上海真美豆漿大王

唔係老公返工返呢頭，真係唔知有間咁既舖頭，裝修普普通通，有o的街坊feel，但居然佔兩個大舖位，如此貴租仲頂得住，必然有個人之處。
栥飯即叫即做，可加錢多加其他配料，如砂糖，多d炸菜，多條油炸鬼，肉鬆，有坊間少有既足料咸豆漿，最驚訝係居然有湯丸加豆漿，本人從來未係出面見過有，o的湯丸拍得住松記，仲有個上海雲吞o的皮薄到呀....雖然索價十七大洋，但非常好食，唯一美中不足係標價十九大洋既鹵水鴨舌/腎，祇得幾條，有點到喉唔到肺，可能鴨舌來貨貴掛。