Chopsticks Fork n Knife Express (CFK Express) (已結業)

中環係一個商業既地區，每逢到午餐放飯既時候，四周圍都大排長龍，而CFK express係一個唔錯既選擇，食物即焗即製，種類又多選擇，有沙律、湯、飲品、小食等等，對於香港人急促既步伐，呢個係唔錯既選擇。椰香葡汁豬扒即製焗飯 $68焗飯一共有3款醬汁選擇，有意式蕃茄香草醬、泰式青咖哩汁和椰香葡汁，可選配飯或者意粉，而我就選擇左椰香葡汁焗豬扒飯，原先諗住揀意式蕃茄香草醬，可惜今日SOLD OUT左，可能太搶手，只好下次再試吧，講開焗飯，焗飯即叫即製，拎上手既時候十分熱，一開蓋就散發出好濃既椰香，豬扒好嫩滑，而且葡汁送飯一流，配料方面有芝士和紅蘿蔔，每一啖都充滿芝士口感，十分邪惡，另左我加配18蚊有是日西式濃湯，今日既湯係南瓜忌廉湯，餐湯份量都幾大碗，2個人飲會比較適合，味道方面，好濃郁既南瓜味，材料方面都幾足料，跟著我再加配8蚊凍檸檬茶，加配(熱/凍)即磨咖啡/紅茶/汽水都只係加8蚊。