alice2_yan的個人專頁

之前食過銅鑼灣分店，今次就試吓灣仔利東街開咗兩個幾月嘅分店，入到去啲裝修都唔同，感覺呢間比較大。坐底後店員就同我地介紹不同種類嘅湯底，一睇就比胡椒豬肚湯吸引住。所以就決定叫個鴛鴦鍋，一邊係麻辣中辣而另一邊係胡椒豬肚。個胡椒豬肚湯湯底好多料同好入味，入面有酸菜同雞。啲酸菜都好好食。店員仲向我哋推介利東街分店限定小食，我哋就試咗明太子雞翼同紫菜墨魚丸~之後我地叫左炸魚皮，呢樣係打邊爐必點既野!豚肉片，好大塊好新鮮!見到個名好得意就叫黎試下，冬陰公蝦丸。一咬就爆將，冬陰公味唔錯，不過要小心熱!之後蔬菜方面叫左娃娃菜，竹笙同軟豆腐~飲品方面就叫左青擰薄荷SODA 同菠蘿沙冰~個菠蘿沙冰好好飲, 無咩糖水, 好菠蘿…查看更多

又到午餐時間, 想試好耐既手工餃子專門店好耐, 今次終於可以黎到試下先~今日2點左右黎到, 呢個時間唔錯, 可以避開左lunch hour 咁多人.入到去都坐得幾full下, 不過我一位都幾快搵到位坐底~見到menu 推介元貝豬肉餃, 覺得夠哂特, 別所以就試下~叫左呢個元貝豬肉餃- 一個食中size覺得岩岩好, 個餃好鮮呀食到一條條既元貝同幾香. 估唔到d 湯都咁好飲, 最後連湯都飲晒佢地既湯叫狀元九鼎湯, 係由粉葛, 鯪魚, 鰂魚, 豬骨等...食材煮製成所以會無腥味, 唔油膩同個湯好清, 無味精!再叫多個四川涼面- 面質爽口唔會太凍, 再夾埋香口既麻醬拌埋一齊食, 好好味!!…查看更多

食過幾次樂天皇朝, 都係鍾意銅鑼灣呢間分店, 佢地既裝潢好靚, 雖然有D暗但係好有氣氛:)一早就book定位, 8點準時入坐~ 坐好就叫野食先~我地2人都叫左唔小野食, 連埋甜品總共叫左7樣野食:首先黎到樂天皇朝必點既就係七彩小籠包:同友人一齊分享, 我就食左芝士味, 黑松露味, 人蔘味 同鵝肝味. 人蔘, 芝士 同鵝肝都唔算好重味, 入口都有佢地既香味, 都好夾又好湯汁.我自己就喜歡黑松露味, 入口就感受到黑松露嘅香氣, 好味!之後就食香辣蒜泥白肉:蒜泥白肉真係好好味, 白肉卷住青瓜絲, 食起上黎食令到個油膩感無咁重, 仲有d爽口又辣辣地好開胃!蒜茸炒菠菜-  菠菜無炒到有苦味, 唔錯! 食咁多肉味, 點到都要食菜架!竹笙素鍋貼- 俾個名吸引住, 因為我鍾意食竹笙, 所以就試下呢個竹笙素鍋貼, 又幾驚喜, 好清新唔油, 皮薄又煎得香口!辣子雞- 一上到黎個樣真係好吸引好, 見到咁多辣椒但又唔係話好辣, 雞粒炸得好酥脆好香口!炸排骨豬骨湯麵- 唔知點解覺得食上海野一定要食麵, 所以就叫左湯麵試食下, 排骨又炸得好酥同唔會好油最後食埋個甜品完美啦~擂沙湯丸- 食入口是粘粘既感覺好有咬勁! 好好味!好滿足了!…查看更多

灣仔呢頭好多拉麵店舖, 今次聽聞有一間來自大阪的神虎麵商店, 所以就黎試下!一入到店舖店員主動上前介紹店鋪的拉麵均是以豬骨湯底熬製的濃湯, 餃子都係手工包既~之後我地就分位叫左:海老虎拉麵- 鮮蝦味噌融入豚骨湯頭, 湯底入口濃郁又唔會太過鹹! 同埋配料都有好多, 有櫻花蝦,豚肉(佢地用西班牙豬), 手打豬肉丸!赤虎拉麵-  友人叫左個辣湯, 不算太辣, 再追加精選配料溏心蛋, 令赤虎變得更豐富. 拉麵的軟硬適中, 保留彈牙的口感!唐揚雞- 皮脆肉嫰, 炸得好酥脆, 我地都好滿意個炸雞餃子- 餃子底部煎得很香脆又有肉汁, 店員仲話每日新鮮製造保證質素唔錯辛辣大荳芽菜- 辣辣地, 好惹味又醒胃整體嘅拉麵質數都好好, 無煮到老哂嘅感覺, 要推介手打豬肉丸! 食落口感鬆化, 豬肉味鮮甜仲食到蓮藕的爽口, 都好特別!   …查看更多

又到Happy Friday既日子~就要食餐好既! 對自己好d ma今次搵到呢間新潮韓燒黎食~呢道既特色係無煙燒烤, 唔會食到成身都係燒烤味!宜家Lab10做緊優惠~就係like 同share 佢地Facebook page 同Ufood 條片就 叫第2碟燒肉有半價!等店員介紹完我地就開始點餐~燒野方面我地叫左:五花腩肉- 有3種醬汁配搭(生薑菠蘿醬, 生薑蘋果醬同青檸醬), 我個人喜歡青檸醬同生薑菠蘿醬好特別, 仲好好味!豬頸肉- 醬汁好好味, 燒起黎唔配醬都好好味蜆- 都幾大隻, 清洗得幾好無沙虎蝦- 味道ok, 幾大隻雜菇拼盤- 要連包裝燒幾分鐘到, 再加燒汁再燒多2分鍾左右就食得, 好味!其他野就叫左:脆香芝士炸雞- 韓式炸雞加埋芝士, 另上既芝士醬係有少少辣架, 我覺得好特別唔會太油膩, 炸雞好脆泡菜豆腐湯- 唔錯~我好鍾意飲泡菜湯!Big & Small- 用新鮮嘅生果製造有西柚, 香橙, 蜜糖, 生薑, 味道甜甜酸酸, 飲完幾開胃Lime Soda- 味道同mojito一樣, 只係無酒精整體都好好味, 價錢又唔會太貴, 燒烤又無油煙味, 真心推介!下次再黎都想試下鵝肝炒飯, 好似好吸引咁呀!…查看更多

睇過好多人介紹過呢間位於係鰂魚涌既日本餐廳, 因為我本身好喜歡食咖哩~所以一路被呢個北海道咖哩吸引住! 終於有機會去試一試啦~入到餐廳就感覺呢道係一間好溫暖親切的餐廳坐底後就點餐~我地叫左2 個dinner set 同 2份小食~dinner set:前菜- 薯仔蛋沙律, 食到有粒粒薯仔既口感, 前菜都感覺到餐廳既用心主菜- 雞脾北海道湯咖哩, 第一次食湯咖哩覺得同普通日式咖哩唔同, 唔會好甜同濃稠, 加上用好多香料蔬菜去去熬製湯底, 配白飯好好味!主菜-自家製吉列豬扒飯, 豬扒十分鬆化香脆同埋蔬菜係烤過, 所以特別香口!小食- 吉列炸蠔, 炸得脆卜卜, 蠔既肉質好飽滿, 好有蠔味!小食- 南瓜著餅, 超多南瓜蓉呀! 好好味~一定要推介!埋單時日本老闆好有善咁同我地傾計, 話今晚人手唔夠所以怕服務唔夠好, 真係好客氣~真心覺得佢地服務好好, 仲有同我地介紹餐單, 最後老闆仲贈送北海道朱古力, 真係覺得好客氣~…查看更多

知道豚道樂有2間分店, 今次專登黎荃灣食下先~鋪面雖然唔算太大, 但五臟俱全~裝潢都好有日本feel~坐底就睇下有咩好食先~佢地拉麵既湯底都有好幾款可以選擇~拉麵既麵種都幾特別, 有得比你揀要曲麵定直麵今次我就簡左星期五六日限定既海老湯拉麵(曲麵) 配埋特上之選特上之選: 加$13 有埋豬肩肉, 豬腩肉, 紫菜 同半隻溏心蛋一上到黎賣相相當不錯, 湯底好香濃嘅蝦湯!三塊叉燒夠嫩同埋溏心蛋效果很好!友人就叫左特上辛辣味噌拉麵(直麵)辛辣味噌拉麵本身的辛辣湯底之外, 還可以添加辣醬, 喜愛辣味既朋友就岩啦我地再叫左小食日式餃子同飲品餃子一共有5隻, 即叫即整架!所以餃子煎得好香口, 食落餃子內裡的肉餡料鮮味多汁~餃子汁再加少少7味粉一起吃, 會仲惹味~飲品就叫左桃味梳打同柚子梳打~食拉麵緊係要配有氣既飲品先夾!我個人就覺得柚子梳打好好飲~下次我都想試下平日限定既魚介湯底~…查看更多

原來旺角朗豪坊附近整座大廈都是食肆~今次就簡左朗晴坊4樓既茶屋町居酒屋~入到餐廳有室內同室外, 本身諗住坐出面, 但係出面坐滿人就坐係入面~坐底後就落單~見到火鍋又好想食, 好多串燒又唔知食咩好, 好吸引咁樣最後叫左個2 人set, 個set $248 有火鍋, 串燒拼盤(雞翼,雞髀菇和台灣腸) 飲品同甜品), 飲品我地就補錢轉 frozen beerfrozen beer 有5種味, 我地簡左黑啤同柚子味, 上面白色係啤酒泡沙冰, 因為上面有沙冰可以令到下面啤酒keep住凍串燒方面我地叫左: 醬燒原條茄子雞軟骨串燒豬仔骨同燒羊架明太子雞翼串燒味道很好, 全部都熱辣辣, 燒得非常香脆不油膩!非常惹味!整體都唔錯~估唔到價錢經濟, 但食物高質素, 物超所值呀!下次要黎坐外面, 相信氣氛應該仲好…查看更多

原先諗住星期五, 所以打電話去訂位同留醬油蟹, 點知原來星期五六日只可以walk in.醬油蟹到時叫都得, 唔洗留都有~到左星期五晚上, 去到餐廳等位, 已經無左咁多人等位不過就要人齊先入得去同埋要叫定野食先我地叫左期待左好多既醬油蟹, 燒五花肉, 海鮮煎餅 同泡菜豬肉湯最快上台就係我地最想食既醬油蟹, 連埋紫菜飯一齊紫菜飯加上蟹膏一齊食, 完全唔腥入口勁鮮甜, 一個字正!其他食物水準都好好, 泡菜豬肉湯同醬油蟹真心推介!…查看更多

佳佳甜品之前都去過幾次, 今次同友人係佐敦食完晚飯就行過去~次次去到出面都有條龍, 但排一陣好快就入到去入到去好快就有人黎同你落單之後好快就為你送上一台糖水, 速度好快我次次都食濃薑番薯糖水加湯圓, 夠薑既朋友可以試下, D番薯吸晒薑味有D辣!友人就叫左杏仁露, 紅豆沙同白果腐竹店內環境都幾好, 一班坐埋一起食糖水感覺都幾舒服幾開心!…查看更多

一向都唔鍾意好甜既蛋糕, 今次見到美心新推出伯爵茶蛋糕就買黎試下~外表就覺得幾吸引! 仲好香伯爵茶味~蛋糕層次分明, 中間有脆糖的部分食到到脆的口感底下伯爵茶奶很有奶香味與伯爵茶好融合, 值得一試~…查看更多

一個人唔知食咩好, 最好就去food court! 夠方便MA~今次叫左咖哩芝士雞肉加蛋飯~對我呢個鍾意食咖哩既人黎講真係好好因為個咖哩汁係另外上既, 可以自己倒落鐵板道~D 聲同D香氣真係無得彈! 嗅到都開胃晒啦!!…查看更多

真係好鍾意食鼎泰豐, 地方又坐得舒適, 服務又好, 上菜又快!次次黎都必點小籠包, 炸排骨炒飯, 蒜香粉皮肉, 春卷同炒小白菜炸排骨炒飯, 個炒飯炒得D飯粒粒分明好香!今次兩個人叫咁多都清得晒! 真係太好味啦…查看更多

如果係尖沙咀食完飯多數都會黎呢道食甜品~次次都係食心太軟!因為佢地做得好好, 焗得外脆內軟, 仲好流心!熱喇喇既朱古力蛋糕配埋冰凍既雪糕, 真係好得!成個好都滿足啦…查看更多

平時好去元朗, 今次黎到就要試下永年士多總店~因為係尖沙咀就食過~想試下味道係味一樣!晚上大約8點左右到達餐廳門口, 見到人龍就知道搵岩啦等左10分鐘就入到去叫野食同搵位坐今次叫左三餸麵~豬腸, 雞翼同魚蛋~佢地D豬腸真係好好味~好喜歡食佢地既豬腸!…查看更多