babyprince的個人專頁

今次試下新野, 金榛朱古力脆脆新地要7蚊杯, 重有出其他14蚊既旋風, 15.7既double新地一黎個外表都真係幾吸引!可惜一食落口有d奇怪上面既碎好似係切碎左既新地筒筒碎花生粒淋淋地...完全唔係金榛朱古力"脆脆"新地金榛朱古力係淡味既X粉樂, 唔係好朱古力味, 又唔係好榛子味得個淡淡地既甜味總括: 我寧願食番普通個隻朱古力味新地…查看更多

又係寫café~~^^呢間係俾裝修吸引而入左去, 野食如何就要試下先知喇~~環境好舒服休閒, 有D小品裝飾, 歐陸風好重~~軟殼蟹芒果米紙卷, 推介!個外型好有歐陸STYLE, 個卷係用生菜、米紙而包成。裹面既軟殼蟹炸得好香口, 加埋上面層既新鮮芒果, 一口咬下去, 先是林林地的米紙到脆脆既生菜及軟殼蟹, 芒果的甜酸混合, 味道好豐富!!!!!!!黎個熱小菜石鍋卷蒽花一口牛暖一暖個胃先, 上枱時個鍋熱辣辣, 出哂煙, 牛肉味香噴噴~~食慾大增牛肉好Juicy又唔太油, 加埋蒽花好惹味!!!!芝士鵝肝汁雞扒軟殼蟹焗飯軟殼蟹上枱時好脆身!!! 雞扒夠淋, 雖然有少少乾身, 但係就夠香口,個飯底足料, 好香口好香蛋味, 而且一D都唔膩!!!!!!下次可以再食!!叫左3樣野好飽好抵食,價錢都叫合理~~~!…查看更多

尋晚同個friend去CWB 行街!行到Sogo 附近搵食,入到去唔洗等,好lucky呀!!Risotto 好colorful, 好大碟!Risotto有多料, 差唔多啖啖都有菇同海鮮, 而菇同海鮮煮得岩岩好, 爽身又入味!加左芝士令到成個飯更creamy! 食落去好香cheese味但又唔太膩!(不過對女仔黎講可能太大碟,share 就差唔多!)香腸薯條, 呢個set岩晒想試好多唔同味道但又唔食得咁多肉既女仔!兩種香腸口感係偏爽口, 唔會太淋而且一咬落去有肉汁流出黎, 值得推介!另外個芥末醬唔太嗆鼻, 加埋去唔算太辣口!最驚喜係酸菜, 用黎配香腸就會減底好膩既感覺!…查看更多

第一次食咁中式既高湯麵叫左白高湯, 啫係魚湯仲有大高湯, 啫係雞湯魚湯同雞湯都好濃, 雞湯意外地一D 都唔肥膩食完都飲左半碗湯 XD白高湯大高湯叫左5種點心同朋友share 食有水餃, 牛腩, 豬頸肉, 溏心蛋同雞脾菇 ~~可以咁樣配搭, 同朋友share 可以試到唔同既野, 唔錯~比較鍾意豬頸肉同溏心蛋 ^^價錢都可以接受範圍~~如果俾$100 食果d 日本拉麵我反而情願食呢個好中式的高湯麵~…查看更多

見到LOOP新開拉麵店, 一定要去食下等左十分鐘度就入去食, 可以選的食物不多, 只是分, 白, 黑, 赤三種, 但配料方面就會多點選擇, 可能因為專做某一類湯底所致我叫了黑秀拉麵, 賣相也OK, 先喝一喝湯, 湯味很濃, 應該是因為煲了很久的湯底, 有日本地道的感覺, 值得一講是那些蔥, 很特別很香食完也頗滿足~我覺得味道濃, 如果對食開淡的人, 可能會不習慣, 不過也值得一食…查看更多

星期日見無咩做就同朋友去長洲玩左一日, 行下食下, 去之前已經聽人講允升一定要食. 行左好耐先搵到, 去到4點幾好多人, 都等左5分鐘. 入到去見個個都食糯米滋我梗係叫返個啦, 每人要左個芒果糯米滋, 6蚊個, 大大個, 皮薄餡多, 又新鮮, 真係一試難忘, 因為O甘大個人都未食過O甘好食, 平時我地食糖水好少有糯米滋. 所以走個時我都返去買多幾個先返香港. 返到屋企俾屋企人食, 個個都話好, 仲話我買得少TIM. 如果再去長洲一定要再食. …查看更多

今晚有揸車, 又想試下新糖水, 就SEARCH下有咩好食, 見福元湯圓好多人都話好, 就去試下, 去到11點幾, FULL 晒, 我地兩個人等左一陣, 不過個老細又唔理我地, 後面有幾個熟客佢就係街開張枱俾佢, 我見O甘都有D嬲, 不過算啦, 鬼叫我地無出聲咩. 因為都幾凍, 我地都無等就叫外賣上車食, 叫左個桑記生茶加湯圓, 好似要22定25蚊. 個茶唔係好夠味, D湯圓咸咸地, 真係唔係平時食開個D湯圓, 個餡真係幾多, 不過皮又唔係好薄, OVERALL我唔覺得係人地講到O甘好, 可能我有EXPECTATION啦, 我諗無咩, 我唔會再去.…查看更多

平時返工覺得灣仔無咩好食, 所以有時都會去茶餐廳. 新膳坊一個月都會去一兩次, 不過只可以係4個人或少D先會去, 因為佢D位好多, 不過好多人等位, 因為佢算幾平個LUNCH SET30幾蚊, 有個OMLETTE, 一個面同野飲. 味道唔係太特別, 不過算係幾大份, 可以食得飽, 你俾30幾蚊都唔好預可以坐好耐, D阿姐見你差唔多食完就會想收你D野, 個日我仲飲緊野佢已經叫我同事去埋單.所以我會叫佢做抵食, 而唔係好食. 係灣仔食LUNCH AVERAGE要50蚊, 不過LE度35已經食到好飽, 灣仔返工O既朋友可以去試下…查看更多

今日5點幾, 想食TEA唔知去邊好, 朋友提議去ZOE, 第一次去, 覺得裝修唔錯, 不過打開MENU覺得都幾貴, 一杯野飲要40+, 仲有, MINIMUM CHARGE要50蚊一個人, 有D唔合理, 因為佢一杯野飲都唔洗50. 好似一定要人食CAKE O甘佢出名O既ZOE已經賣晒, O甘就叫左個CHEESE CAKE, 有CHEESE味, 都有D LEMON味, 口感唔錯, 唔係太軟身, 野飲叫左杯STRAWBERRY MILK, 個味好假, 雖然個樣幾靚, 不過成50蚊真係有D貴. 不過佢個環境真係好舒服, 如果俾100蚊成一個鐘我都覺得OK, 因為佢都幾靜, 傾計O既好地方…查看更多

早排星期六晚去都知會好多人, 不過因為鍾意食, 所以會去. 去到唔洗等好耐就可以入去, 不過要坐第一張枱, 見無其他就算啦. 個STAFF唔夠一分鐘就走黎, 我地兩個都唔知要咩好, 佢就黑面行左去, 我地兩個叫左個木桶豆腐花, 同榴槤西米露, 因為都唔係第一次去, 都知佢食點. 個食物OK, 不過個STAFF就唔得啦. 叫完唔夠3分鐘西米露就黎, 但係豆花就等左10分鐘, LE10分鐘有超過20次D人開門, 攪到我時凍時熱, O甘因為個豆花都未黎, 我見後面有位我就坐去後面啦, 我都問個STAFF, 點知佢好惡話唔得, 仲鬧我地. 食過好多餐廳我真係無見過一間係O甘, 會鬧客, 因為我地真係頂唔順個門我地都無坐左係後面, 我真係好希望一間野唔好出左名就變成O甘, 以前間野細細反而D人仲好D. 而家已經無左個份人情味…查看更多

今晚食完飯都成10點幾11點, 行過門口都係O甘多人, 等左成5-8分鐘先入到去. 今日叫左個REGULAR SZ 個TOPPING要左煉奶, 因為唔想食O甘多. 不過佢又無HONEY都有D唔開心. 28蚊跟一個TOPPING同其他FROZEN YOGURT差唔多價, 不過佢TOPPING比較少都唔係第一次去, 覺得佢個TEXTURE好似唔同左, 今日好CREAMY唔係好酸, 唔係好似YOGURT, 同埋唔知係咪已經開始涼, 所以唔會好似之前O甘, O甘快就溶. 煉奶唔係咩特別野, 不過做TOPPING都OK, 唔會話太甜, 如果有HONEY就更好啦…查看更多

平時我一定唔食辣野, 因為少少辣我都頂唔順, 估唔到我都會試酸辣粉. 平時好少去KWAI FONG, 個日見無咩做就去, 都唔知佢度有間O甘野, 本來想去買魚旦, 不過經過佢門口見到好多人企係度食, 好似好好食O甘.我都忍唔住要去試下.佢又可以做到少辣, 我無理由唔試, 雖然少辣, 不過對於唔食得辣O既我黎講都好辣, 不過佢酸度OK, 食落香口, 唔會話好似糊休O甘, 我只係要左個淨粉, 13蚊幾大蜿, 我覺得都OK抵. 如果佢可以做到少油就更加好. …查看更多

早排同阿媽行街, 佢又話想試下新野就去左TIME SQUARE O既SML, 睇佢門口唔係好吸引, 坐位唔係特別舒服, D朋友又話唔係幾好, 不過見阿媽話想試就試下啦. 見佢都有TEA SET, 都成60蚊一個, 真係幾貴, O甘我就叫左個蝦多士餐, 因為平時無咩機會食到. 黎到見佢個樣都OK因為叫左L都有3件, 一個人食O岩O岩好. 個多士都幾脆, 又有蝦味, 唔係普通個D蝦膠, 跟餐有杯ICE LEMON TEA, 都幾大杯, OVERALL我覺得除左貴, 其他都OK, 不過佢分左SML我覺得份量太少, L都唔係真係好大份.有改善O既空間…查看更多

個日食完串燒就行過去食甜品, 之前都去過幾次甜品大少, 都唔錯, 聽朋友講都唔差, 不過今日去到叫左兩個榴槤野就真係唔得, 叫左個榴槤冰, 一個唔記得叫咩名, 不過有相, 真係要認住佢, D一條條野好似JELLY, 不過又無O甘林, 有D椰子味, 成碗野就唔凍又唔熱, 個STAFF俾左枝SPOON食我地食唔到, 叫佢俾叉啦, 不過都係食唔到, 其實佢可以整細D, 等人易D食. 今次去真係好失望, 唔知係咪出左名, 多左人去就一定會差, 今次成完有排都唔會再去, 十分失望…查看更多

平時都鍾意食YOGURT, 食左YOGO幾次都覺得佢係最抵食. 個日食完STONEGRILL, 又想食下甜品就去左食啦, 因為佢係計重量O既關係, 可以叫多幾款唔同O既TOPPING,比其他FROZEN YOGURT好, 唔洗每樣份量好多, 想試多幾款又唔得. 佢O既YOGURT都有幾多揀, 有ORIGINAL, GREEN TEA同LYCHEE. 3隻都試左, 覺得LYCHEE都幾特別, 平時唔係O甘易搵到. 叫左CORN FLAKES, OREO, MOCHI同MANGO, 係D MANGO比較酸同D STAFF每次都俾好少TOPPING, 樣樣都要叫佢俾多D先得. 一人都係食左30幾蚊, 雖然同平時個D差唔多, 不過佢就可以有多幾個TOPPING試, 雖然唔係好就腳, 不過我都會再去,咪當食完飯散步囉 …查看更多