JackyLeaves的個人專頁

話說呢排係中環出沒，同幾個同事去搵地方開餐 同事介紹間阿根廷菜就去試試～呢間阿根廷菜餐廳位置唔多，大約有十幾個左右，位置都算有小小隱蔽，位置於中環核心地帶嘅隱蔽地點，岩哂我地呢啲想輕鬆食個lunch嘅工作人。價單係中環不過不失，今次我就試試西冷，我同事揀左個skirt, 另一位就食阿根廷腸仔！比我想像中其實好食，skirt係牛胸口肉，會比較有咬口，又一啲都唔覺得好韌！西冷叫左med rare, 上到黎都岩岩好，有口感牛味之餘都仲覺嫩同埋佢個特別炮製嘅蓉汁，加上去恰到好處…查看更多

又係時候，無野做去搵食啦喂！澳門逸園就去過好幾次食過好幾間，但呢間就真係未試過！所以一定要一試啦！一入到餐廳，餐廳裝修已充滿日味，當中其中一面牆身更被燒酒品牌貼紙貼滿！都幾有味道！睇呢個已知今晚一定要飲返杯！立即叫返個燒酒黎飲飲啦野食方面，先試一試個沖繩前菜，以不同刺身加上海葡萄及沖繩苦瓜製作的沙律！之後就食返個刺身赤目，當中師傅即叫即切，魚皮被燒過，魚香洋溢，流於魚肉上，份外鮮甜！再之後就緊係燒燒佢，睇下下面！都唔洗介紹啦下嘩😂最後同個朋友都係未夠喉，再叫多個和牛壽喜燒！正呀！呢個柚子雪巴，都好得意！正呀！！！！…查看更多

今日又行過尖沙咀，搵食搵食凍凍地，就緊係食返餐打邊爐，見到佢出面個banner 就吸引左，入去想想佢講到$1嘅火焰龍蝦海鮮湯底！入到去，同幾個朋友仔點左都唔少野，但一開始緊係睇左佢個火焰有幾火！佢一黎個感覺都算幾新鮮，海鮮鍋中有龍蝦、蛽等之後店嘛員就加啲酒，炒炒佢個龍蝦！個畫面都幾唔錯架！再加埋龍蝦湯，就成個湯底搞店哂！最後仲叫左唔同野食，當中有個幾特別嘅紫菜響鈴，大大舊，食落味道十味，加埋啲湯味，更加味濃香口！…查看更多

食日本野仲係想飲啲sake ，一來唔破壞日本野嘅味道，二來令自己更加覺我自己係當地人係當地享用地道美食！今次黎左呢到，就係為左食美食、飲美酒！未入到去睇下個門口，已有好幾箱帶子殼，就知道佢地一日賣好多新鮮帶子同埋唔會重用帶子殼！我諗生野都最怕係重用野，而令刺身染有不必要細菌！講左sake咁耐，無支sake睇下點好意思呀😂😂呢個飲酒實要食，唔洗介紹！識飲識食就實會叫！跟住店內就比左呢個我地影相，都幾細心，呢啲可以呃like嘅野，更係要比我地影下post下！係等緊食上面條魚（一陣再介紹）同生蠔前，食住手卷等美食！之後再有佐酒一流嘅燒黑毛豬煙肉，食落小小咸，加上sake 多多趣！生蠔幾咁肥美呢，望住佢，只係想一啖食入口細味～ 好新鮮，好正！黎到今次重點，亦係我最like嘅赤鯥魚刺身！師傅為左令刺身更加好味，特別地將魚皮燒香，讓魚油熔入魚肉當中！魚肉入口細滑香甜，甘香美味！完全無諗過赤鯥魚可以有如此美味！食完真係唔夠喉，好想好想再食多條！店員收碗時同我地講魚骨會整成魚湯，立即令我急不可待想飲個魚湯！等個魚湯嘅呢個時間，叫多左兩個菜，都係伴酒一流的食物！正，魚湯好有魚味，好鮮甜嘅魚湯，啖啖鮮啖啖甜！好飲！個環境都好重要，我地坐bar枱望住師傅將新鮮食材，好似蟹、龍蝦由新鮮跳跳下變成佳餚美食，一邊欣賞刀功同經驗，一邊飲清酒食美食！黎！一定要黎完再黎！…查看更多

又一次係銅鑼灣，今次就唔係是是但但去搵野食！上次去過樓下另一間雪舟，今次就試一試呢一間食鐵板燒嘅雪舟！希望又係滿足而回！諗諗下，呢半年都食左都唔少鐵板燒，我都唔會咁輕易就覺得好食😤😤😂😂但呢間又係一間，好食之選！一開始先食個蛋先！佢會鐵板係你面前加熱，而唔係係廚房熱左先拎出黎！跟住就係海鮮，雖然未到跳跳下咁嘅海鮮出場，但都好可口彈牙，望住師傅慢慢一步步烹調食物更加係賞心悅目！心而牛就有得比你揀厚薄，我自己比較喜歡呢到嘅厚牛柳，有牛味又有口感，食落口肉汁四溢，好好味！最後食埋個焦糖cheesecake，又是一餐好食的鐵板燒😎…查看更多

星期六係銅鑼灣，行左陣街想食啲日本野～去到利園附近就走左上呢間日本餐廳到食個lunch～ 都食得幾豐富下😂😂環境真係好日式，坐房要脫鞋，所以記得唔好著穿隆襪黎！前菜賣相都好唔錯，好有食緊懷石料理咁～三色刺身都好新鮮，魚身嫩滑，口感唔錯！有專人為我地燒牛肉，唔就郁之餘有得食！牛肉質感都係嫩嫩的，富口感，牛味不俗！飛驒牛聽得多，但食就好少食！果然同傳聞中一樣，油脂比例相對均勻，入口小小溶化嘅感覺！shabu-shabu更加好食！同埋都係有專人為你服務，唔洗諗，只要食就可以！食埋個牛奶布丁，一個豐富下午就完了！正！…查看更多

大多數時間，我都會係近銅鑼灣呢邊收工，所以收工之後，第一時間緊係係呢邊尋食啦！同埋最緊要可以同同事飲返杯，唔單只係飲啤酒，飲下sake都係唔錯選擇！呢到老細完全知我地心意，一黎就介紹呢三支正野比我地，可能第一眼就知我地係酒鬼，小小尷尬但見到啲酒又真係幾開心！一黎就先介紹我係呢到覺得最好食嘅串燒比大家！燒牛舌真係係串燒黎講無得輸！最重要呢到嘅燒牛舌係厚燒，唔會失左個牛舌爽口彈牙質感之餘，仲可以啖啖牛味！螺肉新鮮爽口！做伴酒前菜一流！一夜乾，雞翼以特別方法炮製，唔單只係食雞翼，亦係食廚師手工！呢一個免治肉棒，加上蛋燒汁！好食！睇相就知呢啲岩哂我一邊飲酒一邊食！鍾意日式嘅工作朋友放工要黎呢到飲返杯！😎😎😎…查看更多

上次都黎過呢一棟大樓，食過鐵板燒！就係因為個次係大堂見到呢一間有得食Omakase 嘅「鮨真」！今次就黎食食佢，睇佢有咩符fit!🤣 其實真係幾唔錯，同埋我好鍾意食日本刺身壽司，今次特別有心機影相！請留神係食物相片😂😎今次就食呢一個菊餐！一開始前菜先食個凍蓉開開胃先，為一陣食刺身壽司準備！相片數目所限，所以影唔到個close up比你地睇成個刺身，但當中七款刺身魚肉新鮮就必然，魚肉質滑溜嫩口，係舌頭上鮮甜無比，真係無得頂！而下面先係呢個菜色我覺得最特別部份！上面張相大家都見到有一塊似磚頭嘅東西，呢一塊不是一塊普通磚塊！而係我要介紹的最特別部份，其中一個食刺身的方法：以左口魚刺身放於海鹽板上，加入少量蔥於魚身再將其捲起，再輕微沾一沾海鹽板的海鹽味道，真令人長知識之餘亦好味好味！而呢個食法係專門為左口魚刺身而設，其他都唔係用呢個方法，真係對左口魚有特別待遇😎之後就當然係壽司！當中我最鍾意嘅係深海池魚壽司，放係舌上個種滑動，令我想一食再食！當然，另外三款唔就講都知好食啦😂海膽就心心眼左好耐😂壽司嘅最後仲有燒左口魚壽司，燒得恰到好處，完全昇華左整舊壽司質感！最後再點左兩個熟菜，一個係無花果天婦羅，另一個係燒松茸！好食好食！食埋碗味增湯，就係完滿哂呢一餐，絕對可以再黎食過！…查看更多

呢幾日落雨落到好勁，咁岩係佐敦做完野，落雨落到返唔到屋企，唯有去食埋晚飯先回家。同個同事搵到呢間日式燒肉，慢慢輕鬆食啦，落雨唔洗急住走。入面算多位，燒烤爐張張桌都有！一黎就叫左個前菜鮑魚先，肉質嫩口滑溜！之後再叫左個飛驒牛餐，但今次老細話冇雞翼，傳咗個豬肉俾我哋，咁我哋又冇乜所謂嘅，照食啦緊係！真係唔好講笑，望到啲生嘅嘢食已經好想食！一開始就先食咗啲牛肉粒同豬肉先，肉質真係唔錯！之後就梗係食呢個飛驒牛啦，A5會比一般牛肉油脂分布較多，所以我鍾意嘅食法就係燒來啲，等啲油脂可以有溶化嘅感覺，食落口更加食得出牛肉嘅油香！但係我個同事就鍾意食生啲啦，所以各有各食法！而呢一舊A5飛唐樓當然冇令我地失望啦！油脂分布比例好唔錯!我自己真係好鍾意食蝦啦，所以大廈對我來講絕對無法抗拒！最後再叫咗個海膽炒飯，成餐搞店哂！燒下等下食下傾下，都幾舒服呢到！…查看更多

我自己真係幾鍾意食鐵板燒，因為每次食都唔係只係品嚐食物質素，而係欣賞一個表演，一個令你每方面都好滿意嘅表演。上次食完銅鑼灣，今次就尖沙咀睇呢一場滿足五臟廟嘅真人show😍😍係鐵板燒黎講，呢個價錢都算係正常，入面都幾多野食，量有，質都有👍🏼 係唔錯！前菜並唔係三選一，而係三樣有齊，不單止開胃，仲讓你有小小東西落肚，準備之後嘅佳餚！湯我係三款中選左花膠湯，自己鍾意食花膠，個人喜好！呢兩道菜好入味，唔錯！鮑魚就要講下，呢個鮑魚嫩滑，啲醬汁已深深入左鮑魚到，由切就已經知道，會食得好輕鬆，唔洗咬到死死下😂 好唔錯嘅一個菜色！同埋隔離就有個鮑魚缸，睇住新鮮鮑魚係入面郁黎郁去😂 就知食緊隻鮑有幾新鮮！！豬牛都有厚切薄切比你揀，個人覺得薄切正啲，因為入面有泡菜，更有味道！食埋呢個就完結成餐正野！呢到有另一個特色，就係成間店都係全女班，好少見到女鐵板師傅，當然巾幗不讓鬚眉！ 野食好好食！不妨黎試試佢！！…查看更多

今日約左個友人又去食好野，個朋友想食刺身，所以帶左佢去呢一間以食新鮮刺身為主打的居酒屋-勝八居酒屋！呢間環境都係好日式，雖然係樓上店，但一開𨋢門就會見到好日式嘅門面，而且要開門先入到餐廳，唔洗比人係出面睇住你食飯！門口仲有今期優惠！最近係呢到飲圖中酒精飲品買一送一，真心正！但留心呀，假期前夕、星期五、六都唔用得呢個優惠！對於我呢啲對酒精無法抗拒嘅人黎講，都咪話唔正😂入面當然都好居酒屋，餐廳更加會將是日新鮮推薦用木板放出黎，又日式又方便客人了解！唔好講咁多，食刺身要緊！叫左是日新鮮刺身：帶子、白蝦蓉、螢光魷魚、八爪魚吸盤同金目鯛刺身！每一樣都好新鮮！金目鯛有魚味，但卻唔會覺腥！帶子鮮甜嫩滑！螢光魷魚爽口彈牙！白蝦蓉蝦味好重，啖啖甜甜！最正真係吸盤！好少地方會有吸盤可以食，個種脆爽感覺，真係好難追求到🤗汁煮鮑魚更加唔洗講，日式甜味醬汁完全入哂鮑魚肉入面！咬落去岩岩好，係咬得爛同唔爛之間，唔會軟pat pat又好硬骨骨👍🏼👍🏼甲羅燒就更加唔洗講，將蟹肉蟹膏加上麵包上享用！濃濃蟹味加上脆包，味道與別不同！吉列蠔更加係大大隻，肉身厚，配上醬汁，蠔味更加突出，食完一隻再想食另一隻，再一隻，再一隻.....食完蠔？飲啦！😂😂😂…查看更多

今日要買禮物給好友，買好了，就準備去食個飯！很早之前已準備好要到這一間鐵板燒餐廳去品嘗一下鐵板食物！已期待很久，希望不會失望！這裡的環境簡單但卻很有日式風格！很令我深刻是有一把真的武士刀在廚師身後，很特別！這裡分開了食廚師安排餐單及鐵板燒的客人，我食鐵板燒當然就在鐵板燒那邊😂 今次選擇了龍蝦為主的餐單！一開始先有手作前藥，沙律加上已脫殻的以蟹為主的特色前菜，開一開胃，還有為之後開幕！ 今天改為汁煮龍利柳，醬汁濃郁，完全加強了龍利柳的味道，加上其口感，很好食！海膽汁龍蝦這個真的不能輸，很好吃！龍蝦的口感彈牙可口又不會老，煮得洽到好處。每一啖都感受鮮味！ 試過鮮味再加上海膽汁更是令食物進一步昇華！熊本縣的和牛一直都出名好吃，和牛中很有保證，再加上此餐廳是得獎和牛，更是保證中的保證，當然不會令你失望！ 當中餐廳更出了五種特別食法，配上不同配料進食，特色之餘更讓客人食到不同層次的和牛！我最喜愛就是加Wasabi，完全沒有想過可以這樣品嘗！另外最後還有和牛炒飯及清酒煮蜆，一定讓你飽著回家！最後食埋個甜品，芒果梅酒同柚子雪ba😂完美！其實看廚師功夫都夠！…查看更多

旺角係洗衣街其實都有唔少好野食，友人又介紹左另一間餐廳比我，今次都係食韓國菜，但唔係食小菜而係韓燒！！！呢到個韓燒都幾抵食，最近仲有個Oppa二人和牛餐，野飲加野食，都係$308，食和牛呢個價算ok!真係食哂牛嘅好多部分😂睇呢張就知，我呢晚平日都已經爆哂人，真係要黎都要早啲或book位！呢啲就韓燒必備必食！泡菜蛋！我地今次就揀左真露煮蜆，幾有趣！講到最後，當然要到重頭戲，和牛拼盤！入面要講到最正，就真係個雪花腩同埋封門柳！最高個四塊！雪花腩入口半溶，油脂係口腔溢出，完全突出和牛層次！而封門柳則肉嫩非常，口感十足，但完全唔老！牛味出哂黎，真係牛有牛味！口感同牛味都無得彈！其他部分都各有特色，總有一款岩食開好野嘅你！咁就一次過試哂隻牛嘅大部分，唔錯！…查看更多

今次去太古，做完野又係時候搵食啦！意大利菜自己本身都無咩想會食，今次黎到就試下呢間意大利菜餐廳CIAK，環境都幾大幾有味道，有分入面同出面嘅area，太古城內餐廳常有的環境布局同特色，成個area都唔細，唔會怕好少位有排等位😂😂餐廳入面就都幾有氣氛！其實中間仲播緊啲意大利舊片，好舊好舊個種，都幾有意大利懷舊風情！之後就到野食，我地叫左個前菜、一個細pizza、兩個主菜，兩個人share食！首先就Fritto Misto，炸得香脆好食，配上個醃黃瓜沙律醬，都幾惹味！之後就係Piccante Pizza 7”，呢個pizza都幾好食，特登揀呢個經典pizza 試一試意大利餐廳中必食嘅pizza，無令我地失望！尢其個pizza啲芝士做到拉絲效果，呃like都唔錯😂Tagliatelle Bolognese 啲免治和牛好濃郁嘅味道，食落口熱辣辣好正！闊條麵都好有咬口！半隻春雞，雞肉嫩滑！可以一試的意大利餐廳！👍🏼…查看更多

都係好朋友介紹，先會黎呢一個位置尋食！呢到位於中環區，平時上黎會有好多外國人、內地人係呢個位到影相，因為個邊有個特色牆同埋有香港傳統特色裝修嘅delay no more 店鋪！晚上就冷清啲，不過仲好，可以靜靜地食下野，唔洗咩都同人爭一餐，仲好！見到呢啲野，我相信你都會知我係食咩菜色食物。呢間店鋪唔多坐位，有十幾至二十個位左右，有Bar台，有方桌，環境都幾有特色。好肚餓嘅我同友人已急不及待叫左好多野食！我就食呢一個招牌pho，入面啲料多到呢，有生牛肉，熟牛肉，牛丸，牛筋，牛肚等，完全係牛宴之招牌河粉！ 如果有睇開我寫文章，就知道我唔食啲一pat pat嘅野，所以河粉我自己本身都有啲怯，但呢到河粉以韌為主，好食好食！湯底當然不可不提啦，個味道鮮甜，又一啲都唔油，完全係感受到精華湯底。我自己就真心覺得好唔錯呢個招牌pho!友人就食呢一個火燒牛腩撈檬，又係好好食，特別在火燒牛腩，真係食到佢火燒下嘅炙燒味道，而牛質亦唔會覺得老，保留嫩滑感，好唔錯！我自己好鍾意食牛油雞翼，呢到都無令我失望，真係好好食！味道一流！燒豬肉都燒到好和味，好正！最後飲返杯椰青水，好啦～ 我行唔郁啦😂😂😂😂推介推介！…查看更多