Ruby Tuesday (屯門時代廣場北翼)

營業中

休息中

今日再次黎食晚飯，對比上次lunch 情況好好多，起碼唔會再客走咗仲多張枱冇執。同事方面一樣禮貌招待，只係一幕好笑嘅係d 餐剛放低一陣都未食，有位同事就埋黎問對今晚食品滿唔滿意。因朋友係素食者，之前睇openrice 嘅餐牌係有植物雞，點知原來已改，所以食唔到。我自己就叫咗客肉眼，將薯條改為雜菜，肉質對我黎講算唔錯。因會員嘅價錢同正價都相距成半，計落自己都應該幾接受呢到，所以決定買個最基本會席。原價$1200用恆生卡只需$1000,仲可即時使用。黎緊都會多d 黎食，起碼要食多幾餐先開始真正賺到着數。