cherierabbit01的個人專頁

唔知大家有冇聽過CBD，即係大麻二酚呢？ 等等先， 唔好一聽到大＜大麻＞兩個字就耍手擰頭，以為我講緊毒品。其實CBD同我哋所講嘅毒品大麻THC 係有分別嘅。CBD並不會令人上癮或者造成依賴，相反仲會有少少輕微放鬆，釋放壓力嘅效果。經朋友介紹下知道原來尖沙咀有一間以CBD 入饌嘅餐廳， 今晚就一於試一試！！餐廳入面都好寬敞，而且氣氛令人好舒暢飲品方面 ，當然有加咗CBD嘅飲品，另外亦有少量冇酒精或冇CBD嘅飲品可供選擇〈Young Master〉朋友就選擇咗本地手工啤，一齊摸着酒杯底，超relax〈Virgin  Mojito〉 由於我第二日要早起身返工，所以選擇咗冇酒精嘅Virgin  Mojito， 感覺好fresh好清新，呢個天氣飲就啱啱好食物方面有輕食同主菜可供選擇， 全部都由廚師調教個過，加入輕微嘅CBD， 讓客人可以達到輕微放鬆，舒緩情緒嘅效果〈帶子蟹肉牛油果他他配薑油黑醋汁〉由於我唔太肚餓，主要都係想同朋友飲下嘢傾下偈。所以就揀咗呢個以大量蟹肉為主嘅前菜作為輕食之選鮮甜嘅蟹肉配上濃郁幼滑嘅牛油果醬，再加埋 小小嘅薑油黑醋汁作點綴， 簡直係有畫龍點睛嘅效果〈板燒頂級肉眼配阿根廷青醬伴烤菊芋蓉〉油花豐富的頂級肉眼經板燒之後外層帶微微香脆嘅口感，但內裡肉肉的部份卻依然保持軟腍，再加上清新的阿根廷青醬伴隨，無論口感和味道都非常好總結： 環境氣氛非常好， 食物質素亦很好，再加埋少量嘅CBD令我哋都有舒壓放鬆嘅效果。今晚晚餐同有人傾得好暢快， 下次想約朋友傾偈飲嘢都絕對會再嚟…查看更多

無啦啦忽然又凍返，想打邊爐，又想食雞煲朋友介紹，喺旺角中心對面就有間平靚正，任飲任食兩個半鐘嘅火鍋加雞煲，〈為食小肥兔〉當然第一時間要去試一試啦除咗雞煲之外，仲可以揀鴨煲或者黑椒豬手煲。但係我哋一心嚟食雞煲㗎嘛，梗係揀少少辣既惹味雞煲啦！等緊雞煲嚟嘅時候，就睇吓出面有咩飲。原來啤酒都係任飲㗎 ！爽當然唔少得仲有大量嘅新鮮蔬菜同埋特色丸類可以任揀任食不消一刻，期待已久嘅惹味雞煲就熱辣辣登場雞件肉質結實，雞味濃郁之餘仲辣辣地惹味香口，我唔客氣啦食完雞煲就係時候打邊爐！唔想太油膩，所以揀咗個〈蕃茄薯仔濃湯鍋〉，香濃得嚟又清甜首先一定要試美國肥牛同埋黑豚肉，咁先係打邊爐㗎嘛！！肥牛厚薄適中，輕輕一焯就已經可以食得，牛味非常濃郁，真係要嚟多幾碟呀！！另外不能錯過嘅，絕對係海鮮類！！生猛海蝦，活海蜆仲有帆立貝都好正食飽飽之後仲有雪糕做甜品，開心埋單每人都係$200鬆啲，仲有優惠券下次可以去尖沙咀嘅分店再食過，超值…查看更多

最近多咗出街食飯，腰間嘅肥肉好似多了所以今餐想清清地，食個越南粉就最好不過了想OpenRice見到間〈Fuhn〉嘅評分不錯，一於就比次機會，試一試佢啦〈美國安格斯生牛肉湯粉〉話咗想減肥，所以我都係清清地揀個湯粉就夠了。肥瘦適中嘅安格斯生牛肉片加上湯粉就清淡得來又好味熱辣辣的急不及待呷上一口湯底，好清甜嘅骨香味即刻係口中爆發開，配上滑溜溜的金邊粉真係好好味安格斯生牛肉片切得厚薄適中，輕輕浸在熱湯中就已經可以灼熟而不會overcooked。嫩滑得來又好有牛肉味，正隨粉麵另上香草，芽菜或辣椒等配料，落幾多就隨你鍾意，非常貼心。〈黑白胡椒牛肉粒炒飯〉〈獅子老公〉見到牛肉粒已經雙眼發光，毫不猶豫就點了呢個惹味嘅炒飯。牛肉粒想不到一入口竟然有鐵板的感覺！！！外層爆炒得微脆但內裏的肉質還是非常嫩滑juicy炒飯加埋黑白胡椒一齊炒至乾身，又香又辣的非常惹味〈鹹蛋黃雞翼〉香口惹味嘅菜式又點少得極邪惡嘅鹹蛋黃雞翼呢雞翼外層半煎炸得香脆無比，再配上鹹鹹香香嘅鹹蛋黃醬，yummy〈香茅茶〉最後飲番杯熱辣辣既香茅茶，輕輕加上少許蜂蜜就已經清新得來又舒暢最近疫症橫行，看見餐廳加添了這個光學全方位消毒殺菌燈，就自然更放心連加一後每人平均不用$170 ，在銅鑼灣可以舒適的享受一頓高質晚餐，價錢合理。:):):)…查看更多

最近秋風起，真係係時候打邊爐啦！！！之前聽朋友介紹過倫哥私房菜嘅火鍋好得，原來佢哋觀塘都有分店，啱晒我哋依班東九龍人朋友推介依個$288嘅火鍋，食完雞煲仲有12款新鮮海鮮同超好味既牛頸脊而且仲有多款丸類，蔬菜同飲品無限量供應先來兩款開胃前菜：涼拌木耳同四季豆，香辣得來夠清爽。鮑汁冬菇同鮑魚夠晒淋滑入味，一個字正食完前菜就係時候食惹味雞煲，超香的喔雞件超級厚肉，味道超級濃郁惹味，真係食到停唔到口最衰（？）嘅係佢仲可以無限添加，食完都已經飽咗一大半😂😂😂忍住手（口），唔好食得太多雞煲，因為仲要打邊爐同台有人唔係好食得辣，所以唯有揀啲唔太辣嘅湯底。侍應哥哥推介話唔辣又濃味嘅有番茄湯，就一於試吓佢啦！！估唔到湯底仲加咗大量嘅菇菌同蔬菜，好有誠意之餘仲將湯底嘅味道層次提升得更豐富急不及待要試吓友人最推介嘅牛頸脊牛頸脊是牛頸至牛膊中間的一段肉，由於這部位郁動較多，所以肉質會較細緻、結實。而且肥瘦適中，相比其他部分，質感和味道都優勝得多。 片片切得厚薄均勻的牛頸肉，肥瘦相間，口感嫩滑，味道鮮而不羶，齒頰留香不要忘了另一樣重頭戲～足12款的海鮮盤無！限！任！食！當中最欣賞鮮蚌，夠晒鮮甜爽脆，彈牙無比鯇魚片亦不失色，夠晒厚肉鮮味，肉質爽滑彈牙，吃得很暢快總結：一次過滿足晒雞煲同打邊爐兩個慾望。服務生嘅服務態度同環境都好好，而且價錢非常超值，平均每人都只係300多元就可以食到高質的牛頸脊仲任食雞煲同海鮮。這餐晚餐超滿足的…查看更多

今日好晏先收工，放咗工已經唔想周圍去，就決定喺公司附近解決晚餐。之前聽朋友介紹過油麻地依間新開嘅足球主題餐廳，今日就帶鍾意阿仙奴嘅〈獅子老公〉來打卡朝聖一入到餐廳已經見到假草皮地板，恍如置身足球場上。再加上掛在窗邊歷代名宿波衫，〈獅子老公〉即刻急不及待拉住我好興奮咁介紹我知波衫係屬於邊個的，佢哋又有什麼威水史，睇得出店主同我老公都真係一直好熱愛〈阿仙奴〉不過呢，其實我就比較攰嘅所以都係睇返食咩先啦本來諗住簡簡單單叫套餐就唔使諗咁多。但係點知原來套餐都有18款！！！仲要款款都咁吸引，真係選擇困難症發作選擇套餐嘅話會有沙律，蒜蓉多士，是日餐湯，主菜同飲品。新鮮的沙律菜加上黑醋汁和橙味爆爆珠，簡簡單單的已經好好吃烤得外脆內棉的多士塗滿了厚厚的牛油蒜蓉醬，yummy 是日餐湯為甘筍湯，加添了少許新鮮蕃茄打成茸後再煮成濃湯，酸酸甜甜非常開胃〈香煎海鱸魚柳意式鮮番茄莎莎〉今天想吃魚，所以揀了香煎海鱸魚，配埋由鮮番茄和洋蔥及多款香料製成的莎莎，夠晒濃郁惹味海鱸魚的外皮煎得好香脆，肉質厚實得來結實不鬆散，一咬落去就已經有豐腴既魚油滲出來，柔潤香滑，好好食〈燒烤醬西班牙黑毛豬梅肉拼北海道元貝〉〈獅子老公〉是食肉獸，所以選了啖啖肉的黑毛豬梅肉厚切的豬梅肉被濃濃的燒烤醬汁醃製後再香煎，juicy得來好有豬肉香最後飲埋杯餐茶就完美了結論：雖然只是簡簡單單的一餐晚餐，但係對於喜歡阿仙奴的〈獅子老公〉來說，是遇到知音同好，吃得零舍開胃…查看更多

好掛住好掛住台灣，掛念台灣一切的美好，尤其是台灣的美食🥺🥺🥺短期內暫時都去唔到台灣旅行，唯有喺香港食下台灣火鍋去止止心癮最近最Hit的莫過於來自台灣的牛大人火鍋，最近尖沙咀仲做緊限定午市優惠， 90分鐘任飲任吃到飽可以低至$138！！今日一於同食肉獸〈獅子老公〉來放縱一番嚟到先知原來湯底都有10款咁多，淨係諗湯底都已經相當頭痛樣樣都好想試，結果我哋就選咗雙拼湯底。〈獅子老公〉選了非常獨特的〈牛大人紅燒牛骨鍋〉湯底，本小兔就揀了較低脂又不失美味的〈台中蒜頭雞鍋〉湯底。湯底嚟到都嚇咗一跳，真係有成隻脾比係入邊！！值得一讚係爐火好猛，湯鍋好夠滾，肉片輕輕焯幾下就食得，用電話落單又快又準確，根本全程就喺度密密食冇得停任食打邊爐放題除咗個湯底同埋啲肉之外，外面任取嘅配料同埋飲品都好重要。第一眼首先比飲品櫃嚇親，一字型排開，闊到我電話都影唔晒除咗有好多罐裝飲品之外，最特色嘅係有幾款自家製嘅茶飲，打邊爐熱辣辣飲就最啱！！另外配料，丸類同蔬菜嘅種類都非常多，出去攞到咁多嘢真係非常開心入咗嘅時候心大心細究竟要安格斯定係極上和牛套餐好，最終都係決定開心啲，叫個最高級嘅〈極上和牛〉大吃一番一落單當然係無論〈M5牛肩卷〉，〈安格斯牛板腱〉〈上腹牛五花〉都通通給我拿來急不及待的先試那個最貴套餐才有的〈M5牛肩卷〉果然是高級貨，完全沒有多餘的肥肉油脂，但口感依然嫩滑口感口感依然充實，牛味濃郁，juicy香嫩〈安格斯特選牛板腱〉也是不能錯過的！！同樣是本小兔的本餐最愛之一肉質比牛肩卷多一分咬口，但不乾不柴，而且脂肪比例不高，放心吃多點也不怕吃了接近10盤的牛肉後係時候要試吓牛大人的特色鮮魚滑及牛肉滑。但本小兔依然最鐘情牛肉滑，爽口彈牙得來又好重牛肉味，超正的另外怎麼可以少得台式鴨血超滑溜的！！不會像平時吃的一咬就散掉或是口感粉粉的台式小吃都係令大家好掛住嘅一部份，滷肉飯可以自行選擇多少滷肉醬汁，真係爽到不行小香腸，酥脆薯同鹽酥雞都令我們食到停唔到口後記：連加一及鴛鴦鍋費用平均每人不用$250，食到咁高質素嘅台灣食物真係絕對超值！！而且每位服務生的態度都非常好，真係令人恍如有置身台灣嘅感覺。已經同〈獅子老公〉講好咗，下星期要帶埋爸爸媽媽一齊嚟再食過…查看更多

想食餃子但係又唔想肥淋淋？？〈餃掂手工餃子專門店〉係〈為食小肥兔〉心水之選〈餃掂〉係多區都有分店，今次喺旺角行完街，近近地就去太子嗰間啦！！雖然我覺得佢哋嘅餃子唔點任何醬汁都已經好夠味，但係如果重口味嘅朋友都可以加佢哋嘅特色四川辣醬或者菜譜辣椒醬〈麻辣松花皮蛋〉口感Q蛋嘅皮蛋配上麻辣醬，惹味無窮〈蔥味酸辣雲耳〉口感爽脆嘅雲耳唔止配上麻辣醬汁，仲有大量嘅乾蔥頭，芫荽等其他配料，無論口感定味道都更充滿層次〈四川涼皮〉終於到我最喜歡吃嘅四川涼皮！！！涼皮順滑得來又Q彈，加埋爽脆嘅青瓜絲同脆脆嘅花生粒，又麻又辣，多重口感真係冇得頂〈壽喜燒牛肉煎餃〉食完幾款小食咁過癮，終於到主角～餃子出場！！先嚟〈獅子老公〉最愛嘅壽喜燒牛肉煎餃，餃子外層煎得香脆不油膩，加埋滿滿肉汁嘅牛肉餡。一咬開就噴汁，真係滋味無窮〈雙併湯餃子〉款款口味嘅餃子都好吸引，想貪心啲，唯有叫雙併〈大白菜豬肉餃〉滿滿嘅豬肉餡加上切碎嘅大白菜，爽爽脆脆，超有口感。〈元貝豬肉餃〉行嘅唔係爽脆路線，但一咬入去就有超濃郁嘅元貝鮮味喺口中爆開，愛好咸鮮味嘅朋友絕不能錯過〈野生松茸素餃〉食左幾款肉肉嘅餃子，係時候食吓素菜餃子平衡一下滿滿嘅松茸香下仲有幾款唔同嘅蔬菜，清新得來味道不孤寡，絕對係女生最愛總結：外面多數嘅餃子店入面都係充滿肥肉，一食入口就知道油琳琳，非常唔健康。〈餃掂手工餃子專門店〉絕對係餃子界中嘅清泉…查看更多

今日同〈獅子老公〉喺旺角睇完戲，散場嘅時候都已經時間不早，所以就決定喺附近解決晚餐戲院附近見到依間〈阿四車仔麵〉車仔麵，輕輕鬆鬆食個車仔麵作晚餐也不錯喔除咗有一般車仔麵嘅粉麵同餸選擇外，仲有幾款大碗飯可以揀，大食嘅朋友不妨選擇以車仔麵舖來講，環境雖然沒有豪裝，但係都非常闊落而且乾淨衛生我就揀咗溏心蛋，醃到入晒味冬菇，清甜無渣嘅蘿蔔同好滋味嘅雞翼尖最驚喜嘅莫過於糖心蛋，都唔使我多介紹，大家睇相知有幾高質〈獅子老公〉比較鍾意食啲comfort food，午餐肉就唔使多介紹，但係估唔到咁厚就真！！另外佢話滷水腩肉都好入味差啲唔記得介紹，有車仔麵又點可以冇辣菜譜。辣辣的又脆脆的，加落麵度一齊食就更加有口感話明我老公係隻獅子，一餐裏面又點會咁少肉？！滷水雞髀大大隻又入味啱晒佢呢啲食肉獸另外仲叫咗吉列豬扒，炸得鬆化但肉質又唔乾身。〈獅子老公〉表示非常欣賞最後補多張餐牌大特寫俾大家，等大家去之前可以諗定食乜先…查看更多

最近天氣涼涼地，又係時候打邊爐啦朋友介紹下知道喺旺角有間叫〈天下糧倉〉嘅任食牛肉火鍋放題，經濟實惠之餘，仲有和牛任食，質素仲好出色！！所以今晚就約埋阿爸阿媽一家人開心打邊爐冇花冇假，8個牛嘅部位都係任食，而且仲可以揀唔同嘅特色湯底。由於屋企人食得有辣有唔辣，所以我哋就叫咗鴛鴦鍋湯底等緊湯底嘅時候當然出去睇吓除咗牛之外有咩可以任飲任食多款丸類同蔬菜可以任食而且仲有多款飲品任飲，爽吖話口未完第一盤牛就已經好快嚟到，全部都勁新鮮，個色水勁靚，而且唔會話肥淋淋最抵讚嘅佢哋係用Gas爐，勁快熱又夠猛火，我試過外面用電磁爐真係等到蚊瞓都未有得食我就梗係率先要試吓佢嘅鮮牛肉，你知啦，鮮牛肉喺街市買好貴㗎！！鮮牛肉肉質勁林滑又不失咬口，仲有好濃郁嘅牛味，係我今餐最愛，超正我自己唔係好食得辣，所以揀咗沙嗲湯底，同牛肉真係超襯，無論配邊一款牛肉都有錦上添花嘅感覺。另外要讚一讚佢其他牛肉都切得好薄，輕輕焯幾秒就食得，搞到我哋食咗勁多塊，真係乜都回晒本食一盤當然唔夠，立刻再追加第二盤，再嚟嘅牛肉質素都非常之高，沒有令我們失望最後仲有香港製造嘅〈可可貝妮〉雪糕做甜品，香港製造喎！你懂的…查看更多

好友今天說要帶我去西營盤去見識一下正宗西班牙菜式。身為東九龍人第一個感覺就係：“吓！！好遠喎！！” 但係幸好而家西營盤都已經有港鐵可以直接到達，而且今天要開飯之選<La Paloma>正正就喺港鐵站出口步行一分鐘就到。好啦！為咗食好西，坐港鐵出城去。餐廳採用木系的休閒裝修，氣氛都好好，無論良朋共聚或三五知己飯局都好適合。<Glass  Of  Sangria  Red,Virgin  Sangria  Glass> $90,$75嚟到西班牙餐廳當然要點最出名嘅水果酒🍎🍊🍒🍎🍊🍏 主要有紅酒加上少少其他唔同嘅酒類，再加入切成粒粒嘅多款生果，絕對係西班牙菜必點嘅飲料！！ 可惜我吃飯過後還要上班，唯有點沒有酒精的Virgin版本。雖然沒有加入紅酒，但同樣感覺非常清爽，Cheers🍹🍹🍹<Air  Baguerres> $60雖然外形很像迷你的法式長棍麵包，但其實它的外層是用煙肉卷成然後拎去炸，重釀入咗超濃郁嘅流心芝士，好友第一啖咬落去已經話好好食。雖然可以一口把整個吃掉，但為咗令大家可以睇到入面嘅流心芝士，我唯有忍痛用刀叉切開。（誰還我芝士😭😭😭）<'Bravas' crispy confit potatoes,spicy paprika sauce> 呢個加有秘製微辣醬汁嘅薯仔小粒又估唔到幾好食！！每粒小薯粒都先經過烤焗，外層邊都變得微脆後才加上秘製醬汁，好惹味。<Garlic and chili prawns>大蝦加上蒜蓉汁從來都係唔可以輸嘅組合，仲加入西班牙式嘅香料就更加更上一層樓。<1/2  Suckling  pig> $238但係呢隻烤乳豬bb絕對更加驚為天人，雖然影出來的賣相不甚美觀，但係皮脆肉嫩絕對值得五星評價。切開烤得香脆不死實嘅乳豬外皮後有著非常嫩滑，油脂適中嘅乳豬肉。香滑，柔軟，可口又好吃<Squid ink paella> 西班牙海鮮飯是另一大熱菜式，飯心還保持著微微一點生硬的絕對是西班牙正宗口感，還加上香濃嘅墨魚汁一起熬煮，每粒飯都入曬味，仲加埋各款海鮮，yummy!!<Churros with chocolate> 甜品就當然要選有〈西班牙油炸鬼〉之稱既Churros。由於是要即製的關係所以要稍等一下，熱辣辣的來吃更滋味。    沾有砂糖粒的Churros香脆得來很酥化，再點上冰凍嘅雪糕和朱古力漿一起吃，滋味無窮。總結：總算見識了什麼是正宗的西班牙菜，不枉我〈千裏紹紹（？？）〉來到這裏見識見識。…查看更多

放眼於現今嘅香港鬧市，已經很難找到昔日霓虹光管的身影，想緬懷這種五光十色的璀璨實在不易。💡💡💡但是位於灣仔群策大廈的〈杜老誌大飯店〉就是主打這種香港八九十年代的璀璨，店內除了有多款的霓虹光管外，亦有多種香港的特色店鋪例如當鋪，麻雀館，士多等等的門面作裝飾，在這種環境下吃著香港特有的特色菜式~大排檔，實在另有一番風味。 每個街市總有一個賣魚勝，嚟到〈杜老誌大飯店〉都唔例外，〈攤檔？？〉養著多款活海鮮，選好就可以立刻拿去廚房加工。同傳統大排檔一樣，有多款唔同類型嘅菜式，雖然只係簡簡單單的前後兩頁，但足以令你眼花繚亂。 〈炸鮮奶〉$98 先來這個普通店鋪不易食到啲菜式，極考廚房師傅功架的~炸鮮奶!!每條鮮奶條都做到外面脆卜卜但內裏嘅鮮奶依然滑溜溜的，味道亦不過甜，吃的時候要小心燙到嘴巴喔 〈花甲蒸水蛋〉$138 另一款賣相極漂亮的菜式，即使未開始吃都已經得到視覺上嘅享受。 整齊排得像花朵盛開的花甲每一顆都鮮甜無沙，加埋滑溜留的水蛋一起吃，又滑又鮮味，正！！ 〈蒜蓉粉絲蒸元貝〉$96 吃完鮮甜的花甲就來另一款海鮮了~~ 超特大的元貝加上蒜茸同粉絲一齊清蒸，從來都係冇得輸嘅菜式。 :):):)〈腰果辣子雞〉 $138最後還來點辣辣的刺激菜式。    厚肉的雞件和腰果加上辣椒和花椒粒爆炒，香辣惹味程度可想而知。 〈菠蘿皮焗西米布甸〉$28 意猶未盡的我們還點了這個招牌甜品為這頓五光十色的璀璨晚餐甜美作結 焗西米布丁就食得多，但包著菠蘿包皮在面然後攞去焗的，你又試過未？？ 香甜鬆脆嘅菠蘿皮下有著用蛋黃代替蓮蓉的西米布丁，甜度適中又有蛋香，香滑得來又有粒粒西米喺入面，口感極有層次，即使多飽也值得吃喔！！    總結：能夠系呢個紙醉金迷嘅飯店內吃一下大排檔菜式，確實極有風味，來這裏和一眾好友放鬆一下，啤一啤就最適合不過了。🍻🍻🍻…查看更多

晚飯時間經過依家叫〈火五〉既越式牛肉粉專門店，見佢門口都幾光猛靚仔，入面又不乏食客，所以就望下佢門口嘅餐牌。發現都幾經濟抵食，所以今晚就喺呢度開飯喇 入到去冷氣都幾夠，而且夠光猛，感覺好清爽舒服。 ＜凍咸檸雪碧（左），凍青檸梳打（右）＞$19行到身水身汗，坐低即刻要叫返兩杯冰凍嘅嘢飲。 $19大大杯又夠冰凍，而且仲好足料，夠曬清爽 〈手作扎肉米紙卷〉$32 米紙卷外層煙煙韌韌好Q彈，再配埋入面清爽嘅蔬菜絲同惹味紮肉條，口感層次豐富，食得好過癮。 〈香茅雞翼〉$22 雖然賣相好似唔太漂亮，不過食落個味道唔錯架。 店家仲好貼心，有幾款自製醬料畀大家可以自行調味。最欣賞佢嘅自家製沙爹xo醬同埋自家製海鮮醬，一食落口已經知道勁足料！！配埋頭先嗰兩款小食真係舐舐脷。 〈香茅美國黑毛豬扒油香飯〉 $56〈獅子老公〉見到今日特別推介嘅黑毛豬扒就已經雙眼發光，估唔到越式餐廳都有黑毛豬扒食喎。 豬扒口感鬆化唔死實，而且豬肉味濃郁，經過半煎炸之後就更加香口惹味    另外油香飯都好好食，唔會話好油淋淋，有淡淡既油香得嚟口感亦好清爽，〈獅子老公〉對此讚不絕口。 〈香茅豬頸肉撈檬〉$42 本兔就真係食唔落一大碗飯喇，結果揀咗清爽嘅撈檬 豬頸肉煎得好乾爽香脆而且唔肥膩。但最欣賞都係佢個檬粉，口感很清爽唔會話軟冧冧，而且亦欣賞附有大量嘅青瓜絲同蘿蔔絲，成個檬粉超清爽，直情食到〈索索〉聲啊。 總結：咁大碗粉或者飯都只係收4,50蚊，抵得來仲要好食，絕對要真心讚！！    我哋飲曬兩杯飲品之後仲自己出去自助斟水站任斟加有青檸嘅排毒水任飲，爽！！！ …查看更多

〈為食小肥兔〉最鍾意就係同〈獅子老公〉周圍捐窿捐罅去搵好嘢食。今日就來到長沙灣尋找一間隱世嘅人氣墨西哥小店🇲🇽🇲🇽🇲🇽小店係工廠大廈嘅一樓，理應閒日嘅晚上唔會太多人幫襯。但點知竟然差不多座無虛設，真係令我有點暗暗吃驚。嚟到墨西哥菜館當然要食卷餅，雖然係小店但都有好多款唔同嘅卷餅可以選擇，誠意度十足。〈墨西哥雞湯〉 $48當然要是最特色嘅墨西哥雞湯，淨係睇都見到有好多雞絲喺入面，好足料。第一啖飲落口已經感覺到勁有墨西哥風味！！微微地辣再加酸酸地同墨西哥嘅獨有香料調味，絕對風味十足。〈自家製炸蟹餅〉 $88可惜蟹餅就略嫌炸濃咗小小，如果稍為早返少少炸起會更好。但一切開入面真係超多蟹肉，好足料。絲絲嘅蟹肉混有墨西哥獨有嘅調味料和蔬菜絲，自己擠埋青檸汁同加少少調味醬來食都還不錯的。👌👌👌〈水牛城雞翼配酸忌廉〉$48 水牛雞翼帶少少微辣，味道非常惹味。再加上雞翼外皮煎得夠香脆，內裏亦夠juicy，不錯不錯。〈芝士玉米烤焗卷餅+手撕烤雞肉〉 $92所有卷餅都是即點即整，所以要稍等一下才有得吃。但是沒關係吧，熱辣辣的即點即整好才好味的嘛！！ 沾有醬汁嘅卷餅中加有芝士和玉米，口感層次不錯，內裏仲有滿滿嘅香滑手撕雞肉同埋多款洋蔥和青椒等濃味的蔬菜條和墨西哥風味調味料，整個卷餅非常惹味，本兔和獅子老公都覺得好好吃。〈墨西哥薄餅+煙燻手撕豬肉〉 $98另外這款不帶醬汁的墨西哥薄餅則令我們更喜出望外！！薄餅烤得好乾爽香脆，內裏釀滿肉味激濃的手撕豬肉，面頭加上蕃茄粒，牛油果醬和洋蔥等墨西哥風配料，不知不覺就成碟食曬了。    總結：店內由兩位年輕小夥子一腳踢，雖然因為工作量極多而有些細節可能不及大餐廳般做得好。但我認為還是絕對值得支持的，因為他們絕對沒有因為忙碌而犧牲食品質素，你看閒日晚上都滿座就知道食物質素很高質。    希望他們可以加油努力，遲些換個位置更佳，招聘多些人手幫忙，發大來搞，我們這些愛好美食之人就更有福了，加油加油。💪💪💪…查看更多

今天和好友來到黃埔區看主題展，晚飯時間很想吃小籠包，有人就提議到附近這間〈王家沙〉門面寫住〈花樣年華〉，頭一次經過也不為意，後尾跟着地址找才知道這正是〈王家沙〉😅😅😅入到去便明白為什麼叫花樣年華了，古舊上海色風格的裝修不言而喻＜陳醋木耳＞餐前小點點了開胃的陳醋菜式，有我最的爽脆木耳，＜陳醋海蜇頭＞和蛋白質非常豐富的海蜇頭，酸酸的非常開胃＜蘇式鮮肉小籠包＞二話不說當然就點我們為此而來的小籠包老實說，小籠包的皮不算非常薄，是屬於微微有點厚度，口感Q彈的那種，本小兔和友人都非常喜歡內裏滿滿的湯汁又是另一重點，非常香醇濃厚，再加上內裏彈牙的小肉團，吃這個小籠包感覺真的好幸福哦＜黑毛豬扒湯麵＞品嚐過小籠包後還想叫一點麵食才夠飽肚。炸豬扒絕對令我們喜出望外！外層非常薄身，唔會有口口嘅炸醬，炸得夠爽脆之餘內裏嘅肉質依然非常Juice嫩滑，肉質亦非常結實，和友人差點要打架來搶吃湯麵方面，配襯的湯底清淡得來又唔會話好掛，有淡淡的肉香味，吃過油炸的豬扒後那個清淡的湯底的確非常不錯湯麵幼身得來不失口感，嫩滑得來又夠彈牙，吃這個非常滿足呢總結：除了小籠包外其他的食物都非常出色，下次來黃埔的話也會再來光顧…查看更多

位於旺角兆萬中心頂樓的〈Yadllie Plate〉一直係我喺旺角區最愛嘅韓式食肆首選之一。雖然有時都要等下位，但係我覺得食物質素很高，而且價錢合理，所以上去稍等一陣都是合理的:):):)＜香芋拿鐵＞今日又同兩個好姊妹嚟食好西，天寒地凍當然要飲番杯熱辣辣，奶味同香芋味都好重嘅香芋拿鐵暖一暖個身同對手先啦＜鮮蝦沙律＞女生聚會又怎可能沒有沙律？？鮮嫩爽脆嘅沙律菜外還有香烤過的香蝦，再撒上滿滿嘅芝士粉，健康又美味＜水冷麵＞雖然外面凍凍地，但水冷麵還是我最愛的韓式麵食蒟蒻麵口感超爽滑的又夠彈牙，涼涼地〈𠽌〉一聲就食晒入口，啱晒我依啲煙韌控呀！！！＜韓式泡菜燒腩肉＞食完健康嘅沙律同水冷麵之後，就到邪惡嘅燒腩肉登場🤤🤤🤤外層燒得美味香脆的腩肉夠晒香口嘢未，雖然好邪惡但係令人欲罷不能＜半半烤雞＞原味（左）， 黃金蒜香（右）另外少不免當然要有烤雞啦！！人多就意見集，這個半半烤雞可以揀兩隻味就最適合不過了唔好以為原味就比較清淡，其實雞味都好濃郁，肉質嫩滑，輕輕香烤就已經好好食黃金蒜香同樣肉質鮮嫩幼滑外更帶着濃郁嘅香蒜味，比原味更為惹味總結：又是一間已經不是第一次也不會是最後一次來的食肆，來到旺角區想吃韓食的朋友不妨考慮這間，不會介紹錯的！！…查看更多