白雪珍珠奶茶: 0係而家盛行既台式奶茶鋪之中, 少有咁重茶味, 而唔係太甜. 白色既珍珠幾特別, 珍珠就硬左D. 整體OK. :)…查看更多
朱古力曲奇: 有D腍左, 可能出左爐一段時間. 幾香牛油味, 夾埋朱古力都唔錯. :)不防一試既曲奇, 唔知其他味會唔會更吸引呢?
…查看更多
叫左個2人餐$148, 有一個湯羹, 一個冷盤, 兩個熱炒, 一款甜品/兩件鍋貼. 好似比散叫抵好多咁, 但係食落就懷疑碟碟都細碟左.:(
雲吞鷄: 湯底勁濃味, 直頭係鹹得滯, 唔知係味精定乜野, 但係都幾好飲. 雲吞幾大粒幾好食, 皮都幾滑唔係好厚. 仲有隻全雞肶, 煲到老左少少, 但係好入味. :)醉轉灣: 有一隻全翼, 幾舊雞胸, 雞好入味好滑, 連雞胸都OK. 醉汁非常得, 濃酒味又唔過火, 唔知係花雕定係咩酒, 唔識飲酒. 咸肉津白: 津白幾靚幾入味, 配埋D類似金華火腿更加唔錯. 賽螃蟹: 份量勁少, D蛋白竟然唔夠撈一隻蛋黃. 蛋白有少少蟹柳, 都幾滑但係唔夠味. 白飯: 特別一提佢既白飯係用珍珠米, 但我反而覺得唔係好夾D餸. 酒釀小丸子: 其實今次係第一次食呢款甜品. 湯底幾清甜, 有陣陣桂花香味同酒味. 丸子幾煙韌, 有好多粒, 全部食晒都幾飽. 係一個唔錯既甜品, 係略嫌甜左D. 好似唔係好夠人手, 成日都叫唔到個侍應幫手. 
食物係幾好, 但係呢服務同環竟就配合唔到個價錢. …查看更多
醉豬手: 酒味較淡但係幾入味. 豬手爽口, 同個汁配合得唔錯.:)上海酸辣湯(少辣): 真係少左辣, 連平時完全唔食得辣既我都食到. 湯底味到唔太濃唔會太刺激, 又幾足料.小籠包: 餡料唔錯多肉汁. 但係包皮略為太厚. 麻醬雞絲粉皮: 粉皮好渦好薄. 麻醬濃淡適中. 整體配合幾好. 蒸銀絲卷: 非常軟屬, 甜甜地, 餸D有汁既餸就仲正. 上海春卷: 皮唔係好夠脆, 但係味道都OK.紅燒元蹄: 豬手好大隻好多肉, 又煮得好腍, 唔使點用力都切得開. 肉質夠腍又好入味. :)賽螃蟹: 蛋白好似撈左D帶子肉落去, 炒得幾滑, 味道唔錯. 硬係食掛左D賽螃蟹係有隻蛋黃俾你自己撈既, 呢碟冇又好似差咁D野. 豆沙鍋餅: 豆沙餡就好足料, 仲必晒出來, 但係個皮真係太硬, 口感麻麻. :(發現好多人話新裝修之後食物差左, 我反而覺得剛好相反係好食左喎, 可能我今晚好彩個大廚出左真功夫啦. …查看更多
什菌忌廉湯: 勁大菇味, 夾雜蘑菇冬菇等. 幾新奇, 未飲過呢種味道既忌廉湯. 和風冷豆腐: 個汁酸到爆, 唔知係咪落得太多醋, 定係正宗既味道係甘, 實在唔識欣賞. 豆腐亦唔見得滑, 冇豆腐味. :(日式漢堡配自家製咖喱汁烏冬撈: 咖喱汁冇乜味. 烏冬腍左D. 可取既反而係塊漢堡扒, 好似溝左D洋蒽定疏菜, 味道fresh. 日出和風照燒雞扒燒飯丸: 應該係即叫即焗, 隻日出生蛋都熟埋. 煎飯糰唔錯, 又係好新奇, 基本上唔使餸雞扒都好食, 再撈埋個半生熟蛋就仲正. 個照燒汁就太濃太甜. 雞扒OK. :)凍蜜桃茶: 似曾相識既味道, 好味, 但係太多冰溝淡左. 唔明點解用個熱飲杯裝凍飲, 仲要冇飲管, 搞到飲起上來成口冰. 值得一提係個年青waiter 好有禮. :)…查看更多
看過餐牌後發覺似曾相識, 應該係旺角都有分店, 但係店名少左兩個字???~$60套餐有前菜, 油菜, 主菜, 白飯(轉魯肉或咖哩飯+$5), 飲料.皮蛋豆腐: 勁多木魚, 汁料調較得唔錯. 皮蛋偏硬但唔腥有軟心黃. 豆腐清甜, 略嫌不夠滑. 整體味道相當唔錯, 係份量太少要成$28. :(紅燒牛肉麵: 有南瓜同白蘿蔔的麵. 湯底好重南瓜味, 蓋過牛肉味. 牛肉都算唔錯, 夠腍半肥瘦. 麵係闊身, 口感一般. :)前菜: 有牙菜, 齋魚翅, 蟹柳絲等等. 味道ok但係勁多油. 油菜: 台汁油墨菜, 普普通通. :)沙茶魚柳: 好少汁, 又無沙茶味. 魚柳勁薄, 仲薄過D炸粉. 味道麻麻.:(白飯轉魯肉飯: 好淡冇肉臊味冇飯味, 仲有D怪味. 仲衰過D非台式食肆. 甘桔檸檬: 類似現成樽裝汔水既味邊, 得個甜字. :(一食飽就過來叫我地轉枱, free張4人枱出來. 我都費事阻住人, 叫佢埋單, 係佢地自己埋單慢, 又俾我聽到出面個帶位話我食甘耐都未走, 算點? 
總之甘既價錢, 俾D甘既食物, 同埋服務, 冇下次. …查看更多
梅菜扣肉: 扣肉中佢都算好瘦, 我簡左舊最肥既, D肥膏索晒D汁, 味道一流. 汁帶甜而唔鹹, 就咁食D梅菜都好食, 餸飯就更加唔使講. :)竹笙北菰時疏: 竹笙冬菇, 菜芯底. 味道都可以, 但係幾多油. 招牌鹽焗雞: 非常入味, 基本上唔使點沙薑已經好夠味. 果然係招牌, 連雞胸肉都造得好入味好好食. 略嫌熟過龍少少, 隻雞肉質未夠最滑. 中式牛柳: 牛柳硬到咬唔開, 估到呢味甘簡單既菜竟然會出事. :(西檸芝麻蝦球: 外皮乾身配西檸汁唔錯, 汁料味道剛好唔酸又唔會搶左D蝦味. 芝麻都係裝飾多, 冇乜作用. 蝦球都好爽口, 有蝦味. 係份量少左D, 唔夠喉. 冬瓜盅: 幾足料, 冬瓜肉新鮮. 湯底清甜冇味精, 但係我嫌淡得濟. 隻雞真係好大隻, 7個人食極都有, 攬位個肚走. …查看更多
雖然已經係第二次來, 但係我回夾雜埋第一次的感覺來寫........主菜+$15有一個湯一杯飲料, 唔知點解一定係酥皮, 好在我都喜歡飲酥皮湯.:)酥皮蘑菇湯: 賣相唔錯, 酥皮脹卜卜, 皮稍薄唔會濟, 亦算鬆脆. 湯底有香濃蘑菇味, OK.小龍蝦墨魚汁石窩飯配特級龍蝦汁(改配粟米汁): 竟然冇龍蝦汁, 侷住改粟米汁, 原來粟米汁Match墨魚汁飯都OK, 不過就Match唔到飯入面D菠菜. 墨魚汁飯幾香幾好食, 仲係一粒粒飯粒又唔會勁多飯焦. 龍蝦仔一般, 口感有一點點梅又冇乜龍蝦味.帶子焗意粉配芝麻汁: 入口幾清新, 都唔錯. 芝麻汁略淡, 正好俾我加芝士粉. 雪藏帶子有咬口, 但係一點帶子味都冇. 食到甘上下發現碗底勁多油, 怕且係芝麻汁既油, 影響胃口. 凍檸茶: 西式味道較淡, 飯慣茶記檸茶就更加覺. 雖然好既菜式係唔應該加餐枱上面既General調味料, 但係佢提供既美極同芝士粉係我既至愛. 加少少試下啦.…查看更多
餐牌果然有好多特別的款式, 配搭有創意, 但我都係點左最愛的芒果系列, 比較隱陣, 雖知新配搭未必好食. 芒果雪花: 豆腐花用芒果汁做湯底, 再加個芒果味雪糕. 芒果汁唔太甜. 豆腐花當然冇正宗既幼滑同豆味, 不過特色甜品就唔使甘講究. 雪糕都係牛奶公司味道, 整體味道都算Match, 不太漏的甜品. :)彩虹: 都係雜錦山果加西米,大粒西米, 黑珍珠, 椰汁芒果汁湯底. 味道OK, 沒乜特別, 最特別係個名. 山果都OK甜, 但係大西米實在太飽肚, 見議正餐食得太館就唔好點呢個...... :(芒果錦錦冰: 試食了一啖, 聽講係新興既片冰甜品, 台灣傳入, 但係我都係第一次食. 口感好新鮮好特別, 入口即溶, 仲有濃郁既芒果味 店員不繼推介雪米滋$3粒, 友人食完話:(........都係唔試......…查看更多
唯有睇下人地食緊咩, 發現有人食緊塊炸得好靚既豬扒, 唔知係邊檔....... 見到東記招招牌, 記得openrice 見過, 諗住應該冇衰. 本來自己滿口痱滋, 唔想再食熱氣野, 但係坐底發現麵食冇乜餸選擇, 炸豬扒同炸雞翼睇來係必然之選, 見佢有剩餸炸豬扒炸雞翼一盒$50就知係招牌貨. 炸豬扒夠份量外脆內厚肉, 肉汁保留不乾身, 仲要係半肥瘦, 很少有. 在唔想食炸野既時候都俾佢吸引左.炸雞翼同樣出色, 基本上外皮味道同炸豬扒差唔多, 份量有4隻.牛丸米線, 牛丸一般, 不夠牛味不夠彈牙. 菜肉雲吞米線, 雲吞都唔錯, 皮夠薄, 大少有點像鮮蝦雲吞. 香港應該很少地方可以用呢個價錢食到甘既炸豬扒質素! …查看更多
雖然人流甚高, 服務態度依然非常好! :)…查看更多
