熊牧場日式拉麵

住係呢度廿幾年，青衣南面不嬲都係不毛之地…
對面間青衣酒樓都執過四五次

自從青衣ive開左同藍澄灣起好，多左返工既一批美景先有返生氣
熊牧場係其中一間食店

舖子細細，不求任何裝橫啦，乾淨企理就可
服務大致上唔差既，至少我要求不算高，唔需要待應特別為我賣笑或者坐我大脾…
只要及時送上食物同落order就可以了...
基本上光顧過十幾次都無咩問題

多數只點套餐吃，至於味道嘛....
湯底感覺開業一年左右個排比較好，現在吃的有時覺得太重麻油味，
好似吃緊出前一丁咁.....
燒汁比較甜，可以減輕甜度少一點。
吉列的都叫即炸，無淋身，其實都不差的了。
水吧檸茶(只飲0茶)，都叫ok，起碼飲過咁多次都無咩茶益、爛檸檬或者水未滾既怪味。

價錢可接受啦，同旺角食既價錢差不多…無話因為身處荒島所以特別平
(唔係因為荒島先應該凸別貴先岩咩？哈哈)