marydaniel的個人專頁

去開旺角，知道呢間新開，而且見都有好多好評，所以決定黎試下。佢分成2層，下面個層方便大家買外賣拎走。行樓梯上去2樓係餐廳，不過行樓梯小心啲，無扶手。上到去環境ok舒服,可能因為新開暫時唔多人，員工幾有禮貌。由於知道台灣食物一定油膩，怕食唔曬，所以都就住黎叫。_飲品凍飲) 芋香奶綠茶好飲～老公鍾意～_(熱飲) 珍珠奶茶好驚喜～佢個奶茶底好香～連我老公都讚～如果無飲錯，應該係用百爵茶黎沖，而且好滑～值得推介～_食品:台式滷肉飯簡簡單單既魯肉飯～ok既～味道唔差～_宜蘭蔥鹹餅好好味～～～味道好似食緊餃子咁～不過每粒都好多油，（唔敢肯定係湯汁定油）多到可以滿曬成隻匙根…😅😅😅感覺上少啲油會好啲…_鹽酥雞扒刈包麵包皮甜甜地，鹽酥雞新鮮炸起，好味。晚餐黎講，食得飽肚，味道又ok，唔算太貴。下次有機會都會再黎試下食其他食物。…查看更多

為左慶祝媽媽生日，所以係御泰坊訂左枱晚餐～不過去到都係無位，明明book左位凖時到都要等成半個鐘先有位…所以比較失望！我地一行6人，叫左6樣野食，大部份都好滿意～蒜蓉包好味～香芒軟殼蝦米網紙卷咬落去好清新～Good～生菜包本身blog主比較唔食得辣，但呢隻反而唔算太辣，ok wo！泰式炒金邊粉ok～不過不失～好香～越南咖喱牛腩牛筋用呢個咖喱點蒜蓉包都好正～椰青海鮮焗飯呢個好普通同份量好少～😅😅😅因為blog主已經係其他地方食過好好味既版本～所以呢個有少少失望～…查看更多

同老公經過尖咀有啲野要做，咁啱呢間餐廳就係我地附近，之前上網已經見到有評論推介，當然即係去試下啦～*不過如果唔係去開呢頭，其實都唔算易揾架～😅標榜無味精既海南雞飯+櫻花蝦雞湯～尖沙咀 $58 呢個價真係抵食👍飯係黃油雞飯，海南雞去骨亦夠嫩滑、櫻花蝦湯好入味～又多蝦仔～完全唔係普通湯～好想飲多碗～另外叫左個手撕雞鳥冬，麻麻地…因為無醬料啲鳥冬完全無味…就算加埋沙津菜同手撕雞都係無味…😅😅😅我覺得可以落啲麻醬比客人撈黎食會好啲。總括黎講招牌菜去骨海南雞真係抵食！…查看更多

慶祝生日，揾到呢間係尖咀旺區既好餐廳～唔難揾，係美麗華附近～環境舒服、服務員有禮貌～等朋友前，服務員每人上左一小杯芒果汁加薄荷既飲品試飲～6個人 食左 6 道菜～食到好飽肚～1. 雜錦烤餅有幾款味，原味、芝士、蒜蓉、洋蔥～每款有4塊～芝士最好味～原味建議加啲咖喱汁食～2. 椰清海鮮焗飯好好味～～～個飯點食都唔會"利"3. 泰式咖喱炸軟殼蟹配埋個咖喱汁好好味，食唔停4. 泰式薑蔥炒大蝦好味～5. 生菜包（好辣）如果比多少少生菜會好啲，得幾塊唔夠6. 炒菜普通炒菜因為訂位有8折優惠，平均每人只係$120～真係好抵～最重要係環境舒服，適合一班朋友傾計聚會。…查看更多

新店門面，合共2層～下面個層方便大家買外賣cake、coffee～入到去即刻會有staff招呼我地上樓～同之前舊店唔同～（以前自助揾位）今次新店張menu唔同以前，多左好多選擇～因為食左野先上去，所以只係叫左2杯野飲～塊鏡面有圖案架～😄😄😄呢個係牛奶咖啡～個咖啡好特別～雪成查理布朗個樣～（唔知會以為係朱古力😂😂😂）飲個陣時，先將少少熱既牛奶倒入去，查理布朗會續步慢慢溶化，加少少糖水落去調成自己想飲既口味～重覆以上步驟，可以享受到唔同程度既咖啡，由濃到淡，真係幾特別👍👍👍另外呢杯係玫瑰花伯爵奶茶，好香花香味～好好飲～前後去左2次我都特登點黎飲～連男朋友都鐘意話好香好好飲～😄😄😄（仲有個靚靚杯墊，即刻攞黎收藏😘）…查看更多

一個10號波打過黎，黃昏落3號波，唔想煮飯，所以沖左出去最近我同男朋友既石門漢和開餐～去到比預期中多人，可能因為打風後既關係，我地最後等左10分鐘左右有位～算快了😄入到去個場都算大，不過因為見到太多人，有限時情況下應該好快要走，所以即刻去攞野食～（最後夠鐘無趕我地走）我地最先攞既係凱撒沙津加車厘茄，啲車厘茄唔太酸，沙津菜新鮮👍加上芝麻醬口味既沙津，加少少黑醋～同我出去食開既凱撒沙津一樣味😄😄😄之後係三文魚～好新鮮～😄😄😄生菜keep住都有供應，唔怕無生菜包肉食～不過啲菜靚既情度就一半一半…啲肉都醃得ok~最後係甜品～涼粉我最鐘意既七彩啫喱～西瓜唔夠甜～☹☹☹蜜瓜夠甜～而且唔係間間漢和會有提供的～😍😍😍其實仲有好多，無法一一列表～食物質素唔差，員工服務都幾好～客人主動提換爐都會盡快換～整體係👍😄…查看更多

去開荃灣玩，經過食個晚飯～薑蔥爆雞好好味～其實仲有個湯(唔記得影相)～都好好飲～👍男朋友就食左鎮店肉丁撈麵～未影相之前佢偷食左幾啖個奶油脆豬😂😂😂(呢個奶油脆豬好多人都會願意加錢買黎食的)無記錯個撈麵係有啲辣，所以我無食到～男朋友話好好味～😁😁😁有同餐廳既主廚花姐傾過計～佢對每一道菜都會鑽研而且非常有心得的～😁😁😁👍最重要係又好食又係平民價～👍👍👍所以經過呢間餐廳既朋友真係不防一試喔！😄😄😄…查看更多

經過尖沙咀見得閑，所以上左查理布朗Cafe嘆下～唔算太多人，一上去就有人帶位同放低menu，每人最低消費一杯飲品就可以。環境尚算舒服～適合三五知己聚會。最鐘意就係一路食一路睇佢投影器播既Snoopy動畫，不過可惜係簡體字…餐廳背景會播熟悉既Snoopy主題音樂。另外餐廳會有中英文花生漫畫借閱，可以話係Snoopy Fans最啱去既地方～食方面就叫左杯秋季推出既岩鹽焦糖伯爵奶茶～好好飲～另外叫左個三文治配炸薯角食～感覺上比覺普通，偏貴，味道還可以。咁啱臨近聖誕Snoopy有裝飾～好可愛～本身係咁既樣分享一啲之前影落既相～呢張唔記得幾時影…不過想講既係餐廳有提供素食餐啊～👍…查看更多

炸雞柳配紅莓子醬係好好味！*如果分開炸雞柳同個紅莓子醬試味，個味道係會好普通的…但係如果兩者撞埋一齊黎食，竟然係好好味既配搭！*個紅莓子醬係淺粉紅色，可能初頭第一次見既話會覺得好奇怪，唔敢擺落口，但配埋個雞柳係堅夾的！😍😍😍👍👍👍…查看更多

每次行MEGABOX都忍唔住入IKEA餐廳食飯，無論係下午定夜晚都會首選IKEA～完全係上左引～西冷扒一定係首選～價錢平、個汁又好夾塊西冷扒～最近佢地配菜配返牛肝比以前好味好多！當然仲有瑞典肉丸~(係九龍灣分店先整得好味！)另外香草醃煙三文魚沙津仲會配埋檸檬比你～*仲有個雜菜薯餅都好好味。(無影到相)*$7就可以無限添飲～IKEA既食物簡直食到lam lam利～👍👍👍👍👍高度推介！👍👍👍👍👍…查看更多

經過幾次見佢都排長龍，所以引左我入去食晚飯，食物既味道ok既，不過員工服務真係有問題，激到我噴火！👎👎👎👎👎👎👎👎初頭有個男店員算幾好，點餐同上食物都好快，不過係落錯order上錯食物，之後個店員即刻話換返比我，順便話想我地幫忙轉枱坐，我都覺得ok既，因為晚市係難啲砌到位。不幸係換左位先知隔離坐左一個家庭，包括2個細路，全程2個細路同佢爸爸媽媽都嘈到煩死人，又掉玩具，行出行入…ok find，我當我唔好彩坐中佢地隔離。之後我食淨左啲烏冬同少少吉列豬扒，又未飲曬杯飲品(無影相)，諗住比我另一半幫手食埋唔好浪費，點知有個女店員走過黎問要唔要，我有禮貌咁同佢講要既，點知呢個女店員個樣就變面啦！我睇住佢走去同初頭服務我地個男店員身邊手指指望住我地張枱係度呻，全程西口西面，我一望就知咩事啦，咪諗住快快食多2啖就閃人，點知就出現另一個店員特登同我地講“留意返我地餐廳用餐時間係50分鐘”我個下真係火都噴埋出黎！隔離枱仲早過我地入黎食都仲未走，又嘈之巴閉影響食客，點解店員唔提佢地，淨係提我地？而且我地又用左啲時間幫你地餐廳轉枱，講真，係咪見我地善良就好蝦d先？正一垃圾服務！唔會再黎！BLACKLIST！👎👎👎👎👎👎👎👎👎👎👎👎👎👎…查看更多

因為又一城有個傻豹活動，所以去左又一城，順便試下香港新興既麥當勞自創Burger～“CREATE YOUR TASTE” 部機有中同英文版，唔算難操作，在場亦會有服務員係旁邊隨時準備教客人用部機，而付款方式得八達通同信用卡，記得最後攞返個號碼牌，佢係一個追蹤器，可以等服務員知你坐係邊，親自送個餐比你。最後差不多等左20分鐘左右個餐先送到黎比我地，個薯條真係好少… 不過塊安格斯牛肉真係好多汁，配搭埋個松露風味醬真係好好味～如果食得多麥當勞啲餐見悶，想轉下新口味不防可以試下“CREATE YOUR TASTE”～ …查看更多

七夕同男朋友去食飯，去到始創中心層層都勁多人，所以決定指定動作轉戰去女人街尋美食～發現“首爾”唔多人又唔洗等位，價錢又ok，就決定試下～估唔到啲野食又幾好味啵！有位似韓國人既女服務員好有禮貌～全程都係面帶笑容～ …查看更多