yin_minibu的個人專頁

成日聽人講話佢d燒雞好出色，但係我同女朋友都係住係九龍區，一直都冇乜機會特登出灣仔食，直到後來先知道原來九龍區開咗好多分店，包括我地常去的紅磡同埋大角咀都開咗，於是乎嗰日喺奧海城睇完戲之後，就同女朋友去咗食呢間喺正戲院隔離又好出名嘅薔紅！金牌脆皮燒雞 $78酥炸脆皮牛腩 $88原價係$98，新張期間就$78，講真其實係抵！首先隻雞唔細隻先，我覺得好食嘅！雞皮好脆，撕開時見到好多雞油，好嫩滑，雞胸當然就唔會話好嫩，但整體真係唔錯！不過留意番加手套要比多1蚊，自問冇能力用刀叉分雞，所以我都係加左對手套！另外都叫咗一份脆皮牛腩，佢跟左一兜咖喱汁同埋一兜細碗嘅意粉，牛腩就冇乜特別，不過都算幾嫩滑嘅，個皮都好香脆，不過牛腩味就唔算好突出！下次應該會想試吓佢其他餐牌上嘅嘢，整體嚟講速食的話都算幾值得試嘅！…查看更多

今日做野好忙，放Break時間要去到3點幾，還掂OT走唔甩, 一於同D同事落樓飲個靚茶.通常就嘆西式下午茶，食個炸脾飲杯奶茶，但其實既然今日都有排忙，咁不如食豪少少, 就決定去飲唐茶啦。中式酒樓黎講，呢間真係好開揚又企理，採光度十足之餘，落地玻璃仲望到成個啟德體育館個場景，真係好舒服！而家下午茶仲有全單8折優惠，早茶都有7折，呢個價錢真係好抵食！原隻鮮蝦燒賣皇 ($45)蝦肉爽彈，燒賣皮薄餡足，鮮味突出， 雖然得三粒，但係比起一般嘅燒賣大隻好多，值得一試！  蟲草花濃湯鮮竹卷 ($35)個湯汁香濃，蟲草花加左d口感，鮮竹卷吸滿湯汁之後味道豐富。  鮮蝦蟹肉菜苗餃 ($40)皮薄透亮，蝦蟹肉鮮甜，菜苗清爽。  千島脆蝦角 ($40)外皮酥脆，內餡蝦肉扎實，點埋千島醬更開胃。順德煎鮮肉蓮藕餅 ($40)煎得好香口，蓮藕粒增添爽脆感，肉餅調味唔錯，好有家常風味。  海皇煎鹹薄罉 ($40)外脆內軟，鹹香惹味又大份，推薦中意香口小食嘅人。  瑤柱蔘菇炆伊麵 ($88)伊麵吸盡瑤柱同菇香，醬汁濃郁但唔膩，份量十足， 一班人share啱曬。 …查看更多

呢D天氣真係好啱食泰國野，又熱又焗，朋友介紹呢間佢的飯堂，話又抵食又大份，而且唔單單剩係泰國菜，仲融合左d日式港式的元素，所以決定就去試下！食完之後就知道朋友真係冇介紹錯，唔單止啲嘢食好食， 服務態度仲好好我宣佈佢都成為咗我嘅飯堂之一了。 ------• 炸青瓜沙律創新做法，同傳統爽脆濕潤的青木瓜沙律唔同，將青木瓜炸至微脆，唔油膩得黎好香口，連一向唔鍾意食沙律嘅朋友都食曬成盤！加埋酸辣甜醬汁，開胃又好味！必點！• 泰式牛舌生菜包又係好創新的做法，唔係用一般肉碎！牛舌片嫩滑，加埋新鮮爽口生菜，調味酸辣惹味，完全無內臟味，口感軟淋又有咬感，對於我地咁鍾意食牛舌嘅人嚟講，簡直係福音！仲要牛舌份量都唔少，勁大盤！下次要試埋佢個脆炸牛舌先得！• Siam28熱辣辣海鮮桶份量十足，有波士頓龍蝦、帶子、大蜆、青口、魷魚等！雖然望落紅卜卜，但係其實只係微辣，而且口味略帶甜味，好溫和又易入口，適合大部份人。重點係海鮮好新鮮彈牙，口感豐富，每一款海鮮都好爽嫩，完全唔霉，二百幾蚊咁真材實料，值得推介！• 炸榴槤春捲配榴槤雪糕春卷炸到脆卜卜，內餡的榴槤香氣勁濃香！加埋同樣榴槤味濃的雪糕，中意榴槤者真係一試難忘，每一啖都係果王的香甜！• 芫荽蜂蜜梳打餐廳自創的特調，勁多芫荽！飲落去明顯飲到芫荽的味道，蜂蜜令飲品更清新帶甜，芫荽控要試！• Lychee Garden第一啖有清甜的花果香，飲到中段就有薄荷的涼意，尾段就有薑啤的微辣。飲落感覺甜中帶爽， 好適合夏天飲！…查看更多

我哋今次去銅鑼灣呢間狸小路北海道涮涮鍋同壽喜燒專門店，真係幾特別。呢間店位置唔算大，但一人一鍋都幾得意，價錢又抵。朋友推介我哋試海膽湯底，話日本一啲地方最少都要四百幾蚊港幣先可以食到，但喺呢度，200幾蚊就已經可以食到! 抵丫!餐廳有好多套餐，包左一份肉、前菜、蔬菜、主食同埋甜品，我地揀左：頂級西冷A5 $298霜降A4和牛 $248而湯底分別揀左壽喜燒湯同北海道海膽高湯!我自己就好中意用北海道十勝出產嘅A5和牛西冷，肉質好細膩好有咬口，肉味都好濃。沾埋個北海道蛋液，口感更加柔滑，真係超好食!而女朋友就中意霜降A4和牛，貪佢夠油夠香! 唔怕油香感太重真係推介食呢個!另外，個海膽湯底真係有海膽喺入面, 又真係幾真材實料喎! 將D牛肉浸係海膽湯底入面，鮮甜到不得了! 為左個海膽湯底, 我願意encore!咁仲有D烏冬同野菜拼盤都好抵食, 食左全日肉都要搵D澱粉質同蔬菜平衡番!最後仲有個甜品, 食完真係心滿意足。…查看更多

K11 Musea入面嘅京川滬菜 , 雖然係連鎖店，但聽講質素唔錯，加上地點就腳，放假特登去試吓！  餐廳光猛有格調，枱與枱之間唔會太逼，同朋友傾偈食飯都好舒服～  * 脆皮北京鴨（半隻）  鴨皮真係脆到「咔嚓」聲！肉質嫩滑唔柴，仲要好香鴨味，抵讚！  ✿ 小籠包（4隻）  皮薄餡多，一咬爆湯！熱辣辣要小心燙嘴～  ✿ 龍皇泡飯  成個砂鍋上，蝦湯超濃郁！料多到瀉：鱸魚片、蝦仁、帶子、露筍，仲有脆米增加口感，好滿足！  ✿ 大紅袍沙翁（3件）  即叫即炸！外脆內軟，砂糖粒粒分明，中間仲有大紅袍奶醬流心，甜而不膩，舊式茶樓風味！  ✿ 飲品：  ▪️ 粉霞 - 玫瑰花mix洛神花茶，加埋雪梨同奶蓋，酸甜清新  ▪️ 烟雨 - 龍井茶底+椰子奶，茶香同椰香好夾，口感順滑  …查看更多

自從圍方開幕之後，對我哋呢班成日要夜收工嘅打工仔真係天大福音！每次收工肚餓，就可以即刻衝上圍方搵食。最近唔知點解好迷泰國菜，而呢間泰式餐廳雖然位唔多，但坐得幾舒服，裝修簡簡單單用木系風格，好適合同friend一齊嚟吹下水食下野。* 米泰生蝦 (6隻)啲蝦肉通透到呢～配埋佢哋特製嘅酸辣汁，一入口先係青檸同香茅嘅清新，跟住先慢慢嘗到魚露嘅鮮味，真係好開胃！*米泰秘製海南雞 (半隻) 雞皮又爽又彈，雞肉滑到呢～連雞胸都唔會「鞋口」。如果可以配碗油飯就perfect池啦！*米泰極上船麵個湯底黑金黑金咁，用牛骨熬出嚟嘅湯又濃又甜，最正係啲炸豬皮，吸晒湯汁都仲脆口！牛小排都幾多下，牛味夠，不過牛丸就似港式嗰種，如果有爆汁效果就更好。食得辣嘅記住加辣，會更加惹味！*芒果椰汁三色糯米飯 擺到成件藝術品咁！蝶豆花、斑斕同白糯米三種顏色，椰漿濃淡啱啱好，每粒米都掛到漿，食落又綿又香；加埋啲炸綠豆碎，脆脆地好過癮。芒果甜到漏，一啲都唔酸，自己食晒都唔會膩。*飲品: 杞子龍眼水蜜／泰式咖啡龍眼蜜飲落好滋潤，就算凍飲都飲到桂圓香。至於泰式咖啡香濃得嚟唔會太甜，好啱香港人口味。…查看更多

今次黎呢間餐廳就唔係因為佢D野食好出名!而係因為佢同Mofusand聯乘合作，推出期間限定主題麵店! 當初一見到佢今次做Mofusand主題，女朋友已經即刻send Menu比我問我幾時去!估唔到而家D拉麵舖真係好古惑!咁反正我又好中意食拉麵，咁就陪下佢去打卡啦!一去到門口，佢就已經尖叫要影相，因為剩係個門面已經勁靚勁可愛，大大隻Mofusand公仔，入到餐廳連啲筷子套，牙簽，餐具等都有Mofusand 圖案，連我都覺得真係幾得意🙂‍↔️如果你地身邊有人都咁啱中意Mofusand,呢間真係好推薦大家黎! ------*牛奶拉麵 湯底加入北海道牛乳，口感幾濃郁順滑，搭配叉燒同埋豬軟骨，叉燒就有啲肥，但豬軟骨就好軟腍，幾好食，食完一碗都幾飽！*咖喱撈麵賣相真係好靚！呢隻係用日式咖喱，入口偏甜，完全唔辣，配埋炸蝦同炸雞，估唔到個炸雞好好食喎，真係juicy肉嫩，炸雞有驚喜！*章魚燒 一份5粒，外脆內軟，估唔到都做到外皮脆卜卜，味道唔錯。*三色芭菲 打卡用甜品，跟左三隻味的雪糕球，本來好驚係啲好甜的假味雪糕，但都好清甜，中意食雪糕諗得過。不過雪糕底嗰個餅底就麻麻哋，太硬身了。*白桃烏龍奶茶*士多啤梨椰子梳打兩杯的面頭都有一層勁厚的cream，我自己有d怕甜就覺得梳打啱飲啲，入口清爽啲。不過兩杯都真係好靚，建議點都嗌一杯嚟影下相。…查看更多

身為茶記愛好者，最近先見到原來朗豪坊附近又開多左一間茶記，間餐廳話就話茶記，但其實都好企理闊落，完全唔會好迫，坐得好舒服!老闆好熱情又好客，最中意就係茶記呢D人情味!望埋個餐牌，選擇都好多喎，價錢仲好合理!見到隔離枱隻雞脾勁大隻!就決定無論我陣間叫咩食都好，點都要加多隻雞脾加餸!------* 黑椒安格斯牛柳粒煲仔飯 * 鮮豬潤肉片薑湯米粉 * 蔥油厚切豬扒撈丁 * 瑞士汁雞脾皇* 薄荷朱古力西多士 老闆好有自信咁講，煲仔飯好多回頭客! 果然出色! 飯夠香，牛肉夠軟嫩，不過焗得耐牛肉都係會變韌!我見到仲有其他獵奇口味，燒賣餡肉餅煲仔飯?下次一定要試埋!豬潤肉片湯米都好鮮甜，肉片夠滑，豬潤夠嫩又厚，女朋友直情話下次要為左呢個米粉而翻兜!當然要推介埋個雞脾，果然真心巨大化!CLS仲長過我隻手臂!重點係瑞士汁滷到勁入味，雞肉雞皮都好正好滑! 必食必食!佢仲有其他口味的巨型雞脾，例如鹹蛋黃、麻辣等，下次一於要試埋!相對之下，蔥油撈丁相對普通，豬扒雖然好厚實，但撈丁個精華在於蔥油，蔥油份量就顯得少左D!最後見到有薄荷朱古力西多士，一於試埋佢，個賣相靚到我以為去左cafe, 有紅豆仲有芋圓做伴碟，西多鬆軟又香口，一切落去朱古力醬同芝士拉絲流哂出黎，咁香口諗住今舖勁邪惡啦! 點知老闆話其實冇落牛油!估唔到唔落牛油都咁好食! …查看更多

自從維圍方開咗之後真係多咗好多餐廳尤其是系手搖，女朋友好鍾意飲手搖，嗰日等佢收工就見到呢一間大苑子，佢新推出產品係酪梨布丁鮮奶 $42，牛油果+布丁+牛奶呢個組合簡直係女仔至愛，立即就買黎試下。牛油果嘅濃郁同布甸嘅香甜，加上鮮奶嘅口感順滑，整體味道非常豐富，我冇刻意叫少甜，正常甜度之下都唔會太甜，入口係天然的果香甜味，好符合而家的人覺得好飲即係“唔會太甜”。加入鮮奶之後令味道更細膩滑順，仲有帶有淡淡的乳香，呢杯真係幾好飲。我自己就叫左杯繽紛水果茶 $42，有5種水果+台灣百香果汁+台灣金桔汁。繽紛水果茶結合左唔同水果的組合，帶來多層次的果香，甜味自然，唔係d香精的甜味，飲得出好天然新鮮成分。。用左台灣百香果汁同金柑汁做base, 酸甜感非常突出，而且仲好清新，入口爽口溫潤，如果夏天飲更爽。…查看更多

餐廳裝潢英倫風，主打英式中菜，完全迎合Fusion菜嘅潮流。除咗室內座位，仲有室外座位，餐廳用餐環境舒適，適合同朋友聚舊。我地揀左$680嘅晚餐：- 芝麻蝦多士、酥炸雲吞同田園沙律金黃酥脆，入口唔油膩- 鮮蟹肉粟米湯每口都有蟹肉，好滿足- 香酥鴨掛包中式味道，口感豐富，鴨肉好多- 脆皮牛肋骨配咖喱汁炒蛋飯牛肉軟熟，咖喱汁好特別，送飯一流- 炸魚薯條魚肉鮮美，可惜薯條唔夠脆- 檸檬撻酸度適中，我覺得幾開胃好食酒水揀左the caffeine junkie同the one with the strawberry。呢間整體食物好味，值得一試。…查看更多

喺中環嘅一間精緻新派中菜廳，裝潢高雅有格調，樓底好高，仲有落地大玻璃，坐喺窗邊仲可以望緊維港同摩天輪。餐廳推出咗點心任食，價錢亦都合理，好吃又值得。個周末早午餐價錢係$588，包括前菜、湯、主菜、無限量點心同無限量甜品。前菜有五道精緻嘅小菜，帶子同牡丹蝦爽嫩入味，味道鮮美。湯係乾貝夏瓜花膠湯，滋補清甜，入口順滑，仲有大塊花膠同乾貝。主菜可以揀三蔥爆龍蝦或者茅台鮮蠔焗雞煲，兩款都好好食。無限量點心有十二款選擇，有蒸點同炸物，例如蝦餃、小籠包、炸蝦多士同脆春卷等等，質素好出色。甜品亦都係無限量供應，有好多款糕點同埋脆鮮奶，尤其值得推薦嘅係脆鮮奶，女朋友食完一件又一件，佢真係狂讚！下次可以黎試埋佢個夜晚！d員工態度仲要幾好！…查看更多

咁多間SHAKE SHACK最中意就係去海港城呢間，因為朋友中意睇海, 呢間霸到個窗口位真係好無敵。知道朋友仔唔開心，迫左佢出黎陪我睇多啦A夢無人機，睇之前就過左黎呢間食野。 SmokeShack (芝士漢堡配煙熏煙肉、櫻桃辣椒粒、及ShackSauce)雖然呢間D漢堡真係偏貴，但係勝在個麵包鬆軟又充滿牛油香，牛肉唔算大塊唔算厚肉，但係成個組合算juicy多汁!唯一係覺得D辣椒粒應該要平均D，有D位咬到好多辣椒粒都幾嗆下! Avocado Bacon Chicken - Thigh (香脆雞腿配新鮮牛油果、蘋果木燻煙肉、生菜、醃青瓜及牛油奶酪香草蛋黄醬)另外果款揀左雞堡，雞堡好似好食D，不過D牛油果就唔多新鮮，有D可惜。Cheese Fries (波浪薯條配上特製車打及美國芝士醬)朋友話必食的芝士薯條!係好食的，又脆口又Creamy，芝士醬真係好香難怪中意食芝士的你食到個樣咁開心唔知有冇人同我一樣，覺得食咩都唔重要，但見到對方食到個樣咁開心，就覺得好值得!回頭率: 7.8/10Total: $205 …查看更多

成日陪女朋友過去大角咀食飯，果次行過呢間小店，見到門面的餐牌好多選擇，仲有我中意食的餃子，就決定入去試下。間舖雖然細細間，但其實都幾企理乾淨，唔算好迫，食飯時都覺得幾自在。果日都要等一陣先有位，睇黎都好受附近的街坊歡迎。🌟豬扒擔擔麵 $54呢間D擔擔麵係我中意的口感，佢帶有純綷的淡淡花生香，同一般加入勁多其他醬料的擔擔麵唔同，佢更加清香，雖然比較淡味，但至少我地飲左一大碗湯都唔會覺得涸喉!而麵條同樣爽滑彈牙，豬扒份量適中，不過夠金黃香脆~呢碗麵整體都好滿意!🌟酸辣湯鮮肉西洋菜餃 (8隻) $54除了清湯餃子外，仲可以揀酸辣湯! 啱哂我呀! 酸辣湯好足料，酸辣度適中，唔會好辣，味道偏溫和! 而西洋菜餃更加值得一讚，皮薄餡靚，大大粒又漲卜卜，本身西洋菜餡已經好清爽，搭配個酸辣湯一齊食超夾! 呢碗野連我呢個大胃王食完都開始覺得有D飽! 🌟山東手撕雞 $50手撕雞撕成一件件冇骨，口感香潤多汁，D雞肉好嫩滑! 加埋個辣醬汁，超惹味~🌟紅燒牛肋肉 $50牛肋肉切成一件件，除左帶筋帶肉仲有D油花，紅燒完之後好軟腍，軟嫩帶Q又唔會爛哂，而且肉味都好香濃，好似食緊D好食的牛腩咁~.🌟豆漿 $8 / 凍蜂蜜柑桔露 $10另外見到D自家製野飲咁抵當然要支持下~豆漿係低糖豆漿，豆味突出；柑桔露就好清甜滋補，不過我個人覺得有D太甜~可能女仔就會啱D啦~另外都想讚下佢地個辣菜甫，勁香口惹味，見到門口有得買，我地都心郁郁想買罐番去煮麵食呢!回頭率: 8/10Total: $225…查看更多

今日同女朋友去開九龍城，佢話想食意大利菜，google 搵下就搵到呢間，見到門面都幾靚仔，就決定試下！麵包籃一坐低就會送上麵包籃，估唔到連送的麵包都咁鬆軟咁香口！讚！.白酒煮青口青口又肥又大隻，好吸引人。白色嘅青口綿密，入口奶油咁滑；橙色嘅青口就更加嫩口。兩種口感結合，鮮甜香口，係我試過最好食嘅煮青口。.蒜片炒意大利粉呢間餐廳嘅意粉炒得乾身，唔油唔膩，香口又入味。比起坊間其他餐廳好食，出面果d 好多都好油。.燒西班牙黑毛豬勁好食的黑毛豬，唔知以為食緊牛排。肉質好細滑，入口有橡木香氣；中意可以試下佢地自製醋，減低油膩感。呢份好食到我已經決定下次要再黎！.呢間喺九龍城嘅意大利餐廳唔單止經得住疫情考驗，仲有出色菜品吸引我哋。希望呢個餐廳可以繼續喺九龍城發展，令更多人可以品嚐到好食嘅意大利美食。…查看更多

位於銅鑼灣嘅麵包店。印象中君蘭麵包係老派傳統嘅麵包店，但最近睇到好多朋友分享呢間全新裝修嘅君蘭麵包廠，以港式味道嘅傳統手藝，研發出創新嘅產品，迎合而家嘅大眾市場。行到店鋪前，先發現原來外牆髹成可愛嘅磚紅色，店內嘅麵包同糕點排列整齊，好吸引。  ___⋆ ⋆ ___ ✿ 葡撻┆伯爵茶黑糖麻糬撻葡撻金黃酥脆，蛋漿綿密細緻，入口蛋香濃郁柔滑。伯爵茶黑糖麻糬撻嘅香氣十足，伯爵茶佛手柑嘅香氣配合煙韌嘅麻糬，口感豐富。.✿ 黑糖麻糬小牛角┆開心果小牛角 唔同口味嘅牛角包喺櫥窗排列整齊，色彩繽紛好吸引，一眼就揀咗最近大熱嘅果心果口味，另外都揀咗黑糖麻糬口味；牛角包細細一個，啱啱好食。牛角包帶返屋企叮熱後仍然保持鬆脆，內層綿軟，而且上面鋪滿嘅開心果醬同忌廉醬鋪得好滿，香甜又唔膩。…查看更多