mydark_mail的個人專頁

其實果日去到，完全冇人，就得我同我女朋友，我入去果刻都有D猶擬。間店空冇一人，冇人食？！ 我地選左樓上座位，坐位是沙發，坐得十分舒服，而且有優閒既音樂係度播放，心情十分舒坦。我同女朋友叫左個心太軟同窩夫。朱古力心太軟，當一切開佢，熱呼呼GE朱古力漿湧出來，正丫。而且睇得出有落足心機擺切。視覺同味覺既享受。 窩夫我覺得就中規中舉，窩夫夾住既CREAM幾滑，整體黎講OK。如果行開舊城區，想抖下嘆下下午茶，可以一試。…查看更多

其實唔講，我係完全唔會知道依間大排檔叫強記，佢店就係食「秘制羊腩煲」，今日上網CHECK有邊間好食既煲，見到強記羊腩煲，先知原來我之前果間叫強記。強記其實幾出名，好多旅遊書都有推介，所以要有心理準備排隊。由於百物騰貴，上年食羊腩煲果陣，都已經升到170蚊煲，細既都要90蚊煲了。由於我同我女朋友食，叫個細煲就夠晒食，但我建議食得晒既話叫大煲。相對黎講會抵食D。叫左個細煲，就等佢慢慢煲吧，感覺個火好猛。羊腩煲顧命思議，入面有羊腩，仲有枝竹，大件大件的羊腩，讓我大口大口的食，痛快。唔羶而且幾淋。可惜渣車，唔係既話叫多支啤酒，簡直係男人既天堂。同場加多碗牛栢葉，我本身唔鍾意食牛栢葉，我女朋友叫的。我食落口覺得好一般，同羊腩冇得比。炸芋片，這個蠻有意思，就是芋味的薯片。食落口脆卜卜。一開始，我心諗其實係未要浸落個煲到滾佢，但老闆娘話就咁食的。由於自由行越來越多，每次看到長長的人龍在等候，咩食欲都冇晒 ，而且你又唔好意思食得太慢。但好食係真係好食，所以都特登搵番之前影既相片同大家分享下依間大排檔。…查看更多

其實這間店在10月時透過朋友得知，但一直就是找不到位置，今日透過朋友帶路先搵到依間日式料理店。去到嵐鰭，唔駛等位。侍應安排好地坐位之後，就開始殷勤地服務茶之類的。而且還介紹左一D今日比較新鮮既刺身。餐牌講真好難睇，唔明個餐牌點解要選依隻字體，好撩。睇落去好唔舒服，或者係特色吧。。。 我地5個人點左個刺身，壽司，拉麵，燒物同埋蛋。先講刺身盛－（櫻）刺身包括有三文魚，甜蝦，元貝、帆立貼、八爪魚、螺、油金魚等，好鐘意佢個三文魚厚切，而且整個拼砌好用心。由於其它幾個唔食吞拿魚，我地就張吞拿魚換左做希靈魚。再黎就係依個壽司盛合（12)，顧命思義就係有十二件壽司，壽司方面我最欣賞係佢個花支戀，佢將牌三文魚雕到好似花咁，但沙律就嫌多左D。鐵板燒帆立貝，帆立貝燒得啱啱好，唔會話燒到太干，而且仲KEEP到帆立貝鮮美軟嫩，唔錯 相反依個汁燒魷魚筒真係好差，燒到干晒，好似食緊魷魚思，越細件越濃，食到尾好似食緊碳咁。 自家制玉子饅魚燒，依個玉子饅魚燒索價108蚊，但食落口有點失望 ，可能期望太大，太甜了，如果沙律醬可以俾少D，我諗就啱啱好。饅魚OK的。 雜錦海鮮拉麵，我認為係最抵食的，除左有玉子，同大蝦外，仲有青口，帆立貝，魷魚等等，幾抵食。 最後係侍應推介的海龍王卷，海龍王卷其實即係饅魚同，瀨料蝦天婦羅，食落去其實我覺得用普通蝦黎炸其實都冇咩分別，148蚊真係見人見置。…查看更多

從台灣回澳，念念不忙台灣的牛肉麵，我在向朋友訴：難道澳門就冇間稍為正宗少少既台灣牛肉麵嗎，朋友就推薦我試下依間鋪頭：綠茶坊。個名聽落去，完全唔會俾我覺得係食牛肉麵，賣飲品甜品仲講得過去（事實佢都賣飲品甜品），唔理了，即管入去試下，入到去之後，好多位坐，有個講國語既侍應問要點什麼呢，我二話不話，紅燒牛肉麵一碗。牛肉炆得真係好淋好入味，肉略帶有肥肉，由唔話成舊肥膏，麵條爽口彈牙，剩係個湯好唔掂，整體黎講，還可以吧。下次俾我㨂我會叫剩牛肉。…查看更多

日前到左AIA和花亭食LUNCH，見到有更新左新MENU，除左有之前既SET LUNCH之外，今次多左3款更豪華既午市套餐，二話不說，我同阿妹嘗嘗鮮。依個就係更新左既MENU，多左3個SET可以撰擇，由於「煮物漬物前菜」什麼的，在菜單上看，感覺十分嘔心，我同阿妹都望而止步，在細問之後，原來是「煮物漬物前菜」每天不同的。暸解過後，我同阿妹分別點左J餐同L餐。等左冇幾耐，就上左J餐－極上刺身定食，上台果陣有D失望，感覺同個MENU有D出入。個SET包括左一杯魚子，油甘魚，纙肉，吞拿魚腩，甜蝦，牡丹蝦，赤貝等。刺身好新鮮，我自己本身好鐘意食魚子，今次可以食番夠本，牡丹蝦有手掌那麼大，吞拿魚甘香有口感，油甘魚好肥美，赤貝爽口彈牙。依個餐女士黎講，應該飽，但男士如果剩點依個餐作為午餐，我認為未必飽。之後就係L餐－和花亭壽司定食，簡單地講就係壽合集合。有齊晒我同阿妹鐘意既壽司，例如有吞拿魚壽司，海膽壽司，凡立貝壽司等等。魚子壽司上台果陣散晒。禾花亭壽司一直都維持係我滿意水平，今次亦唔例外，特別係海膽壽司，幾新鮮，一D都唔鯹。到本身最擔心既煮物，上台果陣有驚喜，哈哈，全部都係我鐘意食的，特別係白色果舊叫「白薯糕」，第一次食，口感煙韧，好似食緊魷魚筒咁。最後甜品係雪糕，一人一個球，好香奶油味。最後補足下，前菜係蔬菜沙律，漬物係D紅畺片。最後賣單加一，盛惠澳門幣325。送張吸印餐卷，10日內食5次定食就可以係晚市有50蚊折扣優惠，有冇用就真係見人見置。…查看更多

去之前要BOOK定位，超FULL的，果頭係商業區，放工時間，都是白領中午飲茶吃飯選擇之一，再加上旅客賭客，唔BOOK位，保證有排等。果餐飯係我轉職前請同事食既最後一餐，答謝佢地依幾年對我既照顧，佢地都好識食，唔貴唔點。我地全部都係單點，上網睇任食好似好唔多掂，不過我覺得單點既點心係超水準。環境方面唔駛多講，賭場既酒店，除左環境裝修豪華舒服外，服務又周到。黑椒蒸鳳爪，鳳爪好入味，一上台就順間秒殺。蝦腸，腸粉皮薄，蝦爽滑彈牙，正。鳳凰流沙包，依個鳳凰流沙包名符其實，我一咬，餡就流到成碗都係，餡好香好滑鮮蝦菜苗餃，賣相造型十分吸引，蝦依舊爽口彈牙，蝦同菜苗既份量十分配塔…查看更多

前幾日因為女朋友話冇咩胃口，想食清淡少少，平時唔鐘意食粥既佢，提議食粥，咁就黎左一哥美食，事隔左一年冇黎幫襯過，腦裹印象依舊美好。仍忘不了那清甜的瑤柱粥底。一哥主要做街坊生意，冇打電話預約訂位之說，因為十分好生意既關係，基本上冇話咩時段去唔駛等位。去到唔知邊條龍排隊的話(因為好多係外賣)，唔想白等，就搵門口個札辮既阿衣然後佢會話你知邊條隊係排隊。入正題，今次等左陣就有位，二人叫左兩個粥，一碟小菜，同一碟腸粉。華人食粥都愛油炸鬼，我也不例外，例牌一條油炸鬼配粥，油炸鬼應該放左一段時間，唔好太大其望。反正都係用黎點粥食，問題不大。窩蛋肉丸粥，肉丸很爽很彈牙，瑤柱粥底很甜，我比較喜歡肉丸粥上加個生蛋攪爛，除左令個粥好睇D之外，個粥會更香。瑤柱西蘭花，瑤柱很甜很滑，西蘭花炒得算係叫可以。齋腸，齊醬走辣，也不是說很滑，就是普通齋腸。比較幾間專食粥既粥鋪，我會偏愛於"一哥美食"，食水蟹粥會選"六記"，幾步之距的"錦鏽"粥底偏咸，而且幾次堂食都見到另人作嘔的"昆虫"係墻上、天花行走，另外等候時間時極為漫長，由order到上桌，一碗粥可以等30分鐘以上，除非"一哥"休市而又非食不可，否則我是不會選擇"錦鏽"的。或許"錦鏽"吃的就是一份人情味。走既時候看到師父係到整緊腸粉，只見師父十分閑熟地就做好一底腸粉。…查看更多

氹仔食葡國野、食扒，我同屋企人黎黎去去唔係食小飛象，就係木偶。味道方面我自己是比較喜歡小飛象的，但間中去食木偶，又未尚係一件壞事。木偶相對小飛象黎講，款式少、偏貴、而且份量來說也是比小飛象細碟。但若果論服務，環境裝修，木偶則比小飛象優很多。或許小飛象現在轉做旅行團餐，服務真的是越來越欠佳。今天點了幾個例點的菜，炸馬加休，牛仔肉，牛扒，另外還點了個葡式銀鱈魚。這個餐包，其實吃兩口就好，一般。馬加休球，味道跟小飛象是不同的，偏咸且香，而且是鬆口的，食起黎應該不是事前炸好。例點牛仔肉，我們點5成，因為我們喜歡嫰口，而且不想有血水，最後也沒有讓我們失望。然後炭燒牛扒，肉汁豐富，肉味突出，食到炭燒既焦香。葡式銀鱈魚，很地道的菜，就係菜，紅蘿蔔，番茄一齊煮，魚肉鮮甜，唔係話好嚡，唔錯。如果有朋友黎到澳門，想有個唔錯既環境食飯，可以一試木偶，或許是一個唔錯既體驗。…查看更多

這天是上司既生日，上司在外國生活左一段時間，跟同事傾左陣，決定同上司係依間美式店同上司慶祝生日。說實話，地方還算好走，在民政總署旁邊的斜路一直走上去，大概走2~3分鐘就到，環境黎講幾昏暗，有D似酒吧FEEL，ANYWAY我地主要黎食包的，我地落左3個包，同埋一堆小食，包括薯條，麥樂雞之類。薯條幾好食，薯條食落去唔乾，配塔芝士汁，一絕，但食唔到幾多條，一來芝士好易飽肚，二來仲有個漢堡要食。洋䓤圈賣相係幾好，但食落去只能講唔係我杯茶，可能係我唔鐘意食洋䓤。麥樂雞，強烈不推薦，我認為跟超級市場裹買的，然後回家自己炸的味道差不多，冇咩肉汁，偏嚡。美式牛肉漢堡份量黎講，可以接受，漢堡扒是即場做的，聽到廚房係度整（這是必然的吧，百幾蚊食漢堡，不然我去麥當勞食都得啦），對比之前食過既幾間漢堡店黎講，我認為只能算是中規中矩。其它漢堡、三文治因為係同事點的，所以我就直接上圖不便評論太多。憑我感覺黎講，不論係賣相味道，都應該是有保證的。最後，因為食完感覺好膩，Last Order左個沙律。…查看更多

比薩斜塔，是在我讀大學的時候，跟朋友已經來過一次，當時用餐那滋味已深深刻在我腦海裹，今晚跟女朋友在南環一帶逛完街，正在想要在那裹用餐，聽到女朋友想吃薄餅，我突然又勾起這間比薩斜塔。最後我們決定去比薩斜塔這間意大利賽食晚飯。比薩斜塔位置還真的比較偏僻，長城燒烤沿路走上去，在港務局對面。有車的朋友可以泊進停車場。店裹的裝飾很有意思。今次我們叫了parma ham, 淑女PIZZA，意大利雲吞。這個餐前包，很香口，其實剩食這個餐前包都夠晒飽。味道十分濃，充滿鹹香，肉質方面十分有口感而且蠻結實，很不錯的前菜。薄餅方面，底十分脆口，上面的芝士跟其它配料配合得很好，整個薄餅我們2人吃清光。意大利雲吞是我女朋友最喜歡，而且如果餐牌有的話是必點的菜，芝士味十分重，這個份量我認為4人食差不多，食一個己經十分足夠，太膩了。整體來說是一間十分不錯的意大利餐廳，價錢方面也是合理的，推薦情侶或朋友聚會來這用餐。…查看更多

前一段時間，和女朋友一齊食晏，果日我突然好想食漢堡，我女朋友二話不說就帶左我黎大三巴附近，一間門面裝修充滿大自然既咖啡店 － PuffinCafe 食晏。點解話充滿大自然既風格，因為間店除左用綠色作為店既主色外，擺設裝飾都充滿大自然Feel，而墻上亦掛滿大嘴鳥既相，ANYWAY，我地一入門口就隨便搵左個位坐底，侍應好快就上前俾我地餐單同埋每人俾左杯水:)。（唉，依家丫～好多都要叫到先識斟水）我地一人叫左個主食，然後點左2個小食。都等左一陣先有得食，因為係即點即做。依個薄餅 幾足料，餅唔會話好脆食落去好有口感，加埋入面有菜，感覺好fresh。其實每一個餐都會有薯條，我地唔知，所以另外點多左個薯條，個份量唔細，三五知己叫個飲品，吃薯條感覺會好D。我幾鐘意依個湯，好重蕃茄味，幾CREAM。最後就係主角，芝士漢堡，首先用料新鮮，ORDER先開始做果塊漢堡，食落去塊漢堡好JUICE，整體口感不錯。值得一提，依間店的服務十分好而且好親切，一讚。…查看更多

今日同女朋友去香港旅行，鐘意食拉麵既我，當然唔會放過依間咁出名既一蘭拉麵店啦，由於我地晨咁早就去，加上又有少少雨，排隊人數相對黎講十分少，十隻手指數得晒，都竟然都要等左20分鐘，排左20分鐘終於到我地入去，入到去以為有得食，點知仲要繼續排，分別係開始有店員招呼你，俾張紙你開始畫食咩拉麵。其實張拉麵紙，你會好快劃好，因為得一種拉麵，按自己鐘意麵條既軟硬程度，食辣程度自行DIY，我係鐘意食超軟麵質既人，所以先試下劃軟麵。我女朋友就試辣。入面係BAR台式既設計，如果係一家大細，我諗要等好耐位，我地背包族，唯有張背包放旅係地下，我地2個人，還算可以。講番個拉麵，當拉麵上枱果陣，其實賣相真係好一般，但食落又係另一會事，依碗拉麵係香港食過咁多拉麵店入面我認為係最好食既一間，食完之後有一食再食的沖動，湯底濃郁鮮甜，可能係BAR台設計既關係，你唔需要理會咩食姿，可以盡情大啖大啖咁品嘗。麵條係我最鐘意既幼麵，蛋是溏心蛋，我敢保證絕對是溏心，因為我之後追加二隻，二隻都是溏心。好快就食到就黎見底，按佢指示，放個加底牌上去個鐘到，隨即聽到悅耳既鈴聲。由於啱啱食既係軟，今次就試下個超軟。而超軟係林到用舌頭輕輕一壓，就化開的那種，幾得意。食完之後，只要攞番係你張枱既點麵單，去門口結帳就可以了，總結黎講，依間拉麵店絕對值得排長龍去嘗試既拉麵店。…查看更多

今日女朋友同我慶祝生日，二人撐下枱腳，不過澳門要搵價錢合理又好食既餐廳又真係並不多，要有靚景既就更少，女朋友做左下資料搜集，就提議去亞利咖喱屋食晚飯慶祝生日。當時聽到咖喱兩個字真係唔想去，家因我唔係好鐘意食辣，到其實係自己諗多左，因為菜牌多數菜式係唔辣。我地提前左3日訂枱，去食既朋友一定要BOOK枱，唔係既話真係唔駛去食，超多人等位。例牌講下佢既基本資料先，亞利咖喱屋位置係：澳門西灣民國大馬路，簡單地講沿住西灣湖行，你就會見到XD大家可以選坐出面定坐入面，我地揀左坐入面，出面可以睇晒成個西灣湖既靚鏡。入面就好有葡式建築風格。入正題，我地一入到去就好快點好餸，因為黎之前諗好晒，期待左好耐啦 我地叫左5個餸，1個湯，1渣雞尾酒。等左陣，先上左一渣雞尾酒，對於個雞尾酒，我冇咩評語，就係雞尾酒。。。哈哈冇幾耐，燒德國咸豬手就緊隨其後咁上埋枱，依個燒德國咸豬手外層脆卜卜，入面D肉多汁，點埋茄汁，Yummy。接住就係葡式煮蜆，依個蜆係用蒜汁煮，個汁好食到，我地用跟湯既豬仔包點，點完再食碟飲。因為個汁真係好鮮甜。炭燒羊架，羊肉肉汁豐富，一D都唔羶，十分美味做得好好，好出色。蒜汁牛仔肉酥皮焗龍蝦湯－唯一美中不足既係，我地食飽晒，個龍蝦湯先上，我習慣用左湯先食飯，不過酥皮做得好好，好鬆化，湯都好濃。總括地講，依間葡國菜好滿意，食物質量超高，價錢合理。望住個靚景，適合情侶撐枱腳談心，又適合一家大細黎開餐。…查看更多

其實自從有湖畔大廈，我係朋友身邊己經聽過好多次湖畔咖啡既大名，出晒名大件夾抵食，但當然抵食唔代表好食，雖然D朋友個個都一堆劣評，但我未食過又唔係好信，況且自己屋企離湖畔咁近，冇理由唔去幫襯下姐，依個諗頭一直係我心中直到今日，終於有機會試一下湖畔咖啡。依間野係湖畔大廈2樓，車位係絕對唔駛擔心，個停車場夠晒大，而且有不少離島巴士都會到湖畔大冰，所以交通十分便利，按電梯一上2樓向左樓就見到湖畔咖啡，占地我用3個字黎形容，超級大！！我諗真係有2個羽毛球場咁大。位同位之間都好多空位，啱晒8人以上吹水開PART，入正題啦，我地係夜晚去食晚飯，我地因為都唔想諗，所以叫左個set dinner，個set dinner食完之後，我只能講中規中矩，我諗食下午茶應該會好好多。一黎先上湯，牛尾湯，個湯其實我飲唔出味，似水多D，而且個湯唔熱，例湯唔熱真係差好多。之後上左個通粉，個通粉真係幾粉，我第一次食到通粉係唔彈牙。而且都係果個問題，D餸真係唔熱。冇幾耐大蝦上枱，其實到依刻，我己經唔其待D蝦彈唔彈牙，爽唔爽口，我只求D蝦唔好霉，好彩都尚嘗可以。澳洲大理石紋和牛，我諗最失望係碟牛扒，我地叫左個7成熟，我一切開，就知中伏，好多血水滲出黎，我粗略估計依塊扒得3到5成熟。我阿爸食左幾件之後都係頂唔順，要叫佢攞番入去整番熟D。有彈都有讚，個湖畔和牛芝士焗飯，整得幾好食，D料都幾足，特別係D肉粒好嫰，一挖個面，芝士味四溢，正。最後值得再讚既係D小食，例如炸雞翼，雞軟骨都真係炸得好脆好入味，飲品夠大杯而且飲落去幾舒服。總括黎講，依間野我個人會建議係下午茶食個TEA，夜晚傾下計做個消閒食下野還可以，至於主食方面，期待下次黎湖畔會有新既感覺。…查看更多

今次要介紹既係澳門本地既葡式美食 - 葡國美食天地依間野係米芝蓮推介過，平時係舊城區行都無發現依間野。本來今日諗住去小飛象食，咁啱見到小飛象搬左，又唔想食木偶，所以就沿住條巷行入去，睇下有冇新發現。行冇幾耐就見到今日我要寫食評既 - 葡國美食天地依間野出面睇真係唔會好覺佢既存在，不過我俾佢廚房既香味吸引左我入去，哈哈 直接入正題，入到去，地方唔算大，但好舒服，坐位同坐位之間一D都唔逼，一坐底侍應就攞左個菜單俾我地慢慢揀。圍視四周，有好多擺設，墙邊更有好多支不同年份既紅酒，可惜渣車唔飲得酒。好快我地就點左幾味菜，各位朋友，記得冇茶水供應的，要飲水要另外買，一支1.5L水28蚊 ，加埋一要成30蚊 :( 。當然葡國餐館例行會上一個餐包(免費送的)，雖然免費，但一D都唔奇怪，成個包外層都脆卜卜，入面依然鬆軟，一D都唔干爭爭。 炒蜆 - Fried clams, Mop 115好快就上左第一碟餸 - ，炒蜆用蒜頭, 橄欖油一齊炒, 未食就己經香味撲鼻，冇咩沙，不過始終都係入冬，蜆唔係好多肉食。 :) 馬介休球 -  Codfish cakes, Mop 38食葡國菜點可以少得馬介休球呢，例牌一份有3件馬介休球，馬介休球外層炸得金黃香脆，食落口，魚GE咸香同薯比例啱啱好，薯蓉好細嫰，讚。 燒西冷牛扒 - Sirloin steak, Mop 160西冷牛扒，我地叫左七成熟，其實七成真係啱啱好。塊扒成1CM厚，可能把刀利  塊扒唔駛好用力就分左佢十幾件出黎，依間鋪既扒做得真係幾唔錯，食落口牛既肉汁擠晒出黎，真材實料，正。  燒羊扒 - Lamb chops, Mop 145由於我地都係食肉獸，扒方面我地叫左2個扒，第二個扒係羊扒，依個真係不得了，一D都唔騷，羊扒好嫰，值得一題，旁邊既紅蘿白同菜都十分新鮮，超清甜。  西班牙海鮮飯 - Paella, Mop 138最後要介紹既係依個西班牙海鮮飯，其實我都唔知有濕同干揀，食完之後先知有得揀，我地果款係干版。雖然話干版，但飯粒依然好濕好黏，我係度諗濕既話，成煲野未變泡飯 個飯既份量大概係4~5個人既份量，叫得海鮮飯，果然絕冇欺場，材料方面有原隻蝦，蝦仁、蟹、魷魚、蜆等等，而且都十分新鮮，個飯食得出有大量香料，屬重口味類別，如果驚太醎，我建議同餐包一齊食。對我黎講，我覺得都唔算太醎，我一個人就食左半鑊飯，超級推介!!!  …查看更多