𝐋𝐨𝐛𝐛𝐲 𝐋𝐨𝐮𝐧𝐠𝐞 at Kowloon Shangri-La 🍰
最近九龍香格里拉大堂酒廊聯乘香港藝術中心動漫基地
藝術盛宴跨界 呈獻《藝遊香城：金政基藝術展》 更推出「藝遊香城」韓式主題下午茶：將金政基的藝術元素巧妙融入精緻甜點與鹹點 帶來視覺同味覺既雙重饗宴
包括人蔘雞慕斯、黑松露朱古力、石鍋飯球等等
當中有啲甜點精緻地融入左韓國藝術家金政基既漫畫角色同酒店吉祥物 Edward 熊貓 趣味滿滿👩🎨
🎨「藝遊香城」聯乘限定下午茶($388/pp)
savouries
🖌️人蔘雞慕斯配香蒜松露醬
可能係食過最精緻既人蔘雞 雞肉打成慕斯 質感幼滑細膩
帶有勁香濃既人蔘甘香 配上香蒜松露醬 松露香氣濃郁
蒜香微微滲出 小小一口瞬間滲出韓式蔘雞湯既滋味🌟
🖌️韓式伊比利亞五花肉手卷
生菜包豬肉亦都可以食得優雅 💅
五花肉經炭火微烤 肉味濃郁帶輕微焦香 用韓式烤海苔
包住軟嫩多汁既五花肉同韓式醬料微辣醒胃 脂香不膩
🖌️海鮮涼麵伴章魚仔、櫻花蝦、烏梅湯
一口涼麵既概念 要慢慢食 涼麵烏梅湯凝固成啫喱
冰涼開胃 微酸回甘 果香同酸香交織 幾有清新感
🖌️「韓式石鍋」飯球配泡菜、和牛
個人幾中意呢個小飯球 完全係迷你石鍋飯球
外層烤至酥脆 保留飯焦口感 內裏米飯吸收和牛肉汁
油脂豐盈 配上泡菜微辣爽口 酸辣平衡 幾惹味
🖌️白色方塊：番茄啫喱、番茄粉、乾車喱茄
外觀簡約精緻 口感似空氣 但神奇地食落有濃縮番茄香氣
整體酸甜適中 淡淡鹹香 醒胃又解膩
sweets
🖌️黑芝麻芝士蛋糕
芝士蛋糕質感細滑 黑芝麻非常香氣濃郁 入口即融
芝麻既堅果香同芝士既微酸交融 唔怕膩更帶點回甘
🖌️白咖啡泥蛋糕
咖啡香馥郁 白咖啡的微苦同奶味平衡 甜度適中
🖌️黑松露朱古力
咁香濃黑松露味晚朱古力都未食過 估唔到都幾夾
黑松露既菌香同朱古力既香濃 係鹹香甘苦交錯 入口絲滑
🖌️四季橘閃電泡芙
長條狀既泡芙外層酥脆 內餡以四季橘製成
佢個酸度係閃電式衝擊酸甜清新 果香突出
🖌️白朱古力芝麻馬卡龍
造型比起馬卡龍更似朱古力撻～底殼酥脆內軟
中間係白朱古力與芝麻醬 芝麻香帶有微苦同堅果香
配上白朱古力既柔滑香甜 恰到好處
scones
🖌️英式鬆餅
外層微脆內裡鬆軟 原味既奶香濃郁 可配自家果醬/ 奶油
葡萄乾既帶微微果甜同鬆餅香氣互相提升
beverage
🖌️ Iced Lemon Tea
