CarmenTsui的個人專頁

收工打算同個朋友飲夜茶， 朋友有間好嘢推介， 佢話又有得食點心又可以打埋邊爐，仲要好抵食， 任飲任食冇限時。呢到好中式茶樓feel，咁夜都咁多食客，都坐滿咗8/9成。乜嘢都係自助嘅，坐低即刻調返個醬料先，呢啲都係基本嘢，重點係佢有桶自製豆腐花，仲有黃糖可以自己落，豆香十足，好滑。火鍋配料主要都喺自助區 自提自取，有部分可以用紙落單，選擇都幾多，除咗一般嘅丸類/蔬菜之外，我覺得佢嘅牛舌/海蝦/魚頭，都很新鮮值得一食。選擇真係包羅萬有，一定要留肚，食多啲，冇限時嘅火鍋點心放題，回本冇難度。海蝦還是活的，好生猛。不得不提呢到嘅點心，全部即點即蒸，蝦餃/燒賣勁出色，餡料真材實料，好巨型。炸饅頭都係即叫即炸 入口嘅時候熱辣辣，配埋煉奶係最佳配搭。飲品竟然有一支支嘅玻璃樽汽水提供， 好耐都未飲過玻璃樽嘅汽水，好夠氣，凍冰冰，好爽。 啤酒都係無限量供應，任飲的。甜品方面有自家製糕點及啫哩，仲有一杯杯唔同口味嘅雪糕提供。…查看更多

同我嘅閨蜜最鍾意去韓國， 今年各有各忙都未抽到時間去旅行，近近哋香港約住食飯先， 韓國餐係我哋嘅首選。店舖少少坐滿人，估唔到樓上舖生意都咁旺，好彩一早訂咗位。餐廳嘅裝修好得意，年輕而且帶有活力感， 好似去咗韓國嘅大排檔一樣。個炸雞真係不得了，超好味，揀咗雙拼口味，蜜糖同黑松露各有千秋，其實咩味都唔緊要，最緊要啲雞好滑，即叫即炸外脆內軟，入面仲識流汁。鐵板魷魚，好惹味，好有鑊氣，魷魚口感Q彈，好似食緊干鍋一樣，但韓式風味口味是偏甜的。韓式年糕 初初入口嘅時候可以接受，但係越食就覺得越辣，要辣辣地先夠過癮，年糕Q彈煙韌，掛汁一流。海鮮煎餅 真材實料，可以用皮薄餡靚嚟形容，初時仲以為好肥膩，點知食落口好乾身， 唔會成口油。牛肉鍋一定要食呀，超多肥牛，份量好驚人， 超抵食，個湯底好濃好鮮，後悔冇加公仔麵。炸芝士豬扒都好驚喜，不過要趁熱食，絕對係邪惡嘅象徵，香濃嘅芝士配上淡淡肉嘅豬扒， 好味到爆燈。整體：份量大大碟，適合多人用餐，開心share，咁樣款式先食得夠多，炸雞同炸豬扒最令我深刻，會想再encore。…查看更多

今日同老公舊地重遊，去返我哋以前相識嘅餐廳食飯，原來餐廳已經改革，變咗成日式放題。平日晚市好旺，walk in碰碰運氣，等咗一陣就有得入座，太幸運了。QR code 落單，菜單有好多名貴嘅食材，包括海膽，和牛，鵝肝，鮑魚…食放題梗係唔少得刺身環節，刺身嘅款式基本都好齊全，三文魚厚切超肥美，大蝦爽口鮮甜，整體都好新鮮，冇腥味。超開心，鵝肝多士任點任食，件件都厚切，爆曬油。海膽嘅菜式亦都好多，呈現海膽自由！！！海膽壽司海膽份量夠多。仲有crossover菜式，海膽配和牛牛角包，牛角包好鬆脆，細細個一啖一口。唔記得咗呢個叫咩名，好彩早叫，過咗一陣已經售罄，配搭有 鵝肝 鰻魚 海膽。不得不提有我最愛嘅凍榴槤，軟綿綿，夠甜夠香。串燒都好多選擇，燒雞翼老公非常欣賞，而我就鍾意牛舌。磯燒鮑魚好入味，又夠彈牙。整睇嘢食選擇非常多，除咗自助落單嘅嘢食，前台吧位都好多熟食可以選擇，煙三文魚任食，回本冇難度。當然嘢飲同雪糕雪條都係任食啦，最後食到捧住個肚走。晚市平均$4XX/人，呢個價錢係接受的。…查看更多

厭倦咗火鍋放題，想搵間高質素有靚食材嘅火鍋店，朋友住開深水埗帶我嚟食呢間。睇咗菜單，選擇都幾多元化，而且價錢都唔貴，深水埗真係臥虎藏龍嘅地方。職員安排咗我哋坐卡位，梳化座感覺舒適， 如果多人的話有大圓枱， 如果想私隱度高的話仲有包房。揀咗蕃茄薯仔湯，真係冇揀錯個湯底越煲越濃，酸酸甜甜勁開胃，入面仲有牛仔粒，可以慳返叫牛肉嘅錢😆湯底入面已經有牛肉粒，所以叫咗份豬試下， 豚肉片雪花均勻，油滋味香濃，肉質鮮嫩。鵝腸爽口彈牙，灼幾秒就食得，滿滿的鵝油香。職員勁細心，午餐肉有得選擇炸或者唔炸， 炸過嘅午餐肉更香口，打邊爐必吃之選。個湯底咁正一定要叫響鈴，又名一秒響鈴， 一個好味嘅湯底，絕對要配響鈴，吸湯一流。韮菜餃同黑松露餃，各有特色，餡料非常充足，真材實料，鍾意黑松露嘅要試下黑松露餃，食完之後滿口都係黑松露香味。咁濃嘅湯底配烏冬係一絕，幾飽都要點個烏冬食下。手功丸本人都很推介，新鮮打製，口感好彈牙，餡料有鵝肝醬，亦有鹹蛋黃，感覺都幾新穎，完全感受到餐廳嘅創意。…查看更多

之前食過對呢間放題嘅印象都唔錯，隔咗咁耐menu又轉咗喇。今日最令我驚喜嘅竟然有凍冰冰嘅鮮榴槤食，好似食緊榴槤雪糕咁樣，軟綿綿，味道又香又甜，今餐我一個人應該食咗十粒以上，好滿足。放題唔少得係刺身嘅環節，新鮮嘅刺身完全冇腥味，鮮甜又彈牙，最鍾意甜蝦。鵝肝有熱同凍兩種，唔同食法，熱嘅煎得外面香脆，營造出外脆內軟嘅效果。 凍嘅配咗藍莓醬，有解滯嘅作用，入口即化，有香濃鵝肝味。豉汁鱔，出色，鱔皮彈牙，肉質爽脆。蒜蓉燒扇貝 蒜頭好惹味， 有粉絲墊底，吸曬扇貝嘅精華，另外仲有同款燒生蠔選擇。羊架肉汁豐富，唔算好騷，怕騷嘅人都食得。炸榴槤波波同香芋波波， 熱辣辣 流心效果冇得彈， 愛皮煙煙靭靭，好似食緊炸嘅湯圓，口感好特別。食物自助區仲有好多選擇提供，頭盤嘅選擇多不勝數，食幾多拎幾多，唔好做大嘥鬼。仲有熟食選擇，炒麵 避風塘瀨尿蝦…，賣相都好吸引，樣樣食是咗啲，整體味道都不錯。仲有點心，燒賣 鳳爪… 選擇多到不能盡錄。最開心嘅係有自助雪糕機，仲有無限量雪糕 雪條同自家製甜品供應，作為今餐嘅收尾，大大大滿足。…查看更多

今日同朋友約食飯 突然好想食日本嘢 就搵到尖沙咀一間嘅omakes於是我哋就book咗呢間去試吓門口已經有打卡位 同朋友嚟一齊影相真係好好我哋今日揀咗$978既lunch nemu Total埋單每人$1565 折左每人$78X服務態度都好好 廚師都好細心 第一道菜：沖繩水雲配秋葵平時唔鐘意食山葵 因為覺得好滑潺潺 加咗啲沖繩水運雲同埋個汁好開胃 酸酸地～第二道菜：茶碗蒸蛋 ：入邊有百合 好食 加咗面頭有紫菜👍 趁熱食啊～第三道菜：北海道秋刀魚刺身配薑蔥醬油！哇 勁有刀工 🔪師傅切咗個花嚟 😍 打卡岩晒～第四道菜：勁出色 見佢係焗爐拎咗啲嘢出嚟原來係拖羅 好香魚味 入口即溶 好juicy 👍第五道菜：和歌山劍齒梭魚配蔬菜~ 下面有小小啫喱，好清新。第六道菜：紫菜包炸蠔 配佢自己調教嘅汁，酸酸甜甜好好味第七道菜：炸天婦羅 炸得好脆好簿 一咬入面個瓜勁多汁 配咗柚子鹽 第八道菜：A4近江和牛柳飯 好香牛肉味 洋蔥好爽脆配埋滑蛋飯絕配第九道菜：芝麻雪糕 奶味比較重…查看更多

很久沒有放假，今日趁放假和老公去中環逛逛，順便慶祝生日，同事介紹中環大管這間新餐廳，食物有水準，裝修精緻華麗是慶祝生好選擇。過了午飯時間，人流比較少，店員親切有禮，打開餐牌食物還多選擇先點了一個小吃、火腿些利酒炒蜆、帶點鹹香的火腿加上香草再配上蛋拿的蜆肉，非常美味吃西班牙菜，必點傳統的西班牙海鮮飯，海鮮飯粒粒飽滿，吸入龍蝦湯的精華，每一啖也濃郁美美，海鮮有青口大蜆和蝦、全部都新鮮美味，上枱時還熱辣辣，一盤份量也不少，足夠四人吃原隻海蝦焗龍蝦湯煮 No.0 碎意粉、原來0號的意粉很幼、有點像炒米粉，但係落有口感，用同蝦湯煮食，吃落更加惹味，而且大蝦大大隻，食落新鮮彈牙，值得一試…查看更多

十二味好多地區都有分店， 正正在我工作地區旁開了一家，無辣不歡嘅我，把十二味當了我的飯堂。裝修唔算好靚，但勝在地方夠大，冷氣十足，食辣嘢最怕冷氣唔夠，食到成身汗。酸菜魚必食，勁大盤，四個人share食就差唔多，魚片好多片，重點係冇骨，啖啖肉食，得好安心。湯底味道又酸又辣勁開胃，仲有寬粉墊底，煙煙靭靭吸湯效果一流。水煮牛，色香味俱全，辣味層次感豐富，兼且帶有麻香，此菜式相當出眾。惹味跳跳蛙 牛蛙啲肉好新鮮嫩滑，肉質肥美飽滿，用咗辣椒/韭菜炒，好有小炒王風味。小籠包 白麵包包着辣肉餡子，辣油滲透在麵包內，熱騰騰的，飽肚的小吃。霸王辣子雞 紅噹噹的一道餸菜，滿滿的乾辣椒和花椒，味道又香又麻，辣子雞炸得乾身脆口，送酒一流。食咗咁多香辣餸菜，想清清地可以揀清炒萵筍絲，看似簡單的一味菜式，但炒得有鑊氣。…查看更多

途經太子見到棋子燒鵝開了分店，地方寬躺、裝修企理，正值午飯時間，於是入去試試點了燒鵝髀瀨粉、很喜歡吃這裏的燒鵝、喜歡那份微微的荔枝木香，肉質鮮嫩的鵝肉被香脆的鵝皮包住、口腔充滿香滑的油脂香味，久久不散這裏的叉燒也很出色，所以點了蜜汁叉燒，半肥瘦的叉燒，入口肉質鬆化，外表燒得微焦，淡淡的蜜糖味，非常惹味還點了燒肉飯、入口肥瘦適中、肉質煙靱、外皮咬落非常酥脆、還帶點咸香除單點外，還可以叫套餐、下午茶都好抵食…查看更多

有一段日子冇食放題啦，位於元朗這家極尚大瀛喜印象一向都好好，店舖職員有禮貌，食物長期可以保持高水準，送餐速度快，而且不定期會更新菜單menu，可以讓食客保持新鮮感。食放題-刺身對我來說是重點，擺盤好靚，款式多，最重要冇腥味冇雪味。好開心今次又可以再飲佢個蟲草雞湯，每次飲親都覺得好好味。鵝肝蘋果冇出色，清新嘅感覺令我留下深刻印象。不能錯過烤榴槤，軟糯香甜，甜度100%牛舌同羊架 我都超鍾意，多汁而有肉味，加啲檸檬汁可去除油膩感。滿滿嘅海鮮煲粥，鮮甜無比又暖胃。天婦羅 即叫即炸熱辣辣，夠曬脆口。瘋狂食鮑魚，回本冇難度。壽司 有造型有設計，味道唔差，食物款式配搭口感層次高。最後要留肚食雪糕甜品呀，有現成嘅雪糕亦有自製雪糕機，大人小朋友都喜愛。…查看更多

我和一班好朋友都係牛魔王，我哋約埋齊齊放假，聚首一堂，齊齊去打邊爐。有質素嘅火鍋放題，我第一時間諗起牛駛。 中午時間光顧，人頭200蚊唔使，餐廳提供幾個唔同價錢嘅套餐選擇，我哋覺得夠食就可以喇，如果鍾意食海鮮嘅，亦都可以選擇有海鮮嘅套餐，但當然價錢都會貴少少啦。鴛鴦湯底可以滿足唔同人嘅需要，一邊辣一邊唔辣任君選擇，麻辣湯底出名夠香夠辣，冬瓜豬骨瑤柱湯夠鮮味。牛肉切到好薄，肥瘦均勻，肉眼看見已經知道非常新鮮。豬肉片好薄，一啲都唔嚡口，冇騷味。主要火鍋食材都放咗喺公眾範圍，食幾多攞幾多自由選擇，有大量蔬菜/丸類/粉麵，仲有炸物: 響鈴/魚皮，熟食有小龍蝦/滷肉飯...多嘢食到不能盡錄。飲品都放滿咗幾個大雪櫃，我最喜歡他自家製的凍茶，清新解渴，有助消滯。最後一定要食雪糕，雪糕雪條款式多羅羅，店內仲提供自助雪糕機，仲有軟糖自由配搭。食物質素與種類，覺得俾呢個價錢係值嘅。…查看更多

今晚隨意走進了一家西餐廳，輕柔的燈光和舒緩的背景音樂，隨便找一張檯坐下都很舒適寬敞。我們二人點了四道菜餚，每一道的份量也都不少。 首先，上桌的是巴馬臣黑松露薯條，散發出剛剛炸起的薯條香氣，金黃酥脆的薯條上灑滿了巴馬臣芝士碎，配上黑松露蛋黃醬，每一口都帶來了恰到好處的味道，並沒有一般攻鼻的黑松露味, 反而和蛋黃醬配合得剛剛好, 會令人吃不停口。接著是黃金雞翼。這道菜以鹹蛋黃脆炸雞翼，這裡雞翼尺寸比平時餐廳吃到的都較為大隻。雞翼的外層酥脆，全隻雞翼都被鹹蛋黃醬包裹著，內部多汁嫩滑為亮點，餐廳提供一種墨西哥辣椒和蛋黃醬結合的醬料，帶來了一種獨特的辛辣美味，而且還能解去一點油膩感。第三道是風乾豬面頰肉披薩，材料有迷迭香, 嗒雷吉歐芝士和豬面頰肉，首先迷迭香的香氣與芝士的濃郁相當融合，配上薄片的豬面頰肉，它獨特的鹹香味，不但沒有油膩感外，三種食材加在一起的味道令人難以抗拒，還有就是煙韌的批底，食完一件又一件。這個披薩肯定是今晚的冠軍, 不消十分鐘已經將它完全消滅掉。最後我們品嚐了香煎北海道帶子意大利飯。這道菜以香煎過的北海道帶子為主角，加入了醬油漬牛蒡和醃蘿蔔，為菜餚增添了豐富的層次和口感。廚師將帶子煎到剛剛好，外焦內嫩，帶子的鮮甜加上微甜的醬汁，是一道帶點日式的意大利飯。這些菜餚的份量不少，兩個人根本無法吃完，最後需要打包不做浪費鬼。而價錢也合理，下次經過奧海城又想吃西餐，我必定會再ENCORE。…查看更多

好耐冇出旺角，原來開咗好多間手搖飲品， 雲雲飲品店之中今日揀咗甘甘好蔗， 以蔗做主題的飲品店確實小見。舖頭位置就在肥姐生腸隔離，好多人排隊買生腸嘅同時買杯蔗汁，我都係其中一份子。店舖雖小，卻有香港情懷，有霓虹燈牌，亦有玩味語句，真夠意思。原來好多明星幫襯過。整體飲品都係圍繞蔗做主題， 我覺得用蔗做嘅飲品都係非常解渴嘅，某部分嘅配搭都幾新穎，蔗味嘅咖啡唔知係點嘅呢?好好奇。生椰拿鐵 好香椰子味嘅咖啡，入口非常順滑，椰子味同咖啡味互相平衡得很好，咖啡味一點也不苦，屬於非常易入口的類型。蔗杯葡萄 用咗先葡萄打製而成，有果皮亦有果肉，味道清新而且非常解渴，感覺清爽又冰涼，非常適合夏天飲用。…查看更多

好友帶我去尖沙咀厚福街一間上樓日式燒烤店飯聚。先點飲品，我的飲品選擇了HIGHBALL。以威士忌為基礎加入少量新鮮檸檬汁，為整個飲品增添了一絲清新，喝下去更加順暢，令人愉悅。點餐後，餐廳便提供了調味佐料，是柚子醬和鮮檸檬。清新的柚子香氣可以為菜餚增添獨特的風味。而鮮檸檬汁卻可以為菜餚帶來了清新去膩的效果。我們點了日式蒜子蕃茄沙律伴醬油,新鮮的蕃茄伴以蒜蓉搭配醬油調味，充滿日式風味的美味。蕃茄的酸甜與蒜子的香味相互融合，為餐前帶來了開胃的作用。 接著是燒烤山形縣產煙燻豬腩，搭配秘製醬汁，豬腩的肉質鮮嫩，與煙燻的香氣相得益彰，而醬汁的酸甜平衡了油膩和煙燻風味。汁燒帆立貝。這道菜運用汁燒的烹調方式，保持了帆立貝的鮮嫩口感、令人回味無窮。 鹽燒豚肉秋葵卷是接下來的一道美食，這道菜用鹽燒的方式烹調，豬肉的鮮嫩與秋葵的清脆、帶來一份豐富多樣的口味享受。鹽燒雞翼串是必吃燒烤小吃。鹽燒的獨特風味與雞肉的嫩滑完美結合，每一口都充滿滿足感。 鹽燒西班牙產豬夾心肉絕對是必食之品、使用西班牙產豬肉，將肉卷起形成夾心狀，再以鹽燒的方式烹調和黑椒調味，肉質鮮嫩多汁，滿滿的油脂香味令口感更加豐富。 燒波蘿甜品作為完結。新鮮的菠蘿片烤至表面微焦，令菠蘿的甜味更加濃郁。這次午餐的每一道菜餚都展現了不同的風味和特色，從清新的柚子醬到濃郁的鹽燒，從鮮嫩的海鮮到豐富的燒烤，每一口都是一次味蕾的享受。令我和朋友度過了美好的午餐時光…查看更多

老公生日，我決定同佢浪漫一番，我揀咗一間專門吃扒的餐廳， 而且地點係旺角鬧市中，超便利的。餐廳畀我第一個印象，有種懷舊feel，非常摩登，播著老歌，掛著水晶燈，實木暗花枱櫈，氣氛十足。食物方面以西餐為主，扒餐有分鐵板上或用碟上， 見到餐牌，亦有提供生酮配料理，意粉/小吃/甜品…等等。我叫咗個西冷牛扒，我老公叫咗個肉眼扒，配搭蔬菜及薯條，亦可加錢轉套餐，有埋餐湯同飲品甜品，不過我哋就冇加。熱辣辣嘅鐵板到了，發出滋滋叫聲，職員示意我們用紙巾擋著身體，然後為我們淋上扒汁，香味隨即一湧而上。分量非常驚人，感覺好澎湃，多到快要滿瀉。牛扒可以選擇生熟程度，我選擇了七成熟，中間有粉嫩效果，牛肉味香濃，肉質軟熟。水牛雞翼即叫即炸熱辣辣，加咗燒烤醬，美式風味出來了。甜品方面 火焰雪山相當有睇頭，外觀上確實很像一座火山，而且係會著火嘅火山，，作為我老公的生日蛋糕，儀式感滿滿。幸好有訂位入座，晚飯時段座無虛席。…查看更多