yivan的個人專頁

十蚊十幾蚊一碗的雲吞麵鋪通街都係, 但令我食過返尋味的, 潘記可算是其中之一, 我由幾年前佢的雲吞麵11蚊一碗開始食,到今日加到15蚊一碗(11月開始加的), 我都對佢不離不棄。招牌菜：雲吞麵($15) : 我經常食！雲吞大大粒絕對足料！蝦肉比例剛剛好，軟身有少少彈牙, 又唔會食落好似一舊粉咁。淨買生雲吞一打$30，都幾抵食。牛腩麵($15): 好多人食, 我食過幾次, 個人唔太好牛腩, 無咩特別大印象。冬菇米($13): 近排常常吃, 佢的冬菇炆得好林好入味, 但偏咸, 用來送米粉一流。油菜($6): 最鐘意食通菜, 冬天無得吃了。魚蛋河我都食過, 唔算好驚為天人。牛肉河我都食過, 牛肉好滑, 但唔太夠味。重點推介：辣椒油！不能不試！送雲吞麵最夾！是目前為止我最鐘意的辣椒油, 佢辣得來勁香,食過就知有幾好食。買過兩支返屋企, 但都係新鮮係鋪頭食最正。平靚正的麵鋪香港買少見少, 人工租材料都貴, 要多多支持下呢D咁有實力的鋪頭！…查看更多

一直唔知雅蘭有間素食館，經開呢頭就試下~兩個人，唔太餓，所以只叫了兩個餸：溫公齋煲....南乳味不算太濃，剛剛好, 冬菇夠入味，有好多料，味道OK！香竽焗飯，正！超香！都幾大碟.....炒飯底，面蓋上竽頭茸，內有竽頭粒及素肉之類，好香竽頭味，口感好好，不過係咸左少少，可以淡返D就完美了！個焗飯等左好耐，要催先上，唔知係漏單定係真係要焗咁耐.....出乎意料之外地好食！非常足料，蓮子百合陳皮原粒紅豆......免費送的甜品都咁正！要俾錢買我都願意！好過好多糖水鋪多多聲~總結：兩人試唔到太多菜，下次一於再去食！不過人好多，個場好旺，都幾嘈。…查看更多

之前有搜尋過尖沙咀區的素食店，睇過這間評語，已不抱太大期望的去試，星期日晚市，七點二去到，竟然不用等位坐底點菜，點了個二人餐：上菜前先來個餐前小吃：清爽，咸咸地，好吃~上菜速度奇高！不過食物是夠熱的，相信唔係整定放左好耐那一種...先來冷盤：蜜汁燻魚，幾有口感，不過個人對於扮肉的素食沒有太大好感，但佢個汁都OK好食的再來是冰梅燒骨，當然沒有骨啦....甜甜酸酸幾開胃，值得一讚是菠蘿好新鮮！岩曬我呢個菠蘿怪！帶子蒸豆腐，我唔太好豆鼓起勇氣西芹，食左少少罷了.....這道菜比較遲上，應該是即蒸的，都好熱(我至怕D餸唔夠熱！)蟹皇翅.....應該是南瓜茸....口感OK, 淡左少少, 當湯飲囉甜品綠豆沙，送的東西不能太高要求，不過都唔錯，有沙，有香味，足料的！關於服務態度：職員收碟速度和上菜速度一樣奇高，不過都無好明顯咁趕人走，可能當晚無咩人。總結：可以一試，我見好多家庭來吃，大枱比較多，當聚會地方應該都OK的，勝在「扮肉的齋」夠多款式揀。 …查看更多

本來一心想去食興記的煲仔飯+支裝可樂，點知去度先見到興記話端午節休息兩天.....嘩，好勁，可以係假日休息。於是乎求其去左一間，生記，之前都食過，不過不我普普通通咁，入去前順口問下有無支裝可樂(即玻璃瓶裝)，個職員好悔氣咁話：而家所有餐館都係賣罐裝架啦！算，唔同你嘈。叫左一個章魚雞粒飯同炒通菜：落左ORDER唔夠5分鐘碟菜已經上左枱，唔係太熱，唔夠鑊氣，好普通個飯完全唔似係煲仔飯，好似係放D熟左的飯入個煲度再加D餸係面蒸咁，重點係唔夠10分鐘已經可以上菜，朋友笑笑口咁話：你地呢度都幾快手喎，個阿姐答：梗係啦一早整定家嘛，要新鮮煲果D, 40幾蚊果D煲先有(暗示：你呢個飯廿幾蚊點會同你鮮煲呀).....伙記態度差都算啦，有個疑似老細的人，見我同朋友面對面咁坐係張圓枱度(圓枱大約可坐5人，但一邊係靠牆)，一邊執枱上的杯一邊閃閃縮縮地說：你咁坐人留返呢兩個位人地好難佳架喎...我答：咁你果個位張枱下面放左兩箱飲品，頂住我隻腳我都好難坐架喎朋友就同個老細話：我地好快就食完架啦老細仲要串嘴地回答：張張枱都話好快食完架啦....(跟住就走左去)我心諗，果兩個位絕對容許有人搭枱，如果個老細好聲好氣話叫我「麻煩可唔可以坐埋一邊呀」或者我都會就下佢最嬲係，過左一陣，老細又係度同D伙記講(順便講埋俾我地聽)話我地兩人咁坐阻住張枱之類....其他客入到黎，明明有幾張吉枱都要先叫人搭枱，話驚等陣有7.8個人入黎無枱喎......於是食左半個鐘就走左，期間都唔係有好多人，後面張大枱都無人坐，我地張枱就更加無人黎問搭枱啦整體黎講，食物普通得不能再普通，態度又差，BLACKLIST，下次一定唔去！…查看更多

大約在一年前開始吃, 第一次吃簡直驚為天人, 因為無EXPECT係呢D街坊鋪可以食到咁好味, 之前覺得佢有少少似尖沙咀星林居的湯底, 不過最近湯底好像沒有以前好吃了....希望佢地可以KEEP住水準有次想夜晚去吃, 點知原來佢收好早.....真係唔憂做....無食過的可以一試, 腩肉好味…查看更多

LUNCH, 隨便揀左間日本野走入去食, 1點左右, 無咩客人, 有窗口位坐點了鴛鴦飯定食($68?), 友人點了兔角定食($60)點餐期間才發現待應不懂廣東話, 所以用簡陋的英文及指手劃腳完成點菜, 不過待應(我懷疑佢係老闆娘)好好耐性, 完全無不耐煩, 仲成日過黎幫我地斟水, 非常殷勤的服務鴛鴦飯我本以為係細細碗, 點知係normal size, 仲要係2大碗, 加埋個udon, 嘩, 睇到都飽, 點食呀~~最後當然係食唔曬, 仲有個芝麻雪糕做甜品食物質素ok, 份量ok, 環境很好, 很靜, 有機會可以再試旁邊的客人都是講日文......下次我識得用日文點菜就好啦......…查看更多

一路以黎都無飲過come buy, 我知好出名, 但因為太多人所以無排過隊...見無咩人, 咪試下, 招牌珍珠奶茶, 正常甜正常冰, 一飲------>>勁普通！！可以話係完全無茶味, 唔需要compare邊間, 因為真係我用lipton茶包沖的奶茶仲香....唉....而家d水準係咁跌....…查看更多

早兩個禮拜去食,而家先補返食評叫左個紅燒牛肉面, 都話曬係招牌菜, 點知係令人勁失望...d麵好少牛肉一般羅白唔入味個湯好油 (唔同人地台灣牛肉面果種濃味的油, 佢係真係只得"油"果種)講真, 鍋貼大王的牛肉面仲好食過佢多多聲, 價錢仲要係佢既一半tim值得一提, 服務員效率其高, 食完我一放低快子佢就即係收我隻碗, 勁！…查看更多

行過見到, 買左條黃心蕃薯來試下, d質感似係蒸咁, 都幾濕, 好甜, 佢聲稱係台灣運黎喎~$6/100g, 我買左條正常size, $14 , 同街邊少粟子檔的差唔多價錢…查看更多

行到好熱，見平日勁長的隊又無咩人，試下啦...剛剛去完台灣返來，已經飲左無數咁多珍珠奶茶了，有點上癮......今次order：焦糖奶茶+珍珠 , 正常甜感想：同台灣周街賣的奶茶差唔多，味道ok, 珍珠都好有咬口，不過無咩味道。奶茶不過不失，都飲到茶味的。唯一係太大杯，飲唔曬。叫少冰會好d。…查看更多

4點幾食返個下午茶叫左特色藍莓多士加芒果綠茶, 杯茶ok, 多士炸得唔夠熱, 無乜藍莓味, 一set $20 , ok啦男友叫左個酸辣燒排骨米線，等左好耐, 但值得的！d排骨煮得好！我試左幾舊, 真係好食。但米線的湯底就麻麻。一set$26…查看更多

叫左幾個點心, 可能成12點先去, 所以點心不太新鮮鳯爪：好濃, 都OK排骨：係最好味的, 夠滑燒賣：自己整叮叮點心好過um 春蛋的燒賣：好普通腸粉：自己整叮叮點心好過本來諗住叫個套餐飯, 不過見d點心質素咁........都係走人total$60幾…查看更多

我唔知呢間野出唔出名, 經過見到無乜人, 已經11點就是但食啦, 想食D熱野,合桃胡又無,唯有叫薑汁撞奶啦, 夜有個小弟弟係度整甜品, 店面坐緊果個好似係老細。夜晚無乜人, 所以我男友走左入廚房睇小弟弟整撞奶都無人理~幾好手勢呀~一陣就整好~眼見咁易我都想返屋企試下整！碗奶就OK啦, 用維記牛奶, 都係奶味加薑味咁,夠新鮮夠熱所以幾好味。男友叫左個類似雜果西米的東西, 我試左一啖, D汁不太濃, 好普通, 大粒的西米太腍, 不夠彈牙, 不過$16想要D咩呀, 人地彩虹甜品要成廿幾蚊碗喎~…查看更多

前兩日去長洲, 去之前都無SEARCH過邊間好食, 隨意去左一間, 見D野都幾平, 試左幾個小菜：炒蜆：蜆肉比較少, (其實間間都係殼多肉少的),十隻之中只係一兩隻有沙, 可以接受, D汁好濃, 送飯就好蒸立魚：麻麻, 個人喜歡滑D的魚, 這個比較普通椒監九肚魚：估唔到係海鮮檔食竟然比起係普通大檔更差！D魚勁多骨！九肚魚應食唔出D骨家嘛！不過炸得幾新鮮就真既...瀨尿蝦：好多膏！都幾好味, 係細隻D姐蝦膏炒通菜：咸…查看更多