arhuen的個人專頁

收藏左一段時間終於有機會入黎試下，聽講仲係韓國人開。舖頭唔大，全店只得5張2人枱，去到時有窗口位坐。餐牌唔算多款式，落單時店員有禮貌，order左個二人餐，揀左比較多人推介既泡菜煎餅同泡菜豬肉湯麵，同埋一份原味蛋捲、半份炸雞。食物方面調味偏咸，味道一般，比較好食係蛋捲。整體而言唔太感受到韓國風味。:(飲品方面叫左香蕉牛奶沙冰同士多啤梨牛奶沙冰，正常發揮冇特別出色。有少少被網上吹捧反而有少少期望導致既失望。…查看更多

本身見新開張評分都唔錯，又見依家openrice訂座有85折，所以黎試下。食物方面，雞肉肉質比較嚡，而且有幾款食物都冇味道，想用鹽去調味，但鹽罐入面d鹽全部濕晒一舊舊，比較好既係清酒煮蜆，蜆肉大隻肥美。服務方面有待改善，9點半後啤酒買一送一，我問店員A可唔可以mix黑啤同白啤，佢唔清楚要去問經理，但等左好耐完全冇回覆，結果過左一陣竟然黎左兩杯啤酒，好奇怪，等緊回覆確定落單已經原來落埋單，之後我又問送酒黎個店員B咁係咪姐其實買一送一可以mix，佢又話要幫我問問，但最後依然冇回覆，然後等到個著西裝既經理見到我地舉手先終於解答到我地問題。兩杯draft beer都冇乜氣又唔凍，飲落麻麻地。不過環境裝修都唔錯，幾舒服。我明白新開張可能有好多方面都做得唔夠完善，但都希望可以真係正視問題。希望可以之後會改善可以有機會再黎試…查看更多

睇到網上有推介所以趁放假黎試下，聽講要排隊所以揀左中午早d黎食。去到大把位唔洗等直接入去。店員比較不太理客人，見到舉手都沒反應。座位比較迫，又沒籃子放袋。去到話未有野飲供應，但不到十分鐘隔離枱有野飲，有返野飲都唔會提下客人睇下仲有冇需要，初開張太多甩漏點了麻辣牛三寶麵，有點失望，湯底不夠濃，像普通清湯加辣，刀削麵太淋，牛𦟌有幾舊筋係完全咬唔到，其他都不出色。鹽水手撕雞，麻麻地，似麻油撈雞絲鹽酥三寶是比較好的一款，值得試，蕃薯條比較好吃，重蕃薯味。…查看更多

平時喜歡周圍覓食，最近係網上睇到呢間餐廳，環境同食物賣相相當吸引，於是放假就黎一試。下午五點幾黎到，冇乜客只有三四枱。我就點左小食拼盤，椰奶雞湯金邊粉同埋賣相好吸引既蝶豆花糯米飯。小食拼盤味道不俗，算正常。椰奶雞湯金邊粉，完全冇椰香味，湯底差，雞肉又乾又嚡口。蝶豆花糯米飯得個樣，味道一般，芒果唔酸唔甜，冇味道。員工服務一般，都只顧聊天同發夢，當時只有三四枱客，出蝶豆花糯米飯時好似遊雲咁唔知邊張枱，拎住佢繞場一週先知原來係我地既。而有幾個員工到送餐到露天那邊時亦不忘吸一啖電子煙先返黎繼續做野。…查看更多

收工同老婆去食宵夜，行行下突然見到呢間發記，本身對發記既甜品冇太大期望，但見到呢間有熟食又唔貴，加上老婆都想食甜品，所以入去試下。入面裝修其他發記好唔同，環境唔錯老闆推介炸魚薯條同黑松露磨菇意粉，本來都打算食意粉但唔太好菌類，於是點左個大蝦辣意粉，份量充足而且味道好，係預期之上，可以一試下次再去試試炸魚薯條再點左個榴連金寶，好重榴連味，適合愛榴連人士。服務好，味道中上，整體係預期之上，值得下次再試…查看更多

入到黎元朗搵食，行過b仔個邊見到呢間舖頭，舖面比較細，座位唔多，得幾個位，但都想去試下新野，所以入去試左佢既餃子。餃子係即叫即蒸，好多汁，佢個秘製醬好好味，加埋一齊好夾店員好好笑容，服務一流下次有機會入元朗會再幫襯…查看更多