fatduck.foodie的個人專頁

灣仔嘢食多，但數台灣嘢，依間台灣菜小店，絕對係我會encore再encore嗰間。舖頭叫饞-台式食堂，喺廈門街，主打價錢親民嘅台式料理。餐廳裝修以暖色為主，感覺青春。1.藥膳排骨 配手工滷肉飯 $ 78+$12依一個好好食，排骨充滿藥膳味，肉唔會煮得太淋但入晒味，配合返佢地既腐乳醬食真係好夾。平時食羊腩煲先會配呢個醬，但今次藥膳排骨點腐乳醬真係仲夾！忍唔住食左成碗飯😂湯底有當歸杞子等藥材去煲，冬天飲一口即刻暖晒！好有當年去台灣食既味道！推介指數：🌟🌟🌟🌟🌟2. 半筋半肉牛肉麵（陽春麵）$86湯底3選1: 紅燒/麻香/蔥香都底：陽春麵/刀削麵我揀左紅燒湯底同埋麵我揀左陽春麵，牛肉炆得入味又唔會太糯，都夠彈牙爽口，湯底好順喉飲完又唔會口渴，整體唔錯。推介指數：🌟🌟🌟🌟3. 小食：鹽酥雞 台灣香腸拼盤$68我好鐘意個台灣香腸，呢個香腸雖然肥豬肉比平時既台灣香腸多d，但唔會好漏，非常彈牙有咬口，外皮香脆，肉彈牙！好食鹽酥雞味道如果可以再濃少少（我地可能比較重口味😜），同埋皮再薄脆就更加分！推介指數：🌟🌟🌟🌟🌟4.其他嘢食：肉燥青菜$25仙草奶茶 $17 跟餐價（單點$27）茉香珍珠奶茶$19跟餐價（單點$29）嘢飲沖得唔錯，好喝！期待下次再嚟光顧👍…查看更多

好耐冇食蒸海鮮，朋友介紹話小漁港又抵又好食，一於去試吓。去到舖頭，又幾多人喎，應該好食，隨意叫個套餐試吓。先上刺身，無expect過海鮮店嘅日式刺身既質素都唔錯，夠新鮮，又鮮甜， 帶子同中toro都好好食，三文魚腩都唔錯。跟住上左個避風塘鮮魷，外面好鬆脆內好嫩😋第一輪蒸海鮮，一上台，鮑魚雖然已經劏左但仲識得郁😮蒸完之後海鮮無咩縮水，帶子好大飯好厚肉，好彈牙同埋鮮甜； 鮑魚蒸既時間岩岩好所以一樣鮮甜彈牙。我地食既果一餐包兩隻大花竹蝦，呢隻size街市一斤都要$240-$280一斤(5隻左右）。第二輪食蟶子皇！蒸3分鐘左右就ok!蟶子都係好高質，好大隻好甜！跟住就食搞口同埋蠔，呢兩樣都係好新鮮，甜到汁都唔好放過要飲埋！跟住食蒸蟹，隻蟹靚到傻，勁多羔！食左幾輪海鮮，開始飽飽地，本身對於呢一輪無咩期望，諗住隨便食一兩舊雞。點知個烏冬先正。索晒蟲草花蒸雞既味同埋有荷葉既清香，食到我地停唔到口。好好食呢個一定要試！最後就係佢個粥，索哂啲海鮮精華 冇得輸！小漁港有自己既魚缸，食住原同既海鮮，難怪我地食既海鮮咁新鮮，有別於其他一d蒸海鮮小店。下個月一定再嚟食！…查看更多

今次去食左一直好想試既火鍋店，幾年前金剛小儀推介做節目推介過，當時已想試，但一直都拖到而家，我地兩個人叫左佢地招牌既花膠雞湯底（2人份）！金湯底入邊有半隻雞同埋有5-6塊 Size唔細既花膠！我地先食雞食花膠飲湯，雞是有先預先醃過所以有少少咸雞味但唔會好咸，花膠係幾厚實既雪魚膠，湯頭無味精，好有住家味既花膠雞湯，總之就係好飲！花膠雞湯底（半隻雞）$308兩個人打邊爐，真係比較難叫餸，我地盡量每類叫少少試下。叫左手切頂級安格斯牛肉$268；鵝腸 $98，牛骨汁濃湯牛丸$48（4粒）；帶子鮮肉餃$60（4粒）；紫薯麵$25；桂花蚌$158；響鈴$48，唐生菜$38。最令我驚喜既係牛丸，多汁又彈牙！ 好多嘢食，下次一定叫一大班人嚟試！臨走前念念不忘，睇一睇個招牌，重發現餐廳都拎過唔少獎！…查看更多

住東涌咁耐，一直想搵啲好食嘅餐廳，直至我發現佢，大頭蝦南風海鮮酒家。餐廳好隱世，係條小巷入面。有室內外座位，用膳當晚非假日但都幾乎全院滿座。叫咗幾個招牌嘢食：1. 四川麻辣雞煲 （半隻雞 $198）雞肉嫩滑，辣度唔會太辣適合食少辣既人士食，如果平時食開大辣既人士可能要求加辣。雞有醃過所以好入味。2. 南風燒鴨 （例牌）$88無諗過食泰國嘢既餐廳有燒味食，質素仲唔錯。燒鴨唔會乾爭爭，好juicy，同埋唔會有鴨‘蘇’味。如果皮再脆D會更好！3. 冬陰公浸蜆 $88 呢碟蜆十分高質，大蜆隻隻飽滿完全無沙，仲好鮮甜。冬陰公湯底略咸因為佢地唔預你當湯飲，但係冬陰公既酸甜完全帶出左大蜆既鮮甜味出黎，打緊食評時已經想再去食。走嗰陣，見到餐廳有現場炭火即燒乳豬，但要預訂。下次一定要黎試試。…查看更多

中菜日本嘢西餐食到悶，醒起朋友話過尖沙咀有間叫Anjappar嘅印度餐廳幾好食，就捉咗個fd一齊去食吓。一去到餐廳，見到環境好大好闊落，有唔少香港人喺度食緊，相信啲嘢食應該唔錯。坐低咗，員工熱心地介紹菜色，好，就信佢嘅推介☺️！Chicken Lolly Pop 雞肉棒棒糖($75)第一道菜，紅色嘅印度炸雞棒，雞皮炸到好脆，醬汁甜中帶辣掛哂喺件雞度，好好味😋想食埋嚿骨。Mutton Seekh Kabab 鐵板羊肉($190)依個係店員極力推薦我食嘅菜色。一上菜就聽到鐵板嗶哩吧啦嘅熱氣騰騰嘅聲音，翻開面頭嘅椰菜洋蔥青椒絲就就見到主角羊肉串，一啖咬開就食到個獨特嘅香料味道，好過癮！Butter Chicken Masala 印度牛油雞咖喱($120）雞肉好嫩滑，咖喱汁辣中又帶用牛油香味，真係好想叫個白飯撈嚟食😋Garlic Naan 印度大蒜烤餅 ($40）印度烤餅又係一個無辦法唔點嘅食物。烤餅熱辣辣咁上枱，外脆內軟，蒜蓉味香，蘸住唔好多咖喱汁食，簡直係一絕。Butter Dosa 牛油薄煎餅($70)好大塊嘅印度薄餅！脆卜卜好大牛油味😋重配撘4個印度醬料去食，打卡一流😙Bamboo Mutton Biriyani 竹筒羊肉炒飯 ($130）等咗成晚嘅終主角上場。店員喺我哋嗰面前將嘅飯喺個竹筒倒落塊大葉上，成件事已經好impressed。炒飯係用咗印度細長嘅米去炒飯，羊肉大嚿連骨同筋膜，完全無羊羶味。飯粒煙韌，啖啖都充滿印度香料味，好啱鍾意濃味食物嘅朋友😋Mango Lassi 芒果奶昔($35)一坐低梗係飲杯嘢先。食印度嘢唔叫Lassi就同去pizzahut唔食pizza一樣。Mango Lassi堪稱係印度餐飲嘅靈魂，以新鮮果肉同鮮奶調制而成，唔死甜，好smooth好好飲！…查看更多

不久前睇咗youtube大島與龍威嘅channel，介紹咗依間在港japanese經常會光顧嘅居酒屋。咁耐都未去過日本旅行，又想感受正宗日本味道，就約咗三五知己去依間居酒屋食晚飯。一入到去，個裝修係真係日式傳統居酒屋格局，要除鞋坐入去榻榻米。叫嘢食之前，當然要叫杯sapporo 嘆吓先啦。之後點嘢食，叫咗薯仔牛肉、博多雜錦煮物、脆脆豆腐沙律、鹽燒牛舌、辛辣明太子、鰻魚蛋卷（隱藏食物，menu冇的）、浦燒鰻魚、油甘魚刺身、炸蝦天婦羅、牛肉薯餅，重有個牛腸鍋（唔記得影相😭）。我覺得啲嘢食真係好似屋企餸嘅，味道合格啦，唔怪咁多日本人去食！…查看更多

有日即興約咗個friend去尖沙咀食飯，想又飲又食，就去棉登徑搵間日式串燒鋪飲下酒吹下水。成條棉登徑，得依一間有位，就走咗入去食。去到，諗住上去openrice睇下有乜嘢食推介，見到openrice訂座話有85折喎，咁咪即刻叫個侍應嚟問下我哋即刻openrice book枱可唔可以都有85折囉。個侍應話問完之後都係唔俾，我心諗算啦，15%就當刺激吓經濟，不過就好唔明白，既然即日都book到枱，點解唔可以俾埋個85折食客，等大家可以開開心心呢？嘢食呢，講真就真係好麻麻啦，全部肉都燒到乾噌噌咁，我話要辣啲，又唔辣😮‍💨好食就話會再嚟，依家直頭係難食，唔會再幫襯😮‍💨…查看更多

喺東涌住得耐，就會好期待有新嘅餐廳可以帶啲新嘅菜式進入依區，刺激一吓我嘅味蕾。咁墨西哥菜我真係未食過，於是一於去試吓。嘢食點咗個鐵板雞肉同炸雞翼，不過不失啦，試過就好。…查看更多

雲吞麵其實就係一啲平民嘢食嚟，唔會expect佢貴得去邊。咁但係麥奀記做到連鬼佬都識，咁自己有個港價要消費者去俾嚟食啦。叫咗個二人套餐，叫咗炸醬麵、蝦子撈麵，一碗水餃同一碟油菜，再加兩杯豆漿。炸醬麵就麵底比較乾身，唔油潤，冇落豬油，如果有埋豬油個麵會好食好多。蠔油蝦子撈麵就比較遜色了，蝦子又少蠔油又冇乜味，食咗好似食個淨麵咁，真係冇下次。水餃就不過不失啦！埋單200幾蚊，兩丁友食得唔太飽，我下次會叫多啲嘢食。…查看更多

有時想食幾件壽司，食omakase又貴又要預先book枱，先啲連鎖式平嘅又唔係話好好食，唔知食嚟做乜。立鮨嘅出現，幫我解決咗我嘅壽司癮。雖然立鮨要食客企喺度食，但咁平嘅價錢去食omakase質素嘅壽司，去邊度搵？…查看更多

同朋友去咗將軍澳同日出康城睇完樓，行到勁攰，夜晚就想食翻餐勁嘅去補足返日頭消耗嘅能量，係諗緊食乜之際，突然醒起滙豐信用卡去牛角食飯有優惠，就去食牛角。兩個人食，叫咗匯豐卡持有人先有嘅二人餐，加多份多春魚。再叫多兩杯嘢飲。燒肉拼盤 - 最期待嘅燒肉拼盤，包羅萬有，有牛肩肉、牛小排，牛舌、五花腩片、雞柳同拼盤中間嘅主角，日本九州極上黑毛和牛西冷。其他肉一般般啫，但個黑毛和牛就真係好食，夠肥，入口好快溶，唔錯。成餐飯兩個人埋單900幾蚊，抵唔抵見人見智啦☺️。…查看更多

Happy friday，同同事放工後想搵個地方食吓嘢飲下酒，又唔想去酒吧，就唯有去附近一間居酒屋chill吓，就係魚治。Atka Mackerel （花魚一夜干）- 居酒屋必叫嘅魚，唔錯。Squid with Squid Liver Sauce (燒魷魚配魷魚肝汁）- 燒魷魚好食就緊㗎啦，配埋魷魚肝汁去烤，好好味呀！Manzoku Tuna and Sea Urchin Sushi Roll (滿足壽司）- 成口又吞拿魚又海膽又蟹肉又三文魚子，真係好滿足！Wagyu Yakisoba (和牛炒麵）- 關西味道嘅炒麵！Thick-cut Beef Tongue (炙燒厚切牛舌）- 全晚最佳，牛味勁濃！另外重叫咗烤雞翼同烤豬頸肉，都好高質，我絕對會再去過！…查看更多

朋友約食飯，想食間特別少少嘅餐廳，就揀咗依間齊魯家宴。一入到去間餐廳，個裝修感覺好山東feel。我哋被安排去包廂坐，問下服務員有乜好食，就點菜了。青島蒽油頂級海蜇-海蜇爽口彈牙，同蒽油味好夾。山東涼菜-好特別嘅涼菜頭盤，魷魚鬚好彈牙新鮮。香樁煎蛋-好似菜脯炒蛋啲friend，味道唔錯的京燒羊腩-成晚最出色嘅餸菜，羊腩外層沾咗炸醬去炸，外脆內軟，肉汁澎湃，極之好食。手抓羊肉-原本個名唔記得咗了，服務員話用唔同京燒羊腩嘅羊整，期間限定，叫我哋要點嚟試。羊肉無乜羶咩，拎起身啖啖肉咁咬，正😄。另外重叫咗羊肉餃子做主食，都唔錯。…查看更多

我喺中環返工，就梗係唔知點解時不時會想食壽司。鮨樂係我經常lunch光顧的壽司店，食材新鮮，在中環黎講價錢唔貴，座位唔會太逼，亦都唔洗排好耐隊，另外外賣仲有優惠。竹 壽司盛合 （10件）壽司飯溫度微暖，酸味適中，飯口感亦可以。魚生方面都尚算幾新鮮，當中最想讚佢嘅吞拿魚赤身、油甘魚同中拖羅，魚味濃，油香重，唔錯。重有要提嘅就係佢嘅蛋壽司，好好食。但唯一樣野有意見，就係有一兩次食到魚生有魚鱗，呢樣野鮨樂需要注意。…查看更多

當日星期日晚，遲左去街市買餸，成6點先去到，加上休漁期係冇乜靚海鮮。當天買到既海鮮可能唔係太新鮮，加工後我哋覺得味道好一般，但理解既係廚房得老細老人家同另一個男人煮，根本忙不過來。椒鹽瀨尿蝦-呢一個係果晚最好食既，瀨尿蝦夠新鮮，炸得透同埋加埋椒鹽既調味好野味！薑蒽炒蟶子-原本叫左薑蔥炒蟶子王煎米粉底，但上台變左豉椒炒蟶子王，蟶子仲要腥既，唔知係蟶子唔新鮮定點，全晚最差😮‍💨蒜蓉粉絲蒸仙貝-不過不失花雕蛋白蒸像蟹-隻蟹唔新鮮，好削應該養到瘦晒變成水蟹，所以蒸出黎比較水汪汪，呢一點唔關廚藝事，但係完全無花雕味。係一味普通蛋白蒸‘水蟹’。鹽焗奄仔-首先一上台就有‘壓’味，一反個蟹肚黎睇就見到未有擠走蟹屎 先煮唔怪之得有呢個臭味。同埋d腳甩晒，好彩食落無臭味。清蒸黑瓜子-消失的‘扣’，明明交代左有扣但最後上台係唔見，條魚蒸得岩岩熟，但係豉油略為較淡😮‍💨豉油王大蝦-呢一味煮得最好食，調味好得！…查看更多