dateandroom的個人專頁

餐廳由韓國人主理，主打韓式街頭小食🇰🇷例如拉麵、炸雞、蓋飯等🤤裝潢以粉紅色為主，吸引唔少學生妹幫襯👧🏻環境寬闊，以自助形式點餐。☑️海鮮拉麵 ($59)以拉麵煲原煲上菜，韓氣十足‼️海鮮配料有魷魚、蝦、青口，麵質正常，湯底少辣~☑️韓式炒豬肉蓋飯 ($78)定價略進取，豬肉醃得入味，調味甜辣😋配埋洋蔥、椰菜送飯一流👍🏻如果份量再多啲就好🤤隨餐仲有海帶湯同韓式前菜。☑️無骨甜酸醬雞S ($56)S size有7-8舊，份量大方👍🏻雞肉炸得外脆內嫩，juicy好食，幾有驚喜😋不過原來醬汁係辣的，而且係超級辣(有辣雞麵既辣度)‼️岩哂鐘意食辣既朋友😝建議店家可以加埋🌶圖案提返食客☺️另外嗌飯、麵、薄餅等都可以加錢轉套餐，跟埋薯條($25)或薯皇($30)連韓式飲品😆…查看更多

又到左食大閘蟹既季節(其實開始左好耐😳)，一路都好想食，最近終於有時間去食🥲朋友介紹我地黎呢間相馬日式火鍋食大閘蟹放題，食之前上網睇過食評，都幾兩極🙊不過既然朋友都話唔錯，我地就一於試下火鍋店既大閘蟹質素又如何啦🤣3小時放題，第一輪係5點，我地放工去食，就揀左第工輪8:30-11:30pm😳平日收費$418/位再加一，包左任食自助火鍋吧、肉類、海鮮、雞翼炸物點心、飲品雪糕🍨同埋最緊要既大閘蟹🦀環境方面就係一般放題店既格局，少少迫夾😛不過我地平日2個人都有4人位坐😚火鍋本身質素竟然都唔差🤩牛肉算唔錯，肉質嫩滑，幾有肉味👍🏻最驚喜係有多款高質海鮮(sor唔記得左影相🥲)😍活刀貝非常大隻‼️爆汁鮮甜‼️女朋友超級鐘意😳仲有日本帶子、大頭蝦、廣島蠔、蜆等等🥰另外即叫即整既炸物亦相當有誠意，熱辣辣，最推薦蝦多士同蝦春卷🍤點心、雞翼就普通，雪糕有milktop 同大量雪條選擇🍦真心就算無蟹食都係一個唔錯既火鍋放題 👍🏻講返正題，呢度既玩法係一開始每人會有2隻蟹🦀食完就可以叫店員再上蟹，每次每人2隻，當晚全部係3-4兩既公蟹🤤最欣賞餐廳係完全唔會拖你時間，每次叫蟹都好快上台，講緊係一分鐘左右👍🏻質素方面，我地12月頭食，呢個時期隻隻都勁多膏😍食落黏口，啖啖膽固醇既美好，好滿意😭😭唯一要挑剔就係，可能當晚唔算多人，而餐廳係keep住蒸蟹，後來少人叫就會令到啲蟹warm住，搞到慢慢開始overcook🥺不過相信如果人多清得快就無呢個問題了😛總括黎講，呢個價錢黎講絕對回本😆😳除左大閘蟹，仲可以食下海鮮/菜解下膩，自助區亦有薑茶飲，推介👍🏻👍🏻…查看更多

將軍澳近年愈來愈多唔同類型既餐廳，有啲仲幾有特色😆今次就揀左好耐無食既川菜，餐廳好似人氣唔錯，平日都要等位‼️環境正正常常，位與位之間略近😖不過整體味道又唔錯，路過想食川菜都可以一試😋✅麻婆滑豆腐 ($68) 🌟4/5分豆腐真係好滑👍🏻但又唔會碎濕濕，做得唔錯~麻香辛辣，味道平衡，幾好食🤤撈飯一流🍚✅娘子麻辣乾窩 ($194) 🌟4/5分窩底($38)調味唔錯，麻香十足，惹味乾身🌶️可以因應個人口味，自選配料，我地揀左4款。安格斯牛肉($68)份量多，略乾但有咬口😜牛餐肉($38)切得厚身，邪惡之選😈萵荀($25)爽甜，包心菜($25)係必叫之選😳✅奶蓋黑糖珍珠鮮奶 ($32) 🌟4.5/5分係餐廳食飯可以嗌埋隔離阿里山既手搖飲品😋奶蓋厚身，芝士咸香突出‼️黑糖份量岩岩好，珍珠煙銀，素質唔錯，幾有驚喜!🥰…查看更多

門口成日放住塊menu牌好吸引，每次經過都好想試😳日系小店，但都坐得闊落舒服☺️裝潢以木系為主，適合傾下計，幾chill😚款式唔多，分為粉雪冰、軟雪糕、氣泡飲、沙冰奶、朱古力同鮮奶茶。飲品我地就無試到啦，揀左2款甜品🍨✅Sea Salt Caramel ($50) 🌟3.5/5分賣相IGable，打卡一流📸忌廉帶啲芝士咸香，幾好食😋焦糖爆谷脆身，糖漿平均~焦糖脆脆就偏硬，而且太大舊，食既時候有啲論盡😣粉雪冰入口真係粉狀，非常細密，單食無咩味道，要撈埋忌廉一齊食😬底部仲有啲布甸，幾滑👅✅Tofu Soft Cream ($34) 🌟4/5分豆腐味想像中更加濃郁，豆香突出，甜度適中👍🏻唔算重奶味，偏向冰感的😆底部仲有啲脆米，增加口感~總括黎講，食物同環境都不過不失，無好大驚喜但又無好失望😝定價合理，經過搵個位食下甜品傾下計還是不錯的~🥳…查看更多

Pancake專門🥞既成個裝修環境勁日式，未食野已經好似去左日本咁，一解思鄉之愁。🇯🇵☑️蟹王丼($198)充滿蟹香味既釜飯😍用左5款時令蟹肉，包括從松葉蟹、麵包蟹、毛蟹、鱈場蟹、大閘蟹🦀撈埋蟹粉、蛋黃，聞落非常香濃，味道偏清淡，唔會鹹，隨餐仲有餐湯同沙律👍☑️日本楓糖洋梨班㦸 ($138)賣相幾靚，連隻蝴蝶都食得😆軟熟既班㦸入面都有梨肉，雲尼拿雪糕好好味🍨餐廳環境令人恍如置身日本之中，連碗碟都非常日式、精緻🇯🇵食物賣相好靚，估唔到銅鑼灣鬧市中都有間咁悠閑舒適既日式Pancake店，令人好掛住日本呀😍🚁👋🏻…查看更多

大南街cafe多就人人知，估唔到有間幾隱世既居酒屋係度🙈門口幾低調，環境行木系和風🇯🇵🚁雖然細細間，但格調都幾chill。☑️薄牛豆腐壽喜燒($148)醬汁幾好味，入面既菜、豆腐、豆卜都索晒汁😋牛肉就雖然佢寫薄牛，但都唔算薄😂幾有咬口。☑️炸吉列蠔($58)味道正常，炸皮略厚，炸得香脆多汁。居酒屋又點少得燒物🍢我地試左以下幾款👇🏻☑️醬燒大啡菇($38)☑️燒蜜糖雞翼($38)☑️燒糖心菠蘿($35)☑️月見雞肉串 ($68)☑️燒北海道帶子豚肉卷($78)大啡菇燒得夠juicy同入味😋雞翼燒得皮脆肉嫩，菠蘿香甜多汁🍍雞肉串係免治雞肉溝埋啲軟骨，豚肉卷就用豬肉包住帶子，第一次見幾新奇😂最後就梗係要飲返杯酒🍶酒水方面都有好多選擇，我地就試左蜜桃果酒($63)同若鶴威士忌梅酒($88)。…查看更多

海南少爺位於海港城，主打多款星馬菜。餐廳裝潢精緻，但擺枱偏密🥺而且張枱唔大張，叫多野食就唔多夠位擺😛部份座位會有海景睇，相信會幾chill🤩不過我地當日去到都幾full，被安排坐係門口位，冷氣唔多夠，有少少熱🤪☑️黑豉油雞飯 ($108)海南雞好多人都介紹過，今次就試下豉油雞‼️賣相靚仔，上色唔錯👍🏻雞肉唔鞋，味道可以再咸啲。油飯做得唔錯😋☑️新加坡肉骨茶 ($138)肉骨茶我地試左新加坡白胡椒蒜頭，胡椒味濃🥰排骨大塊，仲會有個爐烘住，冬天食一流‼️☑️海鮮釀油條 ($78)呢個油炸鬼又幾有驚喜🤩入面釀左蝦肉，外脆內爽彈，鍾意炸野就必叫😋☑️星州醬油參巴炒蘿蔔糕 ($88)蘿蔔糕外層裹左層粉略硬😳未做到外脆內軟，但調味幾惹味的!…查看更多

今次黎到大角咀搵食，麥金主打馬來拉亞菜🤩餐廳唔大，小店格局，所以張枱就偏細，多野食就有啲迫夾啦😳不過勝在價錢親民，選擇亦多，CP值幾高🤤👍🏻☑️泰式生蝦 ($88)有8大隻，新鮮爽彈😋醬汁酸甜開胃，重口味人士仲可以夾埋辣椒蒜頭一齊食😆☑️蛋黃奶油勁量雞扒配黃薑飯 ($68)雞扒厚肉大塊，煎得香口，如果再燶邊啲一定更好邪惡😈黃薑飯好香，蛋黃奶油醬順滑，味道似唔辣既咖哩但又有牛油香咁，幾特別，撈飯一流🤤☑️砂煲老鼠粉 ($78)銀針粉配以肉碎、蝦米、豬油渣、炸蒜等，再用煲仔上，超級惹味😍撈埋半熟蛋就更加香滑，店員更建議我地加埋黑醬油，唔單只色水靚仔，亦更加香濃😋🥰…查看更多

好耐無食過有爐邊蛋&芝士既韓燒了😍呢間濟州燒肉食堂主打韓式燒肉，前菜、生菜、爐邊蛋、粟米芝士都係任加🤤餐廳環境闊落好坐，2個人都有大大張卡位坐👍🏻我地試左濟州五花肉套餐($588)餐牌寫for 2-3人，結果我地2個人差啲食唔晒😳如果3個女仔叫呢個相信都夠晒飽😝☑️濟洲五花肉2大條，切得偏薄身，充滿油脂，適合包埋蔬菜食😋☑️醬油豬排骨肉我地最鐘意呢款😍有成5條，份量十足👍🏻醬油醃得非常入味，肉質唔鞋，油香平均🤤☑️牛小排油花分佈得靚仔，燒一陣就食得😆入口軟淋，建議點少少醬汁一齊食。☑️豪快嚴選牛舌舌如其名，又大塊又厚🤣食落爽口，幾有口感😝☑️大八爪魚鬚真係勁大條🤩而且唔韌👍🏻食八爪魚最驚就係咬完一大輪最後食唔到🙈☑️韓式炒粉絲主食可以揀炒粉絲或者大醬湯，我地要左前者😜粉絲炒得乾身惹味，配料仲有啲牛肉絲、洋蔥、紅蘿蔔絲。☑️柑橘梳打 ($32)☑️荔枝梳打 ($32)叫野飲如下走飲管既話仲會減10蚊🤩就算唔走飲管餐廳都係用甘蔗飲管，幾環保👍🏻我地揀既兩杯嘢飲都正常，柑橘足料🍹比較驚喜😝…查看更多

朋友係附近返工，路過見到呢間老字號，好耐都無食呢類型既食物☺️一於就試試佢。餐廳以卡位為主，環境正常。☑️椒鹽豬扒飯 ($65)豬扒份量多，椒鹽味濃，非常香口🤤跟配既唔係白飯，幾有驚喜‼️炒飯底有鑊氣，一啲都唔hea😳成個組合超惹味，重口味人士必食~☑️芝士蛋漢堡配迷你肉醬意粉 ($55)漢堡即叫即整🍔麵包烘得香脆，牛肉偏淋滑，流心蛋加埋芝士🍳係童年回憶😋肉醬意粉就不過不失，份量幾多，一定食得飽!☑️避風塘生炸雞脾 ($35)雞脾大大隻🤩炸到外脆內嫩，超級邪惡😈😈避風塘口味好惹味，肉質唔鞋且入味~☑️雞湯珍菌蟹棒浸娃娃菜 ($78)食咁多肉梗係要嗌份菜平均下😛雞湯清甜，配啲好多蔬菜食得我喉嚨好c服哈哈🥳☑️是日燉湯 (跟餐+$9)呢個真係必嗌👍🏻當晚見到差唔多枱枱都有，一飲就知咩事。當晚係海底椰煲雞腳(?)超足料，熱辣辣又清甜，係屋企既味道😭又抵又好飲!…查看更多

韓式扒房Maekjeok貊炙，主打28-45日熟成牛肉，設有熟成櫃，自行調整同跟進熟成程序，每舊肉都係獨一無二味道‼️其中西式厚切熟成扒最為signature，配埋韓式前菜更係韓氣十足🥰另設有3間獨立而空間大VIP房，岩晒慢慢促膝長談，細嘗美食😋餐廳食物款式選擇多，睇到我地眼花繚亂，最後試左Steak Omakase ($420/位)。無錯😂韓燒都有Omakase!!😜首先上枱既係醃漬沙律🥗以牛油果🥑生菜🥬鮮蝦為主，味道平衡開胃。跟住係豐富既韓式前菜☺️當日泡菜、豆芽、菠菜同醃蘿蔔，仲有生菜包、自家包飯醬，一陣就可以夾埋肉食~☑️真露煮蜆套餐可自選1款前菜。湯底非常清甜，蜆肉超級大粒😍食落無沙彈牙，滿口鮮味~☑️和牛羽下肉肉味濃偏有咬口，點少少洋蔥醬汁會更提味😉☑️角切和牛油脂超豐富😍滿口油香，入口即化~☑️韓國五花肉層次分明，份量十足。充滿油脂，包菜食一流‼️☑️熟成醬油牛肋肉肉質嫩滑，醃得入味👅陣陣醬油香甜，單食或包菜各有風味~☑️餐後五小碟、水泡菜第一次試水泡菜，原來係凍食😱味道酸甜開胃，中和返岩岩食咁多肉既膩感~另外仲有醃魷魚、魚乾仔同蓮藕，款式幾特別😋最後套餐仲包埋一人一客主食~☑️平壤冷麵湯底夠凍，味道清新😚鐘意既可以加少少黃芥末食~☑️和牛泡菜炒飯炒得粒粒分明，挺有鑊氣🥰調味香濃，男朋友表示就算食完咁多肉都忍唔住食晒成碗炒飯🙂☑️韓國鰻魚 ($380)意猶未盡再試埋鰻魚🤤店員會幫手燒埋，手法亦專業👍🏻魚肉外脆內嫩，一啲都唔腥，點少少鰻魚汁更惹味~☑️蜂蜜雪糕 ($72)糕如其名🤣真係有舊蜂蜜係雪糕上面🍯都幾有誠意，唔係就咁得啲醬。整體唔算好甜，牛乳雪糕底亦香濃😜☑️義式經典提拉米底層係浸滿咖啡既手指餅☕配上cream、可可粉、朱古力碎，幾新奇~-📍Maekjeok貊炙📍灣仔港灣道30號新鴻基中心一樓104A，105A,106-108-#貊炙 #maekjeok #맥적 #hongkong #koreanrestaurant #koreanfood #koreanbbq #dryedgedbeef #和牛 #肉食 #熟成牛 #韓式扒房…查看更多

早上有野做，忙下忙下就變左食Tea了。餐廳標榜下午茶份量不變，一於就試試佢!蜆港蝦頭膏酸辣海鮮湯河 ($62)湯底酸中帶點微辣，配埋海鮮都幾夾~ 配料有青口、墨魚仔、蜆肉，配埋啲洋蔥、炸蒜，味道豐富。河粉份量十足，食完非常飽肚。越北綜合牛肉湯河 ($58)湯底清甜，生牛肉肉味濃、牛腩片淋身、牛肉丸juicy彈牙，口感味道各有特色，牛魔王一定要試下!清沅蒸粉包(兩件) ($22)無食lunch就加埋小食啦! 蒸粉包係越南既特色餐前小食，材料以豬肉、香料為主，再以粉皮包住。蜆港炸蝦餅 ($28)唔似泰式既咁脆身，外表微微焦黃，蝦肉彈牙。椰汁三色冰 (跟餐+$8)非常足料，椰汁味濃。薄荷青檸梳打 (跟餐+$8)清新之選，解渴解膩。…查看更多

最近韓劇又成為熱話🦑令人特別想食韓國野😝今次我地黎到新開既梨泰院試下，餐廳位於荃灣愉景新城。呢個商場係香港少有咁大咁闊落既商場，環境自然唔錯🥰食物選擇多，大路韓式野食都有，而且定價親民，仲免收加一‼️岩坐低店員就送上4小碟免費前菜，有泡菜、芽菜、蘿蔔同茄子，亦有其他收費前菜選擇~☑️辣雞泡魚($38)份量大方👍🏻辣醬都幾辣下，岩哂鍾意食辣既朋友仔🔥☑️原味脆爆炸雞半隻($78)半份都有8塊，配埋蜜糖芥末醬🍯雞肉熱辣辣，再juicy啲就更好啦~☑️原味紫菜包飯($58)經典既玉子、青瓜、蘿蔔、火腿☺️麻油味香~☑️海鮮煎餅($68)塊塊都好大塊，份量十足🤩內餡有香蔥、蝦仁、魷魚。☑️韓式牛肉炒粉絲($74)一上台嚇親😨真係超大碟‼️炒得有鑊氣，調味偏甜。☑️香蕉雲呢拿雪糕煎糖餅($68)第一次食韓式糖餅😛煎餅偏硬，中間有啲花生醬，再配埋雪糕同香蕉，幾新奇~ 總括黎講，餐廳開係商場，環境唔錯😚而且定價唔貴，部分食物仲可以加錢配埋飲品，份量又多，仲唔使加一，好抵食👍🏻CP值高😎…查看更多

漁道樂門面低調，入面竟然別有洞天🤩設有榻榻米座位，四周就佈置得充滿日本氣氛🇯🇵餐廳主打浜燒、刺身，每日由日本直送魚材到港🐟比較多時令款式係第度試唔到架😍而有多款清酒選擇，岩哂三五知己傾下計🥳☑️海鮮青芥沙津 ($128)海鮮有三文魚、拖羅粒等，每款都新鮮而且份量多👍🏻配埋帶少許青芥既醬汁、沙津菜同青瓜絲🥒開胃又清新~☑️生蠔刺身 ($68/隻)今日生蠔係產自赤崎，大粒飽滿☺️偏爽身，唔係creamy個種，充滿海水既咸香! ☑️秋刀魚刺身 ($298)第一次食秋刀魚刺身😳店員話只係呢2個月岩食架咋~ 估唔到又一啲都唔腥，同熟食一樣重魚味，但比想像中更易入口😝☑️味噌甲羅燒 ($78/個)差唔多每枱都會叫浜燒，我地揀左必試食甲羅燒🦀滿滿既蟹膏，加埋絲絲蟹肉、粒粒蟹籽同鵪鶉蛋🤤店員仲會幫我地燒埋💕食落先係creamy中帶點咸香，繼而鮮甜，口感同味道一樣豐富‼️☑️活貝盛合 ($398)海鮮係女朋友既至愛❤️4款分別係厚肉既帆立貝、鮮嫩既生蠔、彈牙既南非鮑魚同飽滿既蜆~ 店員燒既時候仲會加入少少清酒🍶令到海鮮味道更加香甜😋食完成個口都係大海既味道😛☑️海葡萄綠茶冷麵 ($128)一串串既海葡萄食落好似蟹籽一樣爽脆，不過咸香味更加明顯🤓清淡既綠茶冷麵，沾汁加上少少芥末，味道又幾特別😉…查看更多

哥哥添飯•妹妹泡茶，餐廳名幾有趣😂主打台灣菜，選擇挺多🤓裝潢文青簡潔，以白色為主，比人一種舒服小清新既感覺🍃坐落係商廈地下，相信lunch time都車水馬龍，不過今晚閒日食就唔使等位啦~☑️起司肉鬆蛋餅 ($26)好掛住台式蛋餅😭呢款皮薄，煎得香而不膩😋內餡肉鬆多，配埋芝士同蛋黃醬，簡單而好食👍🏻蛋香再重啲相信會更完美~☑️養生花雕鮑魚醉盤 ($128)呢款係星期2/4/6限定‼️以迷你兩層架，非常別緻☺️上層3款都幾入味，鮑魚彈牙，蝦肉爽甜，雞蛋溏心😋下層滿滿既醉雞，雞脾位多，肉質嫩滑~套餐配有3款前菜同小果物🍎椒鹽爆溪蝦香脆，醃苦瓜偏甜，漬物拼盤正常。另外仲有滷肉青菜🥬份量大方~ ☑️哥哥招牌塩麴雞乾拌麵 ($85)雞肉同樣嫩滑👅面頭佈滿塩麴，味道正常~ 乾拌麵有啲木耳、青瓜、紅蘿蔔絲、粟米同太陽蛋，口感豐富☺️不過本身調味偏淡，建議撈少少跟配既甜酸醬。☑️海鹽愛玉檸檬氣泡茶 (跟餐$22)檸檬氣泡茶又幾清新🥰愛玉亦非常滑溜，味道平衡! 略嫌海鹽味太淡😛☑️焦糖正山小種奶茶 (跟餐$16)奶茶竟然幾香🙈焦糖味都唔會太甜，外賣杯裝飲唔哂仲可以帶走~整體黎講，餐廳比預期中有驚喜☺️唔係千篇一律既台灣菜，餐單設計上亦偏有特👍🏻雖然定價比平時既貴，但賣相精緻，令人特別滿足🥰…查看更多