亞敏的個人專頁

同屋企人食團年飯，有老有嫩, 食食下有個四眼侍應突然間叫我哋企曬起身，原來佢哋要調動“間房版”，做個臨時房畀另一台食客。當時我照顧緊屋企人, 冇為意到佢原來想將版推喺我身後面，推個刻又冇同我個別單聲，好大力將塊板推落我張櫈度，我成個人彈起, 嚇一跳 ，因為有老人家喺度，所以我唔同佢嘈 。當刻四眼侍應態度極不禮貌,明知撞到我哋都視而不見, 拉板過程會令到灰塵細菌橫飛到筵席上 , 極度唔衛生。食物方面係做得唔錯, 但係服務態度非常唔掂 , 真係好耐冇遇過啲態度咁差嘅餐廳 , 雖然係個別事件, 我冇辦法畀正評, 希望店家留意 。…查看更多

老細過年後吹雞請食lunch, 點知想去間餐廳full左，見呢間餐廳冇人就入去試試，食完之後就知點解呢度冇人喇！叫左份五成熟西冷配薯條，放係個木板上，都幾特別，同埋是grill的，似乎唔錯！可惜食落去，中間好生，應該得三成熟，最慘係塊扒完全冇肉味，得超強烈調味料味，D薯條(老麥嗰種幼薯條)超多鹽勁鹹，個廚師實在太重手喇！！！…查看更多

星期日 o係 荷里活 睇完早場，11am 散場，懶懶閑咁搵地方食早餐。大部份商場鋪頭都未開，所以用OR apps睇下附近有咩好食，早早地不如食個粥啦。見到永利的食評全部都係"笑面"的，所以就黎左呢度開飯。兩支公叫左:皮蛋瘦肉粥 - 粥底綿勁多料，正。腸粉 - 雖然唔算滑，不過粉漿好夠米氣，食完要encore~炒面 - 一樣好大碟，香爽而不膩口。如果再多些少芽菜就 perfect. 炸両 - 麻麻地，如果你鍾意脆卜卜的，這絕不是你杯茶，因為包炸両用的油炸鬼唔係新鮮炸，好難咬，趙到我口較軟 ( 個人喜歡淋中帶些少脆的) 蘿蔔糕 -粉的比例多，實左些少，間唔中都會食到蘿蔔絲。全店飲品得豆漿一味，我地冇叫。見到好多人外賣咸肉糭，個市咁旺，相信唔會差得去邊。姐姐們好細心，主動俾兩個碗我地 share食，佢地同客人有講有笑，加上其粥品，腸粉同炒面又俾我食返細個的風味，所以成個感覺都好溫馨，哈哈!!雖然地點係幾隔涉，不過定價幾經濟而且冇將貨就價，如果你有心支持小店反大商場monopoly, 呢間粥店絕對係值得你去試下的，推!! …查看更多

book 左檯 7:15pm. 我就6:45pm 到左， 經理叫我早d入去坐下先，落單個刻先起計1.5 hours. 被安排到配料檯旁邊坐，距離還有一定，亦可望到是日配料。冇粟米很失望呢，腸仔不是脆皮腸，是雞肉腸切三段(不是我們口味). 另有：豆腐，豆卜，魚肉，脆玉瓜，3種蔬菜，蘿白，tomatoes，白飯，炒飯，咖喱， 雞肶菇同金菇等。醬料有豉油，酸汁同麻醬，其實個人喜好係麻醬，不過牛陣的不夠香，所以我地選了豉油配激大量蔥~!事實上當晚除左生菜及tomatoes靚料之外，其他的配料屬一般。所以我地當晚決定主力食牛肉，生菜同 tomatoes ~老公7:15pm到埋，我地就order了美國牛2位加一支大 Asahi. 開波! 第一碟上檯的牛肉一般，顏色較深同肥多(50/50肉同肥比例)。跟住第二碟到最尾的一碟狀態越黎越好:粉紅色、肥及肉的比例係1/4. 再試埋豚肉，覺得豚肉好味過牛肉，爽而甘香~食左一小時見頂了，我地仲有很多時間嘆雪糕同打牙較。有4種口味 Apricot , Coffee crunch (老公好鍾意呢味) , Strawberry, Rum Raisin ( 我至愛)~唔係個個侍應會自動波同你添牛肉的，不過主力serve我地的小姐很好，次次收碟時都問，又試過主動過黎幫我們較啱火。唔錯呢。…查看更多

自香港開左分店後，一直未有心機去....去..去等咁長的人龍，不過有次下午六時前已經到尖沙咀，當然揀長龍店開飯，唔洗等得咁辛苦。先黎一個冷盤，老公二話不說要醉雞，買相好飽滿，酒味恰到好處，夠入味，雞肉夠彈性。份量嘛，3個人就唔夠食喇~第二味上檯就係小籠飽，此不作多評。兩個人分到3隻都唔夠喉喇~~食餃之慾望，意猷未盡，所以叫左一籠"菜肉餃"，好失望，呢味野改名"菜餃"好過，搵唔到丁點肉。不過Happy Friday Night 心情好，阿Q精神自己同自己講:"清清地咪好囉,,," ( 早知encore 多籠小籠飽啦!上海野，點少得酸辣湯，酸辣度比例OK 的，夠料，不過材料可以切得稍為粗身些少，增加咬感。中國菜食到臨尾，點都要d 飯填下肚的。就叫了好多人讚好的炒飯作結，水準正常，飯裡的炒蛋幾香滑咁啦。適逢個期出左鳳梨酥，成餐飯1.5小時，侍應A走黎 sell 左2次，已經好明確咁refuse 左佢咖啦，點知轉下頭侍應B 又黎sell .....明白世界難撈，侍應們可能要"跑數"，不過大可以 be more systematic ，一個侍應負責sell 幾檯，唔好續個黎囉。答都答到我炆憎啦!!…查看更多

最開心星期五，放工後老公就會同我去開飯熱點開心飯~見Baby Café 近排咁旺場，所以我對呢次開飯都幾期待咖。店方安排左二人梳化位，一入座已經幾滿意。老公叫左美國鐵板牛肩扒配日式照燒汁 (轉碟上) ，我就叫左鵝肝墨汁意大利飯牛角飽，十足十o係日本食到的水準，最滿意係個飽~黑松露野菌忌廉湯，我覺得唔係幾夠熱。另叫了日本十勝芝士焗西蘭花作小食，原本以為份量唔會多得去邊，點知上檯個下都幾OK. 不過西蘭花出水，個汁被弄稀了~老公叫的牛肩扒，我試了一小件，肉質結實，味濃。伴碟的薯菜製作唔 HEA~而我叫的鵝肝墨汁意大利飯，份量可以，鵝肝煎得未夠脆邊，個飯就冇乜味，不過夠料(菇類)~跟餐的Jasmine tea 好清甜，雖然有d人工味，不過待冰融化後，會更易入口。甜品叫左玫瑰棉花芝士餅，一上檯個刻忍唔住嘩嘩聲，靚 到唔捨得食，cheese cake 味道似 New York Cheesecake， 不過texture 軟身一點，芝味尚算濃厚。服務員有禮認真，環境好舒服~…查看更多

早上10:30am 已到，原以為父親節前一日會好多人，所以早d黎攞位，點知得3台入座，服務員告知烤填鴨的師傅要12noon先上班，我地又唔想入去齋座成粒半鐘，所以就o係個商場逛陣先，服務員承諾師傅一返到即刻幫我地落單起爐烤鴨。好! 未夠12點，接到電話話師傅返黎喇，咁我地入去開定茶等食~我地叫左個4人餐，好餸到不得了。推介的有 :- Beijing 烤鴨，起肉得夠均勻，全件厚簿均一，皮脆加少少肥，附上的京蔥又夠多，10個正!- 黃金蝦，蝦碌好大隻，拉長佢應該有兩隻手指尾咁長，超爽脆，唔會太咸，個黃金獻又掛得住隻蝦。-涼拌紅燒肉(唔記得exactly 個名)及海哲，夠入味，份量唔孤寒-魚肉羹 - 勁多料，清清淡淡，平衡一下~ 其他的正正常常: 炒菜苗，炒面、南瓜羹湯丸等服務員周不時會過來望下我地有咩需要，恰到好處，起碼你唔覺得煩。環境清幽，有 view夠舒服~絕對有下次!…查看更多

星期日行開呢頭，辣癮起，就揀左呢間久仰大名的酸辣面店。我order 口水雞配酸辣粉 ，老公就揀左辣雞絲撈面。口水雞配酸辣粉：d粉太過UN到 咬唔開，成碗面係倒落個胃度咁滯，辣而唔夠酸，花生好多夠脆。香菜可以落多d; 口水雞嫩滑度唔錯，不過雞味唔夠，亦唔夠入味，雞還雞，辣油還辣油。兩者不融合。雞絲撈面，雞絲甚少，雞皮真多，面質還可以，不過辣椒碎提議幼身一點。服務唔錯，侍應姐姐有禮好記性。不過我聽到厨房裡有人大聲話: ” 我夠鐘開飯喇，*%$#@....坐開X號檯而家俾人坐左。個客食花生仲要逐粒食，阻住晒我開飯 。”噢，厨房大哥，談論客人時，請把音量收細……..…查看更多

昨晚黎食Dinner. 佢地個 menu 選擇不多，不過我們試的幾款食物都達到水準。1) 即開Kumamoto Oyster - 十分新鮮，脆口creamy. 又不至於"漏"2) Onion Soup - So So. 可能唔係 Baked. 所以湯面的面包及芝士欠了一點點熱度。( 難忘以前 Shooters 72 的出品)3) 龍蝦湯 - 飲到龍蝦的鮮味，不過咸左些小4) 焗菠菜鮮蝦 - 蝦大隻及脆口，菠菜份量十足5) Caesar Salad with Salmon - Great6) Augus ( medium rare) - Great …查看更多

試了:串燒鰻魚，抵食又出色。蟹子、三文魚(抵食)及腐皮，表現好過預期。照燒雞烏冬，抵食不過唔算好食。建議店方將燒雞扒另上，因浸於湯中，失了香味。烏冬平平，湯底有得揀就好。…查看更多

呢度100%平靚正。小籠包，生煎包，生煎餃(正)，菜肉包(正)，素菜包，均得 ! 冇試薄餅怕熱氣。衛生 acceptable，人地收你每件around 3-4蚊，裝修係咁上下。…查看更多

到了晚上7點幾仲有好多人等。試了朱古力雞蛋仔，朱古力的分佈唔多平均，圍邊的冇乜古力。服務員十分有禮，讚!$15 蚊一底雞蛋仔o係我心中的 price ceiling 了~ Overall不俗，有下次~ …查看更多

久仰大名, 1/10往 Poly U 搵 friend, 順道過黎橫掃呢區。下午5:30到，一入有位。試了双層芝士漢堡及芝士蛋堡，即做嘛，表現當然冇走雞。味道 expected。欣賞滷水雞肶多d，雞肉嫩滑，十分入味~ …查看更多

基本上食物表現係OK的。絕對認同前文讀者，上次我問炸雞，食客可以選擇部位嘛? 束馬尾的小姐全無笑容話 :" 冇得揀，厨房俾乜你就要乜" 其實冇得選擇都無所謂 不過我想 confirm. 最大問題係個位小姐 答得一d技巧都無 無得揀 ? 我有得揀...唔再幫襯囉! 就算食物OK又如何? 我唔要受氣!…查看更多

開會會成3點囉....一個人踱步往上環走...從外面望入呢間餐廳.見到幾靜咁.就入左去食 Tea. 叫了日式海鮮炒丁 . 上檯時只見大量嗚門卷片 及小蜆 一二片. 心知不妙. 丁面底好彩唔太油. ..算喇. 30蚊包凍飲....冇乜其望~可取的是 環境寧靜. 有電視睇~…查看更多