Jose03161的個人專頁

有朋友話想試荃灣一間土耳其菜於是就約咗放工去餐廳裝修雅致 而且座位闊落 坐得幾舒服佢個名叫雞軟骨但唔係軟骨係雞肉嚟 初初上個陣心諗有叫呢道菜咩佢幾好食 雞肉嫩滑 面頭嗰層醬有少少似韓式甜辣醬咁 好開胃 做前菜或者配飯都一流個naan必叫!!! 加咗蒜蓉 份外地香😋 就咁食或者點醬都好好食 個醬有小小似咖喱 有層次感 辣中帶甜 地皇雞好滑 如果唔想食naan 配飯都好夾 最後食埋個烤野雞肉卷 上堂熱辣辣 雞肉配合埋醬汁啖啖都好滿足 同生菜嘅比例啱啱好 食落唔會漏 如果覺得着唔夠嘅 佢仲有幾款相可以俾你加 個人推介蒜蓉或者薄荷醬 個人覺得同雞肉卷最夾…查看更多

今日本身諗住同fd去food court食野算，但上去個陣就發現新開左呢間金之半之助,就入左嚟食佢啲裝修同葵芳店差唔多, 好有高級日式餐廳既感覺廚房係半開放式, 好衛生乾淨間鋪其中一個賣點係連續5年拎咗日理全國天丼金獎，所以對佢好高期望我叫咗佢個朝牌菜江戶前天丼呢度啲天婦羅最大嘅特色就係佢炸嘅過程中會落到麻油, 所以佢啲天婦羅有住其他天婦羅鋪與別不同嘅麻油香，個丼飯配料好豐富，有原條穴子，魷魚，炸蝦，豆，仲有隻温泉蛋 篤穿佢撈埋啲飯食真係冇得輸一啖天婦羅一啖飯真係好香口，個陣麻油香將天婦羅既味道提升到另一個層次食到好飽…查看更多

今日同朋友嚟左青衣揾朋友，就嚟咗呢到食午餐呢到嘅佈置都唔錯，d位都坐得幾舒服我就叫咗個黑松露雜菌闊條麵朋友就叫咗澳洲肉眼扒伴薯角佢啲lunch set係包埋餐湯，今日個湯係南瓜湯，南瓜味夠濃亦好creamy, 唔錯個闊條麵蛋香味夠重，蘑菇味好香，啲汁亦夠creamy, 好好味肉眼扒都幾大塊，我拎咗佢一啖嚟食，，叫5成熟煎得岩岩好食落夠淋，牛味夠重，薯角份量都好多，好熱同好香脆，應該係即叫即炸唔係預先炸定呢到啲咖啡都整得唔錯，d泡沫多到差唔多滿瀉我叫呢杯ice cappuccino咖啡味好香，飲落好軟滑…查看更多

今日行開九龍灣，本來諗住順便過megabox食嘢，但經過呢間野見d嘢食幾吸引，下午茶set又幾抵就入左嚟我就叫咗碟咸牛肉蛋牛角包，同平時食開嘅三文治版唔同，佢係啲咸牛肉係包咗係蛋入面煎，呢種煎法唔會令到咸牛肉個種咸香味蓋過雞蛋本身嘅味道，同牛角包嘅香脆口感好夾，好值得食朋友就叫咗炸雞髀配薯仔沙律，呢到啲炸雞髀食落比出面食開嘅嫩口d, 而且好多汁 皮亦煎到好香脆呢到啲沙津食落特別足料同fresh, 而且用既都係新鮮材料，好值得食呢到啲嘢飲都好正，果汁標榜新鮮製作，我叫呢杯蜜瓜雪香好香蜜瓜味，有天然果香味，味道亦唔太甜， 好好飲個人覺得必飲…查看更多

今日同朋友去左觀塘嘅工廈區諗住買野順便揾嘢食點知比我發現到呢間野我見佢啲餐牌都幾吸引，咁我同朋友又未食lunch, 價錢又唔貴， 就入左嚟食嘢呢到嘅前菜係雞肉沙津，但因為我本身唔食沙津嘅所以就唔係到作評價啦，講下主菜先我叫咗碟奶油明太子帶子意粉意粉聞落好香，撈埋啲明太子食啲cream會帶一種微辣嘅明太子咸味，同啲cream好夾，好好食 帶子都幾大粒，煎到好香，調味都好好，會帶有小小焦香味朋友叫嘅係carbonara, 有煮過carbonara既朋友都知道佢嘅靈魂唔係d cream, 而係蛋黃汁，我試左佢小小，個意粉有咬口，加埋蛋黃汁同cream做到好幼滑，鐘意食carbonara既一定唔可以錯過甜品有豆腐同綠茶雪糕，豆腐雪糕我都係第一次食，口感幼滑豆腐味都幾香，唔錯…查看更多

今日約左個好耐冇見既大同去食飯 由於係我最鐘意既燒肉所以期待左好耐呢間燒肉標榜和牛放題，鐘意食和牛嘅你一定唔可以錯過先講下飲品先，日本國產綠茶同日本酒應有盡有，鐘意飲酒嘅朋友可以加錢任呢個由杯底fill酒嘅生啤機主角到啦 和牛燒肉拼盤學其他人講，靚既牛肉唔駛搞唔多嘢，唔點醬靜係落小小鹽同胡椒已經好好食 佢呢到有提供即磨既喜馬拉雅山岩鹽同即磨黑椒，一定唔可以錯過 當然鐘意點燒肉汁嘅呢到亦會提供我個人最鐘意就係和牛肉眼肉味同牛脂比例好好而且入口即溶好好食西冷就肉味較重，食落好淋好香肉味重有送魚生拼盤送，除左海膽之外其他全部都可以任叫 強烈推介三文魚同生蠔，夠肥美同鮮甜…查看更多

今日經過佐敦見到呢間野, 即刻諗起日本經常見到既自助食卷機, 又聞到好香既牛味, 就入左嚟食呢到係自助式服務，牛扒煎到一成熟就會放係塊熱石板到比你, 可以自己決定要幾成熟呢到好貼心咁提供埋圍群比你，食牛扒個陣就唔駛驚d醬汁周圍彈沙津，水，飯同醬汁都係任裝，想特別推介下佢個自家製燒肉汁, 配合埋蒜蓉真係冇得輸佢d湯都好足料，大大舊牛肉主菜到 我叫咗牛柳 大大舊，好香牛味切開咗入面好靚 牛柳好有咬口亦好濃味足足有200g夠我食3碗飯蒜粒炸到好香脆總括嚟講呢間食店性價比高，味道好，價錢亦好公道，絕對值得嚟食…查看更多

今日同朋友行開新世紀, 又未食Lunch於是就去左搵野食, 最後嚟左呢間到食呢到係專食和牛燒肉既店, 但睇menu見佢都有好多其他唔同種類既野食呢個玉子燒真係超好食 佢燒得好滑好軟熟, 蛋味好重, 非常之香, 明太子會帶小小咸辣味, 同雞蛋既味道好夾, 好好食 個人認為呢個玉子燒好高質素鹽燒豚腩丼係我朋友叫既, 佢比左塊我食, 個豚腩燒得非常香, 食落去油香味重, 豬肉味濃呢個和牛丼D和牛燒得好靚岩岩好, 因為係澳洲和牛, 油香重之餘牛味亦會比日本和牛濃, 將個溫泉蛋撈埋落D飯到一齊食味道亦好夾, 雖然唔算話好平但物有所值呢到D串燒都好高質, 特別係佢個和牛同黑豚肉串, 油香重而且好有咬口, 嚟到一定要試下…查看更多

之前係網上得知呢間金之助係香港開已經好想食，今日終於夾啱時間同朋友嚟食係呢到嘢食係default就係一個set咁上, 叫天丼會包埋味噌湯同前菜一上枱已經聞到一陣好獨特既麻油香天婦羅炸得好脆口, 食材亦食得出用心挑選，我呢個上天丼係有炸海老， 帆立貝魷魚天婦羅餅，鱚魚同温泉蛋. 朋友嘅就冇鱚魚但多左條勁大條嘅星鰻我特別想提下佢嘅鱚魚天婦羅，呢種魚我都係第一次食, 雖然係炸過但仲啲肉仲係好嫩，好香魚味而且同鬆脆嘅天婦羅脆好夾個人覺得食日本嘢除咗食材之外，米飯都係好重要嘅一環，呢到啲米粒粒分明，好有咬口，又香，整整爛隻温泉蛋撈埋啲飯一齊食真心超好食另外仲想提下佢呢到啲茶係選用咗香脆比較小有得飲嘅黑豆茶，個人好鐘意個陣黑豆味好香又解油脷，而且每飲完一杯店員係會keep住幫你refill好細心:)…查看更多

今日同朋友出咗荃灣行街，食lunch見呢間茶餐廳好似幾吸引所以就入咗嚟:)呢到啲裝修唔錯啲chair做得幾舒服我同朋友都叫咗個咖哩紐西蘭肉眼扒但我就配飯而朋友就配意粉塊牛扒真係超級大塊好似壽司咁包實晒差啲睇唔到啲飯 啲牛扒熟成度啱啱好, 我估大約5-7成熟左右啦, 肉味濃郁之餘亦唔會好難咬開, 好好食 佢啲咖哩亦好有層次感, 點牛扒同配飯食都好夾沙津好新鮮好開胃, 啲蝦好大隻而且份量唔小, 食落似係用牛油同香草煎過, 好入味好好食 …查看更多

今日同個朋友去左奥運行街，突然好想食泰國野 上網揾下附近有啲咩好食嘅泰國嘢就比我發現到呢間一入門口就見到有呢個每日優惠價嘅牌只要係到食嘢就可以用1蚊優惠價點以上嘅食品 菜式每日都唔同總有一款啱你心水今日嘅優惠菜式係炒通菜:)份量同質素絕對冇將貨就價，通菜炒得好香好爽口,個種辣香味好正炭燒豬頸肉燒得好香份量亦都好足，佢個邊位燒到有小小crispy, 好有口感而且好好食必點海鮮炒飯好香蛋香味，材料都好足，啲蝦大大隻好有咬口嘢飲好凍好解渴好好飲椰汁好香…查看更多

本來諗住食food court算, 經過見呢間好似好吸引咁就入咗嚟食呢到啲位好闊落坐得好舒服, 裝修都幾靚我地叫咗個2人set食前菜我叫咗洋蔥湯而朋友叫咗南瓜湯洋蔥嘅味道好香, 個湯包吸晒啲湯食好好味南瓜湯我就只係試左啖, 好creamy個味道啱啱好,都好好飲個沙津好fresh, 除咗新鮮之外仲加入咗雞肉同麵包脆粒, 令人份外開胃魷魚圈外脆內軟，啱啱炸起仲熱辣辣，同他他醬亦好夾主菜叫咗千層麵同pizza, 個千層麵好香肉醬味,加埋用大量芝士焗，成個味道好邪惡整得好好食呢個明太子pizza唔係用蕃茄醬做base, 個pizza係意式薄皮pizza嚟, 焗完好鬆軟口感好好, 香港比較小機會食到呢種餅底嘅pizza, 佢啲芝士唔係芝士醬嚟, 係芝士粒, 味道亦好濃, 同明太子好夾, 呢個真係好好味, 鐘意明太子嘅唔好錯過是日甜品係tiramisu, 好幼滑好creamy…查看更多

今日嚟咗大角咀呢邊食日本嘢呢到啲wasabi係用現磨嘅，有好獨特嘅清香味道我地叫咗好幾款壽司食火龍卷真係好大條,卷物上面啲蟹子鋪到滿瀉曬咁滯，卷物入面有好大舊蝦肉，啖啖都好滿足，個蝦頭係炸過嚟嘅，充滿住蝦膏香三文魚腩好肥美而且夠大塊，咬入口啲油香一路咁滲出嚟，好滿足玉子燒係自家製嘅，蛋味香濃，唔錯吞拿魚蓉壽司我本身麻麻地食蔥嘅，但蔥花嘅味同吞拿魚蓉嘅味又出奇地好夾，吞拿魚味好香,入口即溶，個人認為必點之一軟殼蟹卷真係放成大半隻軟殼蟹去整，材料亦好足卷物亦好大件，食落口感香脆，唔錯食完生冷野梗係要食返d熱野，呢味明太子醬燒生蠔係即叫即焗，明太子個種微辣香感同蠔好夾，好好食…查看更多

煲仔飯就食得多，大多數都係街邊或者茶記入面食，係咁有氣氛嘅煲仔飯我都係第一次鋪頭裝好靚，氣氛高檔靜係得氣氛好冇用,嘢食質素都相當重要我就叫咗個煲飯set D食前菜係蒜泥白肉，白肉炆得夠淋，肥瘦適中，蒜泥好香，兩者味道好夾，唔錯呢個係伴麵嚟，唔好睇佢好似好dry咁，撈埋xo醬食個種香辣油香感同伴麵真係好夾，加埋麵本身嘅蔥油香真係好鬼好食主菜當然就係煲仔飯，店員有幫我地搞伴咗先，呢到啲煲仔飯真心幾出色，個飯焗到啱啱好好有飯香，雞肉好滑好正 個飯本身有小小油香呢點我好鐘意，食唔停口呢個芥菜排骨煲想特別提下個湯，個湯好入味好暖胃好值得飲排骨亦好嫩肉味香 …查看更多

今晚同幾個朋友嚟咗太子呢到慶生打邊爐首先上嘅係刺身,刺身款式唔小, 而且好新鮮湯底我地揀咗椰子湯, 個湯滾咗之後啲staff叫我地飲小小湯先，個湯底好清甜椰子味好香，唔錯打得邊爐又點小得牛肉我地叫咗個牛肉蛋糕，佢其實唔係真係蛋糕嚟，係一座鋪滿牛肉嘅山牛肉款式有好多種，除左手切肥牛之外仲有牛柳粒，牛舌之類，仲有係香港好小機會食到嘅個塊白色(唔知叫咩名) 嘅牛肉,鮮味比其他牛肉仲重，食落去越咬啲味越出，好正佢啲蟹子丸比平時出面食到嘅好食好多，蟹子味特別香濃而且份量比出面多，差唔多半粒都係蟹子嚟38蚊就有咁大隻飽魚食 飽魚新鮮爽口，同椰子湯嘅味道亦好夾，絕對值得叫金句型嘅筒號我都係第一次見 打一個拖到煮熟之後雖然縮咗水但都仲係好鬼大隻蠔味好鮮同濃，超級好食呢味黑松露蝦丸，黑松露嘅味同蝦嘅味道出奇地好夾，味道香濃而且好有鮮味，好值得試呢度啲鮮蝦雲吞同同事食唔食到嘅唔同，佢特別大粒而且特別滑，蝦味又重，佢應該仲加左某種食材，帶出咗一種好特別嘅香味同味道，好鬼正 必點打下邊爐突然間好想食啲炸嘢所以就嗌咗味椒鹽鮮 上枱嗰陣好熱好香好祝你覺得好多炸蒜，食落夠彈牙有椒鹽香，炸漿亦唔厚，食落外脆內軟，好好味鍾意食芫茜嘅人一定要試呢個香茜牛肉丸係手打新鮮牛肉嚟嘅，牛肉味濃亦好香芫茜味…查看更多