Kaml._.的個人專頁

最近跟朋友去試新開嘅海港薈利舞臺，雖然開得喺銅鑼灣，價錢唔會平，但眼見都幾多優惠，但食物有驚喜！主菜部分，糖心南非吉品鮑扣關東遼參，估唔到食吉品鮑都可以咁平！野生玫瑰石頭魚二食，一條魚，有脆口，有鮮味，兩種食法滿足曬成枱人不同口味。瓦煲乾炒A4和牛河🍜，用靚牛肉加上瓦煲將香氣昇華，真係牛河天花板！長腳蟹肉文絲豆腐羹🦀亦係值得一試，蟹肉鮮甜，非常嫩滑，每一啖都好鮮味。原隻椰皇海螺燉紐西蘭花膠🥥，滋補之選，值得推介！最後嘅甜品部分就更加吸引，椰汁官燕、玫瑰花茶官燕🥣晶瑩剔透，一睇就知道膠質豐富，女士們應該會好鍾意，滋潤又養顏！埋單$2XXX，真係連酒樓圍餐都食唔到，但可以喺銅鑼灣食，仲要有吉品鮑同燉花膠，其實好抵食！推薦👍…查看更多

「璟瓏軒」呢間餐廳，其實我一直都有聽朋友講起，話佢哋個維港景色好靚。不過講真，以前睇佢哋個價錢都唔算平，所以一直都未的起心肝嚟試。今次咁啱見佢哋做緊限時優惠，個招牌京式片皮鴨平咗唔少，諗住試吓都無妨。去到之後，發覺佢哋個view真係一流，望住個海食飯，感覺好舒服。至於個片皮鴨，真係唔係啲平價燒鴨可以比。佢哋啲鴨皮燒得好香脆，入口即化，啲肉又夠嫩滑，配埋佢哋嘅京蔥同青瓜，味道真係唔錯。雖然佢哋本身唔係走平價路線，但係計埋個景色同埋食物嘅質素，今次呢個特價真係幾抵食。如果你都想試吓高質素嘅片皮鴨，又想搵個靚view嘅地方食飯，「璟瓏軒」呢個限時優惠可以考慮吓。…查看更多