ki229的個人專頁

好朋友生日, 指定意大利菜, 搵到CWB Otto , 見到食評介紹不錯. 於是鎖定目標~!一行9人, 浩浩蕩蕩走到此餐廳餐廳為上樓食店, 開lift 後再分2 層 - 16 & 17/F打開LIFT 門就見到樓梯可以再上多一層. 架局不錯~ 簡約而且好有私穩. 剛好是夜有人包場開PARTY. 於是我地就坐在16/F ~由於太肚餓的關係, 快而準地係咁叫野食....初初都記得映相...食到中段又傾又笑...攪到唔記得映... 只得照片幾張~~頭盤叫左水牛芝士同Parma ham . 再配上一枝白酒~Parma ham 的presentation 十分精緻, 一讚~! 哈密瓜的鮮甜加上Parma ham 的咸香, 絕配~!厚厚的水牛芝士夾住新鮮蕃茄, 食完唔會流,而且仲開胃~再黎一個四季薄餅同煙三文魚薄餅, 芝士唔會太多令人覺得太流. 一人一小份剛剛好. 薄餅焗到剛好. 唔過火又香脆~之後再食左個黑松露蟹肉龍蝦汁意大利飯同什菌香草醬長通粉~意大利飯煮得剛好, 煙韌入味, 龍蝦汁味道剛好~唔會太濃再加上黑松露, 好香口, 二讚! 比較之下, 什菌香草醬長通粉味道一般~最後main course 叫左三樣: 牛, 鹿柳同埋豬~ 另再叫紅酒配上主菜~各五成熟的牛同鹿柳, 煎得剛好. 廚師拿捏的火喉好準. 絕無血汁出現~! 首次食到鹿柳, 感覺同食牛有點相似~同樣香口..(只怪我地都係食肉獸)..~ 三讚! 可惜冇叫甜品, 因為有自備蛋糕~ 餐廳有幫忙準備再在碟上寫上Happy Birthday to XXX. 很好的服務~ 四讚~!OTTO, 我會再來的!…查看更多

好耐冇食過吉野家. 咁岩經過又未食野, 諗住入去食個下午茶點知原來星期六係3 點先開始. 最終都係叫左個雞肉泡飯~對吉野家都冇乜特別要求, 話晒都係平靚正不過比起以前,感覺冇咁好食了.雞肉上既汁, 太咸, 真係咸到冇朋友~而且雞肉同蔬菜都係凍左.....唔知係咪天氣太凍.....泡飯熱熱的~ 不過都係咸左dd 飯好似發左好耐咁~ 不過食泡飯, 都預左係咁~菌類好味, 十分香. 成個餐最好味係佢地喇~!!!…查看更多

山長水遠入到上水探朋友~ 搵到間好似坐得舒服d 既地方, 不過都係唔太中意o係商場中間, 兩邊係電梯俾人望住你食咩既感覺~ 真係成日覺得, 如果有野在上面飛落黎, 都真係"硬食"一人叫左一個lunch set~ 我叫左個海膽忌亷汁三文魚意大利飯 餐湯係南瓜湯, 唔錯~ 幾濃味, 可惜既係咸左d~餐包可以自己選擇, 係番A1 咸面包, 林林的加上牛油, 幾好意大利飯唔夠"un", 太林, 變左唔係正宗意大利飯~三文魚的份量都幾多, 加上忌亷汁的香味, 係幾好食~但海膽既味道俾忌亷汁搶晒~不過都算香濃如果可以再黏d , 會更好~!…查看更多

第一次食呢間泰國菜水準都ok~!一坐底就有呢個辣辣薯片, 好脆好香口, 食左幾塊巳經唔敢食, 因為怕太熱氣叫左個札肉沙律, 開頭都ok~, 點知越食越辣, 真係不得了~ 份量好多, 4個人都食唔晒一碟 ( 其中一個原因係因為越食越辣)再叫左個冬陰公湯, 好味好香又夠辣~!另外又叫左個咖哩豬肉, 配上用麵粉手搓既餅, 唔錯~!估唔到會有意外收穫~值得再黎~!…查看更多

第一次黎食~睇食評,諗住ok~叫左個咖哩烏冬, 原來係冇湯的. 一食, 太咸了. 咖哩味又唔夠重, 得個咸字....而且烏冬又唔夠熱, 其實都出晒煙, 但又唔知點解入口後, 只係暖暖的~烏冬唔夠煙un~ 煮到太林. 加上咸咖哩, 真係唔得有少量肉, 但因為俾"咖哩" 蓋過原來味道, 變得整份烏冬都變到得番個咸味~ …查看更多

第一次帶媽媽黎食~可能係星期六既關係, 原來係冇set 的~所以要散叫叫左個柚子沙律，　酸酸甜甜，　幾清新～再黎一個南瓜天婦羅，　阿媽至愛～　炸得都唔錯，　唔太油，　一黎到，　熱食～　正再黎一個三文魚忌亷意大利粉，好香濃，　味道剛好．　講下餐廳，　侍應好似太少，　一層好多客，　佢地都做唔晒．．應該考慮請下人～　佢地又唔駛咁辛苦～　客人又唔駛等太耐～…查看更多

lunch 成日都唔知食咩好. 今日去左crema~ 其實好多時都會去, 不過餐廳地方唔大. 所以唔係首選叫左個雞肉意大利包配蘋果沙律整體黎講, 都係好普通~ 蘋果沙律同平時係屋企整既冇咩分別意大利包暖暖的, 林林的雞肉比較鞋, 略咸. 返工巳冇乜好選擇~間唔中食下包, 都好~…查看更多

而家香港真係樣樣貴, 好明顯商場用盡所有地方出租是夜遠征屯門outback, 冇得坐餐廳入面是係坐o係外面, 隔離就係商場電梯...真古怪講番食物, 叫左2樣~ 面包溫暖, 咬入口, 軟綿綿 餐湯加左芝士, 咸到飲一啖就要飲水.....牛扒冇牛味, 7 成熟巳經太熟, 唔夠林兩種薯仔都係唔好味, 甜薯配左上一隻藥水味既汁. 好難食; 唯一要讚既係一名叫leo 既侍應, 見到佢好細個, 好盡心. 好難得~!…查看更多

前菜, 好hea~泡菜太生~叫左個牛肉燒燒燒, 最好食係呢個. 廚師應該幫d 牛肉加左好多料, 所以肉好香, 又林. 燒完上黎好香好味~叫左個豬肉面, 其實係因為想食韓國面, 點知一入口, 竟然係普通茶餐廳既公仔面. 只此一次, 唔會再黎~…查看更多

同舊同事聚舊, 佢地選左呢間意大利菜一入去, 感覺好似去左DAN RYAN~睇完MENU, 都真係差D 以為自己錯左美式餐廳~~叫左幾個送~PIZZA 係薄底, 不過個底搓得唔太好.焗完個底燶燶地~ 千層面 - 都算唔錯~ 好香, 而且加左好多蕃茄醬, 又有芝士, 不過食完好流~意大利雜菌飯, 唔夠香, D 飯太林~ 唔係真正既意大利味道~食完真係覺得唔係食意大利菜只此一次~…查看更多

朋友話呢間日本野食幾好味~於是黎食~ 又真係唔錯喎~!有好多個定食可以選擇~!叫左個煎三文魚定食仲配左炸雞幾粒~炸出黎幾香, 又唔太油~甜蛋兩件~好滑三文魚子好新鮮!三文魚煎完後,好香, 咬落口有少少油, 但食完個口有餘香~侍應都係日本人~好有禮貌~唔錯 …查看更多

以前成日去尖沙咀既和花亭食~自從執左之後, 真係好似得番冇乜幾間咁~今日同阿媽去上水買野, 見到有, 即刻入去食~好彩唔多人, 等左一陣就有位~!叫左D 壽司, 三文魚, 劍魚, 三文魚子, 海膽手卷, 芝士三文魚, 軟殼蟹壽司~水準真係冇O係尖沙咀時咁好味魚生都尚算新鮮~但有時卻食到少少雪味~三文魚都食到魚香, 另一款配上芝士既, 幾特別~三文魚子好香 ( 其他人可能會覺得好腥)埋單食左三百幾蚊, 相信佢地加左唔少價..以後唔會去了...因為咁既價錢, 去另一間大型連鎖店會食得好D~…查看更多

第一次黎食~天氣唔錯, 坐左露天既地方~原來都幾貴~睇MENU, D 野食好似好吸引~餐前黎左個包, 配左下面呢D 烏卒卒既野~ 食完都唔知係咩~但好香, 好好味~!!!! D 包即刻就俾我地掃晒, 係咁叫侍應RE-FILL~ 可惜~ 佢地哦完就算自己唔係食得多, 所以LUNCH 只係要左個BUFFET~食左幾輪沙律, 唔錯~! 樣樣都好新鮮~! 煙三文魚好香好味~! 件件都係厚切~沙律中既青菜好新鮮, 自己可以加入唔同既DRESSING~牛柳粒就唔太好, 有D UN~ 而且凍食..唔太岩我~甜品總類都有好多, Tiramisu, 藍梅蛋糕, 雪糕, 真係琳瑯滿目~不過, 食左個CREAM BRULEE....苦既....整體黎講~唔錯~…查看更多

好靚的夜景. 坐在餐廳外面, 看著香港夜景, 確實一絕再加上而家既天氣, 秋高氣爽, 十分不錯7:30到達去到馬上order 野飲, 因為happy hour 到8點~跟住再狂叫串燒點知...落晒單, 個侍應返轉頭話個爐壞左......乜都冇...只可以叫小食..冇法啦..照叫...侍應介紹我地食一條唔知咩野既魚....咁諗住是但啦...點知一黎到..一睇:呢粒野叫一條魚??!?!?!?!? 玩我咩...得手指咁長...............賣成$80 定90 ...攪錯...仲有d 炸蠔..炸完都係腥..........完全覺得俾人呃..以後唔會再去!p.s. 3個人, 賣單要成7 舊水.......…查看更多

一行五人食完飯, 諗住再搵地方hea 下傾下計去到厚福街, 間間糖水鋪都咁多人等左10分鐘左右, 終於有位. 入到去, 真係好迫.... 但都冇辦法~食得自然唔舒服~ 又嘈又熱又迫. 其實可以的話, 又唔駛枱與枱之間真係少少空位都冇囉~講番野食, 其實都好多唔同選擇~不過自己又想食傳統糖水, 所以只係叫左個紫糯米~加左椰汁後, 整碗紫糯米好香~ 入面又有d 椰果, 煙煙un un~ 唔錯~紫糯米都好香~ 糖水係ok~ 只係環境差左d~ 如果少d 人同冇咁迫就好喇~…查看更多