billyleung722的个人专页

前個排為左捉住堂食嘅尾巴，夜晚同朋友嚟咗依間位於太和嘅L’amour食法國餐，以前經過呢間餐廳覺得好好奇，充滿著神秘感👾，由外面望去裏面係完全睇唔到裏面有啲咩，係開門嘅時候先望到入面嘅環境。入去嘅時候先撳門鐘，然後侍應就會為你開門，服務加分😁。我同朋友叫咗個Set Dinner, 咁就有: 蝶豆花木魚清湯伴鯛魚刺身，是日餐湯，海膽扁意粉，美女與野獸。黎到咁有mood嘅環境，點可以唔飲返兩杯，於是我哋就叫咗杯New York 同埋生力清啤，兩杯都正正常常，不過不失啦。好快正餐就黎啦，佢嘅鯛魚刺身都幾新鮮，食落有鮮味冇乜筋。而餐湯就係椰菜花蓉忌廉湯， 佢嘅椰菜花蓉落得好足，啖啖都係椰菜花味，如果鍾意椰菜花嘅就啱曬啦。而令人最驚喜嘅，就係佢嘅海膽扁意粉，啲海膽係Jumbo級，好鮮甜，啲扁意粉亦都煮得好彈牙！最後就係佢個甜品，美女與野獸啦，依個甜品真係好靚，啱晒用黎打卡😋除咗環境令人驚喜之外，侍應嘅服務態度都好好，可見餐廳真係落足心思架。…查看更多

今日放工同朋友黎左依間位於太和嘅芝加哥串燒酒場，鋪頭距離港鐵站好近，五分鐘左右就行到。店面好開揚，啱晒同朋友三五知己一齊食飯傾下計。佢串燒同酒嘅款式都好多，咁我就首先叫左一杯1664嘅白啤🍻，份量都足夠支持我食晒啲串燒。首先打頭陣嘅係香蒜芝士黑松露燒扇貝，扇貝燒得啱啱好唔會干晒水而且都好大隻，食落好香黑松露味😋第二就係大蔥雞脾肉串，佢每串都有三舊雞脾肉同兩件大蔥，啲肉好滑同埋醃得好入味配搭埋大蔥真係冇得彈。🐔第三就係健力士黑啤豬肉腸，條腸好大條而且好多汁，佢食落有好輕微嘅嘅黑啤味而且層腸衣好薄，一啖咬落去超好食！🥰🥰🥰而佢嘅招牌燒茄子真係唔洗講，大條，調味夠，燒嘅火喉啱啱好，真係不負佢招牌嘅名。🍆🍆🍆到最後壓軸就係蒜蓉牛油燒大頭蝦，佢拎過黎個陣已經聞到勁香嘅牛油味，食落仲香。蝦肉都算多，而且有唔少蝦膏，食得非常滋味。🦐🦐🦐…查看更多

前個排收工同同事黎左依間係北角嘅九份飽食，間野位置唔好而且都幾多人，我地坐底冇耐就滿座。入正題！餐點上我就揀左台灣擔仔麵，胚芽珍珠奶茶同埋蚵仔煎。台灣擔仔麵🍜🍜🍜好似港式油麵，但冇油麵個種油膩，湯底同配料加埋亦十分香口，配搭得非常惹味，好有台式風味～呢杯胚芽珍珠奶茶🥛🥛🥛感覺比一般珍珠奶茶健康，胚芽又有肋消化飽肚嘅珍珠。另外，呢杯胚芽珍珠奶茶十分香濃，絕對要一試，飲完仲想飲多杯添!!!!!!!!蚵仔煎🍳🍳🍳就做得不過不失啦，蚵仔數量充足冇碎殼，配搭埋香蔥，蛋，薯粉，煙煙韌韌得黎有好香嘅蛋香味，加埋啲醬汁酸酸辣辣咁，好開胃，眨下眼就清晒lu😋…查看更多

今日放工同班fd落左cwb食劉一手，次次行過佢門口都聞到勁大陣麻辣味，今日終於忍吾住去挑戰下。咁我地湯底就叫左香濃豬骨湯同埋正宗重慶麻辣鍋。個豬骨好濃郁睇得出應該都淆咗唔短嘅時間，飲落清甜有好濃嘅豬骨味，用黎做湯底一流，尤其是用黎烚返豬肉片更加係冇得頂。而佢嘅麻辣湯麻度同辣度個比例好好，吾會得個辣，而且味道好香濃， 越食越過癮，中意食辣嘅真係唔好錯過。今次要點名特別講嘅係油炸鬼墨魚滑同埋海鮮拼盤C。首先佢嘅油炸鬼墨魚滑，油炸鬼好脆而且脆得黎冇油益味，浸落個湯30秒度就可以食，因為油炸鬼易軟而墨魚滑易熟所以兩者真係絕配，油炸鬼香脆可口加上墨魚滑嘅鲜甜彈牙，依個餸真係值得推介俾大家。到佢嘅海鮮拼盤啦，依有拼盤有石蚌魚一條，貴妃蚌四隻， 桶蠔四隻，珍寶帶子八片，墨西哥遼參四件，每樣就咁睇都好新鮮，條魚直頭仲郁緊，食落肉質緊緻，鮮甜。其中佢既帶子同貴妃蚌最好食，但要留意嘅係千其吾好烚太耐，吾好肉質就會變老變韌㗎啦。總結嚟講呢間嘢嘅食物質素對得住佢嘅價錢，各位如果有興趣都可以呢一試。…查看更多

今日同fd行完荃灣就黎左依間茶餐廳2.0食Dinner。之後有朋友介紹過佢嘅扒並非用鐵板上而係石燒嘅，我心諗都幾有特色，於是就揀左佢啦😋石鍋底燒嘅西冷扒比平時嘅鐵板熱得多，食到最後一夠仲熱辣辣，而且西冷嘅肉質都唔老，好鮮；配上平時冇乜機會飲到嘅特飲-白牛（雲尼拿雪糕溝雪碧），絕對係一個唔錯嘅選擇，最後食埋個甜品-心太軟，一上枱入面嘅朱古力軟心已經流緊出黎，真係夠晒豐富。茶餐廳2.0食到嘅嘢唔係一般嘅茶餐廳食到，值得一試。…查看更多

今日同屋企人落佐敦行街，因為自從搬咗出去住之後，都無乜點同屋企人見面，又要返工又要返學，大家都好忙，難得終於夾到一日可以一齊出街，就緊係直落食埋晚飯先走，於是就決定食呢間錦壽築地啦。我地就叫咗一份雜錦刺身，入面有三文魚，帶子，甜蝦，赤貝，北寄貝，海膽油甘魚，魷魚等各款刺身，全部食落都好新鮮唔會干晒水，特別係海膽嘅味道好鮮甜 又唔覺得腥，值得一試！之後再叫咗一個雞翼啦，嗰雞翼係雞全翼黎，幾好食，廚師嘅煮法鎖住到啲肉汁👍跟住食刺身唔夠喉，所以就叫多咗一個三文魚腩刺身同海膽刺身，你無睇錯，係真係再叫海膽刺身，可想而知，佢係真係幾咁鮮甜好味先會令我地即場再叫，三文魚腩刺身都好肥美，好好食，今餐真係大滿足！…查看更多

地點：曼谷車站餐廳重點食物：海鮮濕炒河粉話明海鮮炒河粉，海鮮又點少得呢，有魷魚青口大蝦，而呢度俾嘅份量都幾多下，認真大方。 再加多菜粟米芯、芥蘭、 紅蘿蔔， 成個河粉即刻生色不少，口感同味道豐富哂！成個河粉上面有好多餸鋪係面見唔到d河粉咁滯，個份量真係好好好大份。泰式辣椒醬炒青口，青口一向都係我最愛，呢個個醬汁非常好食，如果佢份量再多D，就更加開心啦。馬拉盞炒芥蘭 ，芥蘭新鮮，落左D酒、糖同埋馬拉盞去炒，所以唔係好食到芥蘭本身GE苦澀味，份量都多，辣辣地幾香口。…查看更多

九龍城出名有非常多隱世既小店,而且性價比亦都好高,今日同朋友來到呢間泰國菜餐廳(金蘭花私房菜)。入到去感覺好溫馨,簡簡單單的,有種回到家吃飯的感覺,而且座位舒服,就算幾多朋友黎聚餐都OK。我地點左個菠蘿炒飯,本身我吾係特別喜歡食菠蘿炒飯,但上次去泰國被朋友影響左,所以都愛上了,而金蘭花依度既菠蘿炒飯真係好好食!!!同泰國既味道差不多,都係將炒飯放係菠蘿入面,面頭仲有滿滿的肉鬆。另外我地仲點左個炒青口,青口新鮮,味道亦都非常惹味。…查看更多

今日同女朋友去咗旺角行街，行到夜晚已經好肚餓，就去左女人街嗰頭就睇下有乜野食啦。咁啱見到呢間日本魚心料理，於是我就走咗入去，睇完menu，見到壽司咖哩飯，咁特別嘅，就叫咗一個E餐啦。佢個餐有雜錦卷物同咖哩飯，我女朋友叫咗一個C餐：雜錦壽司同咖哩飯。咁嗰咖哩就係用日本咖哩啦，配落啲飯到，其實都唔錯，可以接受。雜錦卷就有八爪魚同三文魚，賣相都幾特別嘅；雜錦壽司就有火灸三文魚，鰻魚，吞拿魚，鯛魚，魷魚，熟蝦同加洲卷，份量都唔少架😋下次會想同fd再黎食多次👍…查看更多

成日聽人講話馬鞍山係美食沙漠，今日難得同fd行過就決定一於係依區覓食😋行左一陣之後我地揀左依間係街市入面嘅川味雞米線👈入面嘅座位唔算多，但勝在寬敞，坐得舒服。我叫左一個三餸嘅口水撈薯粉加七喜埋單都係$50度，都算唔錯。佢有得俾你揀辣度嘅，因為我唔係好食得辣就揀左少辣，餸就揀左芝士腸，墨魚咀丸，滷水豬大腸。佢成碗口水撈係大碗嘅餸都多，小辣對我啱啱好，唯一係湯汁有Ｄ多，唔夠干身，如果少Ｄ湯汁會更好。而佢嘅墨魚咀丸好得意，我都係第一次見，食落同普通墨魚丸嘅分別好似就係真係食到有墨魚肉係入面，至於係咪墨魚咀我就分唔到啦；而滷大腸就夠晒入味，而且好易咬，肥肉唔多，好好食。今次就咁多先啦，其實馬鞍山都唔係咁沙漠啫😋…查看更多

前個排同朋友去左間係荃灣西嘅西餐廳食好西，巴馬火腿配蜜瓜，24個月巴馬臣芝士卡邦尼意粉，慢烤美國穀飼斧頭豬架。佢上菜速度唔錯，落單一陣就黎到。24個月巴馬臣芝士卡邦尼意粉：廚師將煮好嘅卡邦尼意粉放入完個巴馬臣芝士入面令麵條均勻沾上芝士同時吸收水分，上碟後嘅意粉干身得黎充滿住極濃郁嘅芝士味，配上香脆嘅煙肉粒，雖然有Ｄ膩，不過真係超好食，芝士迷一定唔可以錯過！慢烤美國穀飼斧頭豬架：斧頭豬架名不虛傳，真係好大隻，慢烤令佢嘅肉質較乾身，食落肉香味重，而且唔算老，咬落唔韌，成隻揸上手食感覺好豪爽😂總結係間中黎食獎勵下自己係唔錯嘅，食物質素ok,雖然唔係超級好食，但都算好食架啦😋…查看更多

今日放工同朋友黎左旺角嘅Mini Friday食dinner。 我就叫左個香煎鸚鵡魚柳配蟶子忌廉燒汁嘅set dinner。佢前菜有個薄脆配千島醬，食落仲好脆香口，點少少醬，酸酸甜甜好開胃。佢嘅沙律係用密封瓶裝住，令沙律菜保持新鮮爽口，再加上幾粒爆珠點綴，食落口fresh得黎又有Ｄfusion嘅感覺。主菜鸚鵡魚柳，肉質嫩滑而且佢冇煎得太老 係相度都睇到佢嘅魚肉係分明嘅，配埋個蟶子燒汁，少少苦帶起佢個個海鮮味，好新鮮嘅配搭，俾個讚！總結就係餐廳嘅座位坐得舒服，食物質素對得住個價錢，值得一去。…查看更多

童話風格的咖啡廳,地點方便很近地鐵站,有一個很大的旋轉木馬和南瓜車,少女味極濃,坐位空間都算寬敞,不會很迫,很適合一家大小或閨蜜一起吃的餐廳。餐牌的食物種類都挺多,而且價錢不貴!前菜的餐湯和沙律都不錯。小食拼盤份量一點也不少,有咖哩雞翼、蜜糖雞翼、水牛雞翼、薯角、芝士條、咖哩角,蜜糖雞翼很入味,甜甜的令人吃不停口。慢煮羊架的肉質不錯,而且煎得也不錯,加上薄荷汁真是恰到好處。總括而已這裡環境和食物都很不錯,會想下次再來!!…查看更多

今日同fd行經油塘就黎左依度食四川野，我地兩個人就每人叫左豬油砵仔飯，椰青； 綠茶芋泥餅，干鍋肥腸各一。豬油砵仔飯，佢嘅豬油同豉油都係有熱住嘅，拎出黎唔會凝固左，淋落去同豬油撞埋一齊真心香，而且Ｄ飯質感同干身，勁好食，雖然肥左Ｄ但都眨下眼就食晒。干鍋肥腸，辣度適中，大腸夠干身，食落去吾韌，亦都吾會真係好肥，唯一可惜就係大腸有D少。冰凍椰青新鮮清甜，爆多水，係食完Ｄ油膩野飲就最啱。最後記得食埋Ｄ肉，都好正。重點推介，綠茶芋泥餅，$50都吾洗就有六塊，外皮夠簿香，咬落去Ｄ芋泥迫晒出黎，又吾太甜，係好食嘅，但要襯熱食，吾係凍左就一般啦。…查看更多

朋友住慈雲山慈樂邨樂仁樓,上左佢屋企打麻雀,打左四圈攰攰地,就一齊落街搵野食。黎到慈雲山中心1樓,有間賣台灣麵線既餐廳。望左陣餐牌,我地就叫左D野食。台式三杯雞🐔-三杯雞之所以叫三杯雞是因為香油、醬油、米酒各一杯的做法產生了這個獨特的名字。三杯雞味道很香,雞肉嫩滑鮮美,沒有多餘的雪味。魚丸湯🐟-魚丸只得兩粒,感覺有點少,大小有乒乓波咁大,魚丸口感彈牙,湯的味道清甜,加上兩片菜葉,是一道較簡單的餸菜。這次的消費不高,而且由我們當中的大贏家請客💰。這間餐廳相信我們會再去。😋…查看更多