主菜部分，糖心南非吉品鮑扣關東遼參，估唔到食吉品鮑都可以咁平！
野生玫瑰石頭魚二食，一條魚，有脆口，有鮮味，兩種食法滿足曬成枱人不同口味。
瓦煲乾炒A4和牛河🍜，用靚牛肉加上瓦煲將香氣昇華，真係牛河天花板！
長腳蟹肉文絲豆腐羹🦀亦係值得一試，蟹肉鮮甜，非常嫩滑，每一啖都好鮮味。
原隻椰皇海螺燉紐西蘭花膠🥥，滋補之選，值得推介！
最後嘅甜品部分就更加吸引，椰汁官燕、玫瑰花茶官燕🥣晶瑩剔透，一睇就知道膠質豐富，女士們應該會好鍾意，滋潤又養顏！
埋單$2XXX，真係連酒樓圍餐都食唔到，但可以喺銅鑼灣食，仲要有吉品鮑同燉花膠，其實好抵食！推薦👍
