tsuen0404的個人專頁

短短一條民合徑有幾檔燒烤，呢個位又開檔新既，佢話自己開咗兩個星期，唔知係咪呢個名。Anyway, 行過肚餓打完風得兩檔開，行埋去見到盆'大'魚蛋冷冷清清結咗冰，呀唔係，結咗層油，見有幾塊餅好飽滿咁，即管要塊牛肉餅，點知即焗喎要等，最終等咗我十幾分鐘，至於好唔好食...咁即刻出壚熱既就唔會難食得去邊囉，$28蚊又唔算好貴。等等吓佢炸起咗啲大既咖喱角，立方體幾得意，$15蚊四大粒或者六小粒，可惜眼闊肚淺，比一齊等嘢食既兩公婆買咗。嗰兩公婆買咗幾串燒烤，又鹿又羊，即燒所以佢地都要等十幾分鐘，睇住幾串嘢由生燒到啱啱好，佢地話好味喎。其實，我唔介意等，不過如果對住嗰兩盆係糖水，我食住等仲開心，例如冰涼綠豆沙、腐竹糖水咁，好過我對住盆冷冷清清結咗層油既大魚蛋...…查看更多

食完勁口渇兼頭痛的一碗$48蚊牛腩河，粉麵同價，無分咩腩。牛腩，唔腍咬唔郁，鞋口。湯底，唔鮮。幼麵，未熟，好無奈唔食住等啲麵腍啲先食。最慘真係食完勁口渴兼頭痛，睇屯門嗰邊的食評話餐牌寫明唔落味精，我冇留心元朗呢間新舖有冇咁寫，不過食完我飲左兩大杯水都仲口渴兼頭痛囉。…查看更多

細細間舖，有點心有蒸飯，有圓枱幾個位可以堂食。點心新鮮好味，食過燒賣、叉燒包、糯米卷、咸肉糉，叉燒包同糯米卷都皮厚餡薄，反映出小本經營困難 XD，不過真係好味，如果你食過唔新鮮既點心，你就會明白我點解讚呢間啲嘢好食，而且食完唔會有味精反應，唔使狂灌水。個人最鍾意燒賣，咸肉稯$22唔大隻，足料好食，軟硬適中，綠豆夠軟但又唔散，不過我食得好狼，留意唔到係咪冇咸旦黃。食材好、用心做、新鮮熱辣，塊被厚啲我都滿意收貨。…查看更多

年初二晚，冇咩地方食野，路過見呢間野價錢街坊裝修簡潔幾好咁，啲枱又靈活，啱我一個人坐。睇門外掛左餐牌，本來都諗住叫個客飯套餐，四十左右有飯食有野飲，加幾蚊又多啲野食，幾好咁。坐低有個大家庭老老少少嗌緊野，一人一句侍應姐姐好好心機解答咁，都係有選擇困難症唧的我見隔離枱嚟個魚套餐，最後我要左紅衫魚，「封煎」，靚仔侍應哥哥好詳細解釋，佢越講我越肚餓，靚仔侍應哥哥仲安慰我封煎魚會快過清蒸，我唔使真係要等15-25分鐘咁耐。封煎的確好味過煎，而且魚腹處理得好乾淨，更加好好味每部份都食得暢快。魚好味！封煎魚好味！封煎紅衫魚好味！$68有野飲有菜的封煎紅衫魚好味！年初二都係$68有野飲有菜的封煎紅衫魚好味！感激救我一餐，又抵又好味！…查看更多

在靜英英的青洲街見新開的，買了兩件$12炸雞趕頭趕命就走。返到去打開食，嘩，冇諗過好食！脆漿薄有肉汁，夠入味，炸雞算大件。搵次要試試PIZZA先，不過堂食位得幾個，都係叫外賣算啦。…查看更多

 午餐叫左䓤油豬扒煎蛋飯&叉燒煎蛋飯&茄汁肉片飯。有碟影到相，因為那位仁姐唔出聲係咁食係咁食，清晒佢先啋我地話好食喎，哈哈哈。睇相就知唔係開個豆粉慳成本難食到爆個隻啦係咪，豬扒幼嫩有兩大塊，叉燒厚肉又多！有造型有味道有誠意，裝修壞舊地方乾淨，唯一開始不滿係越來越多人知佢好食，而家成日要搭抬，睇怕遲d要排隊囉。…查看更多

個幾月來日日行鬼咁遠先有巴士搭，好在發現了這間勁好味的「廟街小食」，咩都抵番晒！呢幾日巴士又改左我本應唔使再去油麻地，我都係照行去，因為實在太好食喇！個人最愛燒雞肶($15)、燒雞全翼($10)、燒雞中翼($10)&燒羊肉($8)，入晒味燒雞翼我鍾意食嘛。早幾日見有大條秋刀魚($13)，又係正到爆，呢類雪藏魚難整得好，哈，呢檔野又竟然燒得咁好食，入味唔乾柴又唔腥，我食到冇晒醬叫佢添又快手，正！仲有加分位係佢有幾個烤爐，唔使點等好快有得食，今晚嘆完燒豆腐($8)&燒雞翼尖($6)，條秋刀魚就啱啱燒好喇！食到忘晒形完全忘記身處油麻地鴉打街，忘形嘆緊之際有幾件洋妞問我Can U speak English? How much呢呢呵呵咩咩差，即指住老板話He can speak English，咪鬼阻住我食好野嘛！咱們係國際之都香港喎，邊個香港人唔吹得幾咀粵英普先得架。 日日食好味燒烤串，實在都好驚爆瘡，貼住就有檔即搾果汁，買杯潤潤先，$18蚊夠大杯生果新鮮冇腐味，正！…查看更多

今日成兩點先至去飲茶，今次真係要讚一讚，d食物水準正常番晒！招呼由唔掂去番一般！前排附近有另一間酒樓轉手，搶走左d客(包括我)，個排呢間野野食勁唔掂服務又差。今日年初十，d長輩話要去呢間好彩飲茶做細既邊有得say no架，諗住求其飲餐茶冇期望，吓，點知d點心ok噃，豉椒排骨炒麵雖然冇咩豉椒味but麵與餸分開上冇話淋晒，呢樣得到我地一致好評啦就！…查看更多

今日叫外賣，炒飯+湯+凍檸茶，個例湯真係唔係「例」個隻，係家庭式老火湯，正！最緊要d野食係冇味精！不過呢，佢地d檸檬係唔酸架！我第一次幫襯是大約兩年前，主打是每日午餐5精選+老火湯，每次個老火湯都唔會令我失望，不過賣晒就冇！！以茶餐廳黎講水準幾好架喇，堂食既位唔多，都係叫外賣穩陣d。…查看更多

這間舖幾個月前已改名(轉手？)，而家叫「食得棧」，主打是每日5精選+老火湯，仲有，型佬老板+肥肥地美女老板娘。呢幾個月以來幫襯過好多次，每次個老火湯都唔會令我失望，$28有飯有湯，加$2有熱飲加$3有凍飲。茶餐廳黎講水準幾好架喇，最緊要係冇味精！堂食既位唔多，好多人攞定張每星期精選打落去叫外賣送過去。有次試過叫是日精選既蒸魚，但係冇劏淨，即係魚檔求其劏佢冇再整乾淨d咁，扣晒分囉。幾個月前第一次幫襯，係因為行過見到門口有野我想食，就樁入去，但係搵唔到餐牌有，我咪問個哥哥仔囉，佢口都窒埋，竟然答我話廚房有咩就先有囉，吓咁搞笑？！咪叫左個好大路既野，點知有個幾高有鬚既男人係廚房好cool咁答哥哥仔話冇個樣，吓？！咁要第二樣囉......無奈......未食麵先上湯，個湯係老火冇味精，好好味，好驚喜。食飽行過對面馬路想睇下叫咩名諗住上openrice睇睇，先至發現佢地連招牌張紅紙都未除。按地址搵到但係講既係上手d野，咪諗住幫襯多幾次先幫佢寫返個食評。有時晏左去，d是日精選有d款會賣晒冇咩得揀，不過叫扒餐都好好食，價錢都係一樣，我通常要意粉，好味d架！扒係雪野但都煮得好味d配汁又正，一樣有老火湯送。過左4點先去，個碗湯會勁多渣架，正！佢地收6點，星期日唔開架留意。冇影相，費時比佢地知係我寫佢啦今日去哥哥仔話鬍鬚型佬老板今天生日，但我到走都未再見到佢，在此同佢講番聲Happy Birthday！生意長做長有！…查看更多