Renee Hyman的個人專頁

天氣凍冰冰但又想食宵夜，OpenRice 搵屯門有咩食呢，就畀我搵到喱間很得輝。💛💛💛見佢生炸脾好吸引咁，啲人又勁推，忍唔住轉兩轉車黎食。未到前都打去同佢落定order先，到時去到就可以即攞走。因為佢啲髀係即叫即整，真係需時。佢最主打生炸髀嘅，但我唔太想食炸野，又覺沙薑髀真係少見，就叫左啦。沙薑髀配蘑菇飯套餐都係$50，仲送一杯無糖茶。《沙薑雞髀》買到返歸，個髀都仲微溫（天氣真係太凍），忍唔住即刻黎返啖，爆多汁，雞髀勁嫩，真係唔係長期煲住嘅。表面沙薑味十足，加埋雞本身嘅汁，真係食唔停口。舊雞髀都唔係細，啖啖肉，但都好快比我清曬，無得輸呀。《蘑菇飯》一啲都唔細架，飯量十足，汁都恰好，蘑菇片超多，啖啖都食到蘑菇。汁似xfc得黎又比佢濃，又似黑椒汁但又無黑椒嘅刺激感。支持很得輝💛💛💛，好過支持肯德🐓🤭🤭🤭希望佢可以長長久久咁做落去，仲未試生炸髀呀！要開到可以堂食！開爆佢！…查看更多

玩完獨木舟，就好想食又甜又凍嘅野。西貢有間賣Greek yogurt嘅店，勁出名，又打到卡，即飛的去嚐甜。去到6點幾，估唔到出面勁多人企係到食yogurt，間鋪超級細，塞滿曬人，都係啲叫yogurt或者等攞yogurt嘅。我以為鋪位係可以坐低享用美味yogurt，可惜唔得。:(點餐步驟都係先揀杯裝或筒裝，三款配料同一款醬汁。要多啲配料就另外加💵。其實落完單，好快攞到yogurt，只係客似雲來🤣🤣，搞到以為要等好耐咁。🧡🧡🧡🧡🧡🧡🧡🧡🧡🧡🧡🧡🧡🧡🧡🧡🍨杯裝乳酪雪糕配料🤌🏻：士多啤梨🍓、海鹽焦糖脆脆、Oreo 醬汁🫙：紅桑莓汁•••••••••••••••••••乳酪雪糕🍦量多，口感軟綿，唔會好甜，感覺好甜，微酸，好快溶，盡快享用。士多啤梨🍓係靚嘅，香甜。海鹽焦糖脆脆，脆得黎唔會太硬，比起食開嘅冇咁痴牙，有淡淡鹹香味。Oreo 係雪糕嘅中間，唔會碎到粉咁，仲有啲塊狀，量多，食到底仲可以配oreo，開心開心。🧡🧡🧡🧡🧡🧡🧡🧡🧡🧡🧡🧡🧡🧡🧡🧡🍨杯裝乳酪雪糕配料🤌🏻：藍莓🫐、芒果🥭、海鹽焦糖脆脆醬汁🫙：蜜糖•••••••••••••••••••水果都好新鮮，藍莓仲有汁，芒果超甜，芒果量都唔少。…查看更多

一間賣滑雞飯嘅鋪坐落觀塘工業大廈嘅6樓，唔睇網上啲宣傳真係唔會知喱啲隱世餐廳。睇完介紹真係唔理千山萬水長途跋涉都想黎試一試佢隻靚雞😍。睇網上話15:30會再開門，我啱啱好時間到埗，估唔到網上時間fake左我，人地廚師4點先返黎，係出面等真係又焗又熱，再加上夏天真係熱上熱，好彩入面有個店員比我入去坐住等，仲可以叫埋野飲。簡直好似包場咁，得我一個人。店員話中午食飯時間人流非常多，多到要出面排隊，好彩我冇揀果啲時間黎。佢仲話有啲人突登黎觀塘淨係買佢地嘅雞，睇黎真係好好食？🤤《秋意去骨鼓油雞》💲6️⃣0️⃣轉➡️乾撈低糖蒟蒻麵➕💲5️⃣有飯同喱個麵揀，我本身掙扎緊雞好似配飯正啲，但店員話好少出面會有喱隻麵食，我又心郁郁叫左。事實證明個雞夠正，配飯定麵，都無得彈。鼓油雞真係好嫩滑，雞皮色澤閃閃發光，夠上色，味道都啱啱好鼓油香，唔會過鹹。就算到雞槌位都係嫩，唔會係好實嘅。個麵本身冇咩味，唔會擔搶雞味，係佢為加唔好啲麵痴埋一齊，加左啲油，食到後尾，會覺過油膩，要食返啲配菜沙律解膩，然後再繼續進攻啲雞🤗🤗🤗。成個鼓油雞係就咁食唔洗沾蔥油都十分夠。叫埋佢個桃烏龍茶作結，perfect池～打完喱篇食評，我又掛住佢啲雞啦。…查看更多

夏日熱辣辣，好熱好熱，係要食返碗糖水，下下火。喱間糖水舖好多騎呢糖水同小食，你諗到嘅實有，諗唔到嘅又有，款式多到選擇困難症人士要諗幾輪先諗到叫嘜，我都掙扎左好耐先叫到呀。好多啲聽落伏伏地嘅野食，好似咩朱古力燒賣，亂x咁黎燒賣，真係聽名都少抗拒，但喱啲野食又係喱到嘅熱門小食啵，枱枱都必點，搞到我都心郁郁叫左款。叫得做糖水雄，梗係預食糖水啦，但你又估唔到佢又賣埋粥同狗仔粉🤭，可能驚你食完糖水覺凍，要食返碗粥暖胃。🟨🟨🟨🟨🟨🟨《亂x咁黎燒賣》💲2️⃣8️⃣ X係我私人加落佢名到，喺香港唔加喱個x真係唔太舒服。🤭但實際上佢真係亂9咁黎。入面實有燒賣架啦，眼望仲有火腿、菜、XO醬。最估唔到有菠蘿係入面，佢同啲燒賣撈埋真係好難分辨呀。喱碟亂黎燒賣用xo 醬炒真係唔會輸，但個人覺得加埋菠蘿真係怪怪地。雖然用新鮮菠蘿，食到菠蘿嘅甜味，但將兩樣野擺落口，拎到菠蘿嘅味變得好怪，唔太夾。整體來講，還好啦，可能朱古力燒賣會更好？🟨🟨🟨🟨🟨🟨撈芒💲4️⃣7️⃣喱個真係夏天三十幾度必叫，話明撈芒真係好多芒果，芒果肉、芒果蓉、芒果沙冰集一身，再配埋啲芋圓椰果黑珍珠，真係咩口感都出曬黎，芒果🥭又夠甜，食完要講句爽！🟨🟨🟨🟨🟨🟨雞軟骨串💲1️⃣0️⃣一串可能有幾粒啦，份量係有啲少嘅，食完覺唔夠喉。調味唔錯，唔會燒到又乾又硬。🟨🟨🟨🟨🟨🟨鴨腎菜乾豬骨粥💲3️⃣0️⃣堂食完啲糖水都好飽，叫埋佢個粥返歸try try。鴨腎薄切，唔會過鹹，而且易咬，咁幾好。菜乾都係碎碎地咁蝕入係個粥到，每啖都有菜乾入口。豬骨都有一大舊，仲有肉嘅，啲肉都唔係易扯落黎，有肉味。粥都唔會好水，真係好剛好。咩都岩岩好咁，平實感。🟨🟨🟨🟨🟨🟨…查看更多

估唔到天水圍開左間隱世打卡café 🧸🧸🧸，仲要開左幾個月。趁今日心情比天氣好，就黎打下卡。Café 外面有花牆，少量仙人掌🌵，一啲壁畫，都可以打下卡。出面嘅位比較寬敞，有四張二人枱，入面就一字排開四人高枱，我覺得入面高枱影相好似有feel啲。但唔suppose坐得舒服。入面設計偏藍色，唔知點解會覺涼爽啲，幾有格調。Poked 蓋飯 💲8️⃣8️⃣揀底：沙律菜+💲5️⃣主食：韓式牛肉選三款配菜：牛油果🥑+💲5️⃣、車厘茄、日式本菇沙律揀醬：芥末蛋黃醬小菜：蟹籽、紫菜絲、芝麻對於選擇困難症嘅我黎講，揀喱碗飯，揀左好耐，太多野揀。底可揀飯或沙律，沙律都幾新鮮，大概兩三款菜，但都幾大塊，少狼狽。韓式牛肉純粹炒牛肉，表面加左啲辣粉咁，但食唔到啲粉味。之後我揀嘅三款配菜都新鮮，最緊要牛油果熟得岩岩好，都幾勁，牛油果配個醬好搭。個醬芥末味都幾重，唔鐘認咁刺激唔好揀。白桃咖啡梳打💲4️⃣6️⃣望落普通，第一啖覺好鬼甜，係之後咖啡嘅甘苦黎再衝返味蕾先好啲。題外話：我唔太鐘意喱個杯，杯身咁矮，但個吸管咁高😅😅😅。外觀睇影都唔會好睇。…查看更多

一望間鋪中文名，完全唔識讀，真係忍唔住查下字典睇讀音。真係「吾生有涯，學海無涯」呀～「迆」，粵音ji4，多用作詞語「逶迆」、「迆邐」，多數意思係講一啲嘢彎曲延伸，連綿不絕。就咁睇攞黎解作雪糕個種彎曲嘅形狀同延展都幾有畫面呀🍦🤣。又有人話「迆」其實就係大家成日講「hea」嘅中文正解。但其實我都比較唔同意喱個講法，因為根本就唔同音，同埋「迆」嘅由來，係源於「虛以委蛇」喱個成語，同hea拉唔上邊。不過唔緊要，起碼睇埋佢鋪英文名，完全明佢想表達嘅係「hea」。睇佢地FB page都會見到佢哋嘅經營理念：比香港人攰時候，迆一下，再出發。同時創造帶有香港特色嘅雪糕，勾起香港人回憶。睇啲雪糕款式，大多都真係得佢地有，仲要係佢地會推陳出新，令人期待佢新出嘅雪糕口味。🍦🍦🍦🍦🍦🍦話梅檸檬茶味配乾檸檬片💲3️⃣8️⃣真係好重話梅味同檸檬茶味，唔係個種「講就講話梅檸茶，但食落就得完全得酸同檸味」。直情100%口道一致。個種甜酸味令人開胃。雪糕又唔會食到冰沙，非常綿軟，好快溶。雪糕杯餅好脆口而且厚度剛好。🍦🍦🍦🍦🍦🍦…查看更多

一入長洲，正好中午，食個靚沙嗲米通做午餐，然後再去「長洲站」打卡，同飲野，消消暑，解解渴。喱個「月台」應該係唯一一個畀飲野食野🤣🤣。入到格局偏小，打卡位前面就係一行靠牆長凳，坐到三組客人（每組二人），其中一枱係冇枱㗎。再埋邊有高枱凳，大概坐到四人。多數人都買完出去飲。角觡卷💲2️⃣1️⃣望落好似好多色素嘅蛋卷，實質用嘅都係天然色素。蛋糕用左碟豆花染色，食落都幾濕潤，綿密。內面嘅cream溝左乳酪配合返佢地主題，中間粉色當然加左士多啤梨🍓，食落微酸帶甜。莓莓角觡💲3️⃣8️⃣士多啤梨🍓乳酪，都幾重士多啤梨味，乳酪唔會好甜。最令我驚訝係佢加左紫米落去，會有啲軟糯嘅口感，超健康，正所謂紫米抗氧化，養胃，明血。但個人就麻麻地紫米🤣🤣🤣，我寧願佢加個啲水果爆珠。張收據🧾打嘅內容都好正。🤣🤣…查看更多

2021年4月3日中午12點30分到，我哋黎食午餐。成間餐廳得兩枱客咁制，所以我地好快入到去。咁岩公假，冇午市優惠，唔知係咪咁少左人幫襯啦。但都無阻我地幫襯佢。叫完餐，朋友啲餐都一個個黎曬，等到佢地就黎食完，三十幾分後，先黎我個餐，我個肚都餓到打曬鼓。一見到我個日式炒麵終於到，真係想大快朵頤，點知.....個麵表面到有大大張紙！！！唔係我食食下，喺底到搵到，係一眼就喺個表面發現到。究竟係想點，廚房果個上菜盲左？個侍應麵盲埋？成間餐廳冇咩人，炒個麵咁耐，仲可以咁俹簁！見到張紙，已經舉手叫個侍應同佢講我要投訴，佢第一反應係幾好笑嘅，佢講左句：「唔好啦～」佢又幾可愛啵🤣🤣，但訴我都堅持要投囉。佢本身想同我換過一個就算，點可以算？！我餓到就癲，竟然畀「紙」我食。佢話幫我叫店長，順便收走我個炒麵，唔知佢係咪想毀屍滅跡，佢攞走前我就同佢講我影曬相架啦。個店長到左，都係講句唔好意思，話廚房落肉嘅時候唔小心連埋張紙落去炒。其實講咩都得，可能真相係擦完廚房張紙唔小心落左去都得。然後個店長，都想換左個餐當冇事，問題係我完全唔想再喺到食任何野。我未投訴都落紙，我投訴完係咪畀痰我食？ 佢根本冇處理到客人嘅不滿囉。我同佢講想向佢地公司投訴，佢搵左勁耐，先寫左個電話畀我。個電話本身係9字頭嘅，後來佢話搵到卡片，咁個卡片就3字頭嘅，仲要公假打唔到，要我等到星二（7/4）先打到去投訴，大家知佢地幾正啦。投個訴都要個客等，正到呢.....其實等佢搵卡片畀我時候，我已經去左佢官網打投訴信，但直到我宜家（7/4）喺OpenRice再鬧爆佢，都仲未即時處理我個投訴，就知佢地幾無視客人嘅投訴，不如考慮摺左佢？攞埋將客服卡片，我某朋友叫嘅雪糕都仲未黎，個雪糕唔知係咪邊到空運，塞緊車....最後緊係取消左啦。投訴完一大輪，我啲朋友都食完，個店長先講話free左我地張單。但咁樣唔代表我唔會再投訴你地店囉。 喺喱間餐廳搞左成個鐘，我一粒米都冇食過，要再去出面求其買野食。就算我冇畀到錢，但時間都浪費曬落喱間餐廳到囉！喺到返工返學嘅你哋鐘意浪費時間等佢啲唔知有咩垃圾附送嘅餐，隨時光臨。…查看更多

第一次食雞白湯係去金鶴到試，個陣一食就對佢念念不忘。跟住中環又開喱間座銀又出雞白湯，就諗住「會唔會比金鶴更好食」嘅心態黎食。今次就黎個比較。.雞白湯拉麵（$148）價錢比較高。淨睇表面上，雞肉同豬嘅量都比較少而且切得薄。炸牛蒡就顏色較靚，冇咁油身，喱個位做得好。一試佢湯頭，雞味更加濃而唔膩，係有驚喜。拉面彈牙，唔會過軟。雞肉就輸左少少，係真係冇金鶴做得咁滑，但如果冇食過金鶴，會覺佢已經好正。牛蒡食落脆，冇油膩味，仲食到佢本身牛蒡獨有嘅味，喱個部分真係好超多。可惜佢個麵唔包溏心蛋，要另比$15叫，但金鶴個碗本身就有。佢嘅溏心蛋都唔到位，因為個黃唔係中間，邊邊有啲過熟唔溏心，浸嘅醬油唔夠入味。.服務態度/質素一埋位，服務員會幫你拉一拉凳，仲會問你飲熱定凍茶，非常細心，比金鶴略嬴。金鶴只提供熱茶。喱間仲會定時幫你加茶，唔洗突登叫人。食野時候會提供埋圍巾同濕紙巾，防拉麵彈汁。仲提供透明袋比你放口罩，喱啲位好加分。喱啲係金鶴做唔到嘅。.總結：座銀 服務好湯底濃牛蒡正金鶴雞肉滑肉量多有溏蛋…查看更多

睇完老蘭嘅新戲《天能》，就黎食喱間新開嘅餐廳。環境好岩閨蜜聚會，仲有個角落打卡位，啲野食擺得幾靚。我地叫左兩個dinner set。✿ ✿ ✿ ✿ ✿ ✿ ✿ ✿ 前菜✿ ✿ ✿ ✿ ✿ ✿ ✿ ✿ ✿ ✿ 帶子西瓜沙律配黑醋汁作為第一碟上枱算係比佢驚艷到，係擺得幾特別。不過食落就唔太覺帶子、芝士同西瓜有幾夾，分開食就好。西瓜都唔算甜。其實我係衝住佢有帶子先叫佢，哈哈～••迷你海鮮拼盤（法國藍青口、黃金螺、熟蝦）整體來講麻麻，海鮮都唔算太新鮮。蝦有屎，青口怪怪的，黃金螺正常。••新鮮時令生蠔（+$28）正常生蠔，唔太差。✿ ✿ ✿ ✿ ✿ ✿ ✿ ✿ ✿ 湯✿ ✿ ✿ ✿ ✿ ✿ ✿ ✿ ✿ ✿ 番茄湯+自製香草蒜蓉包蒜包香脆，蒜味唔會過重，切成一條條更易入口。✿ ✿ ✿ ✿ ✿ ✿ ✿ ✿ 主菜✿ ✿ ✿ ✿ ✿ ✿ ✿ ✿ ✿ ✿ 慢煮八爪魚帶子墨汁意大利麵（$208）本身以為佢嘅汁係黑色墨汁，但佢冇咁做，只係用左黑色意粉。個醬汁似係用番茄味做底。配上八爪魚同帶子，都煮得剛好，一咬就開。整體唔會覺個意粉好濃味，略嫌淡左啲啲。✿ ✿ ✿ ✿ ✿ ✿ ✿ ✿ 主菜✿ ✿ ✿ ✿ ✿ ✿ ✿ ✿ ✿ ✿ 👎🏻香煎銀鱈魚柳配金不換青檸泡沫（$228）銀鱈魚太乾又少硬身，食落嘅味唔太好，又冇咩汁沾。香煎完嘅魚皮都唔夠脆，可能比啲泡搞到軟曬。✿ ✿ ✿ ✿ ✿ ✿ ✿ ✿甜品✿ ✿ ✿ ✿ ✿ ✿ ✿ ✿ ✿ ✿ ✿ 鮮果芒果泡沫分子料理甜品，食落口感係似密啲泡沫咁，有芒果味，幾特別。入面就有啲芒果西瓜咁，喱到嘅西瓜更無味（我估西瓜喱個時期都唔新鮮啦）。✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ 💬埋單先知試業期間唔收卡，搞到朋友要出去禁機攞cash🤣🤣🤣。…查看更多

前排睇到喱間鋪嘅訪問，見佢啲炒飯好吸引咁，而且老細堅持每盒飯都一個個咁炒，同我諗法好一致，咁先好食啲，就心郁郁去買黎食。不過想食個炒飯都唔易😹，17:30打去訂飯，都已經要19:20先攞到，超誇張。聽講老細日炒70盒飯，開6個鐘鋪，5分鐘要出到盒飯，真係好癲，完全冇得停。19:15我去到，諗住問下會唔會早炒好我個飯，但都係未炒曬，個老細仲分神同我講句唔好意思，好好態度。19:20真係準時攞到飯盒，真係勁。美中不足真係冇得堂食，只能外賣，超多人買完起出面街坐低食。.辣爆豬柳炒飯（$50）炒飯真係粒粒分明，啲料都炒得好均勻。豬柳香口，量多，唔乾。我就覺啲辣椒同蒜略嫌多左。.椒鹽豬扒炒飯（$50）炒飯都一樣，個豬扒就唔似椒鹽，好似係辣爆豬扒多啲。睇你想食完整豬扒定豬柳。…查看更多

3點幾後到排第三個，天氣好鬼熱，店員會派風扇仔比我地攞住吹下風咁等，真係好好，咁樣等都冇咁躁。等唔算太耐就入到去啦。.👍🏻🔥雞蛋布甸配house espresso （$58）作為焦糖布甸🍮控必會叫喱個試下。一食落，焦糖個甜做得好，捉到果個焦味，色都捉得好。個布甸超smooth，唔會燉蛋嘅口感咁鞋同實，偏向creamy啲。加左espresso，味道就多左個層次，會先有甘苦後黎返個布甸嘅甜，係幾夾。.👍🏻墨魚汁扁意粉配蟹籽（$78）入面有洋蔥、墨魚、菇。好少食墨汁意粉係覺咁好食，唔係得個鹹，都幾豐富嘅味道。會想再黎食～…查看更多

好多人排隊同叫外賣，好彩有野遮陽，但都好熱好焗。行過黎都十幾分鐘，超唔方便，好彩嘅係佢係幾好食，有台風味，但唔好彩係好多款都賣曬，明明12點幾，證明幾多人叫。.是日配菜：螞蟻上樹、醬油冬瓜、溏心蛋、時蔬、涼拌酸菜是日湯:昆布柴魚味噌湯.《鹽酥雞便當》鹽酥皮同上，入面雞唔老，仲好juicy，件件都好大舊.《鹽酥排骨便當》鹽味剛好，唔會愈食愈鹹，炸皮薄又脆，豬排份量好足。下面配菜都好多，好送飯。.《豬軟骨定食》豬軟骨可以再軟啲，有啲鹹，但好入味。個味噌湯同平時個啲好唔同好足料，好夠味，有層次。…查看更多

聽聞元朗有間轉賣戚風蛋糕嘅專門店，提供唔同口味，而且低糖同冇添加劑。.“Try nature itself.”為左大家試佢蛋糕嘅本質，冇太多花巧，冇cream冇水果做裝飾，就係一件蛋糕，要你細心品嘗。.原整一個$70一件$14.我就買左柚子、香蕉🍌、芝麻、伯爵茶四種味。每個都有淡淡所講嘅口味。最重要係戚風蛋糕本身就鬆軟得黎又濕潤，唔似一啲蛋糕店咁乾憎憎，食完一件仲想再食。佢地店最受歡迎👏柚子味，我一去到個架空左，但好彩佢地又整左新一個，我就買左件。.疫症期間，果個都留在家煮野食，包括甜品，啲烘焙材料店啲野都比人掃曬咁制，既然自己買材料咁難，不如幫襯啲現成小店。.💭好記得喱間店位置，前身係一間賣無骨雞翼漢堡嘅店，都好好食，可惜都係汁左。希望喱次戚風蛋糕會長做，咁我以後都食到好食戚風蛋糕，唔洗再惦記新加坡嘅，因為香港都有好食嘅。…查看更多

火山牛丼（$98）望落係火山🌋爆發樣，一送上枱好震撼，肉都好多塊，長薄片，食落都有燒嘅味，但可能為左整個型一上枱都變左微溫。肉嫩，汁都好食，送飯一流。慢燒極上牛排丼（150g/$98）牛量多，慢煮關係肉質嫩有肉汁係毋庸置疑，送埋流心蛋送飯，係令人食完一啖又一啖嘅。慢煮prime極級嫩肩牛排定食配黑松露菌醬燒（150g/$98)喱個牛同上面果個都係一樣，只係多左黑松露配搭，多個濃味啲嘅昇華。可惜就少左流心蛋。有味噌湯同中華沙律送。…查看更多