kwgnino的個人專頁

最近megabox開左一間燒肉店，但係午餐時間門口都會一條長長的人龍，當同事們都議論紛紛，討論緊點解有咁多人可以有時間午餐時間食燒肉之際，有同事提出原來是有set lunch首先，前菜是任食的，包括泡菜，所以食完可以再叫，如果選擇的是燒肉套餐，則可以無限享用爐邊蛋，芝士要再加錢，飲品亦不包含在套餐內我選了雞扒蛋包飯，雞扒和蛋上菜時很熱，相信是即製的，而且飯是炒飯，不是白飯，再加上碟上亦有沙津，所以絕對夠食，而且好食，價錢方面亦不貴…查看更多

每一次午飯時間經過德福大廈後街，都會發覺有一間鮮藍色門口的餐廳拖著一大條人龍，為數大約二十人，可笑的是明明旁邊的餐廳都是有空位的有一次我終於下定決心係龍尾排隊，發覺人龍其實消失的速度很快，大約十五分鐘左右就已經有位入到去見到裝修唔算特别，都係普通茶餐廳一間，但有大約一半人都係食緊同一個飯，就係佢地招牌茶，XO醬叉燒炒蛋飯，咁我當然跟風叫從相片所見，炒蛋完全覆蓋成個飯，質地係屬於炒滑蛋，唔係煎香個一隻，配合XO醬同埋豉油，簡直係減肥人士的地獄，因爲一定會忍唔住將全部飯食哂個次之後，我每隔一段時間就會成為人龍的其中一分子…查看更多

經朋友介紹得知有間係天后的高質素餐廳，趁父親節就同屋企人一齊去試下餐廳地點距離地鐵站大約十分鐘路程，如果係駕駛者，最近的停車場就係維園泳池標位餐廳定位係中高價，坐位大約三十至四十個，大部分都係熟客，有兩層，地下放左魚缸，有新鮮海產作刺身，亦有發售雪藏食物，而全部坐位都係第二層，所以有老人家同行要特别留意食物質素方面基本上都無投訴，無論刺身或是熟食都屬於高水準，加上老闆亦親力親為，落力介紹，亦親自操刀所有食物都要即叫即製，所以某部分食物，如豬手，需要提前預訂，刺身亦都需要等，尤其是我地經老闆介紹選了一條活魚作刺身據說老闆本身亦有經營食品海產批發生意，所以食物成本和質素控制得較好成餐飯食左三個鐘左右，服務非常好，亦完全無趕客…查看更多

牛角相信好多人都食過，但係牛角其實有部分分店係可以食放題的，奧海城就係其中一間，不過去呢間牛角食野有一個預期，就係等位，因為隨時等位時間多過食野時間價錢分為四種，當然價錢越貴，選擇越多餐廳入面係用平版電腦落單，所以基本上同店員係無咩交流食物方面都算上得快，質素就同平時其他牛角餐廳差不多，唔會因為放題而降低質素，飲品方面都係任叫的值得一提的是由於外面長期等位，所以時間方面都捉得緊，最後30分鐘就會截單，平版電腦會收起，所以last order前要叫定多少少野食…查看更多

今日去銅鑼灣個邊做野，一早已經約定朋友見面去呢一間餐廳門口等佢開門，點解要咁緊張呢？因為其實都想試好耐，不過有一次去尖沙咀分店，排隊排到出唔到𨋢，另一次黎銅鑼灣分店，點知當時衛生局公佈進口呑拿魚有問題，所以呢一間餐廳亦都停售由於我地6點一開門已經衝左入去，所以當時餐廳無人，我就當然叫左招牌呑拿魚，呑拿魚黎講，我比較鐘意食中拖羅，因為食到魚油香又未至於好肥，今次我仲專登加錢增量，性價比其實都算高朋友就叫左個碎切魚生飯，呢一個飯就失色少少，由於全部碎切，都唔係好食得出有咩分別…查看更多

今日去尖沙咀剪頭髮，剪之前就約左個朋友去附近搵野食，我一直都好鐘意食日本野，之前亦都聽過鉄火堂個名，見無咩人就入去試下餐廳座位唔算闊，不過香港寸金尺土，都難怪，午餐黎講都算抵食，三色魚生飯份量唔算好多，但都合理同朋友一人一個飯，我鐘意食蝦，所以叫左一個蝦同帶子，朋友就唔太鐘意食生野，所以叫左一個火燒魚生的飯魚生總體黎講都算係新鮮，中上質素，而且由於食午餐的關係，價錢比較合理，一百蚊已經有找，相信同晩餐的價錢差一截，所以如果下次再黎食，都會選擇午餐…查看更多

今日去開深水埗買電腦產品， 當然要睇下附近有啲咩好嘢食啦， 經過一輪尋覓之後， 就見到呢一間拉麵鋪， 見門口冇人排隊， 即刻就入去食叫咗一個極上拉麵， 首先講個湯，味道不錯，無論味道同質感都接近日本食嘅拉面嘅水準，面條都煮得剛好，有咬口，亦唔會太腍，但係半熟蛋同叉燒就令我有少少失望半熟蛋嫩滑有餘，但味道不足，完全達不到味玉的標準，另外叉燒切得太薄，食起黎無口感之餘，亦令性價比降低，始終一碗售價近百嘅拉面，我嘅期望都會相對提高地理位置方面都要留意，鋪頭位於深水埗地鐵站出口大約二十步左右，但由於我食的時候已經接近夜晚9點，地鐵站附近有好多群南亞人聯群結黨，令我有少少不安，所以如果對呢方面有考慮的朋友可以選擇早少少去食…查看更多

今日去整回鄉證，去到企業廣場附近搵野食見到明明旁邊的餐廳都仲有空位，偏偏呢一間餐廳門口就企滿哂上班一族，已經覺得呢間餐廳唔簡單入到去見到啲裝修又唔係特別靚， 枱櫈都放得好埋， 其實同一啲專做午餐嘅工業區餐廳冇乜分別， 基本上一坐低店員就會問你食乜嘢咁我今次就叫咗一個豬髀加魚柳， 首先分餐上到嚟我面前嘅時候都仲係我非常之熱， 其次食落去嘅時候， 豬髀都算幾大舊，亦都有咬口，魚柳都仲係脆嘅咁我就明白呢間餐廳點解會排曬大隊啦…查看更多

呢一間餐廳開左一個月左右，一直都好想搵機會試今次同幾個朋友一齊試下，質素我會形容為不過不失叫左幾個唔同的熱食，有牛小扒配意大利飯，腐乳雞肉意粉，同埋漢堡，仲有幾杯咖啡，最後有一個蘋果芝士蛋糕牛小扒質素幾高，不過意大利飯略嫌味道啖，菇的味道唔夠出腐乳雞肉意粉採用卡邦尼式的煮法，直接用腐乳代替芝士，所以口感還好，而且有腐乳獨特的味道漢堡原本餐牌上寫跟炸紫薯，但我轉左跟薯條，漢堡肉味不足，薯條雖然是即炸，但不脆咖啡味道偏啖，算是比較失望的地方，始終是以咖啡為名的餐廳芝士蛋糕比較重肉桂味，下次會比較想試當日售清的柚子味…查看更多

朋友約去呢間新開的泰國fusion菜好明顯睇得出放左好多資源係裝修方面，用料講究兩張枱之間的距離都足夠，方便傾計食物質素的確唔錯，特別對青咖喱意大利飯同冬蔭公意大利飯有印象因為佢係煮到個咖哩汁同冬蔭公湯好濃，再煮成意大利飯，所以係非常入味但呢間餐廳有一個特别的規距，就係所有顧客都要最少叫一杯飲品，我地的情況更是發生係接近埋單的一刻先被通知如果可以在入座前提到規距會更好，因為我地全部人都已經食飽再要多飲一杯飲品實在有少少辛苦但無論如何，應該會再去…查看更多

上一次去裕記食飯都已經係十幾年前了一直都好想去多次，終於有機會門口有停車場，所以都還好燒鵝有炭燒的味道，皮脆肉嫩肉汁都算多另外叫左酒煮鵝肝同豉油皇鵝腸都係水準以上但其餘非鵝類食物例如椒鹽魷魚同西洋菜湯就一般而且較貴…查看更多

已經食左好多次，主要係因爲屋企附近食材新鮮，尤其係隻長腳蟹，現場去魚缸度揀188一斤，揀左一隻五斤，七個人食都好夠每次都到都會再叫豬肉丸同燒賣燒賣係完全未蒸過的，生上，好特别唯一要講一講個服務某d侍應好似唔憂做咁十問九唔應…查看更多

細佬生日，所以一早book定位，唔需要等位佢個鋪位都幾大，我地坐低都八九成滿叫左個6-8人餐招牌椰子雞鍋幾好食，雞應該係新鮮雞，椰子湯偏甜，不過如果煮完其他野再飲就會剛剛好兩款牛肉只是一般水準，肉味不太突出鍋仔飯超大鍋，分到大約十碗，飯煮得偏濕偏冧，不過我地大食，仲要叫其他野食一定要讚的係個豬潤，我地要再encore，新鮮得黎無醃過，食落爽脆，必食推介服務質素都幾好，侍應數量足夠，好多都係後生仔女，熱情十足埋單1312，六個人除開都係二百幾，食物質素同服務都達到水平…查看更多

一個捉精靈的下午，楂車經過筲箕灣，見到華星冰室，想試一試等左一陣，入去叫左個常餐，一隻雞脾，一份校長多士炒蛋幾滑，多士夠鬆軟雞脾皮脆肉滑奶茶偏甜，但茶味都夠，最特別係個杯，有d懷舊風味校長多士一份有四件，係芝士加黑松露醬，即焗，夠熱，但係我嫌味太濃，因為芝士同黑松露都比較重味，所以如果配合甜品食合比較好…查看更多

呢間鋪頭食過好多次，因為係公司附近，不過第一次食佢個招牌菜：濃蝦湯佢個濃蝦湯唔似一般濃縮湯溝水，味道偏甜，可以配飯或烏冬今次我就叫左個烏冬，再加10蚊塊雞扒，埋單都只係60蚊，以一般午餐黎講還算可以…查看更多