Bababananana的個人專頁

我都食過好多間平價/高級酒店既afternoon tea set, 但係從未試過一間咁難食既tea set🤢就算平價既酒店都好食過佢首先，咸點之一既吞食魚方粒超級腥🤮佢個beetroot hummus with pomegranate kernel and Grissini係好古怪既味道，我自己都食左幾啖，我細妹更加食左一啖已經唔想再食🙊 我無刻意要抹黑間餐廳，但以一間五星級既酒店黎講，絕對只有失望失望失望🤢😖…查看更多

今日同友人補祝生日，友人選了這間台灣食店，但本身個人都幾喜愛食台灣食物，如花枝丸、大腸麵線首先位置唔係咁清晰，係google map顯示係鴻圖道28號，但係實質係鴻圖道28號再行右再見到一條好唔明顯既巷仔，好多車泊係度既位置行入去，我足足兜左兩個圈先到幾經辛苦終於搵到，可幸唔駛排隊就有位，入到去就即刻點野食，叫左魯肉飯、控肉飯、柯仔煎、皮蛋豆腐、百香果紅茶、綠茶、芋圓，本來極度想叫大腸麵線，但點知晚上才有麵線失望...食物方面，魯肉飯一般，味道唔算特別好味，而控肉飯係因為想知控肉係咩底下叫既，原來即係扣肉，不過肉質夠'林'，所以都唔錯，而柯仔煎係我食過咁多間最差既，可以用難食來形容底層有層透明帶膠狀質地既野，而芋圓都算可以。整體來說，令我失望但唯一要讚既係店員服務態度良好，知道我地得兩個人，一見有獨立枱，即安排我地唔駛搭枱…查看更多

今日星期六大概十二點十五分到達，想一試呢個餅店既芝士撻，去到已經有條人龍，大概十二人度，礙於佢既芝士撻係新鮮制做，而且十二分鐘先出爐一次，所以佢要慢慢放人入去等，如果只係諗住買半熟蛋糕既話係絕對唔駛排隊咁因為我又想上芝士撻又想試半熟蛋糕，所以就決定排隊，呢度值得一讚既係當日有位大肚婆排緊隊，佢就直接叫佢係入面等，所以我覺得呢間餅店係好好，服務員會主動叫大肚婆入去😁由於每人限買6件，我當然用盡quota買6件芝士撻黎試，當新鮮熱辣辣既芝士撻出爐，我忍唔住即場食左一件先，因為趁熱先好味，佢好重芝士味，但就唔會流哂出黎，裡面滑，個餅底係曲奇底，個芝士撻食完之黎會有d'漏' 相反，個半熟蛋糕就唔會好'漏'，上層軟滑既芝士味，下層海綿蛋糕，我自己就比較喜愛半熟蛋糕😊…查看更多

今晚因為唔太肚餓，又咁啱係附近拎完月餅，就試一試呢間成日都想試下既759車仔麵，佢間化妝品店同零食店就去得多啦，但係呢間車仔麵就真係第一次試，我跟餐牌叫左個三餸麵，魚蛋、金菇菜、魷魚既米粉，再加左杯凍華田，杯飲品好淡，唔重味，而我就加左沙爹汁，沙爹汁係唔錯，但其餘就普通，無咩特別，不話三餸車仔麵都只係$30，出面難求…查看更多

今日星期日又係afternoon tea 既日子，我同友人們去左呢間一試，只係係網上見到佢d餐具幾靚，價錢又唔貴，就試下呢間。佢個下午茶由3:30開始，佢得一款set,無其他選擇，飲品就有得選，咁我就叫左Earl Grey,佢上左第一款野，一件鬆餅加一件蘋果酥，而之後就上左一款要點火機既甜品，佢首先噴d酒落杯野度，跟住就撻火機點著，不過呢杯野認真麻麻，得個樣仲有主要既三層甜點盤上，我覺得d咸點出色過甜點，佢d咸點盤係唔錯，而甜點就較普通不過呢間餐廳就唔算多人，如以環境黎講，係好適合姊妹們聚會，傾計又唔需要怕太嘈，要講大聲d…查看更多

今晚同友人想搵舒服又環境幾好既餐廳，咁就選左呢間係工廈附近比較僻少少既地方。因為如果想晚上係觀塘食飯，基本上好多間都要等位，唔係就好多人，而呢間都唔算好僻，地鐵站行過去都只係十零分鐘就到😁本來想食日本野，以為上樓上間豐盛居酒屋，點知原來晚上無開，咁原來可以照叫豐盛居酒屋d野食，不過係豐盛餐廳食。咁我就叫左海膽牡丹蝦魚生丼餐，而友人就叫西餐，就叫左牛柳伴牛油大虎蝦，另外加左個鵝肝多士。個海膽魚生飯我覺得唔錯，因為d魚生新鮮，而算多料，有海膽、三文魚、油甘魚，北寄貝、帶子、牡丹蝦，首先海膽確實一讚，因為平時係其他店食會有陣臭味，但好明顯呢度既海膽係新鮮，所以完全無臭味，仲食落有甜味而跟餐附近既天婦羅亦都唔錯，以$149既價錢有沙律、湯、天婦羅、刺身丼、甜品、飲品確實抵食👍👍另外，友人點個個鵝肝多士真係不得不推介，因為佢個鵝肝真係香口同埋大件，好味😋😋不過個多士就失色少少，因為唔係脆口，係腍身。而佢叫個西餐- 牛柳併虎蝦，主菜都失望少少，牛柳肉身係嫩滑，但係無咩味，而虎蝦彈牙同好香牛油味，所以虎蝦值得推介😛呢間餐廳我會再去，因為人唔多，位坐得舒服，好味又抵食😆😆…查看更多

今晚同友人補祝生日，就選左友人最喜愛食既泰國菜😊😊😁呢間餐廳環境都唔錯，好適合聚會，咁我地三人行,就叫左小食拼盤、手撕雞沙律、腩肉椰菜苗、泰式金邊粉、甜品就叫左芒果糯米飯。首先，小食拼盤唔錯，有蝦餅、燒豬頸肉、蝦卷、豬肉串，個醬汁值得推介，有四隻醬，我個人最喜愛個辣汁，豬頸肉沾佢最配。另外，豬腩肉椰菜苗都唔錯，炒得香口，我每次食泰菜都必叫，所以這道菜都無令我失望。而我最喜愛既係呢度既金邊粉，因為佢個金邊粉炒得好香，好夠鑊氣，而旁邊有炒蒜粒同辣粉，建議d辣粉唔好全落哂，因如果唔食得辣既，會覺得稍微有一點兒辣😅而手撕雞沙律就稍嫌遜色一點，可能個人覺得手撕雞同青瓜不是很配😁芒果糯米飯本來我是最期待🙈可惜佢既糯米有點兒硬，友人更加食食下吐出黎,可能覺得太硬，個椰汁唔同其他芒果糯米飯，因為佢好杰身，好淡椰汁味👎🏻…查看更多

今日想食日本野，就去左呢間餐廳一試，因為兩人都唔係太肚餓，就叫左赤貝刺身、油甘魚刺身、蟹子壽司、北寄貝壽司、釀蟹蓋同埋黃金燒大蝦。首先，壽司普通，無咩特別，赤貝刺身幾新鮮同爽口，唔錯。而令我最驚喜既係個黃金燒大蝦，因為真係好味，蝦肉彈牙，鋪係面既沙律醬唔錯，不過價錢就唔算平，$68一隻，不過黎得一定要試呢個不過呢間餐廳就略嫌款式選擇唔多，希望可以增加更多唔同款式既野食，整體壽司刺身就略嫌比熟食遜色…查看更多

星期五平日放假，梗係去下好多人都話要排好耐既中村😀😀相信平日會少人，佢有個好處，你攞左飛之後可以週圍行下先，因為張飛上面有個QR code,你隨時都可以嘟下睇下而家佢地叫到幾多，咁就唔駛驚miss 左。咁我同友人們就去附近既食下野，跟住差唔多時間就返去，因為呢間最主要食甜點，我地係附近食左正餐先再返去，咁就差唔多入得，都其實等左成3個鐘😅所以，一定要食定d野打底。咁我地三個女仔就叫左三樣野，之前上網見人地推介既焙茶芭菲，所以一早就決定一定要叫呢個，但可能我唔係太鍾意咖啡味既野，覺得呢杯野好似咖啡味，所以下次一定要叫拌茶芭菲😢另外，就叫左抺茶湯（熱）同抺茶雪糕，抺茶湯就唔錯，抺茶雪糕都有濃烈既抺茶味😙😙鍾意抺茶既人一定要叫，如果要等咁耐，就唔值得，但等遲下少d人等，先再去朝聖😙😙…查看更多

今晚同友人飯聚後想食d甜品，友人提議去呢間甜牙牙。咁我地等左大概半小時後，就有位，其舖入面偏細，坐得較迫，跟住見到餐牌有綠茶系列，咁我個人都幾鍾意綠茶甜品，就叫左綠茶蛋糕，而友人們就叫左香蕉窩夫，朱古力窩夫...出乎意料之外，我覺得朱古力窩夫最好味，然後就係綠茶蛋糕，其他就一般，無咩特別。…查看更多

今日同媽咪預祝生日，就去左呢間好多人推介個烤鴨，晏晝去唔算多人，同埋一早book定，本來想食夜晚，但係打去book時，佢話夜晚full哂，如果真要夜晚去，絕對要排隊😣…查看更多

今日星期六一早去左排好想試好耐既Lady M, 大摡十一點零就到左，因為驚好多人，所以就早d去排隊，好彩早，前面只有7，8個人，排左半粒鐘多d就有得入，不過佢要人前先可以入，幸好我個fd趕得到😅一入到去，佢要揀好哂野食先坐埋位，咁我地三個女仔就揀左原味千層、綠茶千層、檸檬千層同法式芝士，飲品就選左fresh rose tea latte首先，原味千層真係好好味，佢有少少焦糖係蛋糕面，真係好好食，可能個人好鐘意焦糖味😍，同埋皮夠薄另外，綠茶千層都好味，但個人就鐘意焦糖味多d而檸檬千層就普通，同埋法式芝士帶少少酸味同有少少肉桂味，唔會再叫😣而杯fresh rose tea latte就好香玫瑰味，唔太甜，好好飲所以，如果再去，我必叫原味千層同fresh rose tea latte👍…查看更多

今次為左補祝姊妹既生日，就選左呢間餐廳afternoon tea, 一上到去49樓，首先俾佢個環境吸引住😍真係好正個view因為三人行，所以叫左一個兩人set,再加一個單人set,價錢唔算貴，兩人set只係$395，單人就$235佢係一個set已包左甜點同咸點同一杯飲品，飲品方面我選左用佢餐廳命名既Cafe Grey Tea, 而友人就選左mango ice tea and peach ice teaCafe Grey tea我就麻麻，雖然佢有配蜜糖，但係個茶偏酸佢個綠茶凍好味，濃烈既綠茶味，再配埋茘枝味，出奇地夾😋整體而言，價錢唔算貴，野食唔錯，又有個好既view,值得再去😌…查看更多

出名既豉油雞無想像中咁好食，只係重豉油味，無咩特別芝士牛油炸魷魚好creamy, 魷魚唔係乾身既，配埋洋蔥，無咁'漏'，唔錯清蒸小紅魚偏貴，同埋偏鹹，肉質係好滑，但唔值$220總括來說，三樣餸，埋單$466，價錢偏貴，食物一般，唔會再去😅…查看更多