bearz的個人專頁

用半價app搵到呢間，好耐冇食印度菜，book左6點到，我地第一枱客，被安排窗邊位。環境舒適。服務態度好，坐低冇耐就遞上毛巾比我地抹手。隨後即送上餐前小食，不過飲水要另加錢，好似係$2x支點左羊肉咖喱角，好多餡，幾香囗。鐵板燒雞及咖喱羊都好好味，洋蔥薄餅好香好鬆軟，配咖喱好正，充滿印度風味唯獨是印度拉茶味道一般，好淡同得小小香味～原本擔心一次過食物送上枱會放唔落，因為張枱唔大，不過原來佢地會將食物食完一碟再上一碟，慢慢品嚐，感覺幾好～…查看更多

在尖沙咀返工，閒時都會走去附近茶記tea一tea~ 平時通常會黎呢間食茄牛面，因為天氣熱，唔想食到熱辣辣，所以今次點左個炸魚柳拼沙律。魚柳0k好脆，但個沙律冇乜味，而且感覺一d都唔凍，我估應該放左室溫一段時間。到夜晚胃開始唔舒服，仲以為自己普通胃痛食左粒胃藥以為冇事。點知半夜開始黎料，痛到抽筋、又嘔同痾到死死下。去睇醫生，話我急性腸胃炎，應該食錯野。其實我都唔想亂屈人，所以問返果日中午一齊食飯朋友，我地食同一樣野佢地都話冇事，反而我自己下午茶食左魚柳沙律大約兩個小時左右就開始唔舒服，所以連醫生都話好大機會係沙律出事而家夏天食物處理唔好好容易有細菌，希望呢間野d廚可以提高警覺，下次出現大型食物中毒，就好快玩完。不過經此一役，我應該唔會再幫襯⋯…查看更多

d服務完全唔掂！係超唔掂！根本就係趕客！d師奶阿姐完全唔係做野，3條友只係掛住傾計，仲要係好似街市賣菜咁bi li bala! 勁大聲！ 全間舖頭只係聽到佢地喧嘩，反而d客完全冇人出聲！ 坐在一陣，以為自己去左賓墟，嘈到頭痛想爆炸！ 入到去好明顕冷氣唔夠，唯有揀近門口，之後見過有超過10個客人入來，果3個師奶依舊大大聲傾計，係冇理過d客，d客見唔夠冷氣又冇人理咁就走左，但果3個師奶眼都冇瞄過d客人，只顧傾計。我叫左碗杏汁雪耳，成碗都係雪耳又杰又甜！杏汁撈雪耳會貼切d，因為根本冇乜糖水可以飲到！難食！其間聽到其中一個師奶員工大大聲呼叫乜乜糖水係邊個要咖？叧一個又話送錯比呢枱、又送錯比果枱！一係又嘈廚房煮糖水果個撹錯哂d order! 3條友又開始bilibaba! 嘩！大佬！你地傾少一陣計，寫單果個同煮果個專心d咪唔會錯囉！得果幾枱客都可以撹成咁！ 如果我係老闆，真係多得3個師奶唔少！我經常幫襯海記，但土瓜灣果間起碼服務好好多，呢間絕對冇下次！…查看更多

尖沙咀台式奶茶越開越多，沿住厚福街、加拿芬道、嘉連威老道、差不多有10間。今次試左呢間新開（雖然新開，但台灣朋友話呢個品牌台灣已經唔興）。近期我至愛芝士奶泡，所以見到有呢個芝士莓莓就吸引去試。我買時話要少糖⋯點知收銀話冇分甜度，因為用返原莓糖槳，講完都知伏伏地。之前試過好幾間，包括大陸喜茶，通常飲芝士xx個杯蓋有個洞可以先品嚐芝士味, 大啖啜就可以飲埋兩溝，完全唔洗飲管。但想唔到呢間仲沿用舊款杯，第一啖只可以飲到下面d苺味果汁，仲要甜到好似飲左一大啖超甜糖水咁，d莓味又假，要等d芝士溶埋落去，已經比甜味蓋過哂所有，飲左兩啖已經飲唔落去⋯…查看更多

天氣悶熱，見呢間食湯飯都唔錯，所以走入去坐低。睇menu, 見窩旦鮮茄豬潤牛肉賣相ok，所以就order. 點知餐送來⋯ 我第一句問阿姐：「咦？點解冇窩蛋？」阿姐都覚得懷疑，後來用隻匙羹撹下，噢！見到有少少蛋花物體⋯ 阿姐即刻話：「呢，咪有蛋囉！」幾時窩蛋改左蛋花昵？ 算！ 忍佢！我再夾起一塊牛肉入口，嘩！乜d牛肉入口即溶，仲淋過豆腐！完全冇肉味，d鬆肉粉乸到不知所謂！ 再試夾豬膶⋯ 一塊比指甲大片少少嘅豬膶超鞋，再夾⋯ 不得了，無名火起到昵⋯ 我只係夾到兩大塊又筋又散亂嘅渣！離哂大譜！我立即投訴，但佢地只輕描淡寫地話換，不過唔係煮過一碗，只係比我㨂另一個餸。最後換左兩舊仔一d都唔軟嘅豬軟骨比我囉！完全中伏，睇黎昵間應該做唔長～…查看更多

來到旺角行街，突然好想食拉麵，於是上openrice搵下料，見呢間評價好似唔錯咁，所以特登走去試。叫左碗赤神，一夾起叉燒⋯咦？點解得幾條豬皮嘅物體？原來塊叉燒甩皮甩骨咁散開哂⋯ 一口食落去，同白烚豬肉完全冇分別，腦海即刻浮現阿媽拜神時烚果舊肥豬肉一樣，又鞋又冇味 話係赤神，諗住辣辣地，點知BB辣味都冇。朋友叫左特上大盛拉麵，每樣一小片肉，都唔知邊一忽係特上邊一忽係大盛又話濃厚豚肉湯底，完全唔覺有好濃郁豬骨味。都唔知係咪用左「業務用現成湯底」，味道感覺唔太天然。另外叫左個串燒拼盤，其中一串明明話係豚肉串，點知一咬開有血生生地，我懷疑地問侍應究竟係牛肉定豬肉，佢見d肉有血先話幫我地換，如果唔為意一啖入左口就真係一句講哂，完全中伏。睇黎昵間野唔知捱唔捱到租約到期…查看更多

之前响openrice得悉呢間新開韓燒，所以特意來試試。因新開張，下午六點才開始營業。我地準時到，幸好唔需要等好耐就入座。不過可能人手實在不足，我見座位未full佢地已經暫停收客。幸好早去，7點幾已經見人龍排到樓下。無論環境，甚至燒烤爐都跟韓國當地相似，播住kpop music，以為自己又去左韓國我地點左個2人牛肉套餐及單點泡菜豬肉辣湯套餐拼盆分量不算很大，不過肉類真係幾正特別係爐邊烤蛋，跟韓國當地BBQ一樣，亦係吸引我黎原因～ 第一round免費，食完如再加，則要加$25配菜好多而且無限添加另外單點泡菜豬肉辣湯，夠辣又夠味，唯一美中不足係佢唔包白飯，出面韓國餐廳都包，有少少失望服務方面，有位韓國侍應會走黎幫你燒，當然亦可以自己燒。雖然人手不足，但侍應都好勤力經常幫你加水加配菜及換網，值得一讚👍**過唔知係咪d生菜洗得唔乾淨，或者用水喉水冲完唔晾乾，我食左好多，攪到之後腸胃炎 （因同檯朋友食好多肉同其他野都冇事，但就少食生菜）…查看更多