2Rhk的個人專頁

入到依間大坑小店，都未知係食乜嘅。座位唔多，好彩訂咗位，坐低冇耐就客滿嘞。每張枱都放咗一個細細嘅燒烤爐。打開餐牌，嘩，原來係殼餐，乜嘢貝類都有。第一次嚟，就試個二人套餐啦。先嚟一碟全貝類刺身，有北寄貝、帶子同埋象拔蚌，都幾鮮甜。第一輪燒烤，侍應將大硯、榮螺、帶子同埋大蝦放喺燒烤爐上面，特別提到要用錫紙冚住啲榮螺，如果唔係嘅話，隻螺會跳出嚟。唔係吓嘩？咁生猛？話口未完，砰一聲隻螺真係跳喎！好彩有冚住。侍應熟手咁處理啲海鮮，加埋些少醬汁，燒到啱啱好，鮮甜，好味！第二輪，燒螺肉幾香幾有咬口，墨魚咀都唔錯，仲有燒吞拿魚，原本以為會"鞋"，點知燒得唔過老，夾埋大葱一齊食，口感幾唔錯喎。燒香腸就普普通通啦。最後當然係蔬菜啦，有冬菇、南瓜、番薯，大路嘢，都冇失望。唔夠喉，追加鮑魚同埋魔鬼魚翅。鮑魚係即叫即時喺魚缸撈上嚟，先係殼向下放喺燒烤爐上面，隻鮑魚典嚟典去，轉嚟轉去，苦苦哀號，垂死掙扎，何其殘忍，但係............... 侍應掌握時間，將鮑魚翻轉，鮑魚終於唔郁嘞，侍應細心去殼，將鮑魚切片，再放番去殼上面，加上醬汁，搞惦，非常好味，唔會過熟，好咬口，唔韌，鮮甜，正！侍應將魔鬼魚翅整齊放喺燒烤爐上面，翅邊末端喺爐邊以外，以免燒焦。燒好嘅魚翅幾香口，帶啲魚肉同埋軟骨，幾好口感，不過再燒得乾身啲，再焦少少就好嘞。都食得幾飽，滿足！…查看更多

隱藏於舊水警總部的一間中菜館，古色古香的裝修，環境雅緻，桌上鳥籠裝飾和裝牙簽的三寸金蓮鞋子頗有心思，唯牆身用上太多通花木門做裝飾，設計上略嫌過火而有點眼花瞭亂。星期六晚客人不多，比較幽靜。侍應禮貌，招呼得宜。菜牌上有很多懷舊和創意的菜色，配上頗有趣的名字，可見一番心思。點了以下幾款菜，大都賣相不俗。蜜桃鴨 ----- 鴨胸片和桃片梅花間竹的排滿一小碟，配上特製蜜桃醬，桃和鴨肉味道頗配合，使帶少許肥的鴨胸感覺不膩，不錯。蝦兵 ----- 趣怪的菜名，原來是牛油果蝦卷，放在滿滿的炸脆米粉堆上。這個配搭頗新穎，不過牛油果味道不突出，蝦的鮮味亦不足，普通普通。杏汁豬肺湯 ----- 豬肺沒有怪味，可見準備功夫做足，可惜杏香稍遜。麒麟柚皮花膠 ----- 柚皮跟金華火腿和花膠夾在一起，賣相、口感和味道都不錯，如果花膠厚一點會更佳(相信價錢都會更貴)。玻璃蝦球 ----- 最不滿意的一味菜，小小的兩件蝦球，放在一小小碟子上，並不吸引，伴碟非常"娘"。蝦肉實而不爽，鮮味欠奉，水準不及格。紅梅素石榴 ----- 用生菜代替蛋白皮，包裹着素粒粒，爽口，不過太爽口，粒粒中紅蘿蔔和馬蹄太多，如果黃耳的比例增多會使口感較平均得宜，而用捲心菜代替生菜會令味道較鮮甜。魚湯泡飯 ----- 魚湯中可找到蝦乾、魷魚、瑤柱等，加上芫茜，味道不錯，反而飯粒偏少。甜品 ----- 罕有的沒有點甜品，菜牌上竟然找不到有特色的甜品。大致上水準一般，環境好過味道。…查看更多

據聞此店以爐端燒聞名，可惜太遲訂位，只能訂鐵板燒，即管一試。此店位於101樓，其無敵觀景當然是吸引力所在，可惜當晚大霧濛濛，什麼都看不見。店內裝修簡潔，但無特色，除了景觀，店裏略欠高級食店的舒適環境和氣氛。當晚七時半到達，客人不算多。不像很多其他鐵板燒店，此店並無為客人配備圍巾，而掛在椅背的外套，亦無罩上套子，以這樣級數的食店，這似乎未夠周到。點了一份海鮮餐和一份和牛餐，前菜頗精緻，包括鮟鱇魚肝、魚子等等，味道還不錯，緊隨的刺身就不像話，跟一般價錢較平宜的壽司店的分別不大，並不是最新鮮頂級的食材。海鮮方面，蝦、鮑魚、帶子、喜知次、蜆等食材都不俗，和牛反而較普通，油脂分佈不算上品。鐵板師傅服務有禮，食物上碟亦細心，可惜功架稍遜，味道欠佳：和牛帶不出應有的肉汁香味；喜知次伴以洋蔥，酒味過重，失去喜知次應有的鮮味和口感，非常失望；帶子放在貝殼上，醬汁太多，亦蓋過鮮味；鮑魚內臟在鐵板上變成黑麻麻，食慾頓失；我原本最期待的炒飯最失敗，過鹹兼不夠乾身。侍應和師傅的服務大致不錯，但以這類高級食店而言，卻嫌不夠細緻周到 ，加上這樣的價錢，嚐到這樣的味道，實在不值:(未嚐過此店強項爐端燒，但鐵板燒就實在不行。…查看更多

朋友八個月前已經訂咗位，等咗咁耐，差啲都唔記得咗。諗住有餐好嘢食，點知…唉，差極！味道欠佳，冇乜特色，欠缺私房菜嘅精緻，跟坊間嘅齋舖素食館冇乜分別，完全冇驚喜，仲要每人三百幾，唔值！一圍枱十二道菜，全部都改咗啲唔知係乜嘅名，既不雅致，亦不貼題，已經唔記得哂。涼拌珊瑚 - 感覺清新，但係味道唔突出，普通前菜一碟。炆冬瓜 - 依個係最有特色嘅一道菜，一大舊冬瓜炆到海參咁嘅色，口感同味道已算唔錯，不過做得粗糙，毫無細緻層次可言。翠瓜烙+素春卷 - 翠瓜烙睇落幾得意，好似炸軟殼蟹咁嘅樣，但係咬落又唔脆，又唔香，口感欠佳，味道淡淡唔突出。素春卷仲差，唔熱唔脆，冇味，唔合格。秋葵+南瓜+翠瓜 - 三種原本唔錯嘅蔬菜，冇意識咁放埋一齊，完全冇相輔相承嘅效果，再加上一個九唔搭八嘅沙爹醬，失敗！炒雜菌 - 不能理解私房菜竟然食到咁嘅一道菜，普通過普通。素羹 - 又話乜嘢湯底咁巴閉，未至於難食，幾種素料煮埋一煲，唔香，冇口感，唯一特色係加咗檸檬葉絲，反而有啲意想不到嘅效果。素雞 - 望落真係好似切雞伴住中間嘅青菜，都只不過係一般嘅素雞，咁都係私房菜？蘿蔔炆牛腩 - 望落真係好似，但係個所謂秘製柱侯醬唔香唔夠味，蘿蔔唔靚唔入味，扮肉低層次。炒米粉 - 雖然素食大多清淡，都唔洗淡成咁掛，又唔熱。炒飯 - 炒得唔油膩，但係又係唔熱唔香，兼且味道怪怪，唔鍾意。美點雙輝 - 煎南瓜餅，又係唔熱唔香，非常一般。土伏苓糕，冇乜特別，唔算差。淮山糖水 - 最差嘅糖水，水稀稀，又話有西米，又話有綠豆，每碗得嗰幾粒。…查看更多