木甘木甘的個人專頁

記得呢個位置應該轉左3-4手架啦....門外貼左好多不知名星仔相...我剩係識個果同個果....囉(本人唔睇電視若干年，所以連名都唔知..sorry) lol有生之年未到過新加坡嘗真正既地道菜，所以只以口味夾唔夾黎評價…試吃了兩次第一次點了套餐a有肉骨茶+招牌雞半隻/馬拉盞通菜+兩碗飯+兩杯野飲很奇怪既配搭...如果要揀招牌雞/炒通菜....我諗10之八九既香港人多數都係揀雞而好少揀菜吧?肉骨茶味道不俗，上來還熱呼呼的點那些醬料不錯~至於招牌雞就普普通通無乜特別感想....第二次就食左海鮮laska，友人點了咖喱飯套餐laska味道不錯…但咖喱就似乎孜然味重手左一點咖喱味就差少少，未必太適合一般hk人啊...最驚喜係飲品選擇同茶記唔同有白咖啡啦、桂圓茶啦咁想要凍檸茶少甜？oops.....無啵。服務員招呼不錯，有位姐姐把聲好溫柔招呼好周到添又有部plasma可以睇下電視…又有sofa位…旺角區附近同類型餐廳可以話剩係得佢，行過mk想食既話不妨黎呢度試下囉 …查看更多

因工作地點在附近，一早已係呢間店子既熟客了。假如您趕時間既話，呢度絕對除左「澳洲牛奶公司」以外，可以俾食客充份體驗所謂「香港精神」既茶餐廳，不過服務態度相比下就好多了。係呢度你會感受到員工朝氣同埋所謂"team sprit"既東東~由十二點至一點半呢度係一個戰場，待應速速忙忙落單送餐，麵包師傅不停叫xxx出爐，麵檔小師傅不停淥麵~除非你點粉麵檔，假如你揀午餐a/b或者咖喱餐既話.....基本上點餐後大約五分鐘內可以送到~午餐同咖喱餐味道都不俗，唯獨款色轉換比較少，所以吃了一排又覺得悶吶....另外飲了好幾次羅宋湯入面有陳皮…乜羅宋湯要落陳皮的嗎？依然百思不得奇解中… XD麵包就無乜點來吃，好久前吃過個雪山奶皇包，夠鬆軟，價錢不算貴。用來e肚不錯有次見到譚校長坐左係度，好似平凡人咁點餐，之後都未見過佢張貼d乜乜合照比較喜歡這類不依靠明星效應既店子吶~當我某日趕時間時我會返來的了~hohoho…查看更多

新開張時未有燒臘檔，無乜人幫襯，到開左燒臘部先至叫客似雲來最多似乎就係內地客啦…燒味味道叫中規中矩，近排無左乳豬了~有乳豬既通通都變晒做燒鵝四寶飯~入面無電視睇~唔可以電視送飯…待應係同區入面普偏較為懶醒同認叻，講真一個禮拜都幫襯兩三次都唔會話同你打下招呼…可能佢地覺得唔憂做掛~另外可能上層隔離係廚房，油煙較大行無地氈的地方好跣，小心跣親~燒味碟同碗好似無乜分別，只係多一點飯，燒味份量好似差不多~…查看更多

呢間實在是很多元化既茶記~除左普通炒粉麵、居然連點心同打邊爐都有！ 打邊爐就無試過…炒粉麵勝在夠鑊氣，唔會炒定~~至於點心呢…馬拉糕 - 唔係用麵種做的，算。口感都可接受。鮮竹卷 - 浸係湯到上，多油都算，有條炸時可能係底，下面係"火農"到黑晒的.... 一..一;;;;價錢普通，比起酒樓來講稍為平一點的。好處就係夜一夜到有得供應，口痕想食的話都可以止下咳但如果有得揀我情願真係去酒樓吃會好一點吶。…查看更多

新開張時已經心思思想來試…但看了價錢郤猶疑了，同區幾間任食未計茶芥個D只係收「$68/位」~呢度差不多double上~~於是打算搵日收工後黎吃宵夜餐，$108都叫OK~但去到樓下先知要十點半後才有 orz附近的又吃厭了，又唔想諗吃乜~反正都係要係度敗家，決定豪多少少俾佢吧~！！ XD每人要點一個拼盤，有兩個人，於是點了一個和牛同豬肉拼盤~其餘材料醬汁可係出面任拎~因為去個晚係平日…又差不多九點幾了~所以成場都係得幾台客湯底點了鱈魚湯~有D豆腐係入面~不過我地就覺得麻麻地~~先送上一碟三文魚，無咩特別啦講真~單係醬汁都有十幾種，仲有拮豬島的$10芝麻盅俾你磨芝麻~生蠔青口象拔蚌任拎~仲有好多比較特別的食材~~最愛響鈴噹~浸左湯後內脆外軟，十分滋味~竹遮水無一般的甜到要另外溝水飲~可能因為老闆係度掛~服務也不錯~~亦有電視睇~可以keep住水準就好了~…查看更多

下午茶$20有交易，仲可以有多杯豆漿飲份量當然比正餐少一點湯底不差，麵質亦合格東坡肉不錯~醉雞脾同鹵水雞脾差不多，睇雜誌話有用二窩頭但就一丁點兒沒覺得有酒味…小吃不多，都係雞翼雲吞呀咁「炸菜肉雲吞」原以為係「炸菜 肉雲吞」點知係「菜肉雲吞(炸)」 XD炸雞翼即炸的話都OK~…查看更多

長大工作後反而無幫襯…以前幼稚園連生日蛋糕都係華昌(分店)到訂旦糕的 =p某日放假無聊散步，見到d以前未起過既唐餅，就買來吃下吧鮑魚酥 - 味道一般，同一般的無乜大分別。果占酥 - 很象牛舌般....做法大約用酥皮蛋撻既撻皮，再加黃莓果醬，灑上糖然後焗味道但求穩打穩扎，談不上什麼人間美味或者非試不可之類。但作為回憶中既小吃，就此刻無價啦。當然，要去返你小時候住的屋村樓下那間舖頭到先有呢樣bonus啦。…查看更多

荒島人無乜事都只會十年先會去一次屯門....從來不知屯門是這麼大，龍鼓灘是多麼的遠。搭車途中看見那個發電塔(？)令我不奇然諗起新世紀福音戰士(？).....環境不錯~作為燒烤場可能有點細~不過我覺得okay每人八十幾蚊，包兩樣野飲~~園中又有兩部PLASMA，不過岩岩四川地震個排去所以有點愁雲慘霧啦…因為第二日落雨，所以呢晚好多飛蚊~呢個店主都控制不到~算啦~食物調味不俗，除大路貨外仲有乾魷魚、豆卜、矮瓜等等~仲有個烤架大家燒魷魚~但燒燒下甩左出黎 XDDDDDDD廁所極之乾淨無味，很suprise亦最欣賞這點~~唯一要改善係蜜糖個樽比較難倒同埋希了一點，店主可能要諗計仔啦~很少評分會推介既一間食店啦~keep住就好了…查看更多

只係食過兩次所以印象唔深，但只記得黎呢度唔係為食，係做認字特警隊。餐牌十分多錯字…在等食物又無電視既室內作為一點點娛樂吧。標旁住「酒店級的大廚，茶餐廳既價錢」裝修就環保地用返上手雲吞麵檔的再改裝，其實無咩所謂既第一次吃金菇牛肉卷，汁略為甜左d......仲有炸軟殼蟹，呢個師傅唔該真係要返去再培訓.......感覺就只係麻麻地…第二次就因為吃開既飯堂都要等位，於是又走來吃今次叫pizza，雖則價錢就平過pizza hut好多既.......味道比較啖口，落左好多芝士粉都唔太夠味....暫時未有返兜意欲吶。…查看更多

開左咁耐都無人寫食評？係旺角至好不要要求太高，有d真係極度難吃…呢間茶餐廳算係柑之飯堂之一啦，初初有甜品既，夾夾不入之後就改左燒味檔1. 特式係下午茶去到六點半都仲有既奇疤之二(另一間係太子冰室)2. 燒味試過幾次真係麻麻…有幾次仲中計，極難吃3. 米線就魚湯米線比較好，酸辣湯底同叻沙都麻麻地.......4. 鐵板燒都中規中矩啦…5. 小菜就要睇時間啦，逢賽馬日就或者要小心一點。醬汁就真係略為咸左d，其實可以唔駛咁濃味....最好不要叫粟米班塊、炒飯…我食開都係個幾樣…我諗其他都應該無乜問題…掛…6. 海南雞飯就有點兒賣_頭掛_肉…就咁囉7. 最近又多左粥檔同湯飯…8. 同普通茶記一樣都有now電視，岩晒波友囉有時候諗佢可能想挑戰「一間茶記，八國菜式」都未定……查看更多

平時比較少吃甜品，去開長沙灣都多數吃松記有日行過見開左間三姐，諗住不如試下呢間吧睇menu好似款式無松記多......或者係我錯覺吧.....叫了summer其實好多都係現成野，味道都無乜大分別價錢比許留山的便宜，不用好似係松記排隊等我諗係最最最好既一點吶…查看更多

住係呢度廿幾年，青衣南面不嬲都係不毛之地…對面間青衣酒樓都執過四五次自從青衣ive開左同藍澄灣起好，多左返工既一批美景先有返生氣熊牧場係其中一間食店舖子細細，不求任何裝橫啦，乾淨企理就可服務大致上唔差既，至少我要求不算高，唔需要待應特別為我賣笑或者坐我大脾…只要及時送上食物同落order就可以了...基本上光顧過十幾次都無咩問題多數只點套餐吃，至於味道嘛....湯底感覺開業一年左右個排比較好，現在吃的有時覺得太重麻油味，好似吃緊出前一丁咁.....燒汁比較甜，可以減輕甜度少一點。吉列的都叫即炸，無淋身，其實都不差的了。水吧檸茶(只飲0茶)，都叫ok，起碼飲過咁多次都無咩茶益、爛檸檬或者水未滾既怪味。價錢可接受啦，同旺角食既價錢差不多…無話因為身處荒島所以特別平(唔係因為荒島先應該凸別貴先岩咩？哈哈)…查看更多

新開張時試過…地方逼狹都唔打緊D野食真係麻麻地…份量同隔離姐妹舖泰國人一樣：「少得可憐」點了香茅豬扒得一塊多一點.....但見待應俾另一台那碟又多一點，不知準則係點女仔的話就夠，但男仔我就唔知夠唔夠了另點了拼盤，那頭色素雞腳真係難吃得沒話說 XC==好聽D叫有O趙口，難聽D就硬過石頭…查看更多

旺角區工作，所以大部份旺角區既食店都試過很多了旺角來講熟食中心算平既一個地方~農夫包一個人咬不下，也不覺得特別好吃…所以多數點其他。叫親晚餐永遠都中計：第一次叫個雞絲炒飯，完全無味早幾日吃葡式咖喱豬柳飯…唔知係咪趕收工…d飯好似漿糊咁一pat pat…咖喱又好似粉咁唔太好吃… =口=下次都係叫返穩打茶餐牛腩湯通粉配個豬扒包算了……查看更多

見到很吸引，晚市友人負擔不吃，吃buffet獨行俠很可憐的嘛，午市$230都叫還可以，於是乎早排來吃午市。未裝修前都試吃過美麗華，覺得普普通通。但裝修後確實亮麗多了，橫間既膠條令到成個餐廳同商場隔開左起碼上層的不會完全望到入黎，十分聰明的手法。早了一點來，待應先送上一籃餐包~如果每個少一點分大小會好一點(或者可以外帶更好 =p)味道不錯，要脆有脆，要軟有軟，但始終主打不是這個，只能每樣淺嚐一下生蠔很重海水味，魚生也很新鮮，鐵版燒也不錯，但天婦羅同串燒就略為麻麻(合格，不過對比下無咁好)甜品除了分子甜品生雞蛋外(其實味道沒凸別，新奇好玩多一點)，較欣賞那個白朱古力紅桑子慕士蛋糕，沒有白朱古力的甜度，控制不錯待應服務很細心，尤其人不太多時，一走就會幫你摺疊好餐巾亦會主動詢問有沒有什麼未送上來。美中不足是款色不算多，雖然沒有想象中話想再返兜的感覺~但試下無妨的。圖很多人也貼不浪費大家網上資源咯~多謝收看吶~~~ /^o^…查看更多