vicky114的個人專頁

近日聽唔少街坊推介，所以慕名而來，果然水準不錯。環境：唔算好大，但都坐得舒服，尤其我慣常獨食，佢地有唔少孤獨位好唔錯，唯一好似我呢d 腰骨唔好嘅，因孤獨位嘅楛冇背，所以今次我揀有背牆可以靠吓嘅位，另外加分，因本人係鏡粉，全場超多鏡仔物品。服務：幾位店員都好好禮貌，反應快，做野快，真係要讚。食物：我係鍾意樣樣有少少嘅人，呢到有幾款雜錦餐就最啱我。當中今次最正係大腸同牛肋條，夠林又唔會有好大騷味，蘿蔔差少少，有根。我今次要咗撈米粉底，份量足，最後食唔哂，店員姐姐推介辣醬，我唔食得辣，所以試bb 辣，雖然都真係辣咗d,但成碗米粉都升華，好辣人士值得一試，仲可配飲品。總括係可以番頭嘅一間小店。…查看更多

屯門以往比較好d 嘅食市總係市中心一帶，好似建生一帶只有普通茶餐廳或小店，近呢一年因為有咗新樓盤，比較特色嘅選擇隨住進住。由炻板燒貼紅紙開始就有期待，以前想食，一定最近都要去元朗，終於可以本區有之餘，仲係屋企附近，真係拍手掌。環境～企理乾淨，枱唔算好多，但正常，因附近都係，更有街坊生意感覺。服務～禮貌，亦見員工同顧客有傾有講，會好快上食物及清去枱面已食完嘅碟。食物～今次叫吉列牛，肉身軟淋，但牛味唔太出，下次會試小牛排再比較。附送小食，今次揀咗炸雞，呢個唔錯，雞身唔乾。另有飯有湯，正正常常，要讚凍飲唔駛加錢，亦冇加一，呢d 真係街坊生意。對我黎講，唔算話一食會嘩一聲，但都係一個好選擇，以$88黎講係抵，我會再食都唔會去茶記。…查看更多

由犇道重開後一直想幫襯，但位置對我黎講實在唔方便係事實，但今日比佢地個和式ADB 吸引住，就去啦。今日星期六大約下午2點多，唔算等好耐，2張枱大槪15分鍾就有位。環境舒服，枱與枱之間唔算好密，衛生程度唔錯。職員亦有禮貌，介紹食物時唔會似快速錄音機，係真係介紹，呢到要讚。上食物時間都算快。食物質素唔錯，牛角包有濃濃牛油味、以往唔太喜歡食日本醬油年糕嘅我，竟然內心話好食wor,其他中規中矩，係個章魚燒皮有d 散，味道係ok 嘅，咖啡我叫Americano,啡味對我黎講有d 淡，總括黎講食個和式ADB 係幾有趣。現場見好多枱都有加叫薯條，相信應該幾唔錯，下次再試佢地嘅扒同薯條。…查看更多

都有一排冇去Jep,原因係住附近，好多時食晏都會試吓有冇walkin.反而今次因細妹生日，打算book lunch 推介佢試試，點知全full 到下月初，昨日佢入到黎，真係好想食，就再去博一博walkin 位，最終等到，超開心。今次叫一個set lunch 加單點，墨汁魷魚意粉，帶子雲吞，餐同單點都係薯仔湯，甜品係Tiramisu.服務唔須多講滿分，職員每個食品都會介紹外，換餐具亦非常快，所以就算同區最貴佢，亦係值得嘅其中一原因。食物質素亦保持水準，咖啡亦係我喜歡，最有驚喜係個Tiramisu,真係要大大推介，我地2個人share 都夠食。屯門區須然近期多咗唔少新食店，但暫時jep 仍然係我心中no.1.…查看更多

經常買餸都會途經焰，但因之前疫情一直未試，終於開始番周圍搵好野食，緊係要黎試試。先講環境同服務～呢日係下午2點幾黎食，冇咩客，所以反而食得安心，每枱客都安排得有一定距離。環境都乾淨亦坐得舒服。職員人數比較少，所以都要少少耐性。食物方面～午餐有丼飯或燒肉嘅set,今次為咗我喜歡嘅牛舌，決定食豪d 要咗客A5黑毛和牛set.set 包括有沙律、湯、白飯，可以追加生蛋及soda,我2樣都冇加。沙律同湯正正常常，唔駛特別去講。重點講番d 肉，失望嘅係肉片比較薄，如果厚番d 一定滿分。肉質係唔錯嘅，夠牛脂香，入口溶化，只係（又要再題）薄咗d.總括結論會唔會再黎，係會嘅，但唔會為牛舌再叫呢個餐。…查看更多

生酮咗一年多，最近都轉回低碳醣飲食，因盡量都唔食太多碳水，所以粉麵飯都盡量唔食，要食真係會心思熟慮去揀一餐。湯粉麵中，喇沙算係本人頭號喜愛，當然有Quota 一定食至愛，就去好耐冇食嘅榮少，一個樣樣都想嘅情況下，就要咗碗雜錦喇沙，今次要咗瀨粉米粉底，另外要杯橙檸茶。太耐冇去，今次發現改為qr code 落單，都算方便。驚喜發現仲有肉骨茶湯底，自我掙扎咗一輪，最後都揀喇沙。榮少嘅喇沙，湯濃而唔會死咸，係我鍾意嘅原因，明知肥人禁忌，但魔鬼係面前，都忍唔住飲咗d,確實好味。環境方面，小店作風，當日舖面同廚房各有各播歌，我就冇所謂，要靜嘅就自己考慮，清潔度對我黎講，算係合格，服務亦快手禮貌，以街坊價又好食，榮少值得一試。…查看更多

荔枝角有唔少食店，但對生酮人士，始終都要預先搵搵，加上當日係食晏時間，上到去見前面枱客係有book 位，心諗walkin 嘅我會有位嗎？幸運地係外圍安排到比我，唔係都有d 趕時間嘅我未必可以等。環境須然話係工業區內，但店嘅裝修都會有chill 嘅感覺。我點咗鱈魚意大利雜菜，魚好香，肉質好，重點唔會有腥味，雜菜亦唔會太咸，所以係冇飯之下有汁都唔會話食唔到。餐可以跟湯或生果茶，茶比心目中細杯咗d,大d 就更好啦，另外亦對我黎講甜咗d.見到有甜品都好吸引，但我確實暫時都唔會試了。店員亦好細心，會話我知身後有冷氣機位可能會有d 熱，見意我坐對面位。總括食物、環境同服務，呢到係值得推介。…查看更多

雖然住附近，但好少行呢邊。同朋友講開，附近暫時未有一間唔錯嘅cafe,朋友就介紹呢間，雖然佢自己都未試過。先講環境，真係滿分，可以係周邊嘅屋邨中，可以型做到一個好chill 嘅cafe 好難得，唔會有密集嘅座位外，每張枱都可以向住玻璃牆外，暖暖太陽中午時份直接曬入，自己覺得天氣凍相對會更舒服。同事服務有禮貌。今次點咗espresso tonic 同手製蕃茄包。先講咖啡，雖然唔多唔少都會比tonic 蓋過少少咖啡味，但入口唔錯。包有驚喜，應該係酸種包，希望自己冇感覺錯。我本身係dirty keto, 所以係食物當中，就揀咗呢個，見到d cake 都好唔錯。以後想hea 吓，可以講有個落腳點。…查看更多

對官塘周邊唔太認識，所以呢日就係app 搵搵附近有咩特式d 嘅cafe.係app 見到relish 感覺唔錯，重點係有生酮蛋糕，所以唔駛考慮就決定試。到達後因知營業到4點，所以都有d 趕，上到去仍然有唔少客人，如有幾個朋友的話，最好訂枱，我當日只有一人，所以相對容易安排。環境係ok 舒服嘅，但當日都好full,所以被安排坐矮枱，食野比較唔舒服，但可接受。職員亦好有禮貌，唔會因快夠鐘休息而拒絕我。食物方面，算有水準。蛋糕味唔太陪，我試嘅係芝麻巴斯克，芝麻味唔夠。咖啡算正常，唔會話好特出。總體睇講，我係喜歡，日後去呢區，相信都會係首選。…查看更多

之前一直都係去紅橋個邊舊店，新店第一次去。本應想食佢地個三文魚椰菜花飯，可惜店員話菜單已改，唯有試個華夫蝦沙律，另外叫咗杯espresso tonic. 賣相非常好，杯espresso tonic 偏甜。對碟沙律就有少少意見，沙律中發現一條好短嘅頭髮，牛油果切得好細粒，份量亦好少，重點係牛油果都已開始轉黑。其實已比咁少牛油果，係咪都唔好比已轉色嘅客呢？係舊舖咁耐，從來冇出現以上問題，好希望可以注意番。同事服務方面係同樣唔錯嘅，加上呢條確實環境好靚同舒服。希望再有番d 比生酮人士啱食嘅野（除沙律外），另外一d 輕食，咁就可以係屋企附近多個飯堂，又可以嘆下啡。…查看更多

BYOB 支持咗都有一段日子，以前未生酮時，最喜歡食佢地嘅意粉，現時每次都係食不同嘅沙律，今次食係雞胸凱撒沙律。呢到算係半自助形式，先到收銀位落order,再係位等員工送上，呢到亦係開放式廚房，所以如果坐近d,亦可以睇到職員下廚。另外呢到嘅咖啡或茶都不錯，只係我每次都一定飲ice long block.今次講番個雞胸沙律，好多時一聽到雞胸，就怕佢又乾又冇味，但呢到嘅雞胸算係軟熟，份量亦唔會太少，冇記錯只係$60,的確cp 值高。…查看更多

同朋友係元朗食晏，重點要有啱我食嘅地方，朋友就話可以試吓呢間couple kitchen .中午飯時段，我地3大人4小朋友分2枱，店員都好好幫我地安排到2張靠近嘅枱。見周圍都多人食肉眼扒，可惜已售清，當時係1點幾，最後我就叫咗份bbq 雞胸。因生酮關係，我只試咗幾條薯條，都夠脆。雞胸唔算（鞋），亦幾香，係比我預期好，餐仲有湯或沙律同飲品跟。價錢方面亦算平民價，我地叫咗6個餐，包括1份吞拿魚意粉、3個漢堡包、1份pizza 同我呢個雞胸扒，都唔駛$600,所以食物質素收呢個價錢可以再有回頭下次試肉眼扒。…查看更多

今日再次黎食晚飯，對比上次lunch 情況好好多，起碼唔會再客走咗仲多張枱冇執。同事方面一樣禮貌招待，只係一幕好笑嘅係d 餐剛放低一陣都未食，有位同事就埋黎問對今晚食品滿唔滿意。因朋友係素食者，之前睇openrice 嘅餐牌係有植物雞，點知原來已改，所以食唔到。我自己就叫咗客肉眼，將薯條改為雜菜，肉質對我黎講算唔錯。因會員嘅價錢同正價都相距成半，計落自己都應該幾接受呢到，所以決定買個最基本會席。原價$1200用恆生卡只需$1000,仲可即時使用。黎緊都會多d 黎食，起碼要食多幾餐先開始真正賺到着數。…查看更多

今日終於係自己區試到ruby Tuesday ,午飯時段唔駛等位。但唔知係咪員工人手唔夠，就算客人已走，都見唔少枱係冇執，包括我自己個張，雖然唔係話咩高級餐廳，但咁樣望落好差。坐低要問先會比水，叫餐後直至食完，杯凍咖啡都未黎，要追先到，仲要比錯熱嘅，不過我都冇要換。食物質素係唔錯，叫咗忌廉波菜鯛魚，魚唔腥，幾好食。餐係話一係沙律，一係湯，其實點解唔會2樣都有呢？員工係有禮貌，只係好似少少亂，總括黎講可接受，因食物真係唔錯，會再去食，但希望以上問題，下次會見到有改善。…查看更多

因keto 關係，係屯門真係好少地方啱食。今日本應打算係vcity 幫襯其中一間店，但實在太多人，唔想等所以就check 吓mee,睇吓周邊仲有咩黃店可以啱食，見到呢間food combo 講真平時真係冇為意，望過食物種類應該都得，就試試佢。小店黎講坐嘅位置都算唔錯，店員有禮貌，我叫咗三文魚，因見到係薯菜，所以就要求唔要薯。店員好好，主動話幫我轉其他蔬菜。只係我自己問題，冇講清楚我係keto,換黎嘅係燒粟米，最終我都係冇食。食物中規中矩，沙律嘅汁我自己幾喜歡，魚嘅燒烤汁亦唔錯。下次再幫襯時，我會講明keto,無謂浪費人地食物。…查看更多