。一入到去有得坐低，就即叫野食，佢地有好多款肉類揀，平至200幾，貴至800幾一位都有，睇你地想食咩肉同咩類型既牛啦。我地今次叫左季節限定既「宮崎牛」，價位都叫高，盛惠728$一位，但放心，呢個價錢係「任食」架！！！
所以我地瘋狂咁叫「宮崎牛」（全名：宮崎黑毛和牛牛肩口）黎食！
我地分開左兩枱黎坐，我地果圍既湯底就叫左昆布、蟲草、檀本&壽喜燒。
個人覺得宮崎牛配壽喜燒湯底最夾，稍為將Ｄ和牛焯熟左，就即刻擺入口食，真係好嫩滑好香好易入口！
一口氣食左10幾20塊！！！！
不過完食宮崎牛，再試食其他款既牛，例如美國安格斯、鹿兒島牛呢。。就真係好明顯食得出個分別，唔係話唔好食，只能說更好食既係宮崎牛囉。
我地仲有叫左其他既食材黎食，但就唔係話特別出色，基本野啦，所以我諗黎大家要黎食呢間野都係食肉肉為主啦！
