森美糖的個人專頁

老公經常都想來試試，今次真是令我一試難忘的體驗。<環境>表面上是一間台灣文青風的優閒食店，實際上是一間設有自助點餐、自助用紙杯裝水（非常不環保啊~）、坐立皆擠逼的食堂。一體式的長方形四人枱，竟然安排三組食客一枱（1+1+2人），不方便之餘，亦經常因為有人不慎撞到易動搖的枱而影響到其他人枱上的食物，非常尷尬。明明有二人位，但職員卻堅要留位合併做四人枱<食物質素>1. 牛腩面麪（紅燒湯底）份量足夠，價錢比台灣還要便宜；可惜麪條欠彈性，牛肉湯夠香濃但其實好鹹，不能喝。牛肉是最好的，腍身，不肥膩又有香味。2. 鹽酥雞排滷肉飯上湯浸時菜蘋果雪耳排骨湯 （嘩，名字好長的套餐！）鹽酥雞：炸得好硬好，是那種硬脆，似返炸。沒有什麼香味。看到有鹽粒但卻沒有淮鹽或其他調味料的香味 滷肉飯：除了好多油之外，卻欠缺台灣那種來自豬油和香料的香味。雖然已用上大米，但依然是飯粒鬆散。浸時菜：完全吃不出是用什麼煮的“上湯”。大X樂的上湯浸娃娃菜更好味排骨湯：可說是整個餐最有可取之處的食物了有得多雪耳，用料十足，如果用“鹹版的雪耳糖水”去形容，應該會十分貼切。******************************整體來說，價錢是唯一吸引的地方。會令人卻步的是其完全不地道的台灣味和令人髮指的服務（之前一個人吃午餐已中伏過，也不想再提了）。可以一試；至於值不值得持續地光顧就見人見至了。…查看更多

去年在名古屋一個戶外的 "雞翼Summit" 試過佢啲招牌雞翼，真係好好味，又大隻。就係抱住少少希望來香港分店幫襯下，點知由坐低一刻開始已經令人黑面。侍應帶我們四人到座位，咩都無講就走左，一杯水都無。問佢地比杯水，佢地話$10一支礦泉水。堂食啊！你不免費提供食水無問題，但點解堂食時製造多件膠樽垃圾呢？我明白日本的居酒屋文化係飲啤酒、hi ball 類的飲品，但印象中日本都會提供清水或茶的。Menu 上的價錢的確係好便宜，但無人諗到佢啲份量可以少得咁可憐。$38左右，五隻細雞翼，細隻到到我地成家人個心沉哂。連影相嘅心機都無哂。麥記或KFC 啲雞翼都大隻過佢。味道係好，但主要都係啲味粉囉。成件事同日本差好遠。土手飯，即是味噌豬腸飯，另一招牌菜。$58左右，原來只係普通一個飯碗的份量，勁少呀！我地真係反白眼 味噌夠甜，所以都好重口味。咖喱烏冬鍋，份量終於正常返啲，有好多材料，不錯。心情好返啲，之後都有影相啦 抹茶炒飯應該係想餐飯最好味嘅。 淡淡的抹茶香味加上洋蔥和醃蘿蔔嘅甜味， 算係成餐飯最有心機做嘅一道菜。 之後我哋仲追加多一碟添。炸池魚， 見到佢係用一個手寫menu喺旁邊，特別推介所以就叫一碟嚟試下，反正佢都係算好平幾十蚊一份。又係細細份，而且我地覺得佢唔係池魚要讚下佢嘅椰菜絲。好味。但我食緊嘅時候佢竟然想收左個碟。🙁朴葉牛肉，我地在日本中部食過好多次，每次都好大塊朴葉，好多和牛片。第一次在香港見到，好開心；但結果係，佢同佢地其他菜色同一標準：好細份！牛肉不是日本和牛，係普通火鍋嘅肥牛，大概有6片咁多，收費$8x。如果佢係和牛，咁都算OK, 但如果佢真係只用火鍋肥牛，咁就見人見至啦！在日本，朴葉上只放和牛片。但呢度，居然是在牛肉下再加幾片菇，咁啲牛肉就睇落多啲啦。總括來說，這是一間十分令人失望的過江龍日本連鎖居酒屋。即使係超鐘意日本的我都唔會再去啦。…查看更多

星期二，點了menu 上最貴的下午茶餐 （$38）如圖：無諗過下午茶份量一啲都唔細，同平時差唔多。雖然招牌的 Champon 依照日本方面的“多菜少肉），整體來說，麪是不夠我在日本分店食到的好味，野菜也未及日本的鮮甜（因為這個價錢絕不可能用日本的蔬菜吧）；但已經比之前進步了。相信很快就能追上日本分店的水準啦 餃子即煎，非常香脆。咖啡是即磨的，好香。$38 能吃這麼多，而且質素真的不錯啊！（下午的服務員普遍比較中年，但服務卻比晚上的年青人更親切呢~讚）可惜香港只有兩家分店啦…查看更多

12點前終於唔洗排長龍，以為好好彩啦。點餐明明講左入火通粉，佢都覆我一次係通粉，點知入錯機，變左即食麪。肉丁好多，比我之前坑口分店多幾倍，所以好辣。到我最鐘意的奶茶啦！幾乎每次來食都係為左食佢嘅奶茶先來，但呢間分店的水次次都太多，變左係奶茶水，無左以前那種清香。人手又唔夠，又改左要自己攞餐，對單身食客來說其實非常不方便。而且衛生情況愈來愈唔似香港了，四圍都有豉油而無人清理，無眼睇啦。如果呢個集團只係識加價而唔作出改善，我真係唔會再食了。…查看更多

上個月一個人叫了碗熟成拉面，後悔到今日，因為真的不好食，而且肥油有1cm 咁厚，實在接受唔到。今晚兩個人去，6pm 到完全不用排隊。決定點一碗最大碗的面（名稱類似“男盛”），湯底終比較清的辣湯。有舊炸雞，兩塊叉燒，一隻糖心蛋。（一開始唔記得影相，食左幾分鐘先諗起）日本的拉面最重要係湯底，所以日本人的湯匙係用來飲湯，而唔係食面嘅。上次俺流的豬骨湯底除左脂肪比人多，其實無乜特別的地方，味道也不覺特別出色。今次的鹽湯都一樣，除了味道偏咸和辣，其實也沒有元素能刺激到我的味覺。最吸引到我的，竟然係佢地嘅叉燒！肥瘦適中之餘，佢地用過火去燒叉燒的邊邊，所以有一陣特別的香味。（上次碗熟成拉面得一塊叉燒，所以根本食唔出味道）叉燒飯，比拉麵便宜，但份量絕對不少。當中有一堆類似豆瓣醬的香料在中間，拌飯叉燒和飯一齊食真係襯到不得了！雖然都是好油，但絕對比拉麵好味！！不過，$4x 一碗飯再加一，抵唔抵就見人見至啦整體而言，雖說俺流是來自日本東京，但拉麵的質素和服務其實與MK 一般拉麵店無異。可惜！…查看更多

明明記得以前 The One 有一間格局中上的金牌小龍，（現在OpenRice依然有該店紀錄）今晚去到iSquare又見到一間，估計應該是搬遷來了？印象中，金牌是類似 x泰豐價錢，不過選擇多元化，多年未吃，裝修似乎很舒適，光線也很充足就試一試新店啦。星期日晚大約9：15pm進店，超多空位，但好似去茶餐廳一樣，職員都在閒談，完全無人接待，以為打烊了。行到最裡面，終於有個黑衣的女職員（應該是較高級的）給我倆帶位。座位比一般香港食肆寬闊，有台式cafe 的舒適感覺。一看menu, 嚇了一跳。“咁平嘅？減左價？”$2x 可以有個魯肉飯啊~頗接近台北的價錢哩。還有，居然有擔仔麵，也不過是$30左右。（ 都目前為止，我還以為這是一間台灣開過來的餐廳。）因為太肚餓，我們就極速點了一些食物 + 熱豆漿。幾分鐘後店員跟我們說，芋泥小籠包已經售罄了。。。 然後，原本點了個乾拌雲吞，又因為油變壞了，有油“益”味，所以cancel 了最後只能點這些囉：其實食物質素是不錯的。價錢全部看來都很低，飯麵的份量也偏少，反而非常適合二人用膳呢！魯肉飯（$28）的質素和份量都似台灣，但台灣這個份量不用$20呢！擔仔麵（$30）因為太細碗，所以印象不深。小籠包（$38）有五粒，是高質素的那種，非常抵食 葱燒包（$32）兩大個，其實不算便宜。裡面有點像叉燒包，但又似乎沒有豬肉在內。饀料滿滿的，不過完全不清楚自己在吃什麼哈哈，雖然都算好吃，但沒有下次了。總結：環境寬敞舒適，但服務非常一般。感覺自己身處內地食店，因為服務員都講有口音的廣東話，給的是茶餐廳的街坊式服務。不過，這裡欲是收10%服務費和$7茶錢的！…查看更多

店名用了新加坡著名地區的名字 （Bugis），講明是新加坡菜，但最基本的肉骨茶卻是馬來西亞的肉骨茶（藥材味較重的啡色湯）。新加坡的肉骨茶理應是胡椒味重的清湯底啊！< 這是我去新加坡時，當地人告訴找的。>其實這馬來西亞肉骨茶都不錯（雖然比較油膩），但身為主打新加坡菜的餐廳也搞不清楚，也實在太令人失望啦。好彩我那個只是隨海南雞飯附有的細版。。。一道搞錯了的肉骨茶，其實是一間東南亞食店吧海南雞飯的雞不錯，的確是沒有骨的那種，但上面洒了重重的麻油，完全蓋住了雞味。大大碗的油飯是我吃過最油的，味道當然香。我們也點了份一人餐，當中選了海鮮叻沙摻摻、沙爹雞肉串燒和斑蘭檸檬薏米水。叻沙好大碗，有幾塊魚片，一粒帶子，一隻青口，兩隻蝦，半隻蛋。講真，真的很不錯，味道也很豐富，只是偏辣，未必人人可以接受。它混合了類似油面和米粉。我寧願它全部是米粉，會比較好味和容易夾起。湯底的椰汁味香濃。小食的串燒只有兩串；好彩得兩串！沙爹汁好辣，串燒不是燒的，連焗的感覺都沒有，更不用希望吃到炭火烤的味道了。跟新加坡吃到的，或者是九龍城的泰國燒烤的完全是兩碼子的事。雞肉算嫩，而且每串的份量不少，但也彌補不了味道不好這個缺點。飲品，我們要了兩杯凍斑蘭檸檬薏米水。以為會有斑蘭味，原來沒有。到底斑蘭到哪裡了？檸檬就只有一片，薏米倒是大量的。吃完一餐辛辣熱氣的食物，來一杯薏米水真是好舒服。環境：坐位舒適，但人手嚴重不足。等了約五分鐘才有人來寫單。另一問題是店內好多小昆蟲在飛。一隻被我用芫荽葉壓死，一隻掉進我的薏米水 （後來職員幫我換了一杯），還有幾隻未能成功降落到食物上。…查看更多

今晚凍冰冰，坑口更加凍。晚上九點幾一個人來搵野食，發現呢間錦麗原來今日剛開張而價錢又係同一商場內比較合理的，就又來試下。原來佢係一間只賣牛肉河粉的店。見佢個menu 隻隻粉都差唔多價錢，咁就貪心啲，點左個乜都有啲嘅綜合粉啦佢啲芽菜/青檸/薄荷葉等等的香料在我坐底時就同我一齊放在枱上，所以我曾經懷疑過到底佢係咪裝飾品呢？哈哈。。。不過見佢咁新鮮，應該係比人食嘅~個湯底好清，但係好有牛肉味。我真係想就咁飲哂佢呀！啲牛腩牛丸都超林，好有牛的香味：係食日本菜的牛肉之外，好耐未食過的那種牛肉味呀！反而裡面的兩三塊生牛肉有啲失望啦。不過都是可接受範圍之內。可能天氣凍，又或者我掛住飲湯，又或者係我榨青檸汁用左比較多時間，當我再放芽菜等等入湯時，個湯已經涼左好多，浸唔林佢地之餘，又出唔到香料味了。我下次再食時，一定會早啲落香料類同埋要試食佢啲小食，因為好似好便宜咁呀~…查看更多

下午三點幾未食lunch，一個人去試試新開張的Mr. Steak. 見佢有下午茶，$5x 起，於是我點了$65 的紅酒燴黑豚肉長通粉，配咖啡。份量比我預期中小，鋪在上面的“黑豚肉” 的賣相其實有點似茶記的五香肉丁，不過味道當然是很有紅酒香味的豬肉啦！意粉很彈牙，是 al dente 那種質素。咖啡呢，共加了1.5份奶和1.5包糖就帶出咖啡的香味了。環境好好，座位之間的距離好舒服，裝修亦好classy, 平日下午茶不收加一（其實其他日子都最好唔收 extra 10% 啦！）只是考慮到份量實在太小，如果下次好肚餓就未必再來了。…查看更多

（下午茶 2:30pm~6pm )我經常因工作關係，到處遊走野食，一個人食得最多應該係茶餐廳。而近年多飲“茶走” （雖然係不健康嘅...），呢間紅磡冰室係我飲過最有茶香味，練奶比例亦剛剛好，不會太甜。而且唔係好似其他茶餐廳咁，加完淡奶再加一匙奶，搞到奶味勁重。其實我今日係點下午茶餐，黃金雞粒炒飯。落單後不足15秒，係，15秒！已經上枱了，連落單的哥仔都嚇一跳。不過呢個神速應該係純粹巧合可能因為個茶走已搶走我的味覺，炒飯就平平無奇了，雖然佢其他係咸蛋黃炒飯。…查看更多

沒想過，在距離深水埗站那麼近的地鋪，居然有間台灣過江龍，而且還有點文青感覺。高高的樓底，配上黑啡色的工業風裝潢，令我有渡假一樣的輕鬆感，而且一點也不嘈吵呢。枱與枱之間的空間也是香港少見的寬闊啊~我們當天吃lunch，人不多，食物也很快送上。魚柳沙律份佷大，魚炸得很香脆，好好味。沙律也配上了一個香而不油膩的醬汁。薯條好粗，脆Pizza 是軟熟的，沒有熱氣感。奶茶是台灣的味道，但沒有珍珠。茶是用Lipton 茶包，配pizza, salad, 特別好喝，又解渴！所有都好好，唯一不合理是casual cafe 的格局和服務，中午居然都要收取加一服務費…查看更多

星期日約七點來到，等了10-15分鐘左右。有個二人餐好抵，所以就試下啦。我地點左1) 頭盤: "網中卷" (6條越南春卷)--- 好脆，好香，配一個少少酸甜辣的汁，幾好。(2) 主菜: Pork Shoulder --- 賣相好吸引! 好厚呀，最薄的地方都有一寸厚。亞洲風味的汁，少少辣，其實蓋過豬排的香，又有筋。是西式烹調法，但中式的醃製 (零香料)，有點可惜。配菜亦好少。成碟野就係好咸 (3) Carbonara : 佢有扁意粉和長通粉可選，我們選了長通粉。味道、咬感都好好，中間有隻 poached egg (我以為係一舊 cheese...)，蛋白好"鞋". 二人餐來說，好細碟。(4) 飲品: 點了甘菊茶和 mocha. 呢度好處係，飲品唔係得最普通的咖啡奶茶檸茶檸水。佢有不同咖啡、花茶和特飲可選，全部不用加錢。其實食物以這價錢係ok, 但最大問題係人手不足。星期日晚peak hour 得3-5人在樓面，佢地真係半行半跑架! 亦有職員做到黑面，因為不停有人叫佢攞呢樣個樣。到8:30左右，已經有半間餐廳吉左，樓面亦得返2-3人。其實等一陣就有位，眼見有不少人放棄等位走左。如果老闆可以請多1-2人，流程會快好多囉！…查看更多

星期六下午，一個人想食飯，又想飲杯coffee, 發現一平安的lunch set 竟然有coffee, 咁就入去試下啦！ 十年前左右，都去過佢尖東本店兩三次。以前學生年代，覺得$100 一個人好貴，雖然好味但唔拾得食。今日係近十年來第一次再食………有啲驚訝:又話係麪屋，但格局明明係居酒屋。食拉麪，但提供熱水既? (日本的做法係,提供冰水，香港好多小店都有follow)店員之間係講菲律賓話，與食客就講英文或廣東話 不論佢對象係本地人定外國人中，食物都應該要做好。我的 lunch set : 細熊本拉面+牛舌飯:一早講明係細麪，所以預左細碗。有一塊豬腩肉，偏肥。荀就偏咸。麪有咬感，不錯。但湯底好人造的感覺，而且唔濃，個人不太喜歡。牛舌飯，可能係我有錯誤的期待，以為日式牛舌就係好似燒牛舌咁。一來佢份量好少，得4-5塊左右。二來，佢係中式牛舌-----好厚、好堅韌。三來，牛舌的燒汁雖然好味，但飯面的汁呈啫喱狀，令我覺得食緊飛機餐。coffee : 意想不到，竟然飲到杯好coffee 。Cream milk 係自己加的。好香，無酸無苦。但要趁槷先好飯 服務方面係好既。菲籍店員好勤快，好有效率，亦都用心工作，呢方面我真心好欣賞老闆請人請得好。整體而言，食物質素如果能改善一下就好了。…查看更多

第二次去啦，今次係22/2, 1:35pm 一個人去到，見有大量吉枱，打算坐卡位或沙發位。門口的圓潤姐攔住我，大大聲話，"一個人呀,圓台或者搭枱啦！" 我問，唔坐得卡位嗎？佢話一個人唔坐得。咁我坐圓枱囉…坐低左，點餐，同時再問多一次係咪唔轉得枱。佢再一次話一個大唔坐得，就算坐都係搭枱。我問，咁多枱都唔坐得? 佢一聲唔出，就走左去…點左個$51午餐，如圖。湯ok, 比正常茶餐廳辣。包，凍嘅，配上無牛油味的人造牛油。茶走係所有食物當中最好的，但練奶稍多。個焗飯……個汁無味，豬排好少，雖然係炒飯底，但都無味………以為上面的芝士會正常啲，點知又係令人汗顏的質感……一間茶餐廳服務差都算啦，預左，但食物質素同價錢的性價比奇低。後來見到同枱的中學生，每人只係$36/餐，就終於明白點解呢間野日日都咁多學生客了 。又唔好食，服務又差，單人食客無權選擇座位 (而其他2人或以上又可選擇) 的食店，有咩理由去令我再去?Bye Bye …查看更多

星期六2:300 左右入座，驚喜是，原來有下午茶啊！點知，下午茶都平均要$60, All day breakfast 仲要+$5 先有coffee/teas...我唯有點正餐牌內的火車頭湯檬，老公點左 all day breakfast 的 ABCD.(1) Service:上菜速度好快，除了all day breakfast 內的迷你通粉。催左三次先有，等左20分鐘左右。雖然人手好多，但人多唔一定有效率。(2) 食物~火車頭 pho~ ok 啦，湯底有味但唔夠濃香草味，較清淡，但應該無味精。有扎肉半片x2, 牛展x2, 幾片肥牛 (好味)，彈彈魚蛋一粒，肉丸一粒，手撕雞 (好香)，和一大堆洋蔥絲。份量都不少。但唔值 $6x囉~全日早餐~一睇就知出事啦！加$5 要左杯普通咖啡，竟然係全餐最好架，有質素，甘香，肯定比連鎖咖啡店好好多!牛角包，好好，雖然唔係鬆脆個種，而係較有咬感個種。炒蛋，不錯。香茅豬排呢…唔講都唔知係香茅，只係食到一陣鬆肉粉的味道。好假。薯餅…恕我一睇就稱之為粉餅。跟本就似超市買來返炸的粉質薯餅。*****但低處未算低!等了又等的"迷你通粉"終於上枱。賣相一般，就是雞湯之類的湯底浸著通粉和橙黃綠色的雜豆。老公一食就話雜豆未煮透。我忍唔住試左3粒。根本係味未煮熟啊！難吃到要吐出來，我都係第一次。於是成個迷你通粉只被吃了幾啖就放棄了 。總結二人下午茶共 $141. 雖然沒有加一服務費，但性價比的確好低 。大快活的質素，但又貴過太興喎…………主打越菜，但竟然係 coffee and croissant 好味啲。有啲奇怪。…查看更多