mo17的個人專頁

今日去到唔駛排隊，不過塞滿晒人，個display 櫃又堆滿冬甩，要了一個玉桂糖衣，一拎上手，凍既，便知道衰O左，等於食緊凍冰冰既牛"利"酥，你話用12蚊買半個牛"利"酥體積既冬甩值唔值就見仁見智。…查看更多

佢\\\d麵包價錢係石硤尾區唔算平，但成日都會食到有驚喜o既配搭，好似芋頭包同蘋果酥包，出邊好少有，仲有栗子撻，佢\\\地唔似出邊咁d栗子蓉溝大量忌簾，值得推介。…查看更多

看似用$168有130種食品選擇好似好抵食，但犯了一般任食通病，有頭威冇尾陣，1至3人仲每次最多選擇6種食品，你唔好以為係咁入order紙咪得law，佢地係會hold起你d order 紙，初初食品都出得幾快，但一到7點3左右，全院爆滿時，食品出得極慢，又漏單，差不多半個鐘先至1 round。到最後係全餐廳order 同款食品先至1 log 上。唔係想像中咁抵食。雖然現在新張營業有八折，一句講晒，應該冇下次。…查看更多

23蚊套餐有什麵一碗加油菜一大碟再加豆漿一杯，唔係嘩眾取寵，完全真材實料，值得堆介。…查看更多

試了魯肉麵及lunch set (菜脯炒蛋及時菜)，時菜係必跟（當一個餸），不過有ｄ誤導，因為門口張傳單寫２餸１飯收$28蚊。個魯肉麵係乾撈，上面鋪左炆得好味既超肥腩肉幾件加鹵水豆腐幾件，腩肉真係超肥，不喜肥者叫回牛肉麵會好ｄ，lunch set 菜脯炒蛋portion 略細，味道都可以，如果以brand name黎計，都食得過。…查看更多

過埋12/25，餅店就再唔會係地下出現，cheese cake 由$18 食到依家加到$25，質素始終冇變，變o既係由齋一舊cheese cake 變到上面多左條朱古力同raspberry做裝飾，難能可貴，再加上chocolate truffle 同mango mousse，你話點可以受得住誘惑？…查看更多

一打開lunch set menu，起碼有成二十款以上揀，好，點左個什錦石頭鍋飯，先黎前菜，同夜晚一樣好味，抵讚，再黎石頭鍋飯，亦同夜晚一樣有個待應係你面前撈辣椒醬，絕冇揸流灘，份量亦同晚市一樣大，三個女仔去叫兩個set都一定食得飽，有湯有生果跟，仲要唔收加一，真係好抵食。…查看更多

個海南雞飯買成36蚊，唔算平，呢個價錢可以有更好選擇，o的雞肉好“鞋”，點o個個汁唔夠味，黃薑飯略硬及乾，不過我老公個lunch set 咖哩牛肉飯佢話幾好wor！…查看更多

睇左上一個食評，照辨煮碗點了新鮮什菜麵豉醬，用一個成十寸直徑既石碟上菜，o的豬肉真係好惹味，再加一籃非常非常新鮮既生什菜，十二碟好味既前菜，我同我老公兩個人食到行唔郁，雖然成三百元，好似好貴，但此份量絕對足夠四人用，再睇埋附近o的人食乜，樣樣都好吸引，已經決定擇日再賽其他食物。…查看更多

尋晚唔舒服，夜媽媽，去邊度買粥食？記得網友話11/3開始開夜市，唯有叫老公放工時買碗肉片粥我食，一畢碗粥，仲乜杰到似漿糊？再食，又再一次令我失望，仲乜要落咁鬼死多味精，唉，唔通真係創業難守業更難，你叫我點會唔投向生記o既懷抱？我終於知道點解妹記要開夜市黎救亡la。…查看更多

收$138蚊有各式各樣東南亞美食，刺身冷熱盤甜品加埋起碼有成六，七十種，雪榚仲要係papagello，雖然tiramisu同栗子mousse o的魚膠粉落重左手，但overall都係抵食o既，好過好多其他地方，HSBC credit card 有15% off。俾咁o既價錢有咁o既質素係食家賺左o既。…查看更多

唔係老公返工返呢頭，真係唔知有間咁既舖頭，裝修普普通通，有o的街坊feel，但居然佔兩個大舖位，如此貴租仲頂得住，必然有個人之處。栥飯即叫即做，可加錢多加其他配料，如砂糖，多d炸菜，多條油炸鬼，肉鬆，有坊間少有既足料咸豆漿，最驚訝係居然有湯丸加豆漿，本人從來未係出面見過有，o的湯丸拍得住松記，仲有個上海雲吞o的皮薄到呀....雖然索價十七大洋，但非常好食，唯一美中不足係標價十九大洋既鹵水鴨舌/腎，祇得幾條，有點到喉唔到肺，可能鴨舌來貨貴掛。…查看更多

我住係附近, 幫襯左十來次,一路都覺得平平無奇,從來唔知呢間店咁出名,直至上呢個網,先知佢個名響噹噹,雖然佢o的魯肉餃同菜飯叫做好食,但係佢o的雜麵,芝麻糊同碗仔翅不是太好,雜麵祗可說是大堆頭,尤其是蘿蔔,一定是用大量糖去煲,勁難食,豬腸又有異味,真唔明白點解咁多人話好,係街坊既話,選擇某幾款食品無妨,如果專登搭車o黎搵食既人,通常都會抱好大期望,咁佢地應該會好失望.P.S. 無可否認,此店確實係一間有heart 既店!…查看更多

今天吃了木糠布甸,嘩...........點解同我係澳門食o既爭成十萬九千里,完全唔係o個回事,如果你問好唔好味,我會話ok, 如果你個笑臉係俾木糠布丁甸, sorry, 我真係無法認同.…查看更多

last night 吃了海鮮喇沙,唔知係咪bali 製法, 冇喇沙葉同滲滲變成米線, 湯底夠濃同夠椰汁味.可以一試........o既!!!!…查看更多