psalm919的個人專頁

見天氣涼番少少想食下辣野，今次揀左鰂魚涌既紅館，見IG啲comment都正路。去到搵左陣原來係喺唔顯眼既小巷入面，本身都有啲卻步但入到去間餐廳都算好光猛同乾淨，最緊要冷氣好充足為食辣野做足準備😂🌶🌶因為另一半唔算食得好辣所以今次都諗左好耐食咩，menu除左平時既水煮魚之外有好多小炒同煲仔小菜都幾吸引。最後揀左呢度招牌既椒麻雞，老闆娘都好細心問下我地食得幾辣先，唔夠辣可以之後再加。另外想食鑊氣炒蜆，但最後一份被隔離枱叫左😅老闆娘話海鮮都係日日新鮮到貨，下次可以打去預留一份🤣所以轉左款煲仔菜要沙嗲金菇滑牛煲，另外再叫多碟炒白菜仔。招牌椒麻雞（$98）我地兩個人叫左半隻但見到$98諗住都係少少地，一黎到係嚇親以為俾錯左一隻雞我地😂😂半隻雞好足料仲要啖啖肉有雞胸有雞脾，望落去其實好似蔥油雞（勁多多多蔥），作為蔥控係絕對超興奮。食落啲蔥油又唔會好似燒味飯果啲咁咸，仲有花椒同麻辣香幾開胃，食辣野最怕咬到太多花椒成口渣，但呢個唔會因為隔走晒，可以大啖大啖食啲蔥同雞係正既。下面仲有大堆豆芽吸收晒精華，不愧係招牌👍🏻👍🏻沙嗲金菇滑牛煲（$118）原煲上既小菜，所以keep到食到一半都仲係好熱。呢款小菜非常送飯，可惜我地呢排戒carbs所以無叫白飯。啲牛肉都ok唔係果啲梳打粉嗱到淋晒既牛，有小驚喜係佢個沙嗲汁係精心調制過，落左啲花椒爆香過，唔係茶記果啲現成花生沙嗲醬直出，所以都幾惹味，堅只欠白飯🤩下次下次 下次大概可以（暴露年紀系列）蒜蓉炒菜（$68）就正常發揮啦唔講，btw最緊要係呢度有asahi飲！食辣野必備凍啤，平時好怕飲啲佬啤…咩嘉士伯藍妹，所以有日本Asahi就即叫！仲有雪凍左既戰鬥碗，當係向已逝去既東寶致敬一下啦！整體來講紅館都唔錯，下次可能叫多啲人食多啲款式開心啲👍🏻👍🏻…查看更多

星期五 ｜晚上7:30 - 9:00 ｜正價 $368 + 10% per head- 食物選擇種類唔算好多，不過都叫做樣樣有D- 環境唔算超新淨同超靚，不過最緊要乾淨企理，最正係冇咩人可以慢慢傾慢慢坐- 食物方面都唔錯，特別係有movenpick雪糕- 不過可能始終人流唔多turnover唔高，某D野好似唔太新鮮 - Overall黎講咁既價錢都算抵食，可以一試沙律 前菜 ｜算係較多選擇既，而且好多人食所以fill得快D，食落都幾新鮮。特別推介一個泰式沙律，酸甜鮮美，非常開胃。另外d cold cut都有幾種選擇，擺盤精緻，特別係ham同smoke salmon片片分明唔散爛，嫩滑度和鮮味都算ok，品質唔錯。冷盤 ｜有好幾種唔同既海鮮，青口、海蝦、螺等等，最正既係長腳蟹，肉質飽滿仲有少少鹹香海水味，fill完好快俾人拎曬。熱食 ｜相對下較為遜色，種類唔多，睇落似擺左一段時間。反而麵檔幾好，自己夾完想要既食材廚師會即刻煮比你，新鮮熱辣。個人推介雲吞，大大粒新鮮蝦肉而唔係雪藏透明果d蝦，食落爽滑彈牙。湯底唔會太味精食完唔洗係咁飲水，個米線韌度與軟糯恰亦到好處，可以一試。而壽司刺身都幾鮮甜，三文魚保持油潤，咬既時候會滲出脂香。甜品 ｜有Mango pudding, panna cotta, cheesecake同tiramisu等，味道不過不失冇咩驚喜。最正都係movenpick雪糕有幾種味揀仲有多款toppings任落，另外有waffle機俾你自製格仔餅，整出黎既格餅外脆内蓬鬆幾香蛋味，襯埋雪糕食口感豐富。…查看更多

星期日 | 下午5:30  - 7:30 | $210 + 10% per head 全場爆滿，仲大把人排隊上菜速度快，叫咁多黎咁多衛生環境可以好d野飲要fill得密d咁既價錢都幾抵食，可以一試前菜｜多選擇 - 漬物涼菜有中華沙律，八爪魚仔，海蜇，螺肉等等，食落都新鮮夠凍唔似擺左好耐。另外有沙律菜，栗米，車厘茄，青瓜等，配料都幾清甜可口而且無草青味。仲有幾種濃郁醬汁俾你自製沙律，感覺天然健康得黎真係食完都唔洗食其他野。刺身｜大大個冰盆裝住，噴住煙咁送到你面前。刺身選擇多，蝦都有3種。帶子鮮甜好大粒，北寄貝彈牙，象拔蚌肉質鮮嫩，三文魚口感豐富，食落成口魚油香味但不會太甜膩。甜蝦，赤蝦， 3種都幾新鮮，虎蝦仲有蝦膏。不過用包裝wasabi就流d。壽司｜勁多選擇，每樣食一件都飽到反艇。推介三文魚腩，魚肉厚切，脂方分布平均，新鮮肥美，輕輕火炙過魚肉表面更帶出魚油香味。芥末蟹子赤蝦都唔錯，蝦肉肉質紮實爽口，細緻鮮嫩，蟹子有點淡淡的鹹味，和壽司飯很搭。另外芒果沙律大蝦都幾好，選用大隻既虎蝦，肉質充滿彈性，配堆當造既香甜芒果肉，口感豐富，甜甜酸酸相當開胃。串燒｜Overall都ok，相對少選擇，感覺上用料比刺身稍為遜息。鹽燒牛舌好好食，厚度剛好，食落口嫩滑爽口有嚼勁又唔韌，且油香可口。燒菠蘿都好正，選用剛熟既新鮮沖澠菠蘿，燒到個邊呈微焦，比就咁食更香甜更多汁。雞軟骨就麻麻地可以唔試，擺耐左淋淋地，食落得個咸字。天婦羅 炸物｜淨係食雞翼就得，其他都係冇咩特別兼外層炸粉會同食物分開。芝麻雞翼係平時你去日本舖頭幾廿蚊得2~3隻既水準，表面炸到酥脆，而食起來皮脆肉嫩又不會覺得油膩，保持到一定肉汁同雞肉鮮嫩。另外一口芝士都可以一試，外皮炸到微微金黃色，一咬落去芝士流入口腔，內餡香口十足。甜品｜Seriously，食現成果D好喇，成個雪櫃俾你揀。自家製果D無論係熱既葡撻（皮淋，內餡唔夠焦香）定凍既tiramisu / panna cotta（得個甜字，除左cream之外一d層次都冇）都唔合格。飲品｜十分多選擇，係fill得太慢，食左2個鐘都冇fill過。…查看更多

It has been awhile I haven't had buffet / all-you-can-eat meal in Hong Kong, don't think I can eat the portion that makes the money worths, and it's hard to find a decent restaurant that serves high quality buffet in Hong Kong as well. Nevertheless, I managed to give another try of a restaurant in Kwai Chung which has various food selection ranging from seafood, sashimi, hot dishes to desserts and free flow of drinks. The overall dining experience to me is okay I would say, but given the price is fairly attractive comparing to those world class hotels, I will still give a positive score as an encouragement to this kind of contemporary buffet serving restaurant. The food quality to me is okay, not exceptionally stunning but you will get you've paid.The dinner is like semi-buffet style with 3 sets of main dishes available to choose (from around $300 to $400 if I am not wrong). They served us a seafood platter as soon as we made the order, shrimp (both sashimi and cooked), scallop, squid, tuna, salmon and herring were freshly sliced in thin pieces and placed on slurried ice. The sashimi has a firm texture with a sweet, creamy and buttery taste. What's more? There are unlimited oysters provided at the buffet bar area with chef who serves order-to-open fresh oysters, the aroma is fresh with a taste of the sea, yet not very fishy. The waiter then brought to the table an appetizer - grilled abalone, looks good and tastes not bad either but not warm enough as a hot dish though. Other main dishes were served one by one afterwards, including baked dough bread with cheese and bacon, zizzling crab meat pasta with tomato sauce and grilled lamb rack etc. The food is okay but you won't come back for another plate (the seafood and cold plates are way better), so if you are craving for buffet-style meal at an affordable price then it's the place to go.…查看更多

CNY假期終於得閒去Elements既The Pantry試下佢既pancake，同Pan de Pain一樣主打都係ricotta pancake，不過The Pantry就冇標榜係日式做法。呢間既pancake有original, matcha, tiramisu 同 mango幾種flavour, 第一次黎就緊係試下signature既原味先啦。等左大約20分鐘新鮮熱辣既pancake就上枱喇，香濃牛油味，蛋香加上漲卜卜既賣相真係令人相當興奮，睇落去似煎香左既Souffle。事隔2星期既今日寫食評都仲吞緊口水，dory記憶既我都仲記得佢鬆軟得黎又唔至於食緊空氣既口感。一碟3塊pancake配2舊honeycomb butter (allow me to use mouthwatering emoji here)，加埋糖漿食十分之夾(in my humble opinion, it would be even better if it serves with maple syrup)，質地軟滑又唔太甜既pancake會令你機械式一啖接一啖擺入口，脂肪就一點一滴累積。。而on side就有d mixed berries，份量唔會太少亦擺得落口(you wont find them exceptional stunning but they make the dish worths the price)。整體黎講都係一個好味高quality既dessert，話曬香港都唔係周圍食到souffle pancake，質量當然唔及日本既Bills同Gram啦(價錢就差唔多。。）所以有機會唔洗等太耐都會再食過，持elements戲飛好似仲有10% off定唔知咩tim。…查看更多

上星期經過荃灣見到開左一段時間但都未試過既Beans，因為本身鐘意食甜品所以一直都想試下，今次行過見唔係好多人排隊就決定會一會佢。排緊隊既時候係咁二睇過下IG見佢個抹茶流心多士好吸引就決定試下，等左約10分鐘就有位。Order後等左15分鐘左右就黎，賣相唔錯，係會令most of the girls心心眼果種(inlove)，影完相其實已經即刻食，不過整體都唔夠熱，個多士只有面果兩塊係微暖，其餘成個盒都係室溫。而入面既抹茶流心醬好多，真係太多，一切開個麵包就流到成個碟都係。。本身好食得甜既我都覺得有D崩潰。。多到夠你點曬成個包既每一忽都仲有淨。好彩個多士係灰色既竹炭麵包唔會太甜，而個雪糕係普通既綠茶雪糕，還可以啦不過不失咁。而比較值得一題既touch係佢有d綠茶crumble做topping, 令到成個甜品有三種唔同既口感。整體而言係一個比較甜膩既dessert, 兩個人share都okay既，但只係$48加上穩陣既賣相都可以一試。…查看更多

買完坤記糕點行埋去格離公和荳品，個人有點潔癖就冇坐低食，外賣豆漿就算。豆漿有分細杯、大杯同支裝，仲有正常、小甜同無糖揀。我就買左細杯無糖，之前飲過其他店既無糖豆漿真係唔太好飲。公和既無糖豆漿雖然唔甜但豆味香濃，飲落唔會覺得太漿住個口，不過我覺得可以再幼滑d，不過無糖豆漿我淨係飲得落公和..…查看更多

經過深水埗試下最新米芝蓮推介食店坤記糕點，門口好多人排隊，買左黃、白砵仔糕，千層芝麻糕，雞蛋糕，白糖糕同鬆糕。最好味都係招牌砵仔糕，質地彈牙又唔會太膠，甜度適中，豆香幼滑。白糖糕就係酸酸地果隻，個人覺得一般。芝麻糕都好香芝麻味，不過比較水，而鬆糕都好正，有蛋香，質地禁落去係會彈返上黎果隻。好味，不過貴左d。…查看更多

放工黎經過快食，點左鮮蝦炒辣汁意粉，賣相繽紛吸引，食落新鮮熱辣，唔油膩，又唔太辣，份量剛好，唔會太飽。不過蝦就應該唔係新鮮，如果改做其他新鮮配料同再多點蔬菜會更好。意粉加飲品約$50，這個質素和用餐環境我滿意了。…查看更多

一直都想試下蕃滿門，之前去過大埔總店但太多人排唔到。。今次放工經過太古城見到有就一於試下！叫左蕃茄少蛋栗米冬菇意粉，湯底蕃茄味濃稠，仲有幾舊鮮茄。不過炒蛋係預先炒好所以凍左，要浸湯熱返佢，粟米十分match成件事，冬菇都好味夠淋，整體都不錯。不過如果有蕃茄迷既都係推介屯門果間蕃茄面店，冇得輸！…查看更多

閒日黎到尖沙咀見平時大排隊既咖啡弄唔洗排，即刻上去左低食返個下午茶！叫左菊花茶、水果茶同士多啤梨waffle，水果茶香甜味美，仲唔顏六色，十分吸引，不過都係凍飲會match d。菊花茶就清香舒緩，仲好貼心咁分開上杞子糖醬，可以自由加入，唔怕太甜。主菜waffle外別已經相當吸引，新鮮熱辣配上士多啤梨同雪糕簡直係幸福！不過如果可以多d雪糕會更好，因為有成4件waffle咁多，一定要配雪糕先好味。整體黎講唔洗排隊就好ok。當然唔好同台灣既比較啦。…查看更多

早幾個星期已book左台8點，點知黎到都要等到9點先入得，呢個價錢黎講完全接受唔到呢個服務態度！講返食物，我地叫左蒸海鮮包括瀨尿蝦王，蟶子，大花蛤，鮑魚，蟹，食落都新鮮同乾淨，特別係瀨尿蝦真係超大隻同好多膏！蟹都好鮮甜，肉質實淨，不過$988一隻黎講就細左d! 花蛤蟶子就正常啦，唔好太大期望，整體都新鮮。而最下層湯底就吸收曬精華，就咁飲都好味！再叫左少量火鍋料，牛肉、烏冬、栗米等，大家如果真係要去記得飲左湯先好開始打邊爐。火鍋料都係貴，牛肉$188得8片，薄切得黎肥瘦均勻，加上湯底鮮甜，好味。整體食物質素可以，不過服務質素一般，定價過高，建議大家試其他食店。負評係因為真係覺得真係不值一試。…查看更多

抵食又好味既豬扒面！豬扒新鮮炸到酥脆香口，三十零蚊仲可以揀多樣送tim!我揀左肉燥，都唔錯！如果淨豬扒面既話會有兩塊豬扒，好味但熱氣到爆。。不過d送好快賣曬，解議可以早d去…查看更多

我是抹茶控一名，via tokyo既matcha ice cream對於我黎講有85分！濃綠茶名又重奶味，不過間店真係太細又永遠都咁多人排隊，所以我次次都外賣，都要等10分鐘先有得食。可以平d就更加好啦....…查看更多

第一次食呢度既下午茶，夜晚仲要食飯所以揀左豬扒三文治，新鮮炸既吉豬加至match既椰菜絲，仲有吉烈醬，整體都幾好食，不過面包就稔左d,唔知旱底會唔會好d?😜整體都ok唔洗等又坐得舒服。…查看更多