Zabcd2009的個人專頁

住九龍區都覺得入新界區都有少少許路唔方便，但屯門食野夠平同大碟，黎左一間食泰國菜叫泰味的餐廳，其實因為小曼谷人太多要改行程XD。一行五個人叫左8樣野，埋單人均大概一百四十幾，價錢公道。而且樓面大，坐得都舒服。首先，由普通既講起先，串燒同豬肉生菜包就味道一般，串燒有D 過左火喉，食上去硬身。而生菜份量好大，豬肉粒炒得不夠辣，搭埋生菜食，好似冇咩味。而泰式拼盤，系炸野，呢個都幾足料，全部都唔系食緊面粉，系OK的。比較好食就菠蘿炒飯同海鮮炒金邊粉，兩個D海鮮都爽口彈牙，而且金邊粉的酸甜味調較得剛好，食落去容易入口，重點系D蝦仁都比得幾豪氣，所以系甘上下。呢間餐廳D水準不過不失，如果出左九龍城食未必有甘平同份量甘多，可以考慮下次再去。…查看更多

呢間cafe外型真系唔多吸引,而且都似茶餐廳多過cafe, 今次食系因為有朋友食過既好奇心之下試試先。入去地方唔大，不過系幾抵食，一個餐包湯正餐同甜品,價錢合理,於是叫左蕃茄煙肉意粉同香菇雞扒意粉。份量都幾多下，煙肉同蕃茄本身系穩陣配搭,只要唔好太酸or 太甜就已經ok, 而雞扒都幾豪氣，比得大件且冇咩雪味,煎得唔錯,咬落去軟身，配埋香草忌廉,都好食。 意粉的熟度剛好，又唔會一沱或者過硬。至於個甜品就冇咩特別,個蛋就系一個加左咖啡既甜蒸蛋,cheese cake同出面買既口感差不多。其實食野真系唔可以睇外表既，要試過先知😂…查看更多

再排隊食呢間山西刀削面,不過系其他分店,想睇下質素有冇唔同,仲keep得水準wo...今次叫左一個五香肉片刀削面，豬手刀削面,金錢肚刀削面。面依然都系爽身,咬落去軟硬剛好,但我覺得比上次薄身左，豬手簡左肥瘦都有,豬皮軟身入味,應該系老滷汁， 而且夾住d肉,入口即淋身,又有膠質交融之下，系唔錯！食左呢個再試朋友既五香肉片刀削面就稍為遜色少許，相對口感冇咁豐富，而且有d 「唉」,味道冇咁濃郁。呢間分店上面都快，但都系坐得有點擠。…查看更多

荃灣呢間漁屋基本12點開門都排哂隊,d個午餐價錢系平民價，而且大件夾飽肚。Lunch set會有包一碗蜆湯加沙律，仲有一個正餐,出使學生証有平d優惠。同兩個朋友各自叫左唔同lunch,首先呢個鰻魚便當既份量有兩碗飯咁多，而且鰻魚系良心份量，配埋燒汁醬，咬落去啖啖鰻魚肉,其實冇得輸wor, 隔離有個黃色蘿蔔系開胃,酸酸甜甜。跟住個蛋包肉飯,有成個面咁大既,里面包住肥牛,用既系珍珠米,有嚼頭得黎又吸哂d肥牛味,加埋雞蛋淋上一d類似沙律醬既汁. 呢個餐系高卡路里😂但得閒可以食下。呢度人均50一60 蚊lunch都可以食到好飽！…查看更多

睇到網上推介，決定黎呢間小糖鈕黎食下D「藝術品」，搵到呢間個陣發現冇咩人，只有一兩個客人，心唸左一陣到底入5入去，但後來都覺得人少少當COFFEE 傾計都幾好。四個人叫左一個老闆推介的甜品拼盤，因為其他單叫都略貴，所以一次就試哂所有仲好。鋪面裝修全部都系用「鈕」的圖案，其實都好有特色，原來「SWEET BUTTON」 翻譯個黎，第一次食甜品有老闆逐個介紹款式（因為我地不斷問呢個咩黎，個果咩黎架XD），佢都好有耐性解釋。老闆話呢個拼盤有3個神秘甜品，隔一兩日就轉，而其他就系個MENU可以搵到，甜品系由淡味至濃味而有次序咁食，而且碟面個D 鈕同軟糖除左裝飾之外，系可以食稼！我覺得印象深刻系幾有幾款。一是心太軟，平時食得太多傳統的朱古力味，今次呢個系芒果心太軟，里面既芒果好鮮甜中帶少許酸，系好開胃，而且唔覺得好飽濟。另外，有一個系70%特濃朱古力，最特別系佢上面個層脆脆系甘筍黎既，兩個襯埋又唔會互相搶走大家既味道，而第三款就系黑加倫拿破輪，配砵酒黑加倫汁，外型上已經好高級，老闆話因為出面食既拿破倫一向被人好膩既感覺，但呢個反而比到一種小清新，味道酸甜而且有幾粒紅桑子，加埋拿破倫一齊食是入口即溶。而其他甜品就一般般，不過呢個地方好就相對黎比較「慢活」，可以一邊傾一邊慢慢食，系唔錯既！…查看更多

系荃灣行街,無意中發現,荃新天地開左間茶木,見成日尖沙咀都好多人排隊，所以見唔洗排就去試下，其實都只系想小食,於是三個人就入去叫左一個雪糕面包和台灣老滷。雪糕面包,叫草莓味雪糕,整個面包基本上加左好多糖，面包系整到好脆的外皮，不過食完基本上一日都可以唔洗食糖,三個人系夠，仲意食甜野既人系岩食。台灣老滷系個拼盤，有d 腌得唔多夠味，特別系雞翼,只有外皮有味,肉質冇味。但其他豬耳和腎系爽口易咬，就入味d.價錢都偏上，都系因為環境令既緣故吧。…查看更多

食早餐,想食下其他包，估唔5到 有牛蒡包食,本身牛蒡就系就系健康食品, 呢個包系全素的，里面有牛蒡,紅蘿蔔,海苔,紫菜，同兩塊米飯整成，食落去系好爽口，而且紅蘿蔔既甜品同牛蒡好夾，牛蒡系有d乾菜既口感，但佢本身冇咩味道，要靠其他食物提昇,加上紫菜配米飯系韓國人成日都食，呢度系紫菜同海苔好易口，而且食唔出海水味,所以成個配搭系好食！…查看更多

成日系mk, 尖沙咀食飯，人太多，所以走左黎堅離地城附近食飯,黎呢間fish &chick„地方系有點窄,坐得擠，但服務員系幾好。4個人叫二人套餐,因為唔系好肚餓，而且都系食煎炸野為主首先，呢度既燒雞好滑,而且外皮系脆，d肉系好嫩滑,重點系冇落太多味粉，所以食完唔覺得口乾，份量只有半隻,算系咁。個薯蓉食落去酸酸甜甜，幾開胃第二樣系fish n chip, 塊魚柳都幾抵食，而且啖啖魚肉,薯條都油而不膩，味道同平時出面食既差不多. 呢個重點系份量多~~同埋，我地叫多左海鮮盤，全部炸得好金黃色，而且冇膿到,最緊要連蝦殼都可以食埋~~另外,三文魚沙律同青紅椒配墨魚丸都一般,冇咩特別驚喜。不過呢度好既就系環境比較静，岩傾計…查看更多

系港大附近想hi一tea„其實唔難，無意中揾到呢間cafe, 因為裝修得好令，所以就試下啦。呢個cafe, 有幾個brunch同甜品試下。第一款成個圓糕，里面系泡菜芝士，仲有一種香腸,食落黎有似食蒸蛋,泡菜有咸但夾住個穌皮食，系甜咸交雜,味道可以。第二款就pancake蛋同黑豆，我覺得黑豆好食，因為配左d番茄同辣椒洋蔥， 食法好新鮮，又辛辣又甜,而且好嚼頭. 第三款就系個甜品,系醅茶cake, 系啡色，綠茶就一般。 好香脆的茶葉,就似飲茶前會嗅到一陣茶香。 不過口感同食其他芝士cake差不多。而其他野食都普普通通。價錢都算偏上，得閒可以試下。…查看更多

呢間順德公系我同屋企人成日都會去食既一間茶樓,首先,梅菜蒸魚飯，系一定要推介，用既惠菜梅菜,甜味十足,而且鯇魚系新鮮,唔系冰鮮魚，而且無泥味，識食實簡魚尾，雖然多骨，但勝在肉質夠滑,入口即溶,好似豆腐一樣咁,最緊要夠鮮甜。 每個中午都系多人叫之一呢， 再黎就系欖角蒸魚雲,魚雲系好多魚膠，魚頭都幾大份，可能蒸時間較長，所以系幾霖身，而且咬落去好滑之外，配埋欖角既甜中帶咸系冇得頂 !魚飯系53蚊，而魚雲就系32.8,仲意食魚既人值得一試…查看更多

荃灣站附近有間茶番,主打系抹茶,於是order左抹茶布丁既奶茶,用抹茶粉整成抹茶布丁是推介飲品，都幾新鮮，咬落去口感同其他布丁冇太大分別,入口即溶,但系食到有抹茶味道,系幾香，至於奶茶呢,唔系好甜,即使我冇叫少甜，冰又唔系好多，飲落去茶味好濃，成杯價錢只系22蚊,價錢都平民化，愛抹茶既人可以試下。…查看更多

琴晚即興去左食放題，入到一個商場簡左瀛舍放題,九點都幾多人等食放題，但都好快，唔洗10分鐘就有位啦。9點後入系188加1服務費。入到地方面積好大，應該有2千幾3千尺,而且唔搭枱,所以坐得都幾舒服。入面有好多野食簡，menu有推介個d„大部分都叫左。一,肉食：值得講既系燒羊架同牛舌,仲意食羊都知愈so愈正,呢個羊架瘦中帶少肥，食落d好軟熟，因為羊架烤太來會變硬。 而牛舌配上黑椒，無得輸,牛舌好似系入口即溶,食緊綿花糖咁。其他串燒類就一般。二。炸物：怕熱氣，所以叫左好少食，當中芝士年糕，好有奶絡味，似吃pizza個種,紫薯炸物更好食，因為紫薯本身好甜,而且都好香。三，刺身： 三文魚好肥美新鮮，而且帶子都好鮮甜,甜蝦就好爽滑啦，四：甜品；款式多，推介牛奶布丁和芝士cake, 牛奶布丁系好滑，入口即溶,而且唔系好甜,所以即使老人家都岩食。 而芝士cake, 芝士味好濃郁,而且都幾軟身,唔錯…查看更多

中午食lunch„呢個面館系會排隊食。因為呢度既刀削面份量大，而且餸又足料。點解話足料？因為呢度刀削面系用人手搓,不同於機器整出黎咁死實實，食落去系好煙韌同爽口,因為本身刀削面系有少許硬身既口感,類似於上海粗面同烏冬既質感。我每次都叫少面,因為系好易有飽足感,我叫左一個麻辣豬肚刀削面,如果唔仲意食麻辣,可以走生蒜同麻辣油,如果唔系會食到流眼淚。豬肚系去左肥脂，完全唔覺得油膩，而且系好嚼頭。 另一個系上海菜飯配豬頸肉,份量其實都夠一日食肉既份量同應該有2碗飯,重點豬頸肉肉質系爽滑，最怕食豬頸肉系被粉拿太多,太鬆軟就唔好食，而且菜飯系小棠菜,同飯好夾,因為水份多，而且食落去唔會太乾！兩個女人買單都唔洗一百，但食到好飽。…查看更多

今日午餐黎到一個潮州既中式酒樓,入到去環境都幾大,而且坐低之後會有功夫茶(茶位$8) 飲同甜酸菜($8)食,系幾開胃。三個人叫左一個四人套餐,$268.包括四款點心,一個面或飯,一碟雜錦滷水同上湯菜。總共四樣菜式。首先,講下點心,我地叫左燒賣,四寶雞扎,鳳爪同小龍包.成粒燒賣系上面有鮮蝦,而且里面用蝦膠打成，吃落去同平時酒樓食唔同，爽口彈牙，而且冇雪味。 雞扎值得講有魚肚,好滑鮮甜,正！ 而小龍包里面多湯得黎,而且肉質唔會好(鞋)„咬落入口即溶！鳳爪就一般。之後，叫左碟炒牛肉飯,控制火候剛好,食落去唔系香口膠既感覺,似正宗炒牛河既滑牛,加上最難整既飯，炒得好乾身，系好食！3個人，每人食到2碗半既，份量都ok.至於個上湯菜,d菜嫩口,食唔到渣,而且上湯咸淡適中,都唔錯。但價錢都有d略貴,間中可以豪一次既！…查看更多

星期一晚同朋慶生食左多國菜小酒窩。waiter系中東人， 好熱情，入到去有中東feel,,但地方就比較細,坐得有d迫。不過裝修令都ok啦四個人叫左4個樣菜式，都夠。有pizza, pizza醬汁甜中有辛辣,幾野味，而且有芝士月口海蝦配,好食。第2 就系豬肋骨,用叉燒醬醃再烤,擺上黎已經好香豬肉味,以為好硬身，但食上去好軟熟,配飯 一流。第3 叫左個意大利飯,好creamy, 而且有西蘭花配上白汁,都ok!第4 就叫左tuna沙律，tuna外面是薰過黎,內面系半熟，食上去好似有種刺身加肉既口感, 不過魚既份量唔多，菜就好多，配上黑醋，開胃解油膩，4個人食系夠。所以朋友都食得好開心呢！…查看更多