坐底點菜，點了個二人餐：
上菜前先來個餐前小吃：
清爽，咸咸地，好吃~
上菜速度奇高！不過食物是夠熱的，相信唔係整定放左好耐那一種...
先來冷盤：蜜汁燻魚，幾有口感，不過個人對於扮肉的素食沒有太大好感，但佢個汁都OK好食的
再來是冰梅燒骨，當然沒有骨啦....甜甜酸酸幾開胃，值得一讚是菠蘿好新鮮！岩曬我呢個菠蘿怪！
帶子蒸豆腐，我唔太好豆鼓起勇氣西芹，食左少少罷了.....這道菜比較遲上，應該是即蒸的，都好熱(我至怕D餸唔夠熱！)
蟹皇翅.....應該是南瓜茸....口感OK, 淡左少少, 當湯飲囉
甜品綠豆沙，送的東西不能太高要求，不過都唔錯，有沙，有香味，足料的！
關於服務態度：職員收碟速度和上菜速度一樣奇高，不過都無好明顯咁趕人走，可能當晚無咩人。
總結：可以一試，我見好多家庭來吃，大枱比較多，當聚會地方應該都OK的，勝在「扮肉的齋」夠多款式揀。
