Bon.Bon.Kitchen的個人專頁

韓國菜一向係我最愛，今日路經太古，見到一間韓國餐廳，就直接入去試一下，環境方面，餐廳入面座位比較寬闊，坐得比較舒服，適合一大班人一齊食，佈置方面偏向日本風格。醬油蝦 4條$138醬油蝦鮮甜美味，蝦身預先已經剝咗殻，方便食，醬油香濃入味，大滿足。韓式炸雞塊(香甜）$78雞塊外脆內嫩，表面加左啲花生碎，增加口感，加上甜既醬汁，很開胃。極上稀少部位燒肉拼盤 $428（150g)燒肉拼盤入面有特選牛里脊肉、牛肩胛肉、牛上肩肉、牛板腱和特選牛肋肉，牛肉味濃，肉質又嫩滑，食落唔會好油膩。特選牛舌 $168(80g)食燒肉我覺得一定要食牛舌，爽口之餘，牛肉味濃郁。特選牛肉雪濃湯$148大大碗，湯味鮮甜，牛肉份量又多，肉質鮮嫩，湯唔會太油膩，湯入面有少量韓國麵條，整體上不錯的。乳酸燒酎特飲$45燒酎加埋乳酸，會突顯酒既濃味。柚子燒酎特飲$45淡淡既柚子味，配上燒酎，多重口感。蘋果汁$35兒童飲品之選，唔會太甜，加上有果肉，口感豐富。…查看更多

今日帶埋家人去了一間港式懷舊風既火鍋店，店舖裝修好有特色，充滿住舊式大排檔既風味，彷彿好似進入左七十，八十年代既時光，佈置方面好有心思，有戲院場景、夜總會、街市等等，連同杯碟餐具餐牌以懷舊為主。同店員傾計時發現，原來店內既牆畫都係佢哋自己嘅設計，真係好有心思，整間店都好適合打卡，每一件用具都好有懷舊氣息另外，如果一大班朋友聚會，想要私人空間，餐廳都設有獨立房俾一大班朋友，最低消費$3500就可以有獨立房間，而房嘅設計及枱面設計就好似去了懷舊賭場嘅感覺，就連門嘅設計都好有特色好懷舊嘅味道湯底方面有12款湯底可以選擇，餐牌上寫住”中吉” & “大吉”就可以叫雙拼另外多款醬料可以自由混醬，價錢係每位$18 ，醬料選擇都很多，而且有啲醬料係秘製，特別推介係沙嗲醬餐前小食: 花生，麻辣黑木耳青瓜香茜茜皮蛋湯 拼 復古味沙嗲湯 $108 + $20香茜皮蛋湯清清地，唔想食太濃味，可以叫呢一款湯底沙嗲湯底好濃郁，又唔會有肥膩感，同平時有花生味既沙嗲湯底不同，自己比較喜歡呢一款復古味嘅沙嗲湯安格斯牛頸脊(例牌）$268只係賣相就已經好靚，油花分布好平均 ，牛味好濃又厚身，新鮮得來又嫩滑，真係值得一試新鮮爽滑豬潤 $58平時好少打邊爐食豬潤，諗住試一試，點知有驚喜，好爽口又嫩滑，真係食完想再食冰豆腐 (蜂巢豆腐) $42好多人都介紹冰豆腐好好，我當然要試吓啦，每一件豆腐都好大件，放入湯底中索晒湯汁超級入味，真係好好介紹呀手打海中蝦滑$88爽口又彈牙，而且有鮮蝦味，真係比想像中好，就連阿仔食完話要再食呀枝竹 ＄38枝竹用嚟索沙嗲湯汁，真係好濃郩，好正呀芝士獅子狗 $58呢一款獅子狗係內裡有芝士，一啖咬落去會爆芝士出嚟，好好味，但溫馨提示千萬唔好拎上頹立即食呀，芝士好熱架炸響鈴$68一落枱就已經好香，原來係即叫即炸，所以特別香脆，真係好出色椒鹽雞軟骨$72呢一款係老公指定話要食嘅，我仲諗住打邊爐做咩食呢啲，即叫即炸，口感香脆，又唔會覺得太油膩，送啤酒一流。刀削麵 $48刀削麵軟硬適中，我自己比較喜歡有咬口既感覺，所以我煮既時候唔會太耐，我覺得2個人一齊食係足夠的。總括來說，這間餐廳服務很好，環境好舒服，好適合一班朋友聚會…查看更多

平時返朝九晚七，放工返到屋企都好累，餐餐食外賣又唔健康，有時都想煲下靚湯，但又無時間，有次朋友介紹左滋味靚湯，佢地係香港自家品牌，自設廠房製造，質量信心之選，健康又無味精。今次我試左佢地一款湯包和三款食物。南北杏蓮藕章魚無花果翅骨煲豬脊骨其實飲靚湯好簡單，放落熱水10分鐘左右就飲得，方便、健康、美味，適合比較忙碌既我，味道香濃，又清甜。地道五香蘿蔔炆牛筋腩煮法都係放落熱水10分鐘，牛筋腩炆得好入味，蘿蔔又香甜。港式洋蔥豬扒同樣地放入熱水10分鐘就食得，豬扒大大塊，味道濃郁，豬扒鬆軟，十分適合用來送飯。惹味黑椒雞中翼放入熱水10分鐘，黑椒汁香濃惹味，簡單既操作，隨時隨地都可以食我至愛既雞翼。…查看更多

疫情關係無得帶小朋友去旅行，有得食又有得玩既餐廳又唔多，突然間我又好想食烤肉，最後就揀左呢一間親子餐廳，餐廳仿韓屋做設計，好似置身於韓國一樣，環境空間都很大的，整間餐廳都寬躺及舒適。我地最後單點左幾樣野食，包括三味牛小排 、厚切五花腩、韓式豬皮配炒芝麻、葱蒜牛五花、醬油蒜頭有骨炸雞半份，仲有當然唔少得有兒童餐-愛睡兔小姐及窩心摩天輪，仲叫左2杯梳打飲品+ 1杯乳酪飲品俾小朋友。三味牛小排 $208牛小排大大塊，有原味、梨汁辣醬和韓式秘製醬油味，牛肉醃得好入味，厚薄適中，不錯既選擇。葱蒜牛五花 $98肉質鮮嫩，牛五花加埋葱蒜一齊食，味道更加濃郩。厚切五花腩 $128原條五花腩，份量相當多，肉質鮮嫩，燒香咗之後有點似燒肉一樣，好香口好好味。韓式豬皮配炒芝麻 $62豬皮經過烤爐加熱後，唔會覺得好肥膩，加上少量芝麻，口感更加有層次。醬油蒜頭有骨炸雞半份 $118炸雞外脆內嫩，有薯條做配菜，整體上十分邪惡。兒童餐(窩心摩天輪) $128每一組鐵架入面放左唔同食物，有紫菜包飯、炸雞翼、炸薯條、餃子和年糕串物，重點既係摩天輪可以轉下轉下，都幾特別。兒童餐(愛睡兔小姐) $98有兔仔樣既蛋包蕃茄飯，有一件壽司，2件炸雞，沙律等等，味道唔會太濃，適合小朋友食。草莓乳酪 $48小朋友之選，唔會太甜，冰涼快感。柑橘鮮橙果茶$48感覺好清新，酸酸甜甜，解渴之選。皇牌士多啤梨乳酸梳打 $48店舖員工話係新出產品，所以試下，飲品入面有少量果肉，口感不錯。除左可以燒烤之外，另一個賣點係有個兒童遊樂場，小朋友可以盡情喺入面放電，有滑梯、煮飯仔、砌積木等等。…查看更多

之前一直都好想試吓呢一間”不籽是咖啡”，有一間分店位置座落於西環，於是去潮聖一下，店舖入面好闊落，淺木色傢具、簡約的藤籃設計，用一啲仙人掌盆栽作佈置，顏色好和諧好舒服，門口位置都係一個打卡位，整體感覺上都好舒適龍蝦湯配牛油果大蝦稻庭烏冬 $128 店舖的招牌菜式”龍蝦湯烏冬”吸引左我專程慕名而來，龍蝦湯以金屬茶壺盛裝，隨自己喜愛自行添加龍蝦湯，龍蝦湯鮮甜濃郁，烏冬煙韌彈牙，大蝦彈牙爽口，配上牛油果和紫菜，感覺很清新，整體上都好飽肚。黑松露醬薯條 $68薯條炸得香脆，配埋黑松露醬，令薯條味道上昇華左，不可缺少的小食。焦糖香蕉楓糖核桃雪糕配牛角酥窩夫 $88 賣相十分靚，味道方面又配搭，牛角酥窩夫我都係第一次食，感覺上好鬆脆，食落又唔會好油膩，雪糕方面好香滑，入面有粒粒既合桃，都幾特別，另外，窩夫上面有濃濃榛子醬，配埋焦糖香蕉，感覺上有點甜，不過都可以接受。野莓梳打 $48 飲品方面無咩特別，酸酸甜甜，飲落幾開胃的。…查看更多

中環係一個商業既地區，每逢到午餐放飯既時候，四周圍都大排長龍，而CFK express係一個唔錯既選擇，食物即焗即製，種類又多選擇，有沙律、湯、飲品、小食等等，對於香港人急促既步伐，呢個係唔錯既選擇。椰香葡汁豬扒即製焗飯 $68焗飯一共有3款醬汁選擇，有意式蕃茄香草醬、泰式青咖哩汁和椰香葡汁，可選配飯或者意粉，而我就選擇左椰香葡汁焗豬扒飯，原先諗住揀意式蕃茄香草醬，可惜今日SOLD OUT左，可能太搶手，只好下次再試吧，講開焗飯，焗飯即叫即製，拎上手既時候十分熱，一開蓋就散發出好濃既椰香，豬扒好嫩滑，而且葡汁送飯一流，配料方面有芝士和紅蘿蔔，每一啖都充滿芝士口感，十分邪惡，另左我加配18蚊有是日西式濃湯，今日既湯係南瓜忌廉湯，餐湯份量都幾大碗，2個人飲會比較適合，味道方面，好濃郁既南瓜味，材料方面都幾足料，跟著我再加配8蚊凍檸檬茶，加配(熱/凍)即磨咖啡/紅茶/汽水都只係加8蚊。…查看更多

話說好多朋友都話呢間餐廳充滿特色，而且又超強人氣值，所以放工後同家人去朝聖一下，餐廳入面佈置得好特別，歐陸風味嘅感覺，由於人流比較多，所以排隊等候既時候比較耐，大家如果去的話，要耐心等候，餐廳座位比較闊落，加上環境四周都有不同既圖案，感覺上整體都比較舒服。 另外大家去到就留意下餐牌，每一款食物嘅名都好特別，我哋都睇咗好耐，真係好有趣記住，期望愈大，失望愈大….雞翼蜜糖芥末雞翼 $68呢個名真係…….我真係好失望呀，所以好好食！雞翼有4款口味俾你選擇，有微辣原味、蜜糖芥末、芝士粉、避風塘，我揀左蜜糖芥末味，醬汁味道濃，雞肉嫩滑，咬落又唔會好油膩。普通到無得再普通既炸魷魚圈 $68魷魚圈卜卜脆，再加埋沙律醬，好開胃，作為前菜小食係唔錯既選擇。點解個個都叫軟殼蟹比蕯架 $138中意食軟殼蟹既你，一定要食呢個軟殼蟹比蕯，中間位原隻軟殼蟹，賣相十分吸引，配料方面有菠蘿、蟹柳、芝士等等。黑到爆炸魷魚圈墨魚滑墨汁燉飯 $128 叫呢碟飯既其中一個原因係俾個名吸引咗，加上我又中意食墨魚汁，飯唔會太鹹，味道適中，魷魚圈有3件，香脆鬆口，口感煙韌，食完記得要抹嘴，否則會成個嘴都黑哂。你今日飲左益力多柚子沙冰未呀？$56一開始以為杯飲品會好甜，但飲落又唔會好甜，反正有一種清新既感覺。非一般一般檸檬果皮烏龍茶沙冰$55呢杯味道上係一杯檸檬茶，甜度方面唔會好甜，清涼快感。…查看更多

今日嚟開將軍澳做嘢，就諗住揾朋友去食野同行下街，經過呢間餐廳，就俾餐廳裝修吸引住，加上餐廳有個大露台，環境感覺上比較舒服，而且比較清靜，很適合同朋友黎飲返一杯酒，嘆番一個下午德國鹹豬手配酸菜及薯仔沙律 $218食德國菜點可以唔叫德國豬手，豬皮燒到卜卜脆，十分脆口，肉質方面好嫩滑，配料方面有酸菜和薯仔沙律，很開胃，餐廳都好細心，豬手已經切好哂 ，味道方面唔會太鹹。德國香腸拼盆$162香腸一共三款口味，有一條長白色圓圈，一條芝士味既腸，一條辣肉腸，附有茄汁同芥辣醬，拼盆上有薯條做配搭，薯條炸得香脆，整體上不錯的 。Duck Duck Goose $78呢一款啤酒我第一次飲，味道比較淡，口感比較清新，有陣陣散發柑橘香，我本人比較中意，因為清清地，又不會太濃。如果你星期一至五(全日)會有Happy hour $48 優惠，假日和公眾假期就無呢個優惠。…查看更多

ULURU (灣仔)灣仔區一向都多美食，今次嚟度呢一間秘密花園打下卡先由門口沿樓梯上到一樓，已經充滿打卡位，全間cafe 用簡約的黑白色作為裝修，黑白手繪畫作為牆身，每一個位置都好合適打卡，我哋都忍唔到不停影相店舖好寬敞，店員都好熱情有禮，會主動問我哋意見，都會介紹食物今次正正係下午茶時間，當然要試吓好啱打卡嘅Tea Set啦彩花之里。溫室下午茶 $188 for one $388 for two 我哋係食二人tea set 📌鹹點：🌟泰式炸魚餅🌟吉列炸蝦呢一個tea set 有兩款鹹食，魚餅有微微嘅辣，啱晒我食，而炸蝦脆卜卜又唔會好厚粉，都唔錯呀📌甜點:🌟榛子味馬卡龍🌟檸檬味馬卡龍馬卡龍食按每日餅廚安排味道，而我哋今日係檸檬味及榛子味，檸檬帶少少酸味，好清新，而榛子味甜甜地，口感外脆內鬆軟🌟 松露朱古力朱古力口感香滑，而且非常濃郁又唔會好甜，軟心朱古力真係好好味🌟玫瑰奶凍玫瑰奶凍口感幼滑，有淡淡的奶香，而且粉紅色好靚🌟朱古力牛角包牛角包好酥脆，而且內裡有朱古力，大大提升咗口感🌟朱古力蛋糕🌟藍莓乳酪蛋糕🌟柚子蛋糕三款蛋糕細細件，唔會覺得好甜，味道都唔錯，我自己比較喜歡柚子蛋糕，酸酸甜甜，感覺好清新📌迷你朱古力糖果溫室呢一個真係好合適打卡又可以吃得嘅盆栽甜品，落枱個時有一刻以為係盆栽，因為內𥚃放了一朵玫瑰花，所以像真度好高，但其實內裡係Brownie +朱古力慕絲+朱古力餅碎 🌟ULURU Rose Tea 有淡淡嘅玫瑰香再配上士多啤梨汁及迷迭香，清甜解渴🌟Tiramisu coffee 聽到Tiramisu 以為會甜，但呢一杯咖啡一點都唔甜，而且好香濃…查看更多

最近又再煲韓劇，又好掛住食韓國菜啦，心血來潮就係銅鑼灣行完街就揾下韓國餐廳，行到半路就發現呢間餐廳，一於上樓試吓一入到餐廳門口就發現好多裝飾，佈置得好靚，環境十分舒服，而且仲播住韓國k-pop music ，氣氛都好好鐵板秘製醬油豬腳 $238 一上菜既時候，無諗過份量係咁多，大大盤，豬腳份量多，豬腳吸收左醬油味道，十分入味，味道又唔會太辣，如果三五知己一齊食的話，係唔錯既選擇。甜辣無骨炸雞 半份$120 炸雞我覺得係必叫，佢可以選擇全份或半份，半份大約有5件左右，炸雞外脆內嫩，十分多汁，表皮炸得香脆，而且又唔會太辣，味道適中，如果用來送啤酒一流。醬油牛肉炒粉絲 $118 粉絲煮得入味，而且牛肉份量多，配料方面有青椒和菇類，粉絲有咬口，整體口感豐富，不錯的選擇。Coronarita 西柚 $98 來到韓國餐廳當然要叫埋Coronarita，大大杯，有不同口味提供，有西柚、提子、藍檸檬、柚子，我最後選擇西柚，清清甜甜，容易入口。Smoothies 士多啤梨 $65 如果怕辣既朋友不妨可以叫smoothies，一來可能解辣，二來冰涼消暑，口味方面有4個選擇提供，奥利奥、藍莓、士多啤梨、乳酪，我最後選擇士多啤梨，甜度方面又唔會太甜，適合小朋友飲。…查看更多

聽聞「木玥巷」在屯門已經有總店，現在在元朗開店，應該是受歡迎才擴展業務，所以決定到元朗分店一試。這餐廳是食台灣菜，牛肉麵是我的至愛，去到每間台灣餐廳必試。招牌紅燒牛肉麵 $96 (8/10)很豐盛啊！有薄切牛肉片、牛筋、牛展，全部煮得鬆軟淋身，配上紅白蘿白，清甜，但建議再可入味，還有擺盤上犯規的風琴豆腐串，炸得脆卜卜，吸收牛肉湯一流。主菜還點了海鮮炒麵 $98 (8/10)麵是幼身，海鮮有大蝦、墨魚仔、蜆仔，用上惹味醬油，不自覺食完一口又一口。桂花梨黑醋骨 $84 (10/10)店員跟我介紹是這裡的名菜。黑醋骨入味鬆化，配上陣陣桂香花的蜜梨，一口骨一口梨，非常搭配。大家記得點水果茶呀，so fresh ，十分醒胃，消膩最佳之選！整體來講，我會再次光臨「木玥巷」，因為太耐沒有去台灣了，在這裡望梅止渴，也很滿足！…查看更多

今日返公司聽同事講銅鑼灣有一間餐廳四周圍環境都充滿花花，好奇之下相約同事放工一齊去朝聖一下，去到餐廳門口，已經感受到好舒服既感覺，門口已經充滿花花草草，入到餐廳入面都佈置滿滿既植物。來自地獄的意粉 $110 一聽呢個名就知道辣既味道唔惹少，意粉表面充滿了辣椒，每一口麵粉都散發出香濃既辣味，雖然表面望落去好似好辣，但食落又覺得唔會話好辣，反而覺得享受辣既過程，不過唔食得辣既朋友仔就要三思一下選擇其他食物。二重奏忌廉煙肉芝士短管粉 $118 我本身就中意食通心粉之類，放上枱既時候已散發出濃濃既芝士味，配料方面有薄切煙肉、菇等，表面既芝士有拉絲效果，短管粉軟硬適中，味道香滑濃郩。紫薯牛奶 $69 飲品最特別之處係整個杯都可以食，杯身以曲奇製造，杯面有熊仔圖案，十分有心思和可愛，真係睇得又食得。蝶豆花綠茶 $45 飲品感覺很高貴，賣相也相當吸引而且好夢幻的顏色，綠茶味清淡，清涼解渴。…查看更多

今日經過銅鑼灣行街買野，然後又行街行到下午茶時間，路經銅鑼灣一期就發現呢間餐廳，心血來潮想食日本野，所以就入去試一下，呢一間餐廳無落場時間，我哋下午茶時間入去都仲可以食到午市套餐吉列魚柳配麻醬冷烏冬便當 $85 (8/10)便當一共分做2層，上層有沙律菜、蕃茄，下層有麻醬冷烏冬和吉列魚柳，吉列魚柳外脆內軟，唔會一夾就散，至於冷烏冬方面，有麻醬做配搭，係最佳既選擇。夏威夷海鮮丼$98 (7.8/10)海鮮丼係我至愛，三文魚和呑拿魚份量都多，佈滿飯既表面，配料加埋牛油果和青瓜，感覺很清新，整體上口感、鮮味、甜度都不錯。Half Half 50%金裝 50%黑啤 $38 (8/10)Half Half既意思係兩溝啤酒，一半金裝啤，一半黑啤，如果覺得黑啤太濃既朋友，可以選擇Half Half，味道唔會太濃，又會易啲入口，而且口感好滑，下午飲番一杯夠晒Chill白桃乳酸梳打 $23 (7.5/10)夏日炎炎，加上冰凍既白桃乳酸梳打，清涼快感，消暑解渴，甜度方面又唔會太甜。每份午餐都有前菜提供，分別有中華沙律冷麵和麵豉湯，中華沙律有少少辣味很開胃，麵豉湯也不會太鹹，小朋友也適合飲。…查看更多

最近去開上環工作，就發現係上環站出口隔離有一間Cafe，裝潢以藍色為主調嘅Cafe，門口位置係Pet—friendly，而我好啱打卡，入到去感覺好舒服，餐廳環境好寛敞 bluebirdcoffeehk 設有2層，地下層比較光猛，而二樓的設計有點像酒吧的感覺，燈光比較柔暗，另設有榻榻米及沙發，感覺更加舒適而餐廳主打提供咖啡、蛋糕、小食、pastryIce Drip- Tall Size $49 冰滴咖啡讓冰塊自然融化後，冰水滴在咖啡粉中慢慢溶出咖啡的風味，一點一點滴漏出萃取液，咖啡加入了冰塊，但仍然好濃郁，口感都唔錯Matcha Frappe (cream Based) - Tall size$49 抹茶鮮奶沙冰呢一杯沙冰飲品真係解暑必備，飲品表面有沙冰，冰涼透心，而且抹茶味道香濃又唔會苦澀，飲落冰感十足Chocolate -Tall size $38特濃朱古力呢一杯朱古力表面有拉花圖案，但朱古力濃度略微唔夠，可能餐牌上寫了特濃，期望會好濃郩，但整體而言都不錯Chocolate Chip Muffin $26 朱古力鬆餅朱古力味好濃郩，內裏十分鬆軟濕潤，呢一個Muffin都算比較大件Earl Grey Hazelnut Cake $45伯爵榛子蛋糕見到伯爵配榛子呢一個配搭，就一定要試下啦，伯爵茶味好香濃，而且好突出，口感香滑，唔會太甜，質地係慕絲為主，呢一款蛋糕係我最喜歡Cinnamon Swirl $27 肉桂漩渦酥呢一個肉桂漩渦酥有淡淡的玉桂味，口感好鬆脆，中間仍然保留到濕潤口感，重點係唔會太甜，食完唔會覺得有膩的感覺整體來講，呢一間Cafe 價錢唔貴，環境都幾舒服，都值得可以再去下…查看更多

這間打正旗號食麻辣的餐廳，以木色為主，裝修簡單，乾淨整潔，多四人一枱的座位設計。一問之下，原來剛在8月1日開張，所以非常新淨。-雖然店名叫「麻辣DOI」，也可選擇辣度，甚至不辣。今次我是衝著酸菜魚而來！烹調方法有烤魚（整條魚）、水煮（無骨魚片）及香鍋（配上多款自選食材）。最後我點了「酸菜烤魚」，加配豬皮及蓮藕片。-「酸菜烤鱸魚」$288，已配芽菜、豆腐、木耳、香茜、芹菜，再送兩款自選配料及兩碗白飯。酸度：3/5麻度：2/5辣度：2/5整體（味道+用料+賣相）：3/5鱸魚被香煎過，就算在爐中翻熱滾著，魚肉也很滑，可一絲一絲夾着吃。喝過一口魚湯，我可以肯定沒有味精，真材實料，所以味道略為清淡，卻有屋企媽媽煮的味道。這條魚二人份量剛剛好，若果三個人可多叫配料及小食，可惜餐牌上選擇不多。-以喜歡溫和清淡口味的人而言，這個酸菜魚是非常美味；若以喜歡刺激口味的人而言，也未免太小兒科，有種到喉不到肺的感覺。-整體來說，餐廳用料及烹調都很用心，唯美中不足是，午餐及晚餐分別提供不同的食物。因為我是夜晚來的，錯過了午餐提供的冒菜車仔麵，那就下次再試吧！…查看更多