Lamchelin的個人專頁

-O’rm 🇰🇷最近位於上環有間韓式小酒館「O'rm 」開設係由OBP前主廚 主理 主打佐酒小食 而菜單上每道菜式都會有列出wine pairing建議 餐廳大半位置都係吧枱 可以同廚師近距離交流想講廚師們都好熱情 果日仲推左我地柚子酒 真係勁好飲！整體用餐體驗同氣氛都非常好🤩「O'rm 」名字靈感來自於濟州島既一座小山丘象徵純粹同無可挑剔 而每道菜都真係非常純粹 非常好食 🐚涼拌蜆肉 조개무침 ($118)🌟🌟🌟🌟🌟必點！用韓國醋辣椒醬同紫蘇油黎涼拌新鮮本地大蜆 食落有峰蜜既香甜、微酸微辣醒胃勁好味🥩乾炸海苔片生拌牛肉 김부각 육회 ($168)🌟🌟🌟🌟🌟乾炸海苔片上裝住生拌牛肉粒、梨粒 再伴有魚子醬、吉士醬同新鮮韓國海苔 大大提升鮮味 味道層次勁豐富🥳 如果份量再多啲就好啦🤤🐟季節海鮮生魚片 계절 생성 회무침 ($168)今次食既季節海鮮係油甘魚生魚片配韓國辣椒醬再同多種生菜、紫蘇葉、洋蔥等等撈埋一齊食第一次食到韓式生魚片係會覺得好味！！🌟🌟🌟🌟🥟黑松露餃子 트러플 만두($148)🌟🌟🌟🌟🌟大推！必點— 皮薄餡令不在話下 入面包住和牛、蝦肉再有即刨黑松露、黑松露油同蘋果醬油 看似好清 實則勁濃郁超級好味 完全可以媲美最近我係韓國食既Fine Dining！🦀花蟹辣海鮮湯麵 게 짬뽕 ($168)🌟🌟🌟🌟🌟 點下去就對了😍!完全有番我之前去濟洲食辣海鮮湯麵既味道🥹蟹肉份量沒在跟你開玩笑 好似食左3-4隻花蟹 鮮味滿滿（望落去好似好難 但我食開十小辣既人都完全handle到）🥩炭燒豬腩肉 돔베고기 ($188)🌟🌟🌟🌟配上秘製蔥蒜醬 個人超中意連埋醬油漬紫蘇葉同包飯醬一齊食 大滿足🥳🥩炭燒韓牛板腱肉 살치살 ($368)🌟🌟🌟🌟同樣配蘋果包飯醬同醬油漬紫蘇葉比起豬腩肉 油脂香更加犀利 配埋生菜食好啲🍝拌蕎麥麵 비빔 메밀 국수 ($138)同泡菜、白蘿蔔、小黄瓜等配料 再淋上拌麵醬撈埋黎食岩晒而家夏天食 襯埋燒肉食都好夾！🌟🌟🌟🌟🍧米酒雪冰 미니 막걸리 빙수 ($98)🌟🌟🌟🌟🌟神奇既雪冰 — 竟然會有軟糯軟綿口感主廚話係因為米酒有經過特別壓縮過整成同時米酒香氣極濃 仲有脆脆米餅（放心唔會醉的🤣）🍸사라오름 Sara Orm Cocktail ($118)🍸라이스트밋츄 야쿠르트 막걸리 Rice To Meet You-Yakult Makgeolli 6% ($58)…查看更多

-啊睿泰 🇹🇭最近有榮獲廣州米芝蓮必比登推介既「啊睿泰」登陸中環以曼谷式東西交匯而產生「美麗混亂」為品牌核心精神由餐廳裝潢去到菜式都展現出東南亞流行大都會既活力營造出充滿故事性又令人放鬆既用餐氛圍黎自泰南既主廚SUTTHIWAN Cheddar 曾係泰國同香港擔任廚師分別15同10年 — 致力宣揚泰南獨特鄉土料理泰南菜以口味濃烈且層次分明既獨特風味而聞名融合辛辣、酸甜既元素 加上由於地理位置接近海洋海鮮亦都係泰南菜既重要食材 — 鮮蝦、魚類和貝類等塑造出泰南菜獨特魅力 令人感受到濃厚文化底蘊🦐咖喱大頭蝦選用肉質飽滿既大頭蝦 保持到蝦肉既鮮味醬料有將洋蔥、三色椒同芹菜爆香加入咖喱 增添層次感幾乎手掌咁大既大頭蝦有掛到晒咖喱醬 熟透入味🦀蟹肉奄列選用新鮮肉蟹同肉質細膩、口感滑嫩既藍蟹 帶有鹹鮮味 開心既係可以大大啖咁食經過精心拆取肉蟹既蟹肉保留到鮮嫩質地 又啖啖肉 搭配切碎既洋蔥同蕃茄 奄列有經過牛油煎香 表面金黃香脆 內裡保持嫩滑簡單調味就帶到蟹肉鮮味 食落亦都唔會好膩🥬炒三臭第一次食呢款創意既鄉土料理—以炒粉絲為基底搭配臭草、臭豆同蒜頭 食落有啲似粉絲炒椰菜 但三臭既風味帶有獨特香氣同微妙既風味層次 配搭泰國醬料調味 增添地道既東南亞風情🦆鴨肉生菜包經典鄉土料理之一 — 聽講將鴨皮炸至金黃酥脆 增添香脆口感；而鴨肉經過炒乾處理 肉質鮮嫩再加入辣椒粉、米碎和乾蔥 加入新鮮泰國番茜將炒好既鴨肉包係爽脆生菜中 鴨肉濃郁唔怕有羶味🥚夜香花炒蛋夜香花唔單止係觀賞花卉 亦都可以係獨特美食聽講富含維生素 A 和 C 有清熱明目、養肝解毒既功效輕輕灼過既夜香花 口感嫩滑 較為清新開胃🌶️泰式辣椒膏炒花甲花甲索晒辣椒膏香氣 調味料係由多種香料製成 — 搭配洋蔥和三色椒既爆香 增添菜式層次感 對於我黎講有點辣🍖普吉網紅火山排骨選用肉質份外軟腍既豬頸背排骨 淋上以大量青指天椒、香茅、薄荷葉調製而成既秘製醬汁 入口激酸、辣、甜，肉質輕易脫骨 辣得黎都幾惹味🦀黃咖喱蟹肉拌米粉記得之前係布吉食過勁難忘 — 係充滿泰南風情既料理泰南特有濃郁既黃咖喱、鮮甜既蟹肉既搭配 口感有嚼勁 、Q彈既泰國白米粉 充分吸收咖喱汁 如果熱啲更好🥭泰式芒果糯米飯嚴選優質泰國糯米 經椰汁長時間浸泡蒸製 飽滿黏糯帶有濃郁椰奶香氣 搭配新鮮熟透既甜美芒果 甜度適中…查看更多

-大公館 🥢最近位於荔枝角既大公館聯同雲南昆明著名帕普曼酒店集團旗下食府「山海壹号」餐飲總監推出全新菜單 — 呈獻傳統滇菜文化 帶黎經典傳統同創新融合既滇菜佳餚 即係雲南菜— 以民族融合飲食特色和多樣性食材而聞名由鮮嫩清香既野生菌類 到酸辣適中既特色小吃 都展現出雲南獨有地域風情同民族文化既風味《食，山海為一，味自天成。》係「山海壹号」品牌理念今次既菜式中亦都感受到主廚對滇菜既深刻詮釋堅持選用雲南原生態既山海珍饈 食到食材既本味同層層遞進既細膩風味🥬撈汁野菜拼 — 刺五加/水蕨菜 （$118）嚴選雲南野菜 — 刺五加帶草本香氣；水蕨菜爽脆清新配上微辣酸香的蘸汁 提升野菜自然鮮味 清爽開胃🍅琥珀話梅樹蕃茄 ($118)用上雲南特有水果 — 金黃色樹蕃茄 果肉飽滿厚實用話梅汁浸過 天然果香突出 酸味清新不澀 配上桃膠 口感滑潤 整體感覺清爽又消暑🍄菌香雁唇（$138）鵝唇薄切片以鮮香菇油包裹 嫩滑彈牙 辣椒油香氣濃郁帶出本身的鮮味與甘香 餘韻有微微麻感微辣 唇齒留香🧉水性楊花燉葫蘆（$148/pp)雞皮包裹嫩滑鴨蓉 湯底細緻清澈 帶有水性楊花獨特幽香湯頭鮮美甘甜 鴨肉細膩 雞皮軟滑 淡雅花香融入湯中添加一抹山間野趣 好飲呢🌟🌟🌟🌟🦆香茅脆皮小麻鴨（$298）屬於雲南省經典既漢族傳統名肴之一 — 烤鴨經多重工序炮製 外皮炸至極致酥脆 咬落去鴨皮油脂四溢 肉質緊實不失嫩滑 香茅清香滲入肉中 每啖都油香撲鼻🍖留蘭香薄荷炸排骨（$168）排骨外層炸得薄脆 內裏豬肉鮮嫩多汁薄荷同留蘭香既清新草本香氣 為炸物減膩提鮮每啖都有香脆同清香 餘韻帶微微甜意 唔怕好油膩🍝經典過橋米線（$538/4pp)第一次食到高階版既雲南過橋米線 — 嚴選六款鮮美肉類同六款優質蔬菜 包括鮑魚、宣威火腿、花膠、酥炸肉、土雞、鮮蝦、黑毛豬豚肉等等 搭配湯底同彈牙米線 食落香氣濃鬱 鮮味滿滿 忍唔住食左4碗🌟🌟🌟🌟🍖宣威火腿餡餅（$48）聽講係雲南歷史悠久且獨具特色的滇式糕餅之一選用雲南特有既宣威火腿融合蜂蜜製作出而成既糕點幾中意用呢款鹹香微甜既糕點作結束🌟🌟🌟🌟🌟…查看更多

-三笠屋 🍣銅鑼灣隱藏住一間來黎福岡北九州既「三笠屋」係由福岡三代傳人本山先生主理 — 聽講由祖父果代開始就已經係家鄉經營本店 傳承正宗九州味道餐廳主打日本直送新鮮時令海鮮食材 堅持以簡樸手法展現食材原味 裝潢設計有瞬間去左福岡地道壽司小店感覺只有8人座木系吧枱 可以近距離欣賞師傅即場捏壽司 每件都係職人手藝 當晚仲有唔少日本同外國熟客幫襯想講本山師傅非常風趣幽默 仲識少少廣東話同每位客人互動細心 令到整個氣氛都好開心✨Dinner Sushi Omakase（$880）包括前菜、14件壽司、2款汁物及甜品🐚北寄貝刺身前菜配搭乾蔥、芝麻、青瓜及紫蘇花 貝肉爽脆多汁散發淡淡海水鮮香 芝麻與乾蔥增添層次 入口清新🐙水八爪魚肉質煙韌彈牙 彈牙得來又有點軟糯口感 清新微甜刨上岩鹽再配碎芝麻與青檸 細嚼有淡淡海洋鹹香🍣 鱲魚以簡單醬油及青柑汁調味 肉質爽口鮮美 食落煙韌有咬口柑橘清香滲透魚肉 散發著淡淡甘甜 🍣 池魚🌟🌟🌟🌟🌟魚肉脂香細膩 配搭蔥油帶來淡淡鮮甜同微辛 令油香更突出 入口豐盈 🍣吞拿魚赤身醬油漬魚肉較有嚼口 鮮味濃郁 醬油漬後更添鹹香 質感細膩柔滑🍣 牙帶魚 🌟🌟🌟🌟🌟燒至表面微焦 帶出魚油脂香 肉質細緻 底層紫蘇葉同醬油、青檸和特製紅醬提味 入口煙香撲鼻 酸香醒胃🍲魚骨湯用新鮮魚骨慢煮 湯底清澈 魚鮮味濃郁 溫潤鮮甜🍣 金目鯛魚身爽滑彈口 以醬油輕輕調味 鮮味突出 肉質細膩帶甘甜🍣大蝦蝦肉厚實鮮甜同時超級彈牙 鮮味滿滿 🍣深海池魚🌟🌟🌟🌟🌟魚肉細緻 脂香豐富 魚味鮮明 油脂與米飯完美融合🍣秋刀魚🌟🌟🌟🌟🌟終於又黎到秋刀魚既季節 師傅話今年既秋刀魚特別肥美油脂豐盈 配搭蔥油提升魚鮮 魚身入口即化 好好味🎆🍣小肌用醋同鹽醃製過 酸香醒胃 鹹鮮恰到好處 口感緊緻有層次🍣石蚌魚🌟🌟🌟🌟配醬油與青檸 魚肉爽脆彈牙 鮮甜中帶果香 口感清新🍣海膽🌟🌟🌟🌟🌟質感細膩如奶油 極清甜 帶有濃厚海洋氣息 入口即溶🍣炙燒黑口魚🌟🌟🌟🌟🌟魚皮微焦 帶有炭香 魚肉柔軟脂香 好味呢🤤🍣筋子卷物魚卵晶瑩剔透 鹹香爆汁 鹹鮮四溢🍲蝦麵豉湯蝦殼熬製出黎既湯底呈深橙色 蝦味香濃出 暖暖胃🍰江戶前玉子燒同平時既玉子燒唔同 — 係用雞蛋加入蝦漿、大和芋等原材料製成 口感鬆軟到好似蜂蜜蛋糕咁 食落微甜🥛牛奶雪糕麻糬軟糯軟糯 估唔到佢地連牛奶雪糕都係自家製 特別香濃…查看更多

-𝐈-𝐎-𝐍 at Nina Hotel Island South 🇻🇳 炎炎夏日 特別會想食清爽惹味既東南亞菜式 ☀️最近南灣如心酒店 I-O-N 團隊推出期間限定自助餐— 以越南為主題既「仲夏『越』滋味自助餐」人均唔洗$400就可以感受盛夏越南既熱情與風味 性價比極高✨自助餐既時令海鮮、越式小食、D24榴連甜品都展現出東南亞香料與新鮮食材既完美結合 真心高質🌟🌟🌟無論係海鮮控、榴槤控定係越南菜愛好者 都會滿足得到✨ 仲夏『越』滋味自助餐冷盤及越式前菜🦀香芒蟹肉木瓜沙律 — 係芒果同木瓜鋪上鮮甜蟹肉 果香同海鮮味道交織 入口酸甜開胃 清新醒神🥗西貢牙車快 — 嫩滑雞肉配椰菜絲 魚露醬汁帶黎獨特酸香 層次分明🦐越南蜜柚蝦沙律 — 爽脆蜜柚粒粒迸發清香 蝦肉鮮嫩彈牙 清甜中帶微酸🦆越南鴨胸粉絲沙律 — 鴨胸香氣突出濃郁 配上粉絲同辣椒絲 食落微辣開胃冰鎮海鮮 & 刺身🦀長腳蟹 — 蟹肉厚實鮮甜 啖啖肉汁 鮮味十足🦀麵包蟹 — 巨型蟹蓋內藏滿滿蟹膏 香濃緊實 鮮香滿滿🦐蜆、蝦、翡翠螺— 新鮮爽彈🍣刺身、壽司 — 三文魚、鯛魚等經典款式齊備推介檸汁魚露蝦 蝦身鮮嫩 配酸甜檸汁及香草 鮮味層層遞進 極開胃熱葷及越式特色菜🦐蔗蝦 — 外層炸得金黃酥脆 蝦膠彈牙 滲出淡淡蔗香鹹香與甘甜互相交融🦀富國島黑胡椒炒蟹 — 新鮮大肉蟹以黑胡椒快炒胡椒香氣濃烈 辣勁恰到好處 蟹肉鮮甜多汁🌟🌟🌟🦪越式椰子煮蜆 — 椰奶湯底香濃滑順 蜆肉吸飽湯汁入口鮮嫩又帶椰香 🦑西貢蝦醬墨魚仔 — 肉質爽彈 蝦醬鹹香突出 香口惹味🦪越式燒蠔 — 肥美蠔隻加入蔥蒜及特製醬汁燒製香氣四溢 蠔肉嫩滑唔乾🐣越式香蔥燒雞 — 外皮烤至微脆 雞肉嫩滑香茅香氣撲鼻 東南亞風情滿分🌟🌟🌟🌟🥩燒牛肉 — 外層微焦帶炭香 牛肉保持多汁軟嫩肉香濃郁 配上燒汁更添風味🐣海南雞飯🌟🌟🌟🌟🌟 — 雞肉滑嫩 飯粒油香分明 三色醬汁（辣醬、薑茸、黑豉油）各具特色 還原度極高🦴肉骨茶🌟🌟🌟🌟🌟— 中意湯底帶微微藥材香味道濃郁清甜 肉骨燉得軟腍入味 湯頭溫潤滋補 飲左2碗湯麵吧 🌟🌟🌟🌟🌟🍜 聯乘香港仔老字號「有記」合作 直送本地新鮮食材湯底有喇沙、越南牛肉、蕃茄海鮮及清雞湯選擇高度推介喇沙湯底：椰香濃郁 香辣帶刺激感 湯色誘人D24 榴槤甜品及其他甜點🍮焗榴槤芝士布甸榴槤香濃撲鼻 芝士同榴槤融合幾好 甜而不膩🧀榴槤芝士撻撻皮酥脆 榴槤吉士餡綿密 牛油香同榴槤香互相映襯🍮榴槤奶凍奶香與榴槤香完美平衡幾好 質感絲滑入口即溶🥥椰汁榴槤糯米飯軟糯香甜 椰香同榴槤果既組合 傳統風味十足 極具滿足感🇭🇰中式豆腐花、芝麻糊、蜂蜜脆麻花估唔到會有傳統風味 細節用心 為甜品枱增添驚喜…查看更多

-𝐘𝐚𝐤𝐢𝐭𝐨𝐫𝐢 𝐓𝐬𝐮𝐤𝐚𝐝𝐚 🍢三訪來自日本東京的串燒名店 — 燒鳥塚田 近日原身炸串店同串燒店合併而成 依然主打雞肉串燒 同樣選用源自日本鹿兒島農場黑薩摩走地雞、日本銘柄雞並由日籍大廚以明爐日本備長炭烹調 而最近更推出左全新午市套餐同性價比高既燒鳥午市廚師發辦🐣🐣燒鳥午市廚師發辦/ おまかせ焼鳥コース（$238）套餐包括 — 沙律、自家製豆腐、燒鳥5種、野菜串、塚田特製雞白湯拉麵燒鳥五串：分別係雞心、雞軟骨、雞脾肉、大蔥雞肉同月見免治雞肉串🍢雞心肉質緊緻帶彈性 帶有嚼勁而且滲出濃厚肉香；🍢雞軟骨外層炭香撲鼻 食落脆口爽彈 鹹香中帶骨膠原爽脆；🍢雞腿既雞皮烤至金黃酥脆 油脂滲入嫩滑的雞腿肉中 入口多汁 香氣四溢；🍢大蔥雞肉豐腴多汁 配上大蔥既清甜 油脂與蔥香交融 鹹香中帶點清新；🍢月見免治雞肉串混合軟骨後更彈牙 炭烤香氣濃郁 沾上特製月見汁 鹹鹹甜甜 蛋液包裹住 食落滑嫩細膩塚田雞白湯拉麵 每次食都覺得好好味 麵條新鮮彈牙湯底以8小時慢熬 濃郁厚實 奶白滑順 雞香層層堆疊🐣月見免治雞肉丼/ 焼鳥屋のつくねと出汁巻き丼 〈每日限量10份〉（$128）套餐包括精緻前菜和味噌湯 免治雞肉一如既往保持係燒鳥塚田既高品質 柔軟中混入切碎軟骨 依落口感層次豐富 細膩 炭火烤至外層帶微脆 肉汁鎖緊 沾上甜甜鹹鹹月見醬汁 鮮味直衝舌尖 飯粒完全吸收醬汁與雞肉精華 份量十足飽肚🥤Lemon Sour（$78）清新檸檬酸香 氣泡感十足 解膩又醒胃🥤Frozen Fruit Sour — Kiwi （$78）奇異果真係成舊係求 果香特別濃郁 冰涼爽口 微酸微甜…查看更多

-𝐁𝐫𝐚𝐬𝐬𝐞𝐫𝐢𝐞 𝐨𝐧 𝐓𝐡𝐞 𝐄𝐢𝐠𝐡𝐭𝐡🪻位於港麗酒店既 Brasserie on the Eighth 最近推出以薰衣草為主題既4道菜 — 「紫魅薰衣草」美酒晚宴由餐廳佈置燈光去到菜式飲品都完美融入薰衣草元素💜平時茉莉花茶、薰衣草茶就聽得多 但野食有花就未試過餐廳仲展示出全港唯一一樣全世界最貴既 rose 🤯而今次呢個全新餐單更可以試到南法最貴既紅酒之一🤗🪻'Lavender Bloom' 4-Course Dinner （$1488/pp)🍞Bread熱辣辣香脆鬆軟既法包配自家製薰衣草豬肉鴨肉牛油🍸“Lavender Breeze” Cocktail作為Welcome drink 既薰衣草檸檬雞尾酒 飲落開胃清新；而當中既薰衣草好香 唔會有化學味🍲Amusement Bouche — Lavender Escargot soup薰衣草田螺椰菜花湯 — 呢個組合既湯係意想不到地好飲用左香草牛油焗田螺之後切碎 連椰菜花同忌廉攪勻成湯之後再落埋薰衣草油增添花香 整個湯都好綿滑香濃🪻🪿French Duck Breast法式鴨胸 — 薰衣草蜂蜜醬 | 紅菜頭 | 櫻桃沙律 | 榛子呢個慢索煙燻鴨胸肉有驚喜 睇落雖然好似仲係生咁但食落係熟得黎超軟腍 冇諗過鴨胸都可以幾乎入口即化肉質一啲都唔油膩 只有油脂香 可以安心食用的配搭紅菜頭、黃金紅菜頭同薰衣草蜂蜜醬 增添清甜味道+ 🥂Cinsault Blend, Gérard Bertrand, Côte des Roses, Languedoc-Roussillon 2023同呢枝Rose完美搭配 帶有細緻水果同茉莉花香味 當中既士多啤梨同莓味較為突出 味道偏酸🦪Scallop Tartare帶子他他 — 當中混有洋蔥粒 增添爽脆清新口感 配搭薰衣草醃醬同薯仔千層 更有唔同層次既香口+ 🥂Chardonnay Blend, Domaine de Cigalus, Languedoc-Roussillon 2023酒體圓潤 當然既檸檬、青檸、忌廉香氣四溢品酒師建議如果放暖黎飲既話會更加回甘 好好飲！🕊️Lavender Roasted Pigeon Breast 薰衣草烤鴿胸 — 以陳醋油封鴿腿做法非常入味 表皮香脆 肉質非常嫰滑多汁 而且冇羶味 一切開會見到充滿鮮味既肉汁溢出黎 皮下薄薄一層脂肪 配搭杏脯、紫薯慕絲、小蘿蔔 可口得黎唔會覺得好油膩🌟🌟🌟🌟🌟+🥂Cabernet Sauvignon Blend, Domaine de Cigalus, Languedoc-Roussillon 2021 個人比較中意呢款 丹寧較強 酒體更加圓潤 當中既皮味同提子味都會更加突出Or🐑Lavender Mint-crusted Rack of Lamb 薰衣草薄荷烤羊架 — 煎到外焦里嫩既燴羊膝 搭配清新薰衣草薄荷醬 帶黎獨特味覺享受 每啖都散發著薰衣草薄荷既清爽芳香🌟🌟🌟🌟🌟而烤秀珍菇、雅枝竹、羊肚菌汁 正好中和左羊肉油脂味+ 🥂GSM Blend Gérard Bertrand, Clos d'Ora, Languedoc-Roussillon 2012紅酒丹寧較薄 木桶香氣比較淡味但有黑加侖子果香味🪻Lavender Delight甜點係用薰衣草忌廉和柑橘蛋白霜製成 唔算好甜但勁香仲有他們家的𝐂𝐥𝐚𝐬𝐬𝐢𝐜 𝐌𝐚𝐝𝐞𝐥𝐢𝐧𝐞 值得一讚 聽講係每日由自家麵包店新鮮製作的 勁香 勁鬆軟…查看更多

-𝐍𝐎𝐉𝐎 🍜位於中環砵典乍街既拉麵居酒屋 — NOJO一直都係我香港十大最愛拉麵店之一 近排先知原來佢係黎自九州宮崎縣「塚田農場」既副線 餐廳有室內外座位室外可以一邊飲酒邊傾偈 比較Chill 室內就落雨都唔怕🍜 Chicken Thigh Soy Sauce Ramen ($148)雞白湯醬油拉麵 — 每次黎食都係我既必食之選🤍係其他地方都唔會搵到有咁大舊又好味既雞脾拉麵🌟雞髀先用日本醬油、胡椒等調味以60度慢煮2個鐘再用醬油搽係表面炙燒至皮脆肉嫩 入口即化 香氣撲鼻所以雞皮微微焦香 醬油滲透每一絲纖維 肉嫩多汁同埋最中意係有炸得金黃香脆既炸牛蒡 好好味🌟湯底係以日本直送雞白湯為基底 再加入雞腳、豬背脂等熬製而成 飲落啖啖骨膠原精華 帶濃厚肉香細嚐有日本醬油既鹹香同黑蒜油既甘潤 鹹香中帶有甘甜拉麵亦係自家製 — 用日本小麥粉及加拿大麵粉製成麵條掛湯 口感煙韌帶麥香 每次食都覺得好幸福🥳🍜 Wagyu Ramen($198)和牛西冷拉麵 — 和牛片切得薄身 但油花分布平均 入口即溶 油脂滲出時香氣四溢 肉味濃郁 同樣以雞白湯為基底 加入洋蔥同蔥粒 令牛肉油香更突出同時帶清甜 亦都有炸牛蒡 咬落有層次感🦀 Crab Paste Toast ($68)蟹肉醬麵包 —中意呢個蟹肉蟹膏極度濃郁 配上香脆既麵包多士 甘香鮮美 好味呢🌟🌟🌟🐟Fatty Tuna Sushi Roll with Original Smoky Soy Sauce ($128)吞拿魚壽司卷 — 壽司卷用上油脂豐富既吞拿魚腩魚香脂滑 配搭煙燻醬油微微帶出魚肉油脂的甘香🐙Oyster and Octopus Okonomiyaki ($78)牡蠣同八爪魚大阪燒餅 — 外層金黃香脆 餡料份量十足 一次過可以食到八爪魚既爽口彈牙 又有牡蠣既鮮味 燒醬同美乃滋平衝海鮮既鮮味🐣Overnight Sake Lees, Soy and Ginger Marinated Fried Chicken ($88)清酒糟醃炸雞 — 有驚喜🌟🌟🌟🌟炸雞皮脆肉嫩 鮮嫩多汁 中意食落仍然有淡淡清酒香氣帶點微甜同發酵香 有少少似啲腐乳炸雞咁就算唔點醬都已經好入味 口感層次豐富🥳🍤Sakura Shrimp & Corn Tempura第一次食櫻花蝦粟米天婦羅 🌟🌟🌟🌟🌟櫻花蝦鮮味十足 帶微微鹹香 粟米粒粒甜美多汁炸得香脆不油膩 可以選擇伴芝士粉食 但個人覺得唔點都已經好鹹鮮又清甜 必食！🍢Japanese Wagyu SUKIYAKI Skewer($98)🍢Japanese Pork Skewer ($68)🍢Japanese Chicken Skewer ($68)三款炭燒串燒外層炭香撲鼻 燒得好香脆 大大串又肉厚每串都配上黃椒、青瓜、冬菇同番茄仔 蔬菜鮮甜多汁 令整體口感更豐富又解膩 雞肉同豚肉帶少少燒汁加上油脂豐富 將甜味完全平衡 牛肉則焦香油潤 每一啖都食到食材本身既精華🍸 NOJO Mojito ($138)大杯裝Mojito沙冰 好清新清涼 岩晒而家天氣熱黎飲🌟🍸 Pistachio Martini ($128)冇諗過開心果碎都可以整成 Martini 酒精濃度唔高 易入口口感偏濃稠 帶好香甜既開心果 有食開心果雪糕既即視感…查看更多

-𝐀𝐥𝐯𝐚 𝐇𝐨𝐮𝐬𝐞 𝐱 𝐊𝐌𝐁 🚌帝逸酒店既Alva House 最近聯乘九巴推出全新「『巴』羅萬有‧港式盛薈自助晚餐」 🚌估都估唔到以九巴作為自助餐主題會係點既一回事入到餐廳可以見到有唔少九巴周邊同用心佈置將唔同食物分區變左以九巴站牌黎展示 — 例如甜品站 / 海鮮站 / 熱葷站/ 飲品站等等更加有一系列別具特色既造型甜品 仲用上矜貴食材入饌既港式懷舊菜同手工菜 推廣期係由即日起至8月31日 非常值得一試!特色廚師重點推介✨ 八寶鴨 — 鴨肉嫩滑 滲透鹹香 餡料豐富 有糯米、蓮子、冬菇等等 入口軟糯帶點甘香✨ 芝士焗龍蝦 — 龍蝦肉厚實彈牙 鮮味十足 配上烤得微焦的芝士 奶香濃郁 帶點鹹香✨ 黃金炸蟹拑 — 外層炸得酥脆 內裡蟹肉鮮甜多汁 每啖都食到蟹肉纖維既細緻同新鮮✨ 鳳城脆炸日本蜜瓜 3.6 牛乳外皮酥香鬆脆 內裡蜜瓜牛乳清香濃郁 甜而不膩✨ 生拆蟹肉雲腿碗仔翅（3-6 月）/老陳皮燉鴨湯（6-8 月）雲腿鹹香與滿滿既鮮甜蟹肉互相提升 碗仔翅湯底醇厚🌟蠔皇花膠花膠質地厚實而滑溜 吸收左蠔皇醬既濃郁鹹香入口膠質感十足 既滋補又奢華呢~✨ 主題九巴造型甜品除左有Häagen-Dazs 同泰式奶茶雪糕現珍珠之外 九巴造型甜品值得一試 每款都造型吸睛 充滿童趣 例如橙酒杏仁糖蛋糕巴士、九巴仔蜂蜜乳酪蛋糕、九巴錢箱造型白朱古力紅桑子蛋糕、芒果北海道奶凍、金裝巴士Valrhona 70% 朱古力軟心蛋糕、巴士造型開心果雲呢拿拿破崙等等巴士印章芝士撻最為特別 係伯爵茶牛奶朱古力味 個人較推薦奶凍 口感輕盈 甜而不膩🌟林芝蓮必食推介🌟海鮮冷盤每款海鮮都極為新鮮包括龍蝦、麵包蟹、蟹腳及青口龍蝦肉甘甜爽口; 蟹腳隻隻都肉質飽滿彈牙 鮮味突出🌟即開生蠔每次係呢度食生蠔都好新鮮肥美入口鮮香 海水味濃郁 滑溜無腥味🌟竹籠蒸海鮮竹籠蒸海鮮保留原汁原味 - 帶子 / 蝦/ 青口 / 龍蝦等等 每款都肉質嫩滑 食到海洋最原本既鮮甜🌟港式車仔麵 + 龍蝦粥車仔麵既配料可以揀花膠、水魷魚、花菇及牛筋腩等; 而龍蝦粥入面有大大隻龍蝦鉗 成碗粥都好鮮甜美味! 聽到隔離枱既姨姨仲一次過食左5碗添囉!! 不得了🌟日本直送即切原條鮮魚當日即切油甘魚表演 - 每人限拎3片想講肉質結實爽口 魚味鮮甜 食落淡淡甘甜 每啖都充斥魚油香氣🌟鐵板燒鴨肝第一件事就衝左去拎新鮮燒好既鴨肝外層煎得微焦 內裡濕潤柔滑 入口即化油脂亦都好豐富香濃 帶有淡淡焦香 正!🌟爐端爐 / 日式天婦羅每串都帶有炭香 - 包括燒五花肉 / 鰻魚 / 翠玉瓜 / 茄子 / 鯖魚等等; 炸物方面 - 欣賞全部所沾有既炸粉都好薄 特別中意墨魚汁炸雞翼 雖然賣相較為黑黑實實 但唔錯的…查看更多

-CIAK x Prohibition Steakhouse & Bar 位於黃竹坑海洋公園萬豪酒店既以高質扒房而聞名既Prohibition Steakhouse & Bar最近迎來「Pizza界老字號」— CIAK繼置地畢業後首度回歸並合體 所以而家可以一次過食高質牛扒同時一嚐久違既傳統拿坡里手工薄餅🦀“New Orleans” Style Crab Cake一上枱 蟹肉鮮味即時撲鼻 蟹餅煎至金黃酥脆 內裡鬆軟唔怕有過多麵包糠搶味 細膩既蟹肉絲鮮味滿滿 份量亦都厚實 配上自家製芒果他他醬 帶有清新氣息 平衡番油膩感 味道層次更豐富🌟🌟🌟🌟🌟🦞Lobster Bisque🌟🌟🌟🌟🌟勁好味 — 湯頭呈琥珀色 質地濃稠 龍蝦殼既鮮香濃郁撲鼻 飲得出海鮮精華完全釋放 入口極鮮甜 並帶著干邑忌廉帶有細膩酒香 呢個真係比平時一般法式龍蝦湯更見誠意和層次 大推❤️🍕Homemade Pizza 50/50 from CIAK= Margherita + Bologna一個薄餅可以同時2款經典口味 用36小時天然發酵麵團每一啖都食得到麥香同嚼勁 加埋芝士和蕃茄醬既香氣交織 中意Pizza整到外緣微焦 芝士拉絲效果極佳 亦都奶香濃郁Bologna肉香突出 鹹中帶香；Margherita番茄醬酸甜清新呢個半半薄餅完全可以滿足到選擇困難症既人🤣🍝 Premium Italian Mancini Pasta from CIAKHomemade Trenette 當中有厚實既北海道帶子鮮甜切片、清新爽口既翠玉瓜、橄欖油與蒜香撲鼻 自家製意粉煙韌彈牙 吸晒海鮮汁精華 但醬汁鹹香適中 味道層次分明🥩US Wagyu “Gold Medal” StriploinProhibition一向以靚扒見稱 果然冇令人失望和牛牛扒香氣和燒烤焦香撲鼻 表面燒至微焦 外脆內嫩 脂肪分布均勻 肉味濃郁 油脂豐滿但不膩 入口即化🍰 Trio / Strawberry Jelly, Vanilla Ice Cream, Mascarpone Mousse & Cream Cheese Foam一次過有3種唔同既體驗 — 包括士多啤梨啫喱酸酸甜甜 、雲呢拿雪糕幼滑濃郁、馬斯卡彭慕絲輕盈細膩、忌廉芝士泡沫微鹹 所以一次過咬落去就有果香、奶香和芝士香氣交織 甜而不膩 層次極豐富 為整餐劃上美麗句號🍷Bisquertt Family Vineyards La Joya Gran Reserva Cabernet Sauvignon當中有紅莓、黑加侖子香氣濃郁 帶有橡木及香草氣息入口圓潤細膩 回甘微辛 好岩配牛扒 帶出肉味層次…查看更多

-𝐑𝐞𝐝 𝐒𝐮𝐠𝐚𝐫 at Kerry Hotel 🍹Chill Sundate🌅位於紅磡既Kerry Hotel 天台酒吧最近推出性價比超高既BUY-ONE-GET-ONE-FREE套餐可享精選葡萄酒、烈酒、雞尾酒或啤酒買一送一優惠🥳以及免費獲得迎賓小食乙份添🍾 （仲要係幾好味！）高度推薦畀所有想搵個有無敵海景既rooftop bar 岩晒周末同朋友係度飲杯酒配上無醉人日落黃昏維港景色真心好chill 同好photogenic✨ （建議5點半去開始飲 🍹Moscow Mule ($180) 🍹Aperol Spritz ($180) 🍹Negroni ($180) 🍹Stella Artois ($156)✨Octopus ($118)個人很喜歡呢個 - 爽口彈牙既煎八爪魚 切成一口易食 放係薯波上面 配埋蒜香蛋黃醬同煙燻紅椒粉 又煙韌又脆口 好岩佐酒🌟🌟🌟🌟🌟✨Arancini Mozzarella & Tomato ($118)酥炸巴馬臣芝士再配蕃茄汁 食落外香脆內裹芝士奶香柔滑 仲可以拉絲添!✨Nachos ($118)玉米片、腰豆、辣肉腸肉醬、車打芝士、牛油果醬、番茄莎莎醬、酸忌廉、黑水欖圈、芫茜、墨西哥辣椒每次飲野我都一定會嗌Nachos 好中意佢呢度畀既份量都好足 確保每片都可以沾到各種醬汁同食材呢~✨Meatballs (FREE)肉丸鮮嫩多汁 肉味香濃 帶有芝士 、番茄同法國香草味道 同樣好岩佐酒 …查看更多

-𝐍+ 𝐁𝐮𝐫𝐠𝐞𝐫 🍔 歷時2個月既減肥之旅終於告一段落💁🏼‍♀️即刻可以大量吸入我最愛既澱粉（澱粉is my life🥹)減肥後To-eat list 有拉面炒飯漢堡包公仔麵豬油撈飯等等所以就算冒住大風大雨都要碌出去西環食burger🤫最近本地漢堡包品牌 @nplusburger — 首間擁有澳洲自家牧場漢堡店 主打製作全天然安格斯牛肉酸種麵包漢堡係西環堅尼地城開設2400呎兩層海景店 裝潢以海天一色為設計靈感 將日出至日落既色彩過渡同天然材質應用餐廳當中 而一樓仲有個打卡位 — 有4個大型漩渦造型藝術裝置 正對住西環著名海港景色窗外既大海同店內藍色漩渦相互呼應 不過好快就會坐滿🍔N+ Bacon Cheeseburger($78)經典煙肉芝士漢堡 — 選用澳洲高級安格斯牛肉做漢堡扒 一咬落去肉汁即刻爆發 肉香濃郁且帶點牛油香 煙肉鹹香微脆、美國芝士味道香濃 增添層次 外層酸種麵包微微酸香 外脆內軟 夾雜住新鮮蕃茄、生菜、洋蔥等 清新不膩 重點係用左秘製牛骨醬 食落帶點甘香 令漢堡包更有記憶點🌟🌟🌟🍔 N+ Premium Truffle Brisket ($100)特級松露醬牛前腩漢堡 — 個人推薦呢款🌟🌟🌟選用澳洲頂級安格斯牛前腩 炆得嫩滑 入口即化 脂香四溢 而特級松露醬香氣撲鼻 加埋炒本菇鮮甜多汁 同牛肉、松露醬 好有菇菇味 將整個漢堡包提升到另一個層次🍄而美國芝士都好香濃 外層亦係酸種麵包微脆柔軟食落每一啖都充滿層次同香氣 份量仲好十足添！🍟 Crispy Fries （$28）脆薯條 — 選配Honey Mustard 蜜糖芥末醬係粗薯條 炸到非常香脆內芯鬆軟綿滑 微甜中帶芥末辛香🐣Crispy Chicken Tenders ($49)脆雞柳 — 炸得金黃酥脆 內裡雞肉嫩滑多汁 完全唔會乾柴店員推介選配The Truffle 松露醬（+$5）令雞肉多左份高雅松露香 既香濃又不會搶味 層次感豐富 🥗Roasted Brussel Sprouts ($49)烤抱子甘藍 — 個人最中意食呢款 食落一啲都唔會苦澀簡單加入橄欖油、鹽、黑胡椒等調味 就已經好好味外層微脆、裡面清脆口感 有啲似海苔味 甜甜地為邪惡既美食中帶黎一絲絲健康感 平衡番🤫…查看更多

-木戶🔥岩岩係福岡番黎既我 都覺得食唔夠喉 番到黎都再到訪呢間主打宮崎炭火燒及博多串燒日式居酒屋今期推出夏季限定菜單 係由日籍總廚木村潤一郎精心設計一系列既創意海鮮料理 每款都真係好岩夏天黎食想講即使黎食過無數次 每次都會被期間限定驚艷到✨🦑佐賀呼子魷魚刺身 配黃金蛋醬油 （$488）🌟🌟🌟🌟🌟 第一次係香港食到好味既魷魚刺身係黎自佐賀縣北部的呼子仲被譽為「魷魚海港」聽講木戶係採用特殊冷凍保鮮技術運送至香港 確保新鮮其實係兩食料理 — 1）刺身晶瑩剔透 肉質鮮嫩 極清甜；2）輕灼魷魚搭配鹽巴 主要係食耳部同足鬚位置 極鮮甜另外亦都好推薦配搭九州宮崎縣刺身醬油同蘭王蛋😍🦐 日本甜蝦他他 ($168)🌟🌟🌟🌟🌟第一次咁樣食甜蝦他他 仲舔到乾乾淨淨甜蝦同生蛋黃拌勻 可以自行揀放入脆脆雪糕筒 / 配上紫菜黎食 兩款食法都香甜鮮味 食唔停口🤤🐣 自家製雞肉丸配黃金蛋 ($60/串)🌟🌟🌟🌟雞肉丸燒得外皮焦香內有脆脆雞軟骨日本蘭王蛋汁都好濃郁 沾黎食增加嫩滑口感 🦀蟹肉奶油可樂餅 （$78）選用日本優質松葉蟹肉同日本產牛奶完美調和食落有絲滑口感 再搭配自家調製醬料 — 蟹味噌茄汁將蟹肉既鮮香同濃郁蟹味噌醬料 完美融合 味道層次豐富🍕博多明太子烤餅 ($88)選用日本烤餅餅皮 — 口感有別於西式餅皮 較柔軟細膩配搭日本明太子、芝士同香濃蛋黃醬 一次過食到日本同印度既風味 都幾特別 食完已經好飽🍚宮崎鄉土料理味噌冷泡飯 （$88）味噌冷泡飯 — 宮崎地區三大鄉土料理之一特色在於將混合多種材料既味噌凍湯淋係熱米飯上湯底係炙燒新鮮鰺魚混合其他海鮮製成濃郁味噌湯食用時搭配新鮮紫蘇、茗荷、海苔同青瓜 清爽可口🍡炸宮前丸子 （$48）其實係炸日式醬油丸子 — 外香脆內軟糯 鹹鹹甜甜 🍹蜜瓜梳打雪糕特飲/鰻魚可樂雪糕特飲 （$68）經典昭和時代飲品 — 忌廉梳打 清涼解渴 充滿懷舊味道哈密瓜同鰻魚可樂兩種口味 都有雲呢拿雪糕做topping…查看更多

-𝐍𝐨𝐯𝐨𝐭𝐞𝐥 𝐂𝐢𝐭𝐲𝐠𝐚𝐭𝐞 𝐇𝐨𝐧𝐠 𝐊𝐨𝐧𝐠 ✈️前兩個星期為左籌備大日子去左東涌 outlet進行採購🤣 不知不覺就行左全日 近近地去諾富特東薈城酒店醫肚因為最近酒店今個月推出左「和風夏祭」自助餐以優惠價人均$399 就可以任食日式美食 — 由刺身到香烤串燒都一應俱全（仲留意到自助午餐由＄273起）🔊和風夏祭自助餐供應至7月31日 仲有一個星期就完啦不過聽講黎緊8月會推出以太平洋做主題既海鮮自助餐🌊 關於「和風夏祭」自助餐當中包括各種刺身、手握壽司同特色料理 例如：🇯🇵 和風區 — 刺身款款新鮮 珍寶帆立貝彈牙甘甜；有手握壽司、素麵、天婦羅、縵魚炒飯等🍢即點即做既照燒串燒 — 有鹽燒大頭蝦、鮑魚、燒蠔、雞翼等等 而個人覺得羊架同鳳尾蝦惹味有驚喜；🥘熱菜區 — 啤酒煮蟹酒香淡雅、關東煮都值得一試；個人幾推薦食潮式菜脯粥（食得多海鮮生冷野突然想暖下個胃 飲個豬骨湯/食粥都幾唔錯 係典型亞洲胃🤣）🦀 海鮮區 — 有青口、翡翠螺、蟹腿飽滿多汁；🥗 沙律區 — 基本生菜、沙律醬汁、芝士、凍肉都有；🍰 甜品區一 特別設有日式甜品抹茶芝士蛋糕、芝麻奶凍同3.6牛乳布丁 、芝士蛋糕；而港式甜品有豆腐花、多款涼粉（建議可以問職員拎個三花淡奶一齊食）、生果朱古力噴泉、榴槤葡撻、爆谷、Haagendazs 雪糕等等；…查看更多

-塚田食堂 🐂位於將軍澳有間黎自日本塚田農場既自家品牌餐廳有多款湯底火鍋 大部分食材由日本新鮮直送其中壽喜燒係佢地既招牌 - 靈魂所在正正係湯底同和牛主打日本產嚴選A4宮崎牛肉配合傳統湯底同時令蔬菜湯底用上醬油同三溫糖調配 鹹中帶甜 濃郁又有層次感 整個套餐包括牛肉、八款新鮮蔬菜、日本米飯、精緻前菜、九州長崎雞蛋同甜品仲有無限添飲及醬料自助吧—如果汁、白桃汁、美人果茶、檸檬薄荷水、日式茶包等任君選擇 都係$200蚊有找 帶來一種以高質食材為重心、口味豐富既性價比高既壽喜燒新體驗🔥【日本製】A4和牛壽喜燒套餐 ($198/150g)用上A4宮崎牛肩腰肉—係宮崎縣出產、肉質達到4級以上既黑毛和牛 肉質細嫩 油花分佈均勻 每啖釋放肉香帶有一種自然清甜 脂香不膩 溫潤豐盈 而壽喜燒湯底醬香濃厚 鹹甜平衡 帶出三溫糖既溫和甜味同醬油既深層鹹香牛肉浸過湯底後更添一份醇厚 蘸上九州長崎雞蛋 蛋液細滑包裹住和牛 令牛肉口感更加嫩滑 蛋香同牛香相互交融 配搭日本米飯一齊食 米粒吸收晒湯汁同牛脂 口感飽滿又帶微微彈性份量睇落好似唔多 但對女生嚟講就岩岩好 食完勁有滿足感又唔會太膩…查看更多