小肥肥BB的個人專頁

今日同埋屋企人加埋兩個小毛孩一齊去食嘢！去到門口，店員已經好親切同我哋打招呼！感覺好親切！可能我哋比較早到，店舖只有一枱客！🐶🐶兩個一入到去已經好開心！周圍行😝舖頭間開咗一個位置專比我哋有小狗嘅客人，所以入得去嘅一定鍾意小動物，一定唔會遭受白眼！之後我哋叫咗幾杯嘢飲，有啲小食、意粉同埋沙律，而且舖頭亦都有毛孩餐單！所以佢哋都有得一齊食！毛孩區域所有餐具都係即棄餐具🍴我覺得食物質素不過不失！最主要過嚟都係為咗同毛孩一齊去食嘢啫🤪…查看更多

臨近新年，準備去筲箕灣買啲花過年！行到餓餓地，梗係要坐低唞一唞，食啲嘢啦！見到呢間舖頭有下午茶，，仲有人等位，應該都唔會太差吖！所以都決定排隊等下啦！因為媽咪啱啱食完飯佢唔肚餓，但又冇理由叫一份下午茶咁樣衰㗎！所以都揀左兩份細細地嘅！一個魚蛋銀針粉拼班蘭多士，同埋一個鴨絲燕餃米線🍜飲品呢就叫咗桔仔🍊冬瓜茶檸檬🍋薏米水！食物份量一啲都唔少！班蘭多士好好食，外面好香脆，班蘭醬亦塗得剛剛好，不多亦不少！至於鴨絲燕餃米線就一般啦！米線過稔，失去口感！不過價錢相宜，食物質素同份量絕對對得住呢個價錢！而且店舖幾乾淨，真係唔錯！…查看更多

今日WFH，食完早餐之後冇食晏晝，所以到下午茶時間就開始肚餓要出去搵嘢食啦！好耐冇食過意粉屋嘅下午茶，今日就順便去食吓之後再去Aeon買定啲嘢食返屋企做儲備我哋點咗兩個下午茶，一個係拼盤，另外一個就係龍蝦汁琵琶蝦焗飯！之後再加咗一客酥皮湯！食物好快已經嚟到！食物中規中矩啦！拼盤有雞翼、三文魚酥皮撻、Parma ham 沙律菜同薯條！薯條我覺得未完全炸透，所以唔太香脆，另外個酥皮湯呢～其實幾足料，不過酥皮都係未完全焗好，一啲都唔香脆，有啲失望！另外焗飯都唔差，熱辣辣拎過嚟，而且味道都夠晒！講真，我自己覺得意粉屋下午茶其實唔係好抵食，以呢個價錢嚟講其實一啲都唔平，計埋加一都成百蚊一個人，我覺得好多地方都有啦！😌不過呢個純粹個人意見啫！…查看更多

今日同小狗去街街之後再帶小狗睇醫生🩺因為未夠鐘所以突登行過嚟食少少野影吓相！小店坐位不算多，但有不少打咭位，可以影吓相，坐喺度睇吓書，其實都可以hea到好耐！我叫咗一份菠菜磨菇多士同一杯熱朱古力🍫⋯⋯點餐時店員都提示即叫即做，所以要大約等15-20分鐘！響等嘅時間，就同咗狗狗周圍影吓相。我哋都真係等左20分鐘左右，時間預計啱啱好！終於有嘢食啦，新鮮熱辣辣出爐嘅麵包，好好味😋包入面有芝士菠菜同磨菇，麵包好香脆，而朱古力亦都好香，而且亦唔太甜！👍🏻👍🏻不過我趕住走，所以速速食完就要走啦⋯⋯下次要再去試其他嘢😊…查看更多

今日去到其實已經係過咗最繁忙嘅時間啦！而且坐位其實亦有好多，一半係吉檯，但都係要㩒飛等咗好耐先輪到我哋入去！可能人手不足連枱都冇人得閒執😌可能係近聖誕嘅關係！29/12，平時正常都會有午餐同下午茶嘅，今日乜嘢都冇，一律都係散叫，真係有啲失望！如果早知我就唔過嚟啦。唔。抵。食。我哋叫咗一個pizza,一個意粉同一份沙律🥗埋單$240，冇嘢飲之餘其實亦都唔會係太飽！Parma ham pizza亦都感覺麻麻，不過牛油果沙律🥗我就覺得唔錯，賣相唔差之外而且新鮮😋大家亦不妨試吓！…查看更多

🐶🐶今日天氣好好，相約咗小狗朋友一齊去彭福公園放電！跑咗成個鐘，就一齊去食嘢啦⋯⋯因為帶咗三隻🐶🐶🐶！所以只可以坐室外。室外坐位唔係太多，所以都要等好耐！一坐低就即刻叫咗D食物，有pizza🍕pasta 🍝熱狗🌭️串燒🍡🍢🫖春卷同幾飲嘢飲☕️🍵食物好快就陸續嚟到！全部味道都唔錯，而且價錢亦都合理！性價比高，而且冇加一🐶👍🏻🤗…查看更多

聖誕節假期最後一日，滿街也是人，想搵位真係唔容易！食西餐又會特別貴，感覺好似唔多抵！所以都係揀間冇加價嘅舖頭，咁樣感覺開心安樂好多😅我哋叫左兩碗拉麵🍜，一客餃子🥟，同埋一支綠茶味嘅可樂（怪）🤮🤢完全飲唔到有可樂味，但亦都完全唔知佢有綠茶味！怪怪的甜味汽水，我只係覺得有啲汽水糖嘅味道！另外🦀️蟹王拉麵嘅湯底好清新，麵上有一球蟹膏嘅物體，都係幾有蟹味嘅！另外黑王係用墨汁嘅湯底，湯底好濃郁，麵底亦都好爽口，冬天食住碗熱辣辣嘅麵，感覺特別正🤤而且店員都幾有禮貌👍🏻👍🏻整體感覺良好☺️…查看更多

今日我同屋企人做冬，選擇咗食上海野，今日呢間小籠包店趁住有優惠，所以開開心心過嚟食！雖然已經嚟過好多次但每次都會叫八色小籠包，雖然味道唔係全部鍾意，但勝在打卡一流⋯⋯今日我見好多嚟食嘢嘅人都應該係用咗Apps嘅優惠，所以大部份座位都滿座。可能今日比較多人，所以出菜時間都比較耐，而且冇唔係咁熱辣辣！我哋點左八樣嘢，有飯、有炒年糕、生煎包等等等等！全部都係正常ok嘅！唔係特別好，但亦都唔係特別差！唔會伏亦未算驚喜！不過有折扣優惠感覺開心！而且一家人食飯都係開心嘅事😚🤗…查看更多

一家人食飯順便做冬，家人揀咗呢間餐廳！今日見到有信用卡優惠套餐，所以叫咗一個4人套餐之後再加多左條魚！啲食物上菜速度超快，叫左之後5分鐘左右已經全部上曬枱，快到有啲嚇人😅所以都要食快啲，免得食物凍曬！食物份量唔算少，雖然係4人餐，但我哋6個人加左條魚已經夠曬飽！餐廳亦好均真，4人餐免茶錢，所以佢地都只係收咗我哋2個人錢咋🤣食物質素其實都唔錯，無論味道、賣相都唔差！而且有信用卡優惠，真心覺得幾抵食😋…查看更多

夜晚諗唔到食咩好，見呢間餃子🥟開咗一段時間又冇試過咁就去試吓啦⋯⋯我哋點咗一個炸豬扒拉面同蟹粉煎餃子，另外再加配多咗個拉麵同酸梅湯！拉麵🍜一嚟到食咗一啖，覺得佢同我平時響屋企煮嘢即食麵味道冇乜分別，不過自己整口感反而好啲，起碼硬身啲而唔係稔曬😌😌另外蟹粉餃子🥟一啲都唔值呢個價錢！一入口感覺好腥，而且擺碟嘅餃子賣相好差，如果用隻比較少的碟子相信感覺會好好多⋯⋯另外豬扒就比較乾身，唔太入味！總括嚟講，唔試都一定唔會覺得可惜，而我自己去過就相信短時間都一定唔會再去啦…查看更多

今日帶埋小狗去影相，但因為星期日太多人啦！所以都影唔到啦～唯有去食嘢啦。雖然北角匯可以帶埋狗狗入去行商場！但就唔係間間食肆都可以比狗入去坐低食嘢！我見呢間舖頭地方比較闊落，再問問店員可唔可以帶埋佢哋一齊入去食嘢啦，佢話冇問題呀！之後仲即刻幫手拎開張櫈，咁我哋就可以推埋車車入去啦⋯⋯我哋叫咗兩碗麵同一杯黑糖珍珠奶茶！食物都唔錯！不過辣果碗比較好味，牛筋同牛展亦校稔較入味，而且唔係太辣，普通唔太食得辣嘅人都應該冇問題！而且店員都有禮親切，大家不妨一試…查看更多

今日去咗旺角行街，行到攰攰哋又到晚餐時間，去咗兆萬搵放題，原來好多間都係要預早book位架！行咗兩間，呢間雖然都話要訂位，但佢哋話如果我哋唔介意食少啲時間可以8:00前交枱都比我哋入去食！入咗去坐低，待應叫我哋揀邊種餐，我哋揀咗$238果個餐！Menu入面有唔同種類嘅肉類，亦都有一啲熱食，例如海鮮豆腐湯、韓式煎餅、辣炒年糕⋯⋯食物質素不過不失啦！而且食物亦尚算新鮮，只係種類選擇不太多。待應們換鐵板的速度亦好快，的確唔錯，相比起好多韓燒餐廳叫極都唔郁差好遠👍🏻👍🏻如果想食韓國燒烤嘅朋友仔，都不妨可以試吓…查看更多

今日係我假期最後一日啦！梗係唔好嘥咗個假期啦！所以最後一日都約咗人去食晏晝！午市時候呢度幾乎全場爆滿。之後我哋揀咗兩個午市套餐，頭盤我哋就一個叫咗沙律，另外一個叫咗湯！我覺得沙律🥗啲菜都幾新鮮！食完即刻覺得自己健康咗！至於主菜，我哋一個叫咗蝴蝶粉，另外一個就咗Pizza！食物熱辣辣拎出嚟，而且pizza亦烤得好香脆，唔錯唔錯👍🏻👍🏻之後我哋仲加咗兩個甜品添！一個係tiramisu,另外一個係意大利咖啡雪糕！可能我自己好鍾意食甜野啦！真心覺得好正好好食😋呢度食物質素幾好，服務態度亦好有善，個個待應都笑容滿面，好有熱誠！不過食物份量唔算太大，我覺得正常一個男人係未必會食得飽嘅😅…查看更多

今晚想食啲少少辣嘅嘢，於是我就諗住過嚟試吓！見呢間舖頭都係呢條街，有一段時間依然屹立不倒,相信食物質素各方面都應該唔錯!一入到去舖頭入面，就聽到樓面同廚房嘅人都係韓國人，佢哋都係用韓文溝通，所以我心諗一定係正宗韓國菜😚！我哋叫咗兩個Set,一個係辣豆腐海鮮湯配飯,另一個係飯卷配炒粉絲！我覺得八豆腐湯味道都唔錯，而且亦唔係太辣，不過可能海鮮嘅關係感覺有少少腥！炒粉絲我覺得味道偏淡，唔係太夠味，所以感覺一般般！舖頭入面唔係太大，位亦唔太多，好多人都可能選擇外賣，但食物種類唔太多，但所有食物都係韓國人主理，感覺比較正宗，如果未試過嘅都不妨一試，而且價錢亦唔算貴！😉…查看更多

今日放假，特登過嚟行吓，雖然都知道纜車餐廳呢排唔會有纜車經過，兼且纜車站大維修，不過冇緊要，都感受一下!經過香港公園,仲要行條斜路先去到行到過嚟, 一路行見到成條路都維修緊確係有啲啲失望😮‍💨去到餐廳啦！入面感覺都係幾relax,我哋選擇咗坐outdoor,有少少微風吹吓吹吓，真係覺得好舒服，而且亦完全覺得自己係放緊假，而且遠離繁囂。我哋叫咗兩個午餐一個係沙律🥗另一個係意粉🍝之後再加錢要咗兩杯咖啡！我自己覺得食物質素好一般！意粉有啲似我細個時候學校嘅膳食！正常應該唔會特別想食，除非你餓得好緊要！另外我叫咗個雜菜沙律，啲芝麻醬多到不得了，味道濃到有啲嚇人！之後加錢叫咗杯凍Mocha,我覺得係最正常不過，唔太甜，雖然冇乜朱古力味亦冇乜咖啡味！但總算唔難飲，另外果杯薑味latte又係甜到飛起!飲一啖已經超有外國聖誕氣氛囉！😌總括來講，呢度嘅氣氛係唔錯，環境亦都OK，如果有纜車經過可以打下卡，其實一流，真係幾靚！食物方面提供嘅食物質素一般般，千祈唔好抱咁大期望！…查看更多