ddy904的個人專頁

由於友人生日, 指定要食呢間, 所以已經事先BOOK左枱! 之前都有聽過呢一間餐廳, 都幾有名氣, 難得今次有機會黎食哈哈哈哈! 開波前我地就叫左2杯飲野:1.  ROSE LADIES HK$58杯飲野都幾靚, 都OK好飲 2. APRIL'S APPLE HK$58 初初送上黎果陣,以為係得一杯飲野, 跟住餐廳員工係上面點左一個波波出黎, 波波維持左1-2分鐘左右就會自動爆!食物方面就叫左以下:1. 日式燒茄子 HK$78都幾好食, 一條茄子好似整到咁GRAND..好勁2. 牛油果燒北海道扇貝 HK$98/隻有D貴同埋唔抵食, 有少少細隻, 諗住呢個價錢, 唔係超好食就勁大隻, 但不過不失啦,正常 3. 屠夫牛扒 HK$348都OK好食, 太生既部分我就唔食, 友人食, 我食比較熟果D部分, 都軟熟, 點埋D醬食唔錯唔錯!4. 睡蟹意大利飯 HK$238D飯量比想像中小左DD, 同埋有D生同埋咸左DD, 一般般5. 生日甜品: 佢最熱門果2款賣野, 得返呢款朱古力, 但都係一般般 , 生日字語既字體建議可以再寫同構圖好睇DD …查看更多

呢間係朋友預先BOOK定架，事先完全唔知間餐廳係咩裝潢，食D乜野！但係上到黎真係好驚喜呀！因為成間餐廳都比人一種好舒服既感覺！今次安排左我地坐入面，但我地個位置一望出去就去一個露天平台（出面都可以坐人架）雖然對面大廈裝修，但都無損個露天平台帶比我地既視覺感受！（真係好鐘意！）點解話佢隱世呢，因為佢唔係位於銅鑼灣既高流量地帶，反而似係隱世一角。好開心友人帶我上黎啊！由於疫情關係，我地都係揀左LUNCH TIME時間黎食。叫左一個ALL DAY BREAKFAST同埋一個LUNCH SET- 辣味大蝦扁意粉。ALL DAY BREAKFAST HK$128 WOW 黎到估唔到佢咁大份, 樣樣都有, 顏色好豐富, 食落都唔錯, 係好味!LUNCH SET- 辣味大蝦扁意粉 呢個就正正常常, 整體都唔錯。我仲有其他兩個友人叫左其他野食, 雖然無影到相, 但佢地都話食物唔錯! 而我個人感覺就系!下次可以再黎多次!然後要坐露天平台果邊, 再同朋友吹水!一流! …查看更多

今日黎到呢間主打日本餐廳係因為見到好多好評, 位於工業區, 裝修亦十分工業風, 地方闊落, 座位同座位之間都有足夠既空間, 感覺唔太迫。2:15黎到但仲有LUNCH SET叫。咁我地就叫左3個LUNCH SET。1) 牛肉壽喜燒一人鍋 HKD98 + 追加熱烏冬 HKD20初初見到相以為係可以自己一邊食一邊煮, 但原來係師傅煮好晒之後一鍋上, 所以落完ORDER到上菜果刻略長, 等左約15-20分鐘先有得食。個壽喜燒湯底岩岩好, 唔咸亦唔會太甜，肥牛都煮得剛剛好，唔會太硬，整體唔錯。叫左個追加烏冬, 都OK, 多料, 幾好食。2) 火山卷物盛 HKD92 超期望呢個，見好似係有伶獎，就叫黎試下。有幾樣揀，我地就揀左火山，黎到既時候，賣相就一般啦，但唔緊要，只要佢好食就得啦。食落口真係有D失望，因為D壽司飯好硬啊！一秒破壞左成個口感！件件都係咁，飯係卷份既靈魂之體黎架嘛，希望以後可以改善下。3) 切角魚生飯 HKD98 同樣地，魚生刺身無問題，但係D飯真係好硬！亦都破壞左成個口感享受，希望下次煲完飯可以試下Ｄ飯既軟硬程度先再伶出黎比客食。PS:跟壽喜燒餐果碗飯反而無問題，應該用黎整刺身飯/卷物果一轉出事。…查看更多

呢日去左葵芳果頭食飯，就睇下有咩新西式餐廳可以試下啦~見到呢間餐廳將個名改到咁得意，叫「boring?!」，裝潢又好似唔錯喎，咁我同友人就即刻book枱黎一探究竟！雖然book左枱夜晚７點，但我地6:30早左到，佢地都好好人咁比我地入去。當晚都多人既，仲有人係度排緊walk in，睇落幾受歡迎。呢間餐廳既裝修以白色為主，網紅打卡風格。餐單有別於其他形式，呢度提供配搭組合，例如A+A總共hk$208，A+A+B總共hk$360，每個組別都有固定既菜單供選舉，都唔少架，佢亦都擺左受歡迎既食埋落個組合度，所以唔驚選擇少。今次我地就揀呢幾樣野食：1. 白酒煮青口$45好奶油香，青口ｄ肉好大粒，口感飽滿2.  蜜糖蒜香雞翼$48呢個好好味，炸得岩岩好，香甜香甜，脆香脆香的3. 明太子帶子意大利粉$118我最鐘意食呢個！真係煮得好好食！佢成個意粉汁底都係用左明太子黎煮，唔係淨係表面鋪咁簡單，所以好入味好香口4. 美國特級牛柳(8oz)拼帶子$158我覺得煎得耐左d，肉質出到黎既效果有少少硬，但整體ｏｋ5. 香燒紐西蘭羊架$148由於我唔食羊既關係，所以評價唔到，但個外表睇落都幾正，友人評語唔錯！6. 迷你棉花糖焦糖哈蜜瓜窩夫配雪糕$78 呢個都特別，係個蜜瓜面整左陣焦糖，所以咬落去脆脆地，甜上加甜7. 叫左3杯野食，都係正常野，無乜特別，但我個薄荷朱古力一d薄荷朱古力味都無…查看更多

而家呢個年代咁科技化下下都講度ig風，所以大家對於d裝修復古及舊式既餐廳都會特別留意，而我都不例外。去慣d網紅風既地方，偶然都想黎呢d舊式情懐風既餐廳食野。蘇媽蘇媽係一間主打馬來西亞特色料理，入面既裝修都要返佢地舊時年代既風格，總之入到去就好正，可以感受到活在過去的年代氣氛。我就好少食馬來西亞野，正確黎講係勁無乜點食過。初嚕之下就叫左以下呢幾樣野食：1. 肉骨茶（一字骨）hk$128湯底好香，帶回少少甘甜既感覺，飲落口有少少似中藥或者呀媽煲既藥材湯，d肉肉都煮得幾冧幾入味，整體黎講，好食！有特色！2. 辣死你嗎配烤雞脾 hk$68 整體黎講不過不失啦，唔會話好出色，但又未到唔好食，正常，但要提一提係果pat紅色辣椒醬，同平時食開既唔同，撈埋d飯一齊食又幾得意wo，味覺層次豐富左。3. 椰香咖央多士 hk$ 32個包皮烘得好脆，但入面個醬有少少甜左dd，但夾埋個包面食就岩岩好！呢個我中意食！我覺得係service都值得一提，叫完野食後，佢地即將有人黎兩個大碗黎倒d肉骨茶湯比你飲，等你暖下個身先，然後野食就逐樣逐樣上黎！唔夠飲！就可以繼續添飲架！…查看更多

前排見呢間鋪頭係OPENRICE度榜上有名，但未上排行前其實我已經有食過幾次，所以特登黎打返個食評先。入面既裝修都係簡簡單單啦，餐單都係常見的台灣料理。但最特別既係佢有「魯牛飯」，但我無影到相，佢既外相同魯肉飯係大同小異既，但就係多左陣牛味囉，都幾好食架，大家可以黎試食下咁我多數去呢度食都係叫返台式魯肉飯SET（包餐飲）HK$58 呢個我已經食左好多野，有時好好食，有時一般般，但建議肉可以用返多D半肥瘦，咁口感會更佳另外仲叫左個招牌紅燒牛腱心牛肉面SET（包餐飲）HK$78 呢個有得揀粗面定幼面食，我就揀左幼黎食，但覺得好似有D唔係咁夾，下次會試下粗面會唔會好D個味道真係各花入各眼，我就一般般啦，覺得D牛都一般般，唔算特別冧同入味。最後亦有加碼，叫左個紅油抄手 HK$28 黎食，因為友人話好辣，我就無食野（怕辣）…查看更多

好耐無黎旺角啦，今次過黎係因為要farewell一位即將移民去加拿大既朋友，咁佢最鐘意係旺角浦頭，所以就揀返旺角就近食飯。今次揀左呢間係openrice都熱搜既樓上cafe黎食。當晚book左7點，上到去原來佢地租左兩邊黎做餐廳，地方都好大寬落。店員帶我地入去另一個空間，入面無人咁濟，唔知係咪太早啦，成個場都係得我地，有d靜，但都好岩朋友黎聚聚傾下計。間cafe既裝潢就偏向啡色簡約為主，同個名首尾呼應「孖啡」。食物方面我地叫左：1. 蛋卡邦尼意粉 HK$118 — 唔錯，幾好食2. 明太子意粉HK$128 —覺得OK，但好似有D偏酸 4. 龍蝦湯 跟餐加HK$18  — 呢個就一般般3. 特式小食拼盤 HK$83 — 呢個都唔錯，但太多炸物，覺得可以少D炸物，豐富返食物題材 …查看更多

我相信大家都唔陌生架啦，呢間係典型既快餐形式的韓國料理，都幾抵食架，選擇都多，人均係50-70左右，有時口痕就會黎食。但就唔會期待佢非常好食同出色，屬於正正常常既水平。我地每次黎到多數都係叫呢幾樣野黎食：1. 辣豬肉（包飯）$60：呢個都煮得幾好食，我唔係好食得辣，但都食到，簡簡單單送飯食2. 韓式抄粉絲$42 ：略嫌份量少左D，食完唔會夠飽3. GIM BAP $42 ： 叫左TUNA：呢個味道都唔錯，典型既韓國口味總體黎講都係抵食又滿足，醫到條韓國癮！…查看更多

想一次過滿足晒三種唔同口感，但又唔想叫太多份黎食? 呢個 💛迷你彩丼定食💛就岩晒你心意💖每樣都細細碗，但份量又岩岩好👏🏻超超超細食既你仲可以同朋友至愛開心share添！🤗必食之選：💛迷你彩丼定食💛HKD168 ✅小碗鰻魚飯 、小碗吞拿魚碎(魚生飯)、小碗海藻烏冬、小碗沙律🥗、小抹茶蛋糕🍰 & 錫蘭紅茶☕️但大食妹嘅我，又點夠飽，叫多份先！😈🤤鰻魚迷選：💛大鰻魚飯套餐💛 HKD198 ✅除咗一條大大嘅鰻魚，仲有沙律🥗、海草烏冬、小抹茶蛋糕🍰 & 錫蘭紅茶☕️整體黎講都唔錯，小貴囉，下次黎都係會揀迷你彩丼定食，咩都有得試，又夠飽！…查看更多

今次要介紹既係位於#上環 嘅日本料理餐廳 (貴貴地🙈但好食既😋），我其實已經食過幾次，但食過都返尋味。所以今次要寫返個食評黎紀錄下。疫情關係，大食妹之前已經比呀媽係屋企#禁室陪食 多日🥺，心中念念不忘呢間嘅#壽喜燒牛肩肉雜菜鍋 🥺所以終於忍唔住，同呀媽講 #今日有LUNCH會議呀 #我唔帶飯返公司食啦🙅🏻‍♀️一到Lunch Time, 我二話不說就狗衝去！但一衝入門口，店員就即將截住我😨，叫我出返黎。。。下？咩事呀？🤥原來係指示我去量返掌心體溫先，嚇死人咩！🥺跟住再老點你行落多層，入面嘅裝潢走暗黑格調路線 紙醉沉迷 #有少少浪漫咁🙈 #但今次係同同事黎食😟 入面都好大，坐得幾舒服☺️一心係黎食 #壽喜燒 所以梗係叫返 #壽喜燒。價錢盛惠HKD178🤭，午市免加一呢個套餐包左6樣野, 所以覺得都OK😚1. 前菜-XX沙律 （今次係蟹柳沙律，有時係栗米，有時其他）2. 大大份雜菜鍋😍3. 牛肩肉😍4. 3塊肥美三文魚😍5. 迷你雪糕糯米滋6. 一杯野飲- 叫左杯#熱柚子蜜 呢間仲有好多唔同類型嘅午市定食，放題，食材新鮮，份量夠大，唔會怕食唔飽，嘻嘻🤭係就係貴左啲，但一星期一次，對自己好啲唔好咩？🤪…查看更多

今日經過呢間鋪頭，比佢門口既裝潢吸引左，佢間鋪既主題係用左台灣車站黎設計既，所以入到去好有旅行感啊！唔洗講，我諗大家都一定估到係食台灣野。我地叫左幾樣野黎食：阿里山燒雞腿便當$58呢個有魯肉飯係度，都唔錯，燒雞腿都OＫ好食醬燒豬軟骨肉燥乾奉拌面$64呢個我地叫左蔥油拌面，但比想像中甜，豬軟骨幾好食，但個拌面同個汁唔好食，太奇怪，太甜啦蔥油淋青菜$25呢個就正正常常，無乜特別老街綜合老味小拼盤（老蛋、老雞翅、老豬耳）$42 有驚喜，因為前面食左個唔好食，驚老味都唔好食，所以預期值自動波減低左，但反而咁樣，覺得更加好味。個豬耳老到勁冧勁入味，如果下次有機會再試，我一定會單叫一碟豬耳！正！凍胚芽奶茶$13…查看更多

平時成日都經過丼丼屋，但都無入到去食，今日黎到青衣城，又咁岩想食日本野，又咁岩有佢喎，就一於試下啦！因為唔算好肚餓，所以同友人一人叫左一個井黎食，無叫到佢D SET餐，但如果有興趣食SET餐既話，其實都唔貴，只係+15HKD就有。落ORDER果陣，個店員姐姐都好NICE咁預先提醒我地大概要等15-20分鐘先有野食，所以都有定心理準備。結果真係等左20分鐘左右陸續有野食上黎，眼見其他比我地遲黎既客人叫既野食都一早黎左，我就會不禁產生一個內心小劇場：係咪因為係叫魚生先會咁耐呢?熟食好似快好多WＯ.....但我地叫既野食都唔係好多炸WO!? ANYWAY,帶定頭盔，我有晒心理準備架。我地叫果兩個丼，其實都係常見既，一個係辣三文魚親子牛油果丼另一個係什錦刺身丼。Ｄ刺身魚生都幾新降，辣味三文魚無辣味，但配埋牛油果一齊食就好香口。唯一美中不足係，我覺得飯唔夠好食，唔似係日本珍珠米。不過整體黎講係OＫ，係等食時間長。…查看更多

今日黎到同事口中食過最高級既打邊爐—溫菜野，裝潢都幾日式，木系風。由於一行十人，所以等位等左勁耐，等左成1.5小時先入到去，當下已經餓到暈。一入到去有得坐低，就即叫野食，佢地有好多款肉類揀，平至200幾，貴至800幾一位都有，睇你地想食咩肉同咩類型既牛啦。我地今次叫左季節限定既「宮崎牛」，價位都叫高，盛惠728$一位，但放心，呢個價錢係「任食」架！！！所以我地瘋狂咁叫「宮崎牛」（全名：宮崎黑毛和牛牛肩口）黎食！我地分開左兩枱黎坐，我地果圍既湯底就叫左昆布、蟲草、檀本&壽喜燒。個人覺得宮崎牛配壽喜燒湯底最夾，稍為將Ｄ和牛焯熟左，就即刻擺入口食，真係好嫩滑好香好易入口！一口氣食左10幾20塊！！！！不過完食宮崎牛，再試食其他款既牛，例如美國安格斯、鹿兒島牛呢。。就真係好明顯食得出個分別，唔係話唔好食，只能說更好食既係宮崎牛囉。我地仲有叫左其他既食材黎食，但就唔係話特別出色，基本野啦，所以我諗黎大家要黎食呢間野都係食肉肉為主啦！…查看更多

今次同大家介紹係我喺香港最愛食既其中一間食台灣野既店！呢間係我第n次返兜啦，雖然小小貴，但佢果碗暗然銷魂滷肉飯真係我目前ge真愛。成個味道都咸甜適當，肥瘦均勻，加埋啲洋蔥脆脆係飯面度撈埋一齊食，真係每食一啖都係享受🤤另外，佢地既咸蛋黃芋泥波波都幾有驚喜驚喜😳粒芋泥波波溝埋蛋黃醬一齊食，又幾夾wo！帶比舌頭一種新鮮感🤤蟹肉麻婆豆腐撈面都好正，小辣😌我都食到，多蟹肉，豆腐同面真係好夾口感好正！雞球波波都係啲外脆肉冧既，加埋佢嗰兩個醬一齊色真係別有一番風味呀Oreo麻糬都係好食ga🤤係完d熱辣辣既野，再黎個涼陣陣既甜品，黏而不膩食左幾次都無失望，下次都會繼續燒朋友黎食♥️♥️♥️ trust me, go try it🤗…查看更多

［ #元朗美食 ］呢間餐廳裝修得好ig風，假日同三五知已黎chill chill打卡都好有feel，今次係放工黎，都唔算多人，所以坐幾舒服，同埋冇限時食嘢，覺得幾好。同有人兩個人唔係食好多，但到嗌左幾樣嘢食，最有印象嘅片中就係個雞翼同埋南瓜意大利飯（本人對南瓜意大利飯特別情有獨鍾，所以如果見到Menu有南瓜意大利飯呢通常我都會叫黎試吓食）首先講吓個雞翼先，雞翼皮炸都幾脆幾香👍🏻薯粒鑊仔粒我就覺得一般般啦最好食都係個軟殼蟹南瓜意大利飯，好香南瓜味，好入味👍🏻 杯抹茶我嗌咗燕麥奶，搞到抹茶味勁重😶但查實應該溝牛奶好飲啲🤔…查看更多