！龍蝦就完全反影到煮功，時間掌握都很好，剛剛好，完全無破壞龍蝦鮮甜的肉質！整個雪山同香檳配搭得天衣無縫！！滿分！！食完海鮮，就叫Billy 經理點埋果頭盤同main，見有食客話個焗洋蔥湯好正，我這個洋蔥湯迷當然要叫個試下啦！除左香檳，我都帶左枝half bottle紅酒，當然要叫個煎鵝肝送下啦，問下Billy經理我地叫一個main定兩個main好，佢話個焗洋蔥湯有D飽肚，如果要食甜品就一個就夠啦！易辦啦，就叫人氣之選：Grilled Angus Boneless Short Rib焗洋蔥湯 個洋蔥湯，一黎就知道絕對係正野，買相極度吸引，陣陣芝士香味，喜歡食芝士的人，絕對不能錯過！個洋蔥湯，煮法相當正宗，同我細細個時飲的一樣，宜家無乜地方有這樣用心做的焗洋蔥湯飲啦！Billy 話師傅係好有心機將洋蔥抄熟然後放湯煮，唔怪知得啦！這個湯真係值得推介！！煎鵝肝 煎鵝肝最重要就係火喉的控制。首先個鵝肝要靚，無乜根，呢個鵝肝可以算係好靚，一食落口，個鵝肝係個口中慢慢溶化，鵝肝係比較油膩，好彩個廚師用新鮮梨煮左個汁，立刻將油膩感覺趕走，口感一流！Grilled Angus Boneless Short Rib 食main 前有個Sorbet 清清D味，好貼身的安排，到個主菜出場啦，買相一流，由於係Angus Beef，肉質有一定的保障，很有肉味，肉汁鮮甜！廚師控制得剛剛好，唔會太熟又唔會太生，係個好好的medium rare，個面還有少少burn過，所以很香口，很好味！！送紅酒一流！甜品 甜品我地叫左個焦糖燉蛋Creme brulee同心太軟朱古力，這時我心諗，覆檯時無提佢地今日係生日飯，唔知佢地記唔記得！好彩，佢定無唔記得，還將個寫左壽星女個名同Happy Birthday的心太軟朱古力摞出來，最後還唱生日歌，成一個月都無唔記得同出錯！真係抵讚！！唔駛講，兩個甜品當然就係甜到入心啦！最後Billy 同Bibi 還給Birthday Girl 一個驚喜！！真係意想不到呀！！總括一間好值得推薦的餐廳，食物做得出色，服務又有heart！！由於menu有很多選擇，所以真係一間可以一去再去的餐廳！好多謝好多謝Billy 同Bibi熱情的招呼！給我個至愛壽星女一個真正的『最美一夜』…查看更多

都唔知去過iroha 幾多次，午餐、晚餐都過，最近去過九龍誠大助，唔係太滿意之後，就决定去iroha 食，由於之黎得太多，所从好耐無黎過。今次選擇食中午，叫左過燒肉定食加大 (要牛肉同和牛舌) ，再加一個三色剌生。 以$85 (加大加$20) 價錢來講, 真係無嘢好批評! 食物和服務還是依舊很好的!前菜沙律 口感新鮮無比, 芝痲沙律汁同生菜配合得非常好燒牛肉同和牛舌 肉十分十分新鮮，很有牛肉味，燒汁有效地帶出肉的鮮味，切功一流，完全唔UN！！三色剌生 都算新鮮，但比較普通，可食可唔食冰凍生啤 食燒肉就緊係要啤一啤，外面成三十幾度，飲一啖冰凍生啤，清涼無！！總結：十分滿意的一餐！！…查看更多

日本人對食，唔只當係文化，簡直係一種藝術。對每種事都希望做到最好，而服務以及對客人的態度尤其重視。可能有人會話，這裏係香港又唔係日本，食物好食就得啦！對唔住，我不能認同，因為這樣的日本菜只能話係港式似日本菜的三不像，完全沒有日本菜的神髓。言歸正傳, 既然講左成段我對日本菜的理念，就先試下服務這一環，一入到去見有張榻榻米埋緊單，就同老細講二位要坐榻榻米，點知佢話今晚人多，末能安排，問我坐Bar枱好唔好，我見其實客都係得七八成滿，見佢無乜誠意待客，就話唔想坐Bar 枱，佢又無其他野講，所以轉身就走出門口，無人留我wor。其實今日專登過來試菜，繼續做『食探』，又點會走，出到去，轉個圈又入返去，老細見狀，又話有另外一張枱，不過都係無榻榻米，今次係有D誠意，但係老實講，末食已令食客印象唔好，就算食物再好，今次的dining experience 都已被破壞， 最後我們都做個好食客，乖乖地坐在Bar枱。 (不過最嬲都係發現榻榻米給另外二人坐了, 真係服務扣晒分！！！)到食物，兩個人叫左牛肋骨、厚牛舌、南非鮑魚、清酒煮蛤、吉烈蠔和燒飯團牛肋骨，分量尚算足夠，但牛味淡同無肉汁，看肉色就唔係太新鮮，不過最大問題係都幾un 呀！！！有待改善厚牛舌，這碟份量都OK，夠新鮮，口感好，同大燒肉店有得比，『值得推介』！南非鮑魚，鮑魚本身sizes 細唔夠大隻，可能想睇落多D，大碟D，所以切得好薄，食落無晒口感，同食唔到鮑魚鮮味，可以話完全浪費左隻鮑魚清酒煮蛤，煮蛤火喉都OK，但係個汁得個『鹹』字，完全無清酒清甜味吉烈蠔，幾好味，蠔的鮮汁可以在炸粉中充份保留燒飯團，無乜特別，一般貨色環境都算得上舒適整潔『最後建議如果要收每人$11元的前菜，就認真煮一些特別的日本前菜，不要求其給一碟日本海草，這樣只會給人只想收錢的感覺！！』希望下次再去時，會有改善！！…查看更多

食鐵板燒的好與壞，取決於兩樣野，第一就係材料是否新鮮，第二就係師傅的刀法和烹調技術。 好，廢話少說，馬上入正題。今晚係第一次到秋田食飯，其實一早就知到有這間店的存在，只係一直都無機會試，今次有朋友提意去試下，所以就二話不說，決定一試！ 一入到秋田就感到非常舒服的感覺，絕對沒在有給人半點高不可攀的感覺。其實這點好重要，香港有好多日本餐廳唔明點解要扮高級，搞到所有客人都有種無影的拘緊，食到周身都唔舒服。記得每一次去日本，最欣賞就係一些小鋪，裝修簡單到不得了，有D可能只得一張bar枱，但係永遠給人一種說不出舒服的感覺，有如到朋友家在食飯的感覺。 今晚為我地主理的師傅叫Edmond，佢個人好nice同好好傾，一開始佢就好仔細講解餐牌的選擇，每樣東西的分別，當然，最緊要就係講下今期有乜野特別正同新鮮。經過一番思量，最後我地每人都決定揀個鮑魚套餐，套餐有活龍蝦，活鮑魚，鵝肝多士，簿燒牛，炒飯同錫紙焗皇帝菜。套餐包的是簿燒牛，但我地加左$208轉厚燒澳洲和牛，記住$208已經用係二人價錢，真係認真超值價，自己買都差唔到幾多。澳洲和牛，主要係脂肪分布平均，油分入口甘香，但牛肉味則比日本和牛濃烈。對於牛魔皇的我，澳洲和牛永遠都係平、靚、正之選。 之前講過食鐵板燒最緊要新鮮，叫完個餐，Edmond師傅就到廚房撈龍蝦同鮑魚，wow，兩隻鮑魚同隻龍蝦生猛到不得了，一睇個就知係即日到的新鮮貨式。 料就正啦，師傅手勢又如何？老實講Edmond師傅可以話交足晒功課，佢對火喉的控制，十分恰到好處，煮龍蝦同鮑魚更見真張！全程同Edmond師傅有傾有講，一見如故，渡過左一個愉快的晚上。食鐵板燒，始終都係講師傅手勢，Edmond師傅絕對係我在秋田的推介，下次食飯除左book枱外，記得book埋佢呀! 龍蝦：好爽甜，用番金黃色的蝦羔(今日好好彩，Edmond師傅話唔係隻隻都有金黃色蝦羔) 煮汁真係好正鮑魚：火喉十足，好爽同清甜鵝肝多士：鵝肝煎得香脆，外面煎到金黃色，皮脆內軟，同香檳同享用，人生一大享受龍蝦湯：用龍蝦頭煲出黎，有強烈龍蝦鮮味，絕對不能錯過~厚燒澳洲和牛：自己覺得和牛五成就已經過晒火啦，三至四成就剛剛好！記住唔好點汁，要原汁原味，和牛口感一流，好香牛味炒飯：個飯炒得好香好好味錫紙焗皇帝菜：成晚都係成左D較濃味嘅野，來一個清甜的菜，WOW 正味呀！ 整体黎講，食左一餐很開心的晚飯，食物同服務都很有水準，最後一定要多謝Edmond師傅，無左你，餐飯又點會完美呀！多謝同下次見！…查看更多

There are 2 rounds of booking on weekends... and I have chosen 8:30pm. By the time I arrived there with my friend, I immediately noticed there was a strong oily smoke all around the place. Since the table was still occupied, we were asked to sit in the sofa for waiting. After waiting around for 5 minutes, we were brought to the table next to the window. The place is not nicely decorated as compared with other private dining place. There is not decoration on the table at all. They don't even have a proper table cloth, it is just a plastic one. The place is extremely noisy, as we were sitting next to two big parties of kids celebrating their birthday and people are yelling and playing with each other. I can hardly speak with my friend. It really spoil my mood for the dinner.We ordered the Spicy Clam Soup, Fois Gras and Big Clam for the appetizer. For the main, we ordered the seafood pasta and clam pasta.For the Fois Gras , it is definitely the worst I have ever tried in this universe, including those you can have in buffet table. It is totally overcooked and the surface is completely burn. The most expecting Spicy Clam Soup is just so-so as it is too oily...I think the only thing I feel right is the timing of cooking the pasta, it is not too hard and not too soft. But one thing really disappointed me is that it doesn't serve any bread at all, really can't imagine an Italian dinner without having bread at all.The services is ok.Overall, a very very casual place, and very noisy place for dinning. Food is just so so but price is ok. it will be much much better if you don't go with any expectation at all.…查看更多

食燒肉往往對於我來講喺去日本最大的原動力, 我次去日本, 一落機, 第一餐必定去[牛角] 食個痛痛快快。但以後可能唔駛去咁遠。食燒肉當然最緊要喺個爐, 個爐同日本所見的, 喺一模一樣, 裡面用陶瓷, 唔似韓色燒烤用火直接燒, 所以燒出來的肉很有炭燒口感。兩個人叫咗下面幾樣嘢:1. 盛八野菜沙律用不鏽鋼沙律盤, 很特別2. 牛肋骨肉好生鮮, 很有牛味, 肥和肉分佈平均3. 鹽燒牛舌厚切口感一流, 果然必食!4. 魷魚筒無也特別, 和日本不同, 日本喺全隻上5. 蔬菜拼盤(用來包著烤肉食)6. 石碢泡菜牛肋骨麵個湯比韓國餐廳做得還要好, 很濃味, 唔會水汪汪, 不過由於用石碢, 個麵上枱時巳經煮過火7. 生啤一杯(500 ml)冰凍無比8. 凍清洒(300 ml)9. 意大利開心果雪糕總結香港少有有水準日式燒肉店, 食得過, 好嘢唔駛講太多!! 笑臉啦!!…查看更多

見咁多好評, 當然食指大動, 又想大吃一餐啦! 唔多講, 嚟個一針見血嘅食評...兩個人叫咗四餸一湯如下:1. 鮑參翅肚羹一般貨色, 無也特別, 無乜材料, 水汪汪, 好淡, 有D似街邊碗仔翅, 不過算啦, 幾十元貨仔, 想食人隻車呀！2. 蔥油雞重頭戲到, 賣相一般, 一件件散晒. 食落口, 塊皮真喺好脆, 肉好嫩, 不過最大問題就喺好多油, 怕肥就最好諗諗先!3. 炸墨魚餅唔喺其他大大講都咁好食, 不過飲杯洒, 整番件都錯! 不過又喺袞多油, 好想用紙巾吸下油, 不過好似好難, 所以最後都喺無4. 缽酒焗蠔蠔size 一般, 中等身材, 應該唔會喺美國蠔, 不遏都份量都唔少, 個汁幾好味5. 啫啫生菜煲同西宛無得比, 見唔到有[啫啫], 聽唔到有[啫啫], 油到不得了, 真喺唔喺好掂6. 平價紅洒(大概80大元一支)無期望, 往往就最唔會失望, 飲得過, 不過個酒杯仔唔多掂, 飲紅洒個杯真喺好緊耍架7. 甜品(免費)唔駛錢, 估唔到喺最好食, 冰糖紅棗糖水... 一流貨色總結:無想像中好, 可能又喺期望過高, 不過两個人五百大元, 又開洒, 又四五碟餸, 還要求乜呀...都可以一試!!…查看更多

I love Korean BBQ a lot, so I try nearly all the "tradition" shops in Tsim Sha Taui. This shop is highly rated by a lot of people, so I came here with a very expectation. First of all, after a quick glance at the menu, the price is not cheap at all, from my experience, with a menu like that, it should cost at least $250 per person. (Turn out to be true when I pay the bill).The shop is not very nice decorated, just like any other Korean BBQ restaurant. We have ordered the following:1. 栗子牛肋骨This is a must try but this is not the best one I try in Hong Kong, but I can say it meets the standard. The sauce is sweet and the meat is tender. The white carrot is wonderful as it soaked the juice, however, there is only 2 piece inside.2. 燒牛肋骨They have 3 different price, I ordered the cheapest one, the outlook is not so good compared with the expensive one, but the taste is acceptable.3. 泡菜辣豆腐湯A bit disappointed on this one, not very spicy and the soup is not tasty at all, just like boiling water with 泡菜and 豆腐. You can skip this if you are demanding.4. Green Vegetable5. 韓國燒酒" 真露"Best to go with 燒牛肋骨. Better than sake if you can drink strong wine.The 前菜is just normal stuff, not exciting and cannot refill.Overall comment:Compare with the others I tried in Hong Kong, this one is not particular good, it is just another korean BBQ restaurant in Hong Kong. It may be good if you don't have high expectation. But unfortunately I came with high expectation, or I can say I am a demanding person.…查看更多

Not a very tidy place, just like a fast food shop. The food can say just OK.... (very thirsty after the meal) ,but the services need a lot of improvement. …查看更多