hkfoodxlovediary的個人專頁

小妹比較少出街食小菜, 難得今次試到曾經被米芝蓮推薦嘅餐廳, 而且佢係少鹽少糖食店, 啲小炒好食又有特色👍🐙容記第一嘴首先要介紹餐廳其中一味撚手小菜, 容記第一嘴🤤 第一次試酥炸墨魚嘴, 原來墨魚嘴嘅口感有别於平時食開嘅椒鹽魷魚, 更加爽口彈牙! 特別要讚下佢嘅炸粉唔厚但仍然好脆口, 而且廚師加咗炸蒜粒一齊炒非常惹味🔥🐷揚名國際燒肉見唔少食評都有點名讚佢嘅燒肉, 個名仲要改埋揚名國際咁西利, 小妹一場嚟到當然要試下😆 食完終於明點解佢咁出名, 皮脆肉嫩之餘, 肥肉瘦肉比例啱啱好, 唔會太肥膩或太乾身👍同埋佢嘅芥辣醬係綠色嘅, 唔係普通黃色果隻, 感覺無咁濃味同攻鼻, 所以唔會蓋過燒肉嘅味道, 有機會幫襯值得試下😋🐷洗衣機蒜香骨呢個蒜香骨同樣係招牌菜之一, 同墨魚嘴一樣炸粉夠薄, 外層仍然炸得好脆, 同時又鎖得住肉汁, 肉質保持到軟熟唔會乾憎憎🤤 個人好喜歡食香口嘢, 如果多啲炸蒜就更加正喇🤣🍆魚香茄子煲呢個茄子煲都算幾大煲, 茄子份量多, 唔知係咪因為“少鹽少糖食店”嘅關係, 味道無平時嘅魚香茄子咁鹹, 所以攞啲汁撈飯食都好正又無咁有罪惡感🤣 雖然小妹兩個人食叫咗幾多餸, 但都有叫個白飯😹 同埋個人認為無乜辣味, 適合食唔到辣嘅朋友😌…查看更多

🧇爆漿珍奶吐司小妹平時飲珍珠奶茶就飲得多, 但用珍奶整嘅多士就第一次試, 食之前曾經懷疑過兩者夾唔夾㗎?🙈 雖然多士外層烘熱烘脆咗, 但入面大大粒嘅珍珠都依然keep到煙韌😍 一切開件多士就見到珍珠同奶漿不斷湧出嚟, 難怪叫做爆漿珍奶吐司🤤 味道嚟講其實幾似平時食開嘅奶醬多士, 然後加入咗珍珠嘅煙韌口味, 只不過個人認為奶漿甜咗啲🤔 整體而言, 珍奶同吐司係match嘅, 有得少甜就更好啦👍(可能平時飲珍奶都慣咗叫少甜嘅關係🤣)❀🍹珍珠紅豆拿鐵由於呢個吐司可以跟set配指定飲品, 小妹就揀咗未飲過嘅珍珠紅豆拿鐵 (又揀珍珠證明咗小妹真係一個超級煙韌控🤣) 估唔到呢杯飲品幾有驚喜, 由於小妹成日厭紅豆甜得濟, 所以唔會揀有紅豆嘅飲品, 不過今次嘅拿鐵甜度啱啱好, 而且紅豆粉粉分明, 好有“咬口” (表示本人好怕紅豆沙嘅texture🙊) 再加埋珍珠一齊chew, 口感十分豐富…查看更多

餐廳一共有3款唔同價錢嘅任食套餐, 都係食兩個鐘, 分别在於牛肉嘅品種, 今次揀咗澳洲極尚和牛套餐😋 ❀先講湯底嘅選擇, 就已經有9款咁多, 有辣有唔辣, 仲有台式養生滋潤嘅湯底, 今次決定試下 “阿嬤養生濃湯鍋” 補補佢😎 呢個湯底由唔同嘅藥膳煲成, 所以一嚟到已經聞到好香藥材味, 仲見到有好多紅棗人蔘等等嘅湯料, 咁養生即刻少咗打邊爐嘅罪惡感🙈 至於食物嘅選擇都有好多, 淨係牛肉已經有幾款唔同部位, 肉質嫰滑, 牛肉味非常濃郁, 難怪咁多人讚餐廳食物高質👍 除咗火鍋食品之外, 仲有即食嘅台灣小吃, 例如鹽酥雞, 台灣腸, 甜不辣等等, 可以順便止一止去台灣夜市掃街嘅慾望😍❀特別推介❤️1. 手切封門柳: 呢個係最愛食嘅牛肉部位, 亦係最重牛味, 肉質最嫩嘅部位, 無記錯encore咗3-4次😹 上網check下先知原來封門柳係牛嘅橫隔膜, 而且因為數量稀少而矜貴, 所以唔多火鍋店有得食㗎😏❀2. 澳洲M5和牛牛肩卷: 揀得呢個套餐梗係要試下澳洲和牛啦😎 雖然係薄切, 但每塊牛肉嘅size都唔細👍味道同樣濃郁, 肉質一啲都唔韌, 唔洗點咬就融化咗😍❀3. 真味牛肉漿: 呢個牛肉漿嘅原理同平時食開嘅墨魚滑一樣, 都係要自己整做一嚿嚿撥落去個鍋度, 肉質有少少彈牙, 牛肉味道都幾出, 而且“牛肉滑”比較少見, 難得遇到值得try try!❀4. 牛丸 (需額外收費): 話說有少量食材要額外收費, 但小妹覺得呢個牛丸值得加錢試一兩粒, 事關彈牙得嚟仲食得出用真材實料, 牛肉味十足, 索咗啲湯汁之後一咬落去好juicy❀5. 私房鴨血: 佢嘅鴨血辣辣地, 好惹味, 平時少食鴨血都覺得幾唔錯🤤❀6. 手工大黑輪: 佢嘅質地唔似魚蛋唔爽口, 反而係煙煙韌韌, 好似食緊年糕咁, 煙韌控表示食得好過癮🤤❀除咗火鍋食材選擇多, 連飲品都有好多款, 例如冬瓜茶, 烏梅汁, 連珍珠奶茶都有😍 其中有款飲品係whiskey冬瓜茶, 咁新穎嘅combination真係估佢唔到🤣 個人認為佢嘅酒味唔算好重, 加上冬瓜茶嘅甜味都幾出, 所以少飲酒嘅朋友仔都適合👍至於飯後甜品方面, 每位顧客可以揀一款, 有雪糕之外, 估唔到連芋圓珍珠仙草凍都有得食, 果然係台式火鍋店😍 雖然份量唔算大碗, 但芋圓同珍珠都好煙韌, 而且味道唔會太甜, 可以喺火鍋店食到仙草凍幾驚喜😹❀綜合嚟睇, 由湯底到火鍋食材, 甚至飲品甜品嘅種類都相當多, 有台灣特色之餘, 質素亦好高質😋 侍應服務態度都好好, 見個鍋無乜水又會自動嚟幫我哋加湯💯 …查看更多

🍚海膽魚子爆丼大佬揀嘅呢個丼飯相當足料, 海膽同三文魚子佈滿成碗飯, 非常吸引😍 雖然小妹一向怕腥唔敢食海膽同三文魚子, 但今次見到賣相咁豐富都忍唔住偷一啖嚟試下🙈 海膽甘香一啲都唔腥, 而三文魚子都好鮮甜同樣唔腥喎😮 連小妹都覺得好味嘅時候, 大佬已經食到停唔到口, 大讚海膽非常新鮮🤣 而飯底選用赤醋飯, 比平時常見嘅白醋飯深色, 味道亦更濃郁, 加強咗海膽同魚子嘅鮮味😋 鍾意食海膽或刺身飯嘅朋友有機會可以去試下👍🍚秘之醬油漬丼呢款丼飯包含咗醬油醃過嘅三文魚同劍魚腩刺身, 同埋用昆布醃過嘅甜蝦刺身, 以及玉子😆 刺身份量十足, 同上集介紹嘅海膽魚子爆丼一樣蓋過哂成碗飯, 仲要件件都非常厚身😍 魚生即使用醬油醃過, 但仍然保持到魚嘅鮮味, 無被醬油味蓋過🤤 咁豐富嘅丼飯嚟講, 呢個價錢真係幾抵食🤩 睇嚟餐廳嘅刺身丼都相當新鮮同高質, 值得再去食過👍 另外, 每個丼飯餐都包咗一碗麵豉湯同一杯熱綠茶, 大家亦可以選擇加$5轉汽水或加$8轉餐廳嘅特飲㗎🥳呢間火鍋店嘅丼飯只限午市, 而晚市會做返打邊爐🥘 但如果想晚市食魚生, 都可以叫刺身船㗎🤩…查看更多

🍔“不良牛餐” 經典安格斯芝士漢堡食漢堡包當然要試埋最classic嘅cheeseburger啦, 咁先試到廚師嘅手勢有幾咁與眾不同😆 漢堡扒原材料同樣用安格斯牛肉, 但以傳統嘅免治方式製成, 有接近1cm咁厚, 睇得出廚師相當有誠意❤️ 漢堡扒煎完都仍然鎖得住肉汁, 牛肉味依然濃郁, 配上特製醬汁, 同上次介紹嘅西冷漢堡一樣十分juicy😍 再配埋經典餡料, 芝士生菜酸瓜洋蔥蕃茄, juicy得嚟又fresh, 可稱得上係高質嘅cheeseburger👍❀🍟芝士薯條食漢堡包點少得佢嘅最佳搭檔-熱辣辣嘅炸薯條呢? 加埋creamy嘅芝士醬, 真係夠哂邪惡🤤 驚喜嘅位係呢隻芝士醬唔鹹唔算濃郁, 係淡淡嘅芝士味, 個人覺得加埋薯條就啱啱好👍亦可能因為咁, 即使食哂成份芝士薯條都唔會好膩/好濟😆 但如果鍾意食開濃味芝士嘅朋友就可能會覺得淡得濟, 呢點要留意哦😝❀🍹士多啤梨雪糕奶昔壓軸出場就係呢杯ice cream milkshake!! 唔係講笑, 小妹超級鍾意呢杯milkshake, 因為佢真係用movenpick雪糕打出嚟, 真材實料, 仲會飲到雪糕入面嘅士多啤梨果肉, 而且夠哂大杯, 真係加錢都一試!!😍 另外仲有雲尼拿同朱古力口味揀, 都係用movenpick雪糕㗎, 鍾意飲milkshake嘅朋友唔好錯過🤩❀特別介紹返飲品方面除咗汽水同milkshake外, 仲可以揀本地手工啤酒chill下🍻 幫襯套餐加$28有罐裝, 或者加$48仲有draught beer添㗎😋 一間小小嘅餐廳由主食到小食, 甚至飲品都做得相當出色, 食得出店主嘅用心❤️…查看更多

呢間餐廳嘅burger同意粉嘅款式都唔少, 仲有小食添㗎😈 而且burger嘅質素相當高, 賣相吸引, 餡料多又好味, 即使價錢比快餐店貴但都絕對係值回票價😝❀🍔“曬冷牛餐” 150g安格斯西冷漢堡呢個burger嘅肉餡並唔係免治漢堡扒, 而係一塊塊薄切嘅安格斯西冷牛肉, 唔好以為薄切會乾身/份量少, 牛肉一共有150g, 肉質嫩滑, 一啲都唔韌😍 廚師仲加咗洋蔥汁, 所以牛肉嘅肉汁加埋洋蔥汁令成個burger變得非常juicy🤤 (幫襯當日小妹著咗白色衫就中招了, 建議大家去食burger唔好著淺色衫🤣) 至於burger嘅麵包經烘過變得更香口而且鬆軟, 夾住配有洋蔥汁嘅安格斯牛肉同新鮮生菜, 非常滿足☺️ 後尾發現原來仲有勁量級嘅 “英雄大曬冷牛餐”, burger有成200g安格斯西冷!!😱 等小妹下次再去挑戰先😎❀🐥香脆雞翼(2pc)如果食漢堡包揀套餐嘅話, 可以加個小食同一杯飲品, 今次大佬就揀咗香脆雞翼同埋梳打水😋 估唔到雞翼同樣出色, 炸粉好薄但仍然炸到金黃色, 而且非常脆口😍 雞肉juicy又軟身, 絕對係外脆內軟, 如果可以加多幾隻就好啦, 兩隻唔夠喉呢😆❀雖然呢間餐廳屬於小店, 舖面唔大, 但舖頭細細卻深藏不露, 千其唔好睇少佢, 呢間餐廳嘅burger可以話係小妹暫時食過最好味嘅漢堡包👍…查看更多

🍔Bacon burger食過Five Guys嘅朋友都知, 揀咗食邊個漢堡包之後, 配料同醬料都可以自由選擇, 包括生菜蕃茄酸瓜墨西哥辣椒等等, 醬汁就有BBQ醬, 酸瓜醬等, 特別嘅係連A1牛扒醬都有喎👍👍 講返呢個bacon burger先, 本身有兩塊漢堡扒同埋兩塊煙肉, 加埋自選配料之後, 餡料份量都幾多🤤 漢堡扒肉質亦都juicy唔乾身😋 話說食食下流汁出嚟, 搞到成手都係😂 所以下次食之前要準備定紙巾🤣 煙肉都煎得幾香, 但乾咗少少, 可接受嘅👌 至於個包嚟講呢, 小妹平時比較鐘意食烘過或脆口嘅texture, 所以就會覺得Five Guys嘅包淋得濟, 同埋賣相嚟講太皺皮了🙈❀🍟French fries-Large薯條幾脆幾香口, 開始食嘅時候覺得幾正, 但食得多就覺得濃味得濟同鹹得濟, 食完會好口乾, 如果落少啲調味會好啲🙈 至於份量方面想特別講下, large size真係超級無敵咁多!!😅 奉勸大家小心揀薯條份量, 預small=medium, medium=large, large=extra large 就啱㗎啦🤣❀🥤Five Guys shake-Oreo cookie pieces呢個milkshake似有加到雪糕打出嚟, 雖然唔肯定🤔 飲落都好似食緊oreo雪糕咁😋 但如果唔鍾意飲太甜嘅飲品, 小妹唔建議試佢嘅milkshake, 事關味道真係偏甜🤔 小妹鍾意飲甜嘢, 覺得oreo味都唔錯, 之前試過士多啤梨味, 有酸味中和下都okay, 但朱古力味就真係十分十分甜, 差啲以為飲緊朱古力糖漿, 所以之後再幫襯唔敢再叫朱古力milkshake😂❀坦白講, 小妹覺得快餐店嘅價錢嚟講都算貴, 所以性價比唔算高🤔 但未試過嘅朋友都不妨去朝聖一次嘅🤪 提提大家, 全部嘢食都係單買無set, 叫汽水可以任添, 店內亦有花生可以任食, 小妹試過幾粒, 不過鹹得濟, 所以有興趣先去攞啦😂 全部自助形式, 快餐店嘛🤣…查看更多

🍫心太軟酥皮配曲奇雪糕首先要特別讚心太軟嘅朱古力lava整得好好味, 一切開, 啲朱古力慢慢流出嚟好治癒☺️ (可惜當時無拍到片🙈) 塊酥皮亦整得好脆口🤤 雪糕就揀左曲奇味, 店内仲有其他口味揀嘅❤️ 暖暖嘅朱古力加上冰凍嘅雪糕一齊溶喺口入面, 幸福感一百分💯💞 ❀🧇士多啤梨窩夫配芒果雪糕至於呢個窩夫雖然整得無咩特別之處, 同平時食開嘅相似, 但都係做到外脆內軟嘅👍 加埋新鮮士多啤梨同埋小妹至愛嘅芒果雪糕, 同樣係冷熱甜品之間嘅perfect match😋❀宜家店舖做緊優惠, 所有over45蚊嘅甜品一率都賣45蚊, 而做優惠嘅原因係最近心很累, 相信大家喺呢段時間都無乜心機😔 大家有興趣可以去買個又抵又好食嘅甜品氹下自己, 幫自己叉叉電啦💪…查看更多

呢間係好有特色嘅餐廳, 店內佈置到好似森林, 仲有動物公仔俾客人打卡, 一個人去食可以揾隻熊貓公仔陪自己 (笑)🤣 望住綠油油嘅環境慢慢嘆都幾寫意😌 食物方面, 整得又靚又好味, 果日同朋友仔瘋狂影相影到差啲食唔切 (因為果晚好夜先幫襯😂)❀☕可以喝的Tiramisu呢杯飲品係朋友仔叫嘅, 小妹淨係試左一啖都覺得味道好似食緊Tiramisu, 香得嚟唔會有苦澀味, texture都好滑, 不過就少左Tiramisu嘅酒味🤔 由於小妹唔鍾意有酒味嘅Tiramisu, 亦唔係Tiramisu fans, 所以個人覺得呢杯飲品唔錯🙈❀🍹Come芒,占士身為芒果控嘅小妹當然要試下佢嘅芒果特飲😋其實呢杯飲品飲得又玩得, 先飲一啖之後再倒芒果汁落去杯奶, 就會做到有層次嘅芒果奶昔😍 味道方面, 朋友仔厭佢太甜, 但小妹鍾意食甜嘢就好喜歡🤤 唔鍾意飲甜嘢嘅朋友可以選擇其他特飲, 餐廳自創飲品仲有另外2款, 常見特飲就有十幾款👍❀🍝明太子蟹肉扁意粉意粉面頭嘅蟹籽同蟹肉堆到成座山仔咁多🤤 意粉彈牙, 而意粉醬有濃郁嘅明太子香, 非常足料!! 蟹肉撈埋意粉食啖啖都食到蟹肉㗎❤️❀🍋 Lemon in Sarajevo甜品就揀左檸檬雪芭, 我同朋友仔都好天真地以為成個都食得, 點知用匙羹敲極都敲唔爛, 後尾先知原來佢係用真檸檬挖空個芯再放雪芭入去, 所以食嘅時候要開蓋 (檸檬掟位置原來開到🤣) 講返食後感先🤭 外形同樣非常吸睛, 味道酸甜醒胃, 所以食飽左都仲食得落, 質感好軟綿綿, 好似食緊雪糕咁, highly recommend!!💯❀雖然呢間餐廳嘅食物可能偏貴左少少, 但食物整得高質, 睇得出廚師好有心機去整每一道菜, 連飲品都咁有創意, 個人認為呢個價錢抵俾嘅👌 另外值得一讚係侍應服務好好, 又有禮貌, 餐牌仲寫左 "Wall is Respect" 提大家要互相尊重, 真係好難得👍…查看更多

呢間甜品店出名食牛奶軟雪糕, 呢排天氣熱左咁多, 最啱食返杯雪糕消消暑😎✿🍦扭紋雪糕今次試左朱古力+牛奶味嘅扭紋雪糕, 雪糕質地好滑, 朱古力同牛奶味都好濃, 尤其係牛奶味😍 至於個雪糕cone亦都係自家製, 脆口之餘唔會太甜, 唔似平時食嘅甜筒, 有時小妹會覺得平時食嘅甜筒cone太甜太膩🤔 所以今次百味堂嘅雪糕cone配搭濃味嘅軟雪糕就啱啱好喇💯 食完會想再encore🤣👍 如果唔想食cone亦可以揀杯裝😌✿除左扭紋之外, 仲有其他口味嘅雪糕任君選擇, 最近仲推出左白桃牛奶雪糕, 有機會要再去試下🤤 另外, 小妹想特别介紹下店入面嘅裝飾, 有座好靚好吸睛嘅甜筒燈塔, 好啱大家拎住雪糕打卡影相㗎, 小妹果日去到都忍唔住影左幾張😆…查看更多

阿華田脆脆格仔餅經過呢間舖頭已經聞到好香嘅雞蛋仔同格仔餅味, 所以忍唔住要買返件試下🤭 店舖出名賣唔同口味嘅雞蛋仔, 甜味同鹹味都有得揀, 有選擇困難症嘅小妹樣樣都想試😂 最後同行嘅"大佬"提議試另一個招牌菜, 超厚格仔餅🤤✾大概等左6-7分鐘, 一路等一路聞到好濃好香嘅格仔餅味, 越聞越肚餓🤣 老闆整完拎出嚟嘅時候, 我地見到都忍唔住嘩左聲, 因為真係好厚身, 而且大大件😆 即整嘅餅底熱辣辣又脆口, 中間夾左好多阿華田醬, 極度邪惡😈 好彩有"大佬"一齊share, 唔係小妹未必食得哂咁大件嘅格仔餅😂 但呢個格仔餅絕對係大件夾抵食!👍 唔知店舖嘅雞蛋仔好唔好食, 見唔少人都有幫襯過🤔 而且佢嘅雪糕雞蛋仔都好吸引, 下次再去試下先❤️…查看更多

近排幫朋友仔補祝生日, 去左石門嘅一間cafe食tea, 順便試下佢嘅souffle pancake😋 雖然佢唔係好出名嘅甜品店, 但小店嘅質素都唔可以睇小😎✾🥞Pancake厚身, 質地fluffy, 入口即溶😍 味道唔會太甜, 加埋小妹最愛嘅芒果雪糕, 甜而不膩💯伴碟配新鮮雜果, 有士多啤梨, 藍莓, 香蕉💛 唯一係如果一個人食嚟講, 價錢可能會貴左啲, 雖然佢嘅份量都算大份, 細食嘅朋友多數要share, 小妹幫襯果日有叫其他嘢食, 所以變左四個人share呢個souffle pancake👭👭😛…查看更多

一向食譚仔三哥都鍾意叫薯粉, 難得今次三哥新出左撈薯粉, 當然要去試下啦🤤✿🍲 酸辣撈薯粉薯粉口感煙韌, 撈埋三哥酸辣汁, 好惹味喎～👍😆 辣度預設為五小辣, 鍾意食辣嘅朋友亦可以揀四小辣至特辣🌶😈 平時少食辣嘅小妹今次揀左五小, 雖然食到標汗, 但又辣得過癮, 正!!🤣👍同埋會食到少少酸甜嘅味道, 中和下個辣味, 所以少食辣嘅朋友仔有興趣都可以去試試😋 配料方面有爽口嘅豬耳, 雲耳, 青瓜絲, 同埋香口嘅薄脆, 撈埋薯粉食好夾💯除左預設配料, 仲有額外配料可以加㗎👅✿🍸 鹹檸梳打三哥仲出左兩款夏日特飲, 鹹檸梳打同蜜桃乳酸🍹小妹就揀左鹹檸梳打, 一路食辣薯粉, 一路飲梳打, "gur"哂!😌 而且呢杯鹹檸梳打加左原粒酸梅, 更加解渴解辣😝 唔知點解食辣嘢飲梳打呢個配搭真係特别爽🤣…查看更多

🍧 韓式綠寶石香甜蜜瓜雪奶新鮮嘅蜜瓜肉好甜, 仲有淡淡蜜瓜味嘅綿綿冰同上面嘅牛奶雪糕🤤 底下嘅綿綿冰整得好幼細, 入口即溶, 不過味道比較淡唔夠味, 所以食呢個甜品嘅時候要加提供嘅煉奶! 加左之後嘅味道先夠濃, 所以記得要加煉奶 (果次同朋友食唔夠用, 仲問左侍應添🤪) 尤其鍾要食甜嘢嘅朋友記得加煉奶😆✿🍧 D24榴槤白雪丸子雪奶榴槤控去幫襯一定要order呢個甜品, 因為榴槤肉同綿綿冰都有好濃郁嘅榴槤味, 好似真係食緊榴槤!!😍 相比清甜嘅蜜瓜雪奶, 呢個榴槤雪奶就算唔加煉奶嘅味道都好濃郁好夠甜, 當然加左又會有另一種感覺, 不過小妹覺得今次可以加少啲😛雖然佢嘅價錢比平時嘅甜品貴, 但係加左唔少榴槤肉, 大大碗, 都算係真材實料架👍…查看更多

🐥半半炸雞炸雞嘅味道有三個選擇, 原味/辣味/蒜香汁, 三揀二✌️今次有朋友仔唔食得辣, 順理成章揀左原味同蒜香汁🤤 即叫即炸嘅炸雞脆皮係基本, 而值得讚嘅地方係外層炸粉夠哂薄, 唔怕食到成口粉, 入面嘅雞肉又大嚿又juicy, 一碟嘅份量都算多㗎👍唯一係小妹覺得原味比較普通, 無乜特别, 相反蒜香汁惹味好多, 下次再去要試埋個辣味! 小妹加左$10轉無骨, 可以啖啖肉仲正😍其實小妹仲試左蜂蜜檸檬炸雞, 酸酸甜甜, 都好好食㗎🤤 再次極力推薦大家加$10轉無骨, 因為啖啖肉咬落去果下真係好爽, 同埋好有滿足感😆…查看更多