獅子王慶典的個人專頁

今日同朋友去食串燒咖啡，入到cafe見到地方都好骨致，地方少少但足夠比一班朋友一齊黎聚會，會係一個好既選擇。第一樣試既係芝士薯條，份量很大份，足夠三至四個朋友一齊分享一齊食。但不要睇少小食，呢一份薯條係十分飽，加埋芝士係面，如果想傾計既，會係最好既選擇。之後仲叫左一客雞翼，入味得黎仲要係即叫即製作，所以入汁，雞翼亦唔會好乾，都係傾計小食佳品，但唯一美中不足既就係有少少咸，但仍然可以接受。之後我同幾個朋友都一齊叫左一個南瓜海鮮焗飯，真係幾個女仔食都食唔哂，可能係因為有叫埋薯條同雞翼，所以已經好飽。焗飯南瓜蓉口感重但都易入口，配埋海鮮其實配搭都好好，兩個人分都夠飽。最後仲叫左個沙津，三個女人分都太過多野食，下次可以留意下，但因為串燒太熱氣我地都無叫，但可以既都希望下次再去試！…查看更多

Pom’s? 見到個店名覺得好有趣，門面又令，價錢唔貴，所以就入左去食晚餐了。入到去果然室內裝僙係好有風格。單單係枱面咁簡單都係用小小粒既磁磚逐粒逐粒咁砌，有心思得黎又有個人風格，很吸睛。首先我先點一個套餐，有餐湯，飲品，多士，同我簡左野菌忌廉汁意大利飯餐點上菜也很有次序，先來洋蔥湯，洋蔥湯很香很清，湯內亦加了野菌，單是湯品已很豐富。接著便上了我和朋友點的生蠔三食，同樣是烤蠔，卻有不同吃法，很有心思及有趣。主菜意大利飯很有咬口，忌廉汁令到成個飯都好鮮甜，好creamy，好豐富既口感，再配上一杯英國荼，成餐飯都充滿住歐國風情，很滿足。…查看更多

新南苑以前係觀塘都聽過呢個名，原來係搬左黎旺角。第一次食新南苑，發現呢個半放題打邊爐都幾得意。我地四個人來吃，店家先上一份送的活魚刺身，味道不俗，當然不及日本專門店的好。然後就上了一份小辣雞煲，小辣辣度恰到好處，很少餐廳能夠做得到。雞肉亦很滑很嫰。另外店家教我們添加油炸鬼，這個跟辣雞味很夾，我們都很喜歡，如果可以自由添加更好。打邊爐，我們點了水魚湯底，很少餐廳會有提供呀～所以一試了，結果竟然是整隻上，感覺很補。接著就是大量海鮮要上菜了，哇，是真的很吸睛。然後不夠飽的話，還有很多食物是可以自由添加的，菜類亦有好多款，想得到的都有呀！…查看更多

次次食放題都難免食到D伏野，但係依間真心正。壽司種類多不在話下，最緊要係D魚生夠新鮮，又唔會太大件，啱啱好一啖一舊， 原汁原味，正！其次佢野飲既選擇真係極多，啤酒汽水樣樣齊，茶，梳打水，椰子水，就連楊枝甘露都有，真係剩係飲野都夠晒飽然後就係佢地既燒物炸物的確唔錯,原隻帆立貝大大粒，火侯掌握岩岩好，配埋面頭D芝士，食落好juicy，唯一敗北係中間略嫌太多千島醬定唔知沙律醬，有小小蓋過左原味. 仲有就係佢地炸蠔真係勁正，粉唔似出邊咁會勁厚，入面超多汁，忍唔住嗌左成5 round.牛舌本身自己唔係成日食，因為出邊大多都燒得好un，但係食落彈牙有水份，唔會話燒得太乾. 另外值得一提既就係佢地既燒菠蘿，本身以為係伏野，但係朋友叫左，比預期中好，超香同多汁，食到半路可以叫黎解滯開胃撐埋下半場.價錢黎講計埋+1每人250-300，對咁正既放題黎講係真係抵，有機會都會去，一大班FD去食多次.…查看更多

花膠姫松茸燉烏雞，我非常鐘意呢個湯，亦令我忍唔住要寫上黎讚讚。可能係因為近排鐘意食菇，雖然個湯唔係好濃，但菇味幾重，我鐘意。陳醋珊瑚紅海蜇頭，好厚肉，同出面買既海蜇頭唔同，又鮮又有咬口，成個菜都好入味。古罈酸菜活生魚，上枱嘅時候見到湯面佈滿一層花椒，無為意有個筲箕，跟住成晚就夾住啲花椒一齊食，大家食果陣記得夾走花椒先呀。魚片唔「鞋」，不過千祈唔好夾住酸菜食，會蓋過咗啲魚味。反而湯底唔係好咸，少少辣，就咁飲有啲似胡椒豬肚湯，可以當係一個湯咁飲，正。鮮蝦馬鈴薯薄餅，十分好食！餅底脆卜卜，煎得好香。薯仔代替麵粉/蛋，感覺無咁油同好似幾飽肚。…查看更多

工作過後，和一班可愛的同事選擇了到這裡共進晚餐。餐點主要分兩種煮法：湯和炒。首選吃炒，食物較入味；而湯煮的，令食物吃上來太淡，無味。辣度方面，個人偏好輕口味，也可以嘗辣，第一次吃建議先試小辣，一來麻辣是此店特色，二來辣度不至於遮蓋食物的本味。是次我們兩種煮法都試了，先說湯。選了基本的配料：牛，娃娃菜，帶子，薯粉。整體來說沒有警喜，湯底鮮甜特別，不過配料不太入味，令整碗薯粉變得平平無奇，中規中矩。麻辣炒方面，我們偏好內藏類，所以叫了豬腸，牛肚，魷魚，寬粉。特別一提是寬粉令我喜出望外，乾炒十分惹味，又有彈牙口感，強烈推介！內藏的味道吸收了麻辣味，十分夾。另外，配料切成了一口的size也是值得給讚。整體來說，口味很像雞煲，不過乾炒的味道和口感會想令人再三回味。這家店的東西太好吃了，以後會再來。最後，我們也叫了皮蛋和口水雞作小食，味道中挺，令人留下深刻印象，喜歡可以一試。麻辣鍋適合一群人食，不同的配料，滿足到我那班可愛的同事。…查看更多

香港人食野除左講求味道外,創意亦都不可缺少。今次就試下呢間金船長餐廳睇下可唔可以發掘到啲新鮮野!餐廳裝潢以船為主題,以配合返個餐廳名,餐廳內寧靜得黎帶點熱鬧,唔會覺得一切冷冰冰,又可以舒舒服服咁食飯。侍應服務亦好好,好耐心咁向我地推介食物!我地每人叫左個餐再加黑松露批薩+焗廣島蠔,湯有得揀紅湯同白湯,我地揀左白湯試下。湯比我預期中稀好多,味道亦偏淡,但尚可接受。黑松露批薩就好有特色,佢跟埋少少溫室豆苗同埋藍莓醬。店員同我地講呢個批薩有3款食法,分別係就咁食,夾住啲豆苗食同點藍莓醬食。就咁食可以食出黑松露嘅香,夾住豆苗食就會帶俾你一種清新嘅感覺,加上外層脆脆地,令你食落更有口感,點藍莓醬會有少少甜品嘅風味,但藍莓+黑松露效果好夾,三種食法帶俾我三種感覺,好出色嘅一個菜式!焗蠔就顯然比黑松露批薩冇咁出色，可能係黑松露批薩太正啦！主菜我叫左個法式焗紐西蘭金師魚,金師魚肉質好有層次, 魚上面鋪滿香脆可口嘅炸麵包康,瞬間提升口感。蕃茄汁無論配魚食抑或配飯都係絕配,開胃得黎有點新鮮感覺,伴碟亦有各式各樣新鮮蔬菜,照顧你每日營養所需!甜品則是橙味梳乎厘,雖然本人唔係太好甜品,但呢個梳乎厘甜度恰到好處,唔會令人越食越膩。橙味係香噴噴嘅梳乎厘入面若隱若現,令梳乎厘同橙可以共存,唔會搶去大家嘅味道!總括而言,呢間餐廳環境、服務、食物質素均屬一流,希望下次再有機會黎食!…查看更多

果晚同幾個識咗好耐既老死reu，出咗尖東行，行到大汗滴細汗咁。行到咁上下，又熱又餓咁。問食咩?又冇人有意見……deadair咗一陣，有個fd話建議食大一。大一?year1?冇所謂啦，總之有冷氣舒服就得。搭lift上到去，店員即刻安排座位。等位期間，發現間野裝修得幾靚，有日本風格牆身，連餐桌餐具都各有特色而非常合襯。經過店員推介，我地叫咗個鎮店招牌既黑松露湯底火鍋。冇幾耐，一陣黑松露香氣直迫味蕾，刺激胃酸，我地已經忍唔住自己既食慾啦！當店員遞上火鍋後，仲千叮萬囑我地等火鍋滾之後，要先飲幾淡湯。我心諗：我已經頂唔順啦，仲要我慢慢品嚐個湯底，先落食物？但果然，鎮店湯底真係名不虛傳，自己平時唔好食菌類既，都覺得非常菇味迫人，湯濃但唔膩。之後，我地先食頂級本地肥牛，肉質鮮嫩。但個人好中意食肥牛，仲要大塊大塊咁食，但考慮肥牛數量，所以忍口。之後食既係潮汕風味牛筋丸，大粒又有照頭，口感一流，味道都唔錯。值得讚既係佢地既冷薏米水係自己煲架。食完咁多野，飲返淡自家製薏米水，甜甜地又清清地，清熱解喝。聽講仲有美白消腫既功效，男女士都岩飲。另一道好值得試既餸係花樣油炸鬼。店員提醒放落火鍋時記得油炸鬼係面，蟹子係底。夾起放落口，三重口感擠滿成個口腔。脆皮油炸鬼包住軟綿綿既魚肉，魚肉上面痴滿爽口蟹子。兩個字：津津入味！最後，我地最期待既甜品，椰子雪巴嚟啦！ 雪糕放係cut開一半既椰子殼裏面，真係唔食得都玩得。下面有幾塊冰塊，保持住低溫，令雪巴冇咁快溶，真係十分細心呀。香濃既椰子雪巴又凍又甜，令人暑氣盡消。…查看更多

食完晚飯口淡淡就緊係去食糖水，因為太早10點多平日食開果間未開鋪，就試下呢間，係門口見到個定價中等唔貴，入到去簡左呢個最穩陣系列：多芒小丸子既a貨，講味道唔會差過許留山，有好多好多小丸子呀，我食果個加左芋圓，好似加左＄3，4蚊，粒芋圓好有咬口，唔會硬，亦好重芋頭味，可惜得果4，5粒，出手過輕都幾唔值，至於個糖水本身d冰就仲未溶，係典型hea既未溶碎冰＋芒果糖漿，有d失望。整體cp值係比同區高，想食多芒小丸子糖水又唔想去大鋪食生果船既可以一試。…查看更多

其實本身個人唔係話好食得辣所以平時都比較少食印度野，因為覺得所有野都會好辣！但係今日約咗一班同事放工去食嘢佢哋話想試吓呢間咁就諗住試吓啦.點知食完又真係覺得好好食啲嘢唔係好辣，係可以接受到嘅辣度，加上佢用嘅香料同食材新鮮得黎又好惹味,令我對印度野改觀首先叫咗個chicken chili. 對我來講呢個係比較辣，但係試咗一舊，惹味到停唔到口.佢用嘅秘製醬汁我係出邊真係冇食過，辣得黎又因為佢嘅香口令我一路流着口水一路忍唔住食.同事話食得印度野就一定要叫呢個雞.不得不提真係,超級超級多汁咬落去完全唔乾而且食晒成舊都係唔會口乾，好想再食多隻加上佢啲肉好滑一食就知道冇over cooked,生熟程度啱啱好.而佢嘅汁唔會過到濃味搶咗雞嘅香，兩者配合得十分之好我哋呢班食肉獸，食完雞肉再叫多個羊！我自己就10分like呢一個羊.因為佢好香羊嘅味道，但又唔係羶.而且佢唔會煮到好un,啲肉質好軟，加埋佢啲香料鍾意食羊嘅人千祈唔好可以放過呢一個dish整體好絕對令我對印度餐改觀了…查看更多

今日同朋友走左去尖沙咀食burger，聽佢講係間好出名既手工burger店。入到間餐廳第一感覺係幾高級，好有style，可能我係比佢個招牌吸引住，個招牌係真係令。除左令令既環境，食物方面亦係非常吸引。主要係sell手工buger，有beef系列、seafood、fish、vegetable系列都仲有，龍蝦、帶子、軟殼蟹、鵝肝、等等應有盡有。但我認為食burger都係食傳統口味既好，所以我最後都係簡左牛肉系列既：大啡菇牛肉漢堡。burger好快上碟，成個burger係熱辣辣。表皮麵包煎都好脆，牛肉好厚有汁好滋味，牛肉唔會全熟（牛肉係可以生食加麻！）牛肉切開大概係7成熟，肉質岩岩好好嫰。而大啡菇亦都好大舊，燒得岩岩好，唔會好乾失去菇既水份，咬落口有菇汁滲出黎，亦都好重菇味，LIKE!初初怕burger會唔夠食，所以都另外叫左軟殼蟹沙律同香辣雞翼。點知食完個burger都已經係勁飽，細食既朋友可以搵freind share一個burger，叫多個小食試下，哈哈。不過係勁飽既情況下，都好享受軟殼蟹沙律同香辣雞翼，最後仲食得哂。軟殼蟹沙律，隻軟殼蟹好大隻呀！！！！大過一個男人成隻手，我地可以切開六份咁食，蟹身入面仲要有紅色既膏同好厚既白色肉，咬落口唔會係成口粉，所以係少有既好食軟殼蟹。雞翼就係炸既，雖然有少少乾，但咬落口都係好嫰有肉汁，唔會話太辣，鍾意可以加蕃茄醬沾黎食。整體黎講，成間burger bar好值得recommend比大家。首先環境氣氛幾好，坐得舒服。另外，呢間burger有酒飲，而食物又屬於高質，大家可以一試！…查看更多

路邊爐!!!!講左咁耐終於去左食一次。之前聽人講呢間邊爐幾正，但一直無咩機會去土瓜灣，早幾日探婆婆就順便一家人去食!!yeah!! 叫左個蕃茄煎魚既湯底，好似叫「招牌烤魚鍋」好濃味，十級讚!!佢係小小辣既，配左d雜菇，我d配料未黎之前就停唔到口不斷飲個湯底，飲落係酸辣湯既感覺，但蕃茄都好重味，就變左係酸辣蕃茄濃湯，條魚煎得好香，可惜就無咩肉，唔多夠食啦，但味道黎講係茶樓果d湯包邊爐真係比-唔-上呀!!之後前菜嗌左少少啦，有一碟係紫菜響鈴，即叫即炸，上枱果陣仲有好微微油彈既聲音，擺一分鐘等佢無咁熱就忍唔住要食，我中意響鈴冧哂先食，尤其是今日個湯底咁正，浸湯食一流。第二樣要推介就係牛骨髓，唔係個個都好內臟，但因為呢度d內臟都唔會有內臟味，所以都好食，本身無咩食，建議大家可以點醬食。最後一樣要介紹既就係一個手切牛肉併牛脊拼盤，淨係上枱果陣睇到d花紋就好心動，果然一上枱就要即刻搶住咁夾，好快就無哂。肥牛有脂肪，好嫩唔un，佢係一塊塊分好比你咁上，唔駛好似酒樓果d咁扯極都唔甩，完全無雪藏味，呢個真係好重點，入口未至於即溶，但好易咬，婆婆都食到，唔錯唔錯，價錢小貴，不過勝在出街食，唔洗洗碗，牛係算高質既。有興趣推介大家去食海鮮，但我婆婆唔食得海鮮，無得叫，下次再去會試下海鮮。…查看更多

住在天水圍的我，假如要和朋友聚一聚，食個便飯，選擇實在不多，地點都不外乎於屯門或元朗。天時暑熱，元朗食肆向來給人印象都是喧嘩嘈雜，杯盤狼藉，怕熱的我免得過都避,而不去。但今次「食」的體驗實為獨特。在元朗的Urban United Burger & Bar其位置雖在食肆林立的又新街，但並不顯眼，縮立在橫巷之中，但只要細心一找，要找到其位置並不困難。雖沒有誇張的霓虹燈作招徠，亦沒有誇張的廣告版，但其簡潔平實的黑色主調及柔和的黃色配襯十分吸引，感覺寧靜，像嘈雜世界中的例外。完全改變我對元朗的固有印象。而餐廳裝潢格調玩味性十足，每個坐位空間感十足，未吃之前已經有一種對環境的滿足感。多口一問老闆，窗上的黃色是獨特調配出來的，難怪並不常見，獨特而有個性。可見老闆花了不少心血，十分有誠意。但說到底，食物質素也相當重要。我和朋友都點了龍蝦湯作餐前湯，其賣相美觀，而口感厚實，蝦香味濃，作為頭盤已經十分有驚喜。之後點的Slider Army小小兵團亦非常不錯，十分足料，當中包括了巴馬火腿，泰式雞肉，牛油果鮮蝦和蕃茄肉丸四款小漢堡。當中馬巴火腿漢堡配上黑松露醬，味道層次十足，濃郁且清新可口，味道互相補足，一點也不heavy，感覺多吃也無妨。單單吃漢堡有點奇奇怪怪，欠的當然是一杯有氣的飲品。粉紅傻豹梳打，原本點它的原因是其的名子趣味性十足，但試飲後其清新口感亦十分怡人，玫瑰花香配上綠茶，十分清香。一口漢堡一啖梳打，不油不膩。而從老闆口得知原來開業只有三個星期，難怪對元朗頗為熟悉的我都沒有什麼印象。但總括而言，餐廳各方面都非常不錯，沒有煩人的招徠，實實在在且潛藏驚喜。…查看更多

放假同個朋友落左旺角行下街，提早小小6點幾就搵野食。行去到兆萬就索性上左呢間大本瀛食放題。 一上到去D店員已經好有禮貌咁問我地幾多位同帶埋我地去座位坐低。間野環境都幾好，以木料為主既裝修十分有日本餐廳既風味，而且卡位既數量非常多，舒適得黎亦不失私隱度，令到個環境更加清靜舒心。 野食方面就主要想講幾樣啦。首先講下個刺身三文魚，肉身好厚下，而且都好有質感，而且入口即溶。食落口係食得出三文魚既鮮味而唔係某D廉價貨既雪味，証明佢地係處理三文魚方面都做得幾好。 下個就係我好鍾意叫既金菇肥牛卷，呢個餸都做得非常之唔錯，肥牛煎得香脆令人耳目一新十分之有驚喜，而且包得D金菇好實唔會話散哂出黎。而且D金菇都煮得熟悉，而且都有俾D肥牛入到味，唔會話好似某D鋪頭咁，得肥牛係熟但係D金菇仲係生既。 另一個就係壽喜燒牛肉鍋啦，其實就姐係牛肉鍋加隻蛋。呢味野都算係唔錯，個湯底濃味同甜D。D牛肉就都幾嫩，索哂個湯底個味先食都幾正。隻蛋有D人就鍾意成隻食，不過我就比較鍾意吉穿佢當醬咁撈落D肥牛同菜度食，又係另有一番風味。 最後就係個燒羊胺扒，呢舊羊胺扒個肉身都幾厚，而且都燒得幾好幾嫩。飲品方面，呢間野既選擇有8~10種平時常見既飲料，例如百事同MILK CREAM果D。如果想飲酒就要升級加價飲，3十幾蚊，有梅酒、生啤、清酒冷熱提供。總括黎講呢間大本瀛係食物方面係中上水平，勝在價錢唔貴，物超所價!…查看更多

又一城間三哥開左之後，令我平時係九龍塘食LUNCH既生活添滿色彩，以後去果度既FOOD COURT又可以多一個選擇。呢間譚仔同其他分店唔同既就係佢居然仲有早餐選擇，以後食早餐就唔一定食M記啦!講番D野食，呢間三哥有新出既蕃茄湯底，試過一次個蕃茄湯底，係湯係好甜好重蕃茄味，仲有好多蕃茄肉係入面，飲落去係好rich好豐富，可惜夾埋落米線係好唔襯，可能係因為米線都係襯酸辣多過甜湯啦。所以今次我都係簡番自己最愛既豬潤酸辣。感覺上同其他分店比起，個味道有小小唔同左唔係好夠辣，不過個份量就反而好似多左，算係不過不失啦。講番起豬潤，佢地比既份量都好多，食到尾都會仲有豬潤，夠粉，軟硬度岩岩好，唔會煮得太耐硬ban ban咁，咬落水你會見到少少血絲，咁係好正常，豬潤係唔可以太熟架。講埋配料就韭茶芽茶都幾多。總括黎講，雖然又一城三哥賣得比出面分店既三哥係貴左少少，不過份量都好夠食，資素都幾好，推介！…查看更多