vincent10203的個人專頁

收工開farewell party要買嘢食，諗緊有啲乜嘢可以買。去到海之戀商場見到呢間Café ，有pizza沙律同意粉等等西式選擇，其他朋友都話ok 就扑鎚了。西柚巴馬火腿煙三文魚沙律感覺好清新，西柚唔苦balance 到Parma ham 同煙三文魚既鹹味，上面仲有芝士粉，撈埋一齊食好夾呢。墨西哥手撕豬肉薄餅上面好足料，佢有勁多手撕豬肉，有好多時候手撕豬肉嘅質地都好似煲湯豬肉咁，呢隻唔會，有埋醬底，表面再鋪滿芝士😏有埋青椒同菠蘿一齊，成個感覺都係走清新系既。當然自己想食一啲比較濃味嘅嘢，所以叫咗芝士忌廉火腿大通粉，普通超級市場好難搵到呢一隻大通粉，大通粉煮得Al dente 唔會太腍，忌廉汁夠晒creamy 芝士仲可以拉絲添😏大滿足等攞外賣嗰陣時仲有海景睇🤓🤓…查看更多

喺尖沙咀食飯搵間舒舒服服吹下水嘅地方都唔太易，有人提議不如食下串燒啦，上網搵搵就見到呢一間新開嘅串燒店。佢落單好方便，可以用app scan 個QR code 落單。花甲粉幾足料，入邊好唔少花甲，肉質唔錯又冇沙，麻辣湯底對我呢啲只係食三小辣嘅人都頂得住，粉絲爽口掛汁，唔會好容易哽喉嚨。椒鹽魷魚鬚幾彈牙，炸漿一啲都唔厚，啖啖肉咁。串燒方面就叫咗燒雞軟骨，咬落去油脂豐腴，軟骨爽脆。串燒南美虎蝦燒得幾好，肉質唔會太乾。串燒雞中翼一客兩隻，上面灑上好多孜然粉去燒，外皮咬落去脆脆地，裏面仍然保持好Juicy。叫咗咁多肉都係要食返啲菜嘅，個燒韭菜𡁻起上嚟冇渣，雖然有調味但仍然夠清清甜甜咁。燒茄子🍆值得推，自己喺屋企焗好易唔夠淋，呢間整得起好，茄子皮帶點脆，裏面嘅茄子肉好軟爛。燒雞泡魚乾鮮甜味美，細細咀嚼嗰陣時魚香出哂黎，連沙律醬都唔使蘸就已經好正。…查看更多

而家疫情又勁左，都係少啲去餐廳食嘢，買下外賣好過，想閉下關。間ricco 都係人地講外賣幾正先去試。叫咗兩個小食，佢個buffalo wings 我專登問佢可唔可以加啲芝士上去，自己好多嘢鍾意加芝士，老闆又幾好人幫我加埋喎！呢啲special request 都肯做，加哂分啦。雞翼外皮炸得香脆，個sauce 酸酸辣辣，十分惹味，加埋陣芝士香😋香酥雞球新鮮炸起，個袋摸上手仲熱辣辣，裡面肉質唔會炸到好乾，仲保持住好Juicy 😋煙三文魚蛋沙律牛角包🥐 牛角包牛油味突出，配合埋蛋沙律少少酸酸地咁，加煙三文魚嘅鹹香，整個組合都幾match 。佢仲配埋薯條，正。青醬雞肉意粉好有驚喜，青醬個herbs 香味出哂黎，意粉軟硬適中，佢仲有一啲sauté 過既蘑菇😀依家天氣咁熱，一定要整杯特飲嘆吓，叫咗個柑桔蜜綠茶，超級冰涼，唔會一面死甜，勁解渴。…查看更多

成日喺法文堂之前都會喺度搵吓有咩餐廳好食，日韓台泰中港餐廳都試勻晒咁滯。呢間望落個餐牌見到都有唔少fusion菜，覺得幾創新就入左去。自己勁鍾意食無骨鳳爪，又入味啲同唔使煩。呢隻係用咗泰式嘅做法，酸酸甜甜咁勁開胃，作為前菜就最適合不過。呢個秘製咖啡排骨煤炭飯真係喺其他地方冇見過，做法應該係先炸左個排骨，炸到香脆之後再調個汁，倒落去兜兜佢咁。味道有少少甘苦味，咖啡味濃，好岩啲咖啡友試。個飯係有驚喜，食到紫米？！同提子乾，就咁食個飯都可以食晒佢。嘢飲揀咗個超養生嘅檸檬薏米水，飲品完全唔過甜，偏酸酸地咁，食完個飯飲好清新。佢個二人套餐睇落好抵，但係我自己一個人就揀番啲一人餐就算。…查看更多

香港比較少坐得舒服嘅大排檔，呢一間都幾岩我地。食大牌檔都係鐘意揀一啲惹味小菜食下，所以我就不加思索咁揀左黃金九肚魚。一擺入口嗰種黃金流沙感出哂黎，證明落咗好多鹹蛋黃落去炒。炸漿唔會太厚，內面魚肉極之嫩滑，仲要熱辣辣，新鮮炸起。炸乳鴿調味合適，外面皮脆，肉質ok唔算韌，加上仲有一個酸酸地既汁點下，唔會食到膩。食咗咁多重口味嘅嘢，當然要叫番啲菜中和下，揀左金銀蛋浸白菜，裏面都有好多鹹蛋同皮蛋粒，但個上湯唔會過鹹，白菜🥬爽甜。因為我係榴槤愛好者，見親榴槤既野都會叫，呢個榴槤雪媚娘都好值得叫，其實見到呢個原來係之前個間食點心都叫過，入面都係有唔少既榴槤肉，mix 埋cream ，皮係幾chewy個隻，最鐘意就係食啲煙煙韌韌既野了。…查看更多

荃灣千色附近有間高質西餐廳，小店經營值得試下。一入座就好快上左個餐包先，成個presentation好有誠意，有幾款餐包，薄既厚既脆既軟既都有齊，黑松露牛油勁夾。法式餐前小食variety 好大，最特別嘅combination 係合桃配芝士，鹹鹹甜甜夾雜住合桃香。餐湯方面，我哋揀咗龍蝦忌廉濃湯，入面堅有蝦肉，仲要爽口彈牙個隻，一啲都唔霉。法式芝士焗洋蔥湯有拉絲芝士，連埋麵包一齊焗，洋蔥應該炒到金黃色，帶出所有既caramelised 既香氣。主菜揀咗香煎帶子配牛肝菌意粉，廚師將個帶子外層煎到少少脆，而裡面仲係嫩嫩咁。醬汁夠creamy 。蘋果木燒西班牙豬鞍扒肉質粉嫩，夠哂juicy ，一啲都唔會乾柴。…查看更多

呢度好多壽司嘅款式喺出邊都搵唔到，望住個Menu已經覺得唔知揀咩好，因為太多嘢都想試。健康嘅我梗係要食菜，揀咗個龍捲風沙律，蟹柳份量好足，沙律菜新鮮爽脆，refreshing 😋宮崎黃金炸豆腐整到外脆內軟，入邊嘅豆腐好滑嫩，豆味濃郁，食完一粒又一粒，食極唔厭。火山出黎既Presentation好吸引，店員捧出嚟嗰陣時仲會點埋火，燒到坎坎聲，攞嚟打卡已經好正。入邊仲有好多新鮮帶子粒粒，材料勁豐富。富士山嘅就有鰻魚包咗入去，同牛油果一齊食好夾，呢個combination真心夾。成餐最值得推介係三河極炎活鰻，個鰻魚勁厚，肉質較彈牙，鮮味十足，完全同出邊燒鰻魚唔同，出色多了！ …查看更多

夏天都心郁郁想打邊爐，不過天氣熱到咁，屋企開行冷氣都熱😂所以都係睇下附近有咩岩食。建生個邊既柏御開左間打邊爐既，見近近地就試下。首先揀左個香濃椰子雞煲鍋，係岩岩煲好之時，即刻畢左一碗湯飲下。好似飲緊家常煲既椰子雞湯，清清甜甜。店員首先攞左成set 既醬料調味盤俾我地，我最鍾意係落勁多炸蒜同沙嗲加辣椒，點野好惹味。脆骨腩即係脆肉鯇魚，好多時即使係街市買到個啲都係唔脆，好似散哂，呢個掂！魚肉爽口鮮甜。黑毛豬卷幾好，自己都鐘意食啲冇咁肥膩既肉。一口牛柳粒田園拼盤啲野都好齊，食左咁多肉都可以balance 番，最fresh 係西洋菜，又可以下火☺️值得一提係呢到有自家炸既有骨黃門鱔魚皮，係其他火鍋店好少見。魚皮炸得勁香口，連個魚骨都係脆卜卜，浸完湯再點落調味料個到食就正了。…查看更多

即使出到嚟中環都想食返川菜，搵咗間食擔擔麵嘅試下，食多啲辣野🤪主菜叫咗一個撈麵同一個湯麵，我就叫咗瘋狂擔擔面，上面有大量麻辣肉醬同花生，將啲麵好快咁撈埋一齊就食得，勁方便。我唔算好食得辣，所以只係敢叫小麻小辣。個麵硬度適中，擔擔面醬香麻惹味，唔會一面死鹹，搞到我勁快就清咗碗麵。阿媽叫咗瘋狂大排麵，湯底濃郁，辣度適中，大排骨醃得好入味，啲麵連埋湯汁飲落去好爽。小食幾推薦泡椒鳳爪，香辣勁道十足，不過唔食得辣嘅人就唔好叫。另一個加錢試吓佢嘅棒棒雞，佢個香料既辣同湯麵個隻好唔同，層次感再出啲。食完啲比較重口味嘅嘢，一定要嗌啲甜品refresh下，四川冰粉應該係一個唔錯嘅選擇，個texture 幾似日本蒟蒻咁，透明滑嘟嘟咁，上面再加黑糖漿同果乾一齊食，十分解辣🙃…查看更多

屯門冇咩好食嘅韓國嘢，近排見到屯市開咗間新既韓國菜，個形式有啲似Cafe咁。同阿媽食梗要食好啲，揀咗個沙律做前菜，屋企好少整紅菜頭沙律，要扮健康梗係要嗌下，叫咗個慢煮雞胸紅菜頭沙律。成日紅菜頭都會有浸草青味，呢個一啲都冇，勁refreshing。雞胸最啱一啲要健康嘅人，唔嚡之餘同個汁又好夾。燒醬油黑毛豬白切肉飯勁吸引，應該係呢間餐廳嘅signature Dish ， 豬肉唔肥膩又醃得入味。飯炒得香，帶有少少辣咁。揀多咗個傳統飯卷中和下，入面全素有助解膩😉超人氣柑橘窩夫啱晒啲人打卡，成個presentation好Grand好吸引，味道同樣高質，個cream 同窩夫都唔係死甜，配埋柑橘呢個combination 好正😛食咗咁多嘢，點都要飲番杯野先走。濟州柑橘乳酪帶微酸，成個濟州柑橘擺咗喺杯上面。熱情金菠蘿沙冰解渴消滯，當食得太多野嗰陣時就最岩飲😉…查看更多

疫情下晚市啲餐廳又唔開，如果懶得煮嘅話，就只有成日買外賣返屋企食啦。好少見到香港有做外賣日式卷物，呢間好似好出名咁，睇到啲好評都幾多，行得遠少少都照去😋魚全部都係魚足料得不行，入邊有齊晒吞拿魚三文魚，佢有角切亦都有吞拿魚蓉，再加埋天婦羅脆脆，成個口感好豐富。好surprise 一個卷物可以做得咁出色。另一個揀咗簡單啲嘅炸蝦芝士，個炸蝦唔會炸到好油，中間夾既係cream cheese，酸酸地咁，食多幾舊都得。佢加錢仲可以跟餐，我就首先揀咗一個炸雞，上面淋上啲蜜糖芥末醬，入邊舊雞肉質幾juicy， 四大舊同人share 岩岩好。平時食得薯條多，今次試吓蕃薯條，甜度較高，連茄汁都唔使點都夠，炸得好香脆，有種外脆內軟既感覺。試過今次之後真心覺得呢間野係可以再encore，佢哋啲卷物有好多唔同種類我都好有興趣試。…查看更多

而家六點後禁堂食，好多餐廳閂晒門。咁岩我要去佐敦上堂，要搵下啲輕食填下肚。聽講呢度有間高質韓式三文治，sell 肥嘟嘟大大份，呢啲時候梗係要支持下啲小店。所有食物都係即叫即整，攞上手超級熱辣辣。吉列炸蝦三文治入面有三大隻蝦，入面夾左好Fresh嘅沙律菜，咬落去覺得食材好新鮮，個三文治入面仲有一隻類似泰式雞醬個隻酸辣醬，令到成個感覺更加開胃。芝士薯條用係粗薯，份量夠兩個人當小食分食，上面淋上一啲芝士醬，再另附上一細兜芝士醬，滿足芝士控嘅欲求。冬天都唔知點解想飲凍嘢，叫左個香蕉士多啤梨沙冰，士多啤梨味好Rich，成個沙冰係比較smooth 個隻，唔係刨冰嗰隻質感。其實而家小店頂得真係好辛苦，即是夜晚喺佐敦，街上嘅人流好少，希望大家都會多啲支持下，捱過呢一關啦。…查看更多

近排成日都有食辣癮， 但係因為疫情嘅緣故都唔想出咁遠，所以近近地搵咗間喺屯門嘅川菜餐廳諗住止下癮。兩個人食唔到多嘢，都係叫咗個前菜先。降龍爪爪個名好霸氣，入邊啲餸用串串起佢，最正一定係個無骨鳳爪，醃得好入味，佢個辣油香料味重，好食唔夠喉。鵪鶉蛋都係呢道菜嘅主打，個黃夠rich，配埋個辣汁好match.主菜叫咗武隆尖椒雞，將雞切成一細舊，同尖椒一齊炒，因為買外賣嘅緣故，啲餸都凍左，自己開爐再炒炒佢，成個廚房都係嗰種四川風味😌，辣度都幾勁，食開譚仔10小可能頂唔住，雞肉肉質ok，好惹味，送飯好岩，椒同雞既比例大概一半一半啦。食完啲咁重口味嘅嘢，都係要返啲清爽嘅嘢中和下，冰粉就一個好嘅選擇，佢呢個係桂花味冰粉，上面再加少少果乾。凍冰冰咁好解渴。…查看更多

從來都冇試過食韓國火鍋放題，趁抓緊堂食嘅尾巴，衝去食下。邊個會係晏晝打邊爐呀😬環境坐得好舒服，位夠闊，地方夠大。一埋位店員就第俾我哋個餐牌，叫我哋揀邊一個套餐，我哋就揀咗$268嗰個，入邊有澳洲精選牛板鍵+海鮮放題，而湯底就揀左個雪濃湯。一落單會有一set嘅牛同埋海鮮送上嚟，我記得應該有三份牛，好笑嘅係其實阿媽唔食牛，變左全部都係我食哂，大滿足。唔同種類嘅牛都試勻晒，質素OK唔太韌，我加加埋埋食咗6份唔同款式既牛，我仲有個胃食另一啲嘢。個放題仲包埋出邊一啲小食，炸薯條炸餃子，壽司甚至韓式炒年糕，通通都有提供，啱晒啲鍾意試唔同野既人。海鮮方面，青口煮完都唔太縮水，食落幾鮮唔霉嘅，魷魚仔入口彈牙。雞腿肉燙完好嫩滑，值得叫🙃豚五花幾得意，佢係連埋舊軟骨一齊，咁樣令到個肉既口感冇咁單一，入口都唔太膩，叫左兩round。最後甜品一定要試吓佢呢度嘅朱古力雪糕，都算幾有朱古力個種苦😋仲係咁加haribo 隻桃味軟糖。…查看更多

酸菜魚之旅元朗好似開咗好多唔同食酸菜魚既餐廳，我近排做左酸菜魚既fans，成日都有個癮😂十三少呢間酸菜魚好似周圍都有分店，近近地係元朗又有一間。一入去店員介紹咗我哋叫呢個二人餐。前菜揀左椒麻皮蛋，佢唔係我哋平時食既黑色皮蛋，中間個黃流心，配埋個汁其實勁送飯。主菜梗係叫呢間嘅招牌菜十三少酸菜魚，佢有得俾你揀辣度，我呢啲唔食得辣嘅廢J 當然係揀少辣。成個盤大大兜咁上，魚都有唔少，當然首先要試吓佢個湯先，佢唔係嗰隻超酸嗰種嘅酸菜魚湯，偏酸酸甜甜個種既。啲魚片大部份都冇骨，入口唔錯算嫩滑，量都係足料。佢辣度唔高，主要偏麻多啲，有時唔小心食到啲花椒粒，我個嘴麻到😂口水雞雞件幾嫩，辣度比酸菜魚低，好多醬唔使驚唔夠味。最咪用個紅糖糍粑收尾，外皮香香脆脆，入邊煙煙韌韌，點啲黃豆粉同埋紅糖漿，食完一堆麻辣嘢最啱攞嚟解解辣。地方好大，坐得好舒服，同朋友可以食下川菜吹吓水都唔錯。…查看更多