inlytse的個人專頁

行開附近，見到間居酒屋，以為只有串燒，點知中午係定食，門口有曬餐牌，仲有前菜同面豉湯同飲品，無加一（非常好😂）就同朋友決定試試。入到去就有人介紹黑板上寫個2款係個個禮拜唔同，朋友叫個蜂蜜芥末醬燒雞扒定食，我就生薑黑毛豬定食，自助掃Qr曲落單。個蜂蜜芥末醬好好味，原來係老細（大廚自己調教）黑毛豬都好好食，好大份，一碗飯都食唔曬，仲話可以添飯，宜家呢個時世真係家庭式先有咁抵得諗，可能去得比較晏無乜人，唔想等位可以避開中午時間，食得舒服d。下次夜晚試試串燒先，有做優惠…查看更多

生日吃咩好呢？見新開張，就去試下泰式火鍋啦~湯底有6款，都好泰式，可惜我最近唔食得辣，所以揀左香噴噴耶雞湯滾起左當然試試個湯底啦，哇~一個字，濃~好濃椰漿味（不過香料同雞味就無乜，下次麻煩香料加多點）好肚餓關係，無乜點影相，吃左先講啦~上配料啦，任吃嚟講，選擇唔夠多，但算新鮮同好吃，不過不失。係店鋪中間有個自助餐吧，熱盤冷盤甜品醬料都有，醬料好泰式，紅蝦仔，魚露，泰式甜醬油，出面吃幾千蚊火鍋都無。熱盤最有驚喜係個蝦片😍，好脆，好大片，超好吃最值得一贊係服務，招呼服務都好好，幫我地開埋飲品蓋😂我仲笑佢係米係海底撈俾人挖過檔~希望可以keep到咁好ge服務，下次嚟要試試冬蔭功湯底先😍…查看更多

下午買餸前專登去試下呢間手作拉麪，環境一般，但招呼好好，客人不多。叫左個下午茶＄39蚊送熱飲，性價比一流我叫ge係豚肉原味拉麪（我試任何嘢都喜歡先試原味），有3片幾香口豚肉，係薄左小小（＄39我接受），一隻流心溫泉蛋，蛋黃同小量蛋白都係流心，仲蛋味濃，同我吃開日本蛋一樣味，應該係日本蛋。口感好過x蘭，豚x。配料仲有玉米粒同雲耳絲。主角當然拉麪同個湯底啦，先試一口豬骨湯，滿意，不油膩，只稍嫌淡口左小小（真系無味精，所以淡口好正常），重口味者不要選擇。我加左＄5黑蒜油，香好多。再試一口手作拉麪，幾爽口，無傳聞中ge鹼水味，我好欣賞，份量都多，我都剩左面同湯無飲嗮。（平時去其它吃都食得嗮）建議湯可以濃返d，係濃唔係重口味，等面可以掛帶湯更加好吃。下次再試試紅蝦湯…查看更多

聲明：我無接受此店鋪任何免費款待，優惠或免費試吃，本文純粹自己俾錢去吃的吃後感。（宜家要寫聲明先出得文😒唔系就會‘有機會觸犯商品說明條例’…………開始好驚吃野都犯法）下午肚餓，路過呢間新開又主打吃雞。見下午茶唔系貴又得一個人所以入去試下。文昌雞套餐＄53，跟餐有一杯椰汁菠蘿冰（味道）。主菜有骨文昌雞一碟，份量都幾多，夠肥。肉質一半唔算鞋（我呢碟已經係雞髀位）最後膩得制吃唔嗮。一碟小吃沙姜豬手3件，吃落好似啱啱係雪櫃攞出嚟再淋汁（因為好夠凍），肉完全唔入味，個汁得小小蔥味，醬油味，說好的沙姜呢……一碗雞油飯，最好吃呢個，雖然油左小小，不過夠香，吃嗮。呢個就係甜品，紫薯西米露。甜品係同套餐一齊上，連羹都無，要問侍應攞。最後吃已經開始出水。味道不太甜，但無紫薯味，得腐竹味一句講嗮淡而無味。下午茶無加一，份量夠，味道一般，杯野飲開頭幾好（罐頭椰汁），飲飲下混合左罐頭菠蘿汁，味道極怪，剩3份2飲唔落。…查看更多

最近係呢邊上堂，因為次次時間太夜，就算係隔離都試唔到呢間，今日可以早d落堂吃到啦。紅米～聽個名都知要吃飯啦～味道唔錯～上圖～有四款汁揀，不過本人唔好汁，所以無要汁。但無汁就可以試真d肉味。夠嫩滑，雖然有條大筋係邊位，不過吃得西冷就預左會有筋。專登配左飯，一碗飯份量啱啱好，返香軟硬適中，應該係泰國米。另外加左個羅宋湯$9同冷盤拼盤$15，抵吃又好味。個湯就好失望，雖然飲得出無味精唔係罐頭，但系咁多料都咁淡味，有後加水的嫌疑😡最後一個人吃左$81.無加一，環境光猛舒服，服務幾好，姐姐好有禮貌…查看更多

去澳門泰國都會吃下魚翅，今次過澳門朋友推介呢間譚家，本來有吃開附近幾家都唔錯，咁呢間有人推介，姑且試試～入到去有環境不值一提，加埋我地得2枱客人，隔離枱仲未上菜，咁就坐低叫野吃啦～誰知，一上菜已覺得中伏……叫左一個單人餐198，黃金軟腳蟹加煲118佛跳牆。煲佛跳牆雖然係平，唔該都俾多d雞汁啦，無聞無味……翅一小片，鮑魚，魚肚其實唔知有無，因為吃左舊有硬有行味ge物體。花膠，我煲湯個舊都好吃過佢，得一舊手指公咁細。軟殼蟹……油淋淋，死鹹，已經無乜肉仲有糜……最後吃左＄431，埋單個時聽到隔離枱都話d野超難吃。即刻俾完錢去我地吃開個間叫返個翅補數～…查看更多